قف وتامل كل حرف عسى ان تفكر فى المعنى

01:04 AM February, 05 2023

سودانيز اون لاين
مصطفى نور-امريكا نيوجرسي
مكتبتى
رابط مختصر

❤️🌼"ليتنا نملُك في حياتنا ❤️🌼حق الإعادة ،
❤️🌼إعادة لحظة ، إعادة 🌼❤️🌼شعور ، ضحكة ،
"🌼❤️لو كانَ بإمكاننا إعادة 🌼❤️الحياة بأكملِها ..
🌼❤️"لفَعَلنا..وجعلنا الزمن 🌼❤️يتوقف عندَ ما نريده ..
❤️🌼"لا نريد أن نكبر ، لا نريد ❤️🌼ٱن نتعلم وننضُج ..
❤️🌼"نريد أن نبقى بذاك ❤️❤️🌼النقاء ، بتلك البراءة..
🌼❤️"نريد استعادة سعادتنا 🌼❤️من جيوب الحياة 🌼🌼❤️القاسية....
🌼❤️‏لتكن كلمتك سلام
❤️🌼ولتكن معاملتك لطف
❤️🌼وليكن حضورك فرح
❤️🌼وليكن غيابك شوق
❤️🌼دع المعنى الجميل 🌼🌼❤️يعبرعنك أينماكنت
🌼❤️ليس سهلاًأن تصنع 🌼🌼❤️لنفسك روحامحبوبه
🌼❤️ولكن من السهل أن ❤️❤️🌼تكون خلوقا
❤️🌼ليرتاح بقُربك الآخرون
❤️🌼هناك أرواح عظيمة
❤️🌼يكفي أنهاتتمنى 🌼🌼🌼❤️الخيرلكل الناس 🌼🌼🌼❤️ولاتؤذي أ
🌼❤️‏يا نسمات الصباح هبي 🌼❤️بسلام
❤️🌼⚘و أطرقي باب الأحبة ❤️🌼بإحترام
❤️🌼و أفيضي العطر من بين ❤️🌼الغمام
🌼❤️⚘و أطربي كل البلابل 🌼❤️والحمام
🌼❤️وسلمي أحلى سلام
🌼❤️⚘للأحبة اللي لهم بالقلب ❤️🌼أغلى مقام
❤️🌼صباح السعاده لقلوبكم🌼❤️🌼❤️🌼❤️🌼❤️❤️❤️❤️❤️❤️❤️❤️❤️❤️❤️❤️❤️

يا ولدي الرجالة حارة والشنب الخاتنو لينا زي التصادم في وش العربية دا، ما ختوهو ساي!
قال
تعرف يا خال مرات بكون عندي شغل في حتات بعيدة فبشيل شنطتي دي بخت فيها كم غيار وببقى مارق. يوم جيت الميناء البري من سفر وركبت حافلة كبيرة وقعدت في مقعد جمب الباب والحافلة يا الله يا الله اتملت المقاعد، وما فاضل غير الكنبة الورا ومقاعد النص وفي اللحظة دي جات بت من بنات الثانوية كانت بت جميلة لفتت انتباهي حقيقة لانها وقفت في الباب ولقت ما عندها خيار غير تمشي تقعد في المقعد الاخير، ولما اتحركت شنطتها شبكت في الباب وانشرطت وتوشك الكراسات والكتب والاقلام اتشتتن هي ارتبكت وما عرفت تلقط ياتو حاجة، وجو كم نفر دايرين يركبو فقلت ليها امشي اقعدي في مقعدك وخلي الحاجات دي هنا بنناولك ليها.
بديت ألملم ليها حاجاتها واتاملت الشنطة لقيت الجلد بتاعها انهرد ومخيطة كم مرة خياطة فوق خياطة وبألوان مختلفة وحسيت أني مهما لميتها مع بعض برضو ما بتشيل باقي الكراسات والكتب، اتحيرت اعمل شنو واتلفت وراي عاينت ليها لقيتها من الخجل لما دمعتها سالت.
جمبي عمك كبير فوق للسبعين كان بعاين لي وعيني وقعت في عينو لقيتو صاري لي ونهرني قال لي: "انت آجنا عوير .. غير ليها شنطتها بي شنطتك دي .. لو وصلنا السوق الشعبي بتشتري ليك واحدة مستعملة بألف جنيه أخير من شنطة البت دي"، عمك تقول بقرا أفكاري، مرقت هدومي عصرتهن في شنطة البت وعمك حاضن الكتب والكراسات لحدي ما انتهيت من التوضيب ودخلنا الكتب والكراسات في شنطتي ورتبناها زي شنطة بتنا الصغيرة في البيت، عمك مرق قريشات ختاهن في جيب الشنطة والزول الجمبنا ومرة شايلة شافع ابتسمت وختت حاجة، والكمساري قال لي انت يا خال معلم والله، ودخل يدو في جيبو الورا مرق الفيها النصيب أثناء ما بيخلص في الحافلة ورجعنا كلنا سكتنا ونسينا الموضوع.
البت لمن جات نازلة عمك ناولها الشنطة وهو بحمر ليها في وشها وقال ليها شيلي دي حاجاتك جواها والبت ارتبكت وخافت قال ليها يا بت شيلي خلي الحافلة تمشي هي اصلا شيلة عرس، شيلي ساي وامشي، وكورك للسواق اتحرك يا خينا امرق بينا. العربية مشت والبت شفتها واقفة مستغربة تعاين لينا وباقي الركاب مستغربين الحاصل شنو.
بعد مسافة عمك خت ايدو في ايدي وقال لي يا ولدي الرجالة حارة والشنب الخاتنو لينا زي التصادم في وش العربية ما ختوهو ساي، راجل يعني راجل، يوزعوك في وكت كرامة للمرا والضعيف والجعان، يوزعوك كسوة يوزعوك عيش. المهم تتوزع كرامة وكت الحوبة وانت يا ولدي راجل صاح، أمك وابوك يفتخرو بيك.
لحدي هسة ما قادر اتخيل شكل البت دي لما تصل البيت وتلقا جيب الشنطة برضو فوقو قروش حتعمل شنو ولا احساس أهلها حيكون شنو.
💚💚💚
حباب الدموع في المواقف الزي دي
🔆🔆