فات الميعاد .. فيديو حفل ام كلثوم في المسرح القومي بامدرمان 1968

00:09 AM February, 04 2023

سودانيز اون لاين
يحي قباني-فى الدنيا العجيبة
مكتبتى
رابط مختصر

أيام الجنيه السوداني بيسوى 3 دولار و ربع ..
و ايام السودانيين كانوا محل احترام العالم كله ..
و ايام السودان كان جهة عمل و اغتراب للمدرسين المصريين ..
و ايام السودانيين ما كانو بكرهوا روحهم او بكرهوا اي بلد تاني ..
و ايام السودانيين كانوا صادقين و متصالحين مع رقبتهم ..

الحفل كان ضمن حفلات ام كلثوم الخاصة بالمجهود الحربي المصري و التي ذارت فيه معظم دول العالم العربي و بعض دول اوروبا بعد نكسة 67 ..
قدمت حفلتنين في يومين في السودان على يومين .. في 26 و في 30 ديسمبر 1968
الحفل كان قبيل انقلاب مايو و مجيئ سيء الذكر جعفر نميري بشهور قليله ..

فات الميعاد من كلمات الشاعر مرسي جميل عزيز و الحان الموسيقار بليغ حمدي .. انتاج 1967 و لحنت على مقام السيكا

يا سلام يا قباني! "فات الميعاد" قمة إبداع بليغ حمدي وخروج عن المألوف في الموسيقى والإيقاع.

ياتو مقام بالله ما استعملوا في الأغنية دي؟ بس ملاحظتي أنه ما استعمل مقام السيكا إلا في حتات قليلة. الأغنية فيها نهاوند وبياتي وراحة الأرواح وراست وحجاز وكرد وصبا.

بعدين أنا في تقديري بليغ هو أعظم ملحن مصري وأغزرهم إنتاجًا. ولو حسبت أفضل 10 أغاني لأم كلثوم، حا تلقى فيها على الأقل 5 من ألحان بليغ.

أنا ما زول متخصص موسيقى ولكني مستمع كويس للغناء المصري ومرات مرات بهبّش في الأورغن وبطلّع نغمات جربندية ساي وبالحفظ من السمع.

مشكور على هذه التحفة الفنية الخالدة.

اختيار جميل ….

Quote: ا سلام يا قباني! "فات الميعاد" قمة إبداع بليغ حمدي وخروج عن المألوف في الموسيقى والإيقاع. ياتو مقام بالله ما استعملوا في الأغنية دي؟ بس ملاحظتي أنه ما استعمل مقام السيكا إلا في حتات قليلة. الأغنية فيها نهاوند وبياتي وراحة الأرواح وراست وحجاز وكرد وصبا. بعدين أنا في تقديري بليغ هو أعظم ملحن مصري وأغزرهم إنتاجًا. ولو حسبت أفضل 10 أغاني لأم كلثوم، حا تلقى فيها على الأقل 5 من ألحان بليغ. أنا ما زول متخصص موسيقى ولكني مستمع كويس للغناء المصري ومرات مرات بهبّش في الأورغن وبطلّع نغمات جربندية ساي وبالحفظ من السمع. مشكور على هذه التحفة الفنية الخالدة.

دكتور محمد يا رجل يا بديع ..

اولا كل احترامي و تقديري لكل كلمة في مداخلتك ..

بليغ هو افضل من لحن لام كلثوم بلا منازع ..

و اتفق معاك انه ام كلثوم خرجت من مقام الراست لكل المقامات الاخرى و دي كانت ميزتها لقوة صوتها و مقدراتها الهائله ..
الملحنين كانو بيتباروا في وضع الجمل اللحنية المعقده و كانو عارفين انها حتجيدها ..

اغنية أنساك .. لحنها ايضا بليغ في عام 196 و برضه مفروض على مقام الصبا و الرست ..

ام كلثوم بتغنيها بنفس اللحن في كل تسجيلاتها ما عدا حفل واحد ..
مسكت الكوبليه البقول:
كان لك معايا اجمل حكاية في العمر كله ..
سنين بحالها ما فات جمالها على حب قبله

ام كلثوم في المقطع ده حسب ما افادني ابن شقيقتي استاذ المقامات الشرقية انه المقطع ده بالترتيب ام كلثوم مشت في مقاماته كالتالي:
بوسليك - صبا - عجم - عشيران - شوق افزا - بياتي - و قرجغار و اضاف كل ده في مقام الصبا .. فلم تخرج عن الموضوع لكنها ادت جمل غنائية موسيقية نادره ..

ده المقطع العجيب :

Quote: اختيار جميل ….

أميره يا صديقة ..

ده زمن كنا بنمشي اي سفاره اوروبيه و نجدع الباسبورت و نمشي نفطر و نجي نستلمه بالفيزا بدون كلام و لا سلام ..

مشكور قباني على السلطنة العالية في أغنية (أنساك).

وطبعًا أكيد إنت عارف أنه هناك من يقول إن مدخل هذه الأغنية من ألحان زكريا أحمد وجاء بعديهو بليغ كمَّل باقي الأغنية. لكن لعله مجرد كلام لأنه نفَس بليغ واضح في الأغنية.

بالرجوع إلى أغنية (فات الميعاد)، دي روابط عن تحليلها موسيقيًا:

Quote:

Quote:

Quote:

ودي محاولة لي قبل سنتين و3 شهور (10 أكتوبر 2020) لمتابعة متواضعة بفلوت الأورغن لمقدمة (ألف ليلة وليلة) وزي ما قلت ليك جربندية ساي من الحفظ بالسمع.

Quote:

يا دكتور

زولك ده لخبت في حاجات كتيره

اول شي الايقاع ما مقلوب و تاني شي اهم اعجاز و خروج عن المالوف في فات الميعاد انه المقدمه الموسيقية نهاوند و حجاز كاركرد و الغنا بعد داك دخل مقام سيكا .. و هي مقامات بعيده من بعضها ..

زولك ده ما فاهم معليش يا محمد ..
انا مشيت سمعت كلامه عن انت عمري .. و قال هو بسميهو لقاء الارتقاء لانه في الاربع سنوات السبقت اغنية انت عمري الاتقدمت سنة 64
ام كلثوم افتقدت الحان السنباطي !! لذلك اعمالها ما كانت بنفس مستوى اعمالها في العموم !! و ده كلام مغلوط
من سنة 60-64 و قبل ما تغني انت عمري و سيرة الحب في 64 ام كلثوم غنت 13 اغنية .. منها 9 الحان للسنباطي و لحن للشيخ زكريا و بيرم (هو صحيح الهوى غلاب) و هي من اجمال اعمالها ..
و بليغ 3 الحان حب ايه 1960 كلمات عبد الوهاب محمد و انا و انت ظلمنا الحب 1962 ايضا عبد الوهاب محمد و أنساك كلمات الشناوي و كلها اعمال فريده ..

زولك بفتي ساكت مع الاسف يا دكتور ..

ده ردي على الدكتور اشرف في اليوتيوب و انتظر رده :

سلامات يا دكتور .. سميت لقاء ام كلثوم و عبد الوهاب في انت عمري بلقاء ( الإرتقاء) و ذكرت ان هناك كان في افتقار و افتقاد لألحان رياض السنباطي في الاربعه سنوات التي سبقت انت عمري و وصفت الفتره بأن الاغنيات كانت اقل مستوى .. في حين ان من عام 60-64 ام كلثوم تغنت ب 13 لحن منها 9 الحان لرياض السنباطي منها حسيبك للزمن 1962 و لسة فاكر 1960 كلمات عبد الفتاح مصطفى .. و في نفس الفترة تغنت الست ب هو صحيح الهوى غلاب بيرم و الشيخ زكريا 1960 و غنت 3 الحان لبليغ حب ايه 1960 و انا و انت ظلمنا الحب 1962 ايضا و الاتنين من كلمات عبد الوهاب محمد و انساك يا سلام للشناوي في عام 1962 ايضا .. الاغنيات جميعها من درر ام كلثوم .. و لا اعتقد هناك افتقار و لا افتقاد و لا مستوى اقل .. تحياتي و جل احترامي

شكرًا يا قباني.

ما سمعت كلام الدكتور عن أنه الفترة من 60 لغاية منتصف الستينات أعمال أم كلثوم ما كانت بمستوى أغنياتها السابقة. طبعًا ما بتفق معاهو للأسباب اللي إنت ذكرتها، لكن ده يبقى مجرد رأي منه يعتمد على الذائقة الفنية زي أي مستمع عادي. أما حكاية أنه الإيقاع مقلوب، فأرى في كلامه وجاهة لأني سمعته من أطراف أخرى، لكن رغم ذلك لا أستطيع أن أجزم بأنه مقلوب.

Quote: ما سمعت كلام الدكتور عن أنه الفترة من 60 لغاية منتصف الستينات أعمال أم كلثوم ما كانت بمستوى أغنياتها السابقة. طبعًا ما بتفق معاهو للأسباب اللي إنت ذكرتها، لكن ده يبقى مجرد رأي منه يعتمد على الذائقة الفنية زي أي مستمع عادي.

تحياتي دكتور محمد ..

المشكلة انه قال انه الفترة 4 سنوات قبل انت عمري (60-64) كانت فيها افتقاد لالحان رياض .. و كان رياض السنباطي توقف وقتها ..
المدهش ان اخر اعمال رياض السنباطي لام كلثوم واحده من اجمل اغنياتها و هي القلب يعشق كل جميل لبيرم التونسي و لحنها السنباطي في 1972
و هو لم يتوقف ابدا .. فقط هو كان مستلم كل اعمالها تقريبا لعشرات السنين و حتى 1959 الى ان اتى بليغ و عبد الوهاب و الموجي ثم سيد مكاوي اغنية واحده ..

المقدمة .....عبارة عن تجسيد لكلمات القصيدة... في جو عدم التفاؤل
وممكن نقول جو حزن ... عشان كدة بليغ ابعد الايقاع.. لكن ادخله في المقطع الثالث
(مقدمة الاغنية تتكون من اربعة مقاطع)....منوعة ومرتكزة على مقام الححاز كما في المقطع الاول
المقطع الثاني بمقام فرحفزا ودا من عائلة النهاوند.... وهنا في حوار بين الوتريات
المقطع الثالث فيهو مقام حجاز كار كرد.. ودا من اشتقاق المقام الاساسي "الكرد" وهنا الساكسفون يبدع
المقطع الرابع متميز بمقام راحة الارواح معروف ب "الهزام" ودا من اشتقاقات عائلة السيكا
مقام الشجن والحزن.
لاحظوا الاغنية دي غنتها ام كلثوم عام ٦٧.... وبتغني في،مقام وتتحول لمقام اخر ...بكل انسيابية وعنفوان
وعمرها شارف على السبعين...... معقول؟ في العمر دا وتغني بكل الجمال داا

قرقرقرقرقرقر!!!!!!!!!!

معقولة؟

عييييييييييييييييك!!!!!!!!!!

في القاهرة، لما المخابرات الخديوية اخلت سبيلي من بعد الاعتقال تحت حراسة مسلحة، عشان تجرات بالذهاب للجامعة الامريكية في القاهرة لتقديم ورقة بحث تثبت نكتة عروبة السودان، او كيف هؤلاء "المصريين" وافدين واجانب، مقارنة بنا، احنا النوبيين في كمت الاضحت "مصر" اصحاب الارض، الاصبحنا بوابين او سفرجية، في ارض اجدادنا، اها لما وصلت فندق الهلتون عشان احضر حفل الختام للمؤتمر الانا جيت ليهو، الكان بي وردي، او سالتا موظف الاستقبال، وين الصالة الفيها حفلة وردي، فقال لي:

وردي، مين!!!!!!!!!

نعم، يفترض كموظف استقبال يكون عارف انو في واحد اسمو وردي عامل حفلة في الصالة المعينة!!!!!!!!!

ولكن رغم هذا ماطرش اضانو فنان كمان، اسمو وردي!!!

التحية لاهلي تاج راسي في اثيوبيا!!

وين بوستات حفلات وردي في اثيوبيا؟

ولكن في السودان واحدة زي المصرية دي، الحكومة كلها، دعك من مجرد موظف استقبال في فندق، حضرت الحفل، المحتفي بها هذه، رغم انف مرور اكثر من نصف قرن، نعم نصف قرن، عليها تخيلو!!!!

وقسما نفسي اعرف، لو هناك مصري واحد احد بسمع غنا سوداني، والسعال الديكي هل ده صدفة، ام هو واقع قرون العبودية، الاستعمار، الاحتلال، للسودان المازال مصري!!!!

شنو؟

قال ام كلثوم قال!!!!!!!!!!!

انتو مش طردوكم المصريين ديل زاتم، من اخر مهرجان موسيقي عربي، يا متوهمي العروبة؟

حتي في وكت زي ده، ورغم انف البتسوي فيهو المخابرات الخديوية، ملموميين تحتفلو بي غناية خديوية؟

في الايام الجاية السودان ممكن يولع، والخديوية ممكن باختصار تحتل الشمال لو ولع، الوضع!!!

عالم!!!!!!

Quote: في القاهرة، لما المخابرات الخديوية اخلت سبيلي من بعد الاعتقال تحت حراسة مسلحة، عشان تجرات بالذهاب للجامعة الامريكية في القاهرة

بشاشا العيان ..ازيك ياخي ..

انت الوداك القاهره شنو ؟

بعدين و الله تخيلتك حتشرد من البورد اليومين ديل كعادتك لامن يزروك بالنجيضة.. ههههههههه

يا قباني، المتكلّس بشاشا قال ليك "تجرأت" هههههه
غايتو فاكّيها في روحه جنس فكّة.
أنا طبعًا كنت متأكد أنه حا يجي طاير يفك "الشويتين بتوعو" ديل.

شفت السذاجة بالله؟ قال ليك عشان المصريين ما بيعرفوا محمد وردي. قرقرقرقرقر!

يعني بمنطقه العاجز ده الإثيوبيين ما ليهم حق يسمعوا وردي عشان السودانيين حتى هذه اللحظة ما بيعرفوا ولا اسم فنان واحد إثيوبي وكذلك الإريتريين والصوماليين والتشاديين وغيرهم؟

هسي لو جبنا فنان أبيض من أمريكا أو فنان من فنزويلا أو شرق آسيا بدل ما سمع حتى بالسودان خليك من وردي، العنصري بشاشا ما كان عتّب البوست ده، لكنه طبعًا عايز غيره يعتّل معاهو عقدته المزمنة من العرب والمستعربين ويحوم بيها في المنابر.

فات الميعاد .. فيديو حفل ام كلثوم في المسرح
شووكرا قباني
قيل ان أحسن تسجيل للاطلال كان في حفل باريس
وان هذه ليليتي كان تسجيل حفل لبنان
وان بعيد عنك تونس تعتبر من احلى تسجيلات الست
مع التأكيد ان تسجيل فات الميعاد على المسرح القومي يعتبر من اجمل تسجيلات الاغنية

بليغ يعتبر رقما في الغناء المصري بالحانه لكل الفنانين من ام كلثوم لحايم لنجاة لفايزة لوردة ولرشدى واخير ناس سميرة سعيد وميادة السورية
ومع ذلك فمتعة الاستاع لام كلثوم قد تكون ايضا في اغاني الستينات واواخر اخمسينيات مع روائع زكريا احمد ولاحقا السنباطي
أديك مثال
https://www.youtube.com/watch؟v=3CToXCR1Bhohttps://www.youtube.com/watch؟v=3CToXCR1Bho

ياقباني،
مش عديل كده، احفاد الغزاة، طردوكم من لمة بتاعة غنا عربي؟
مش قالو ليكم لاعلاقة لنا كعرب "سلم سباعي" بالسلم الافريقي الخماسي بتاعكم اتلمو ياقوم "عمو عبدو" الاهبل داك، في وعيهم؟
ممكن تجيب لينا مصري واحد أحد في موقع مصري، زي ده، يحتفي بي امنا حوا، الطقطاقة، مثلا، ولا امنا عاشة "الفلاتية" لاحظ؟
معقولة السودان كلو، بزعامة حتي السلطة المركزية يحتفلو بالغناية المصرية دي، والي اليوم، بي مجرد زيارة عابرة واحدة للسودان قبل نصف قرن؟

ده شغل نصاح؟

ام ياهو تنزيل لي واقع الجحيم العايشنو اهلنا نوبة اسوان البوابين السفرجية في أرض اجدادم، عبر القرون!!!
ماعلاقة غنا المصريين البضرس السنون بي غنانا، لولا مركب النقص؟
مش ده هو ذات راي اي مصري عن غنانا؟

ياقباني،
القاهرة، نعم كمت، مش "مصر" أرض اجدادي!
برضو بتقول لي الوداك شنو، بارض اجدادي، أو مش الجاب هؤلاء الوافدين، احفاد الغزاة، سبب دمارنا، شنو؟
سؤالي مازال قايم:
هل المصريين بحتفلو بي غنانا، كما تحتفلون بي غناهم، ولما لا؟
اشمعنا، زي كلامنا ده يضرس سنونك، أما موقف ذات المصري، في المقابل من اشياءنا، لايلفت نظرك، ولايعني اي شي بالنسبة ليك، ياقباني، أو هل ده صدفة؟

Quote: سؤالي مازال قايم: هل المصريين بحتفلو بي غنانا، كما تحتفلون بي غناهم، ولما لا؟ اشمعنا، زي كلامنا ده يضرس سنونك، أما موقف ذات المصري، في المقابل من اشياءنا، لايلفت نظرك، ولايعني اي شي بالنسبة ليك، ياقباني، أو هل ده صدفة؟

قرقرقرر!

غايتو خسارة الجواز الأمريكي اللي أدوّهو لي زول متكّلس زيّك. مساكين ضيعوا دفتر ساي.

زمان أنا قلت ليم:

Quote: تخيّلوا أنه بشاشا الذي يفرز هذا القيح بلا استحاء طارح نفسه عايز يغيّر المجتمع السوداني ويعدِل الحايل المايل. ما عارفو خرج من مجتمعه الصغير في شمال السودان متين، وما معروف قعد كم من الوقت في وسط السودان وبعدها خرج إلى العالم الأول وما معروف كم لبث هناك. لكن سبحان الله هذا المصلح الذي يريد تغيير مجتمع بأسره لو الليلة رجع إلى السودان حا يرجع بنفس الـfactory setting بتاعتو اللي طلع بيها. لا اكتساب خبرات من الاحتكاك مع ناس من ثقافات مختلفة ولا حتى تشذيب بسيط للشخصية. صفر كبييييير على الشمال. يرجع أباطو والنجم.

يا بشاشا إنت زول مخيخك مقفّل بي ضبّة ومفتاح يعملوا ليك شنو؟ إذا كان أمريكا بجلالة قدرها ما غيّرتك ولا فتّحت مداركك ولا شذّبت شخصيتك وبقّتك منفتح على الثقافات الأخرى، كيف ما تقول غناء أم كلثوم بيضرس السنون؟ هو إنت أصلاً فايق عشان تسمع غناء. ما شاء الله من زمن أركان النقاش سبعينات القرن الماضي في "كلية غرردون التذكارية" معتّل حِمل كراهية العرب والمستعربين فوق ضهرك وماشي معسّم لحدي الليلة في شوارع كاليفورنيا.

" target="_blank">

نعم حمدوك حضور!!!
الفنان ده هو افضل من ادي الغنية دي في المليون ميل مربع!!