Post: #1
Title: أردول بياع كسره فى جده
Author: مصطفى نور
Date: 02-04-2023, 07:12 AM
06:12 AM February, 04 2023 سودانيز اون لاين
مصطفى نور-امريكا نيوجرسي
مكتبتى
رابط مختصر
حدثت في السعودية
جاري مغترب في السعودية قال لي : في خالة كريمه وطيبة بتبيع كسرة ..
معاها بنغالي مساعد ليها بلف ليها الكسرة وأردول معاها ..
عمك كبير لقيته داقي شمطة وناقي في البنغالي لانه ما مشاهو سريع لمن زعل منو ..
عمك قال : ده هسة علاقته بالكسرة شنو كان ما محن الزمن ..فضحكت... 🤣
قلت ليه : زي علاقة أردول بالمعادن ..
الجماعه كلهم ضحكوا وقالوا : اي والله نفس المنطق ..😆😆
الكلام ده كان قبل فترة ..
اليوم مشيت اشتري كسرة.. لقيت ليك الناس تكورك: يا أردول اديني بي ١٠ ريال .. يا أردول مشينا العربية واقفة في الشارع يا أردول .. يا أردول ...😅😅
قمت ضحكت الخالة عاينت لي وقالت لي : شفت يا مجرم ده كلو منك انت.. مشى فيهو إسم أردول من يومك داااك ... 🤣🤣🤣🤣🤣
|
Post: #2
Title: عندي اخوي مجنون ما بتعالجو لي؟
Author: مصطفى نور
Date: 02-04-2023, 09:04 AM
Parent: #1
واحد سوداني قال:
بعد ما اللمين رسل لي الاقامه في السعوديه .. قعدت اربعه شهور بلا شغل .. حايم فوق الناس من بيت عزابه لي بيت عزابه.
يوم حايم في السوق لاقاني سعودي .. باين عليهو مرتااااااااااااااح شديد .. كوركلي: (يا زول يا زول) اتلفتلو .. قالي انا سمعت انكم في السودان بتعالجوا الزول المجنون وشاطرين في الحكايه دي وانا عندي اخوي مجنون ما بتعالجو لي؟
قلتلو بالحيل بعالجولك .. كدي امشي اشتريلي بسطونه .. وتعال النمشي معاك.
اشترالي البسطونة شلتها في ايدي ومشيت معاهو .. ودخلني سماحة بيت .. قصر عدييييييل كدي .. والعربيات اربعه واقفات .. ودخلت جوه .. دخلني علي الزول المجنون.
لقيتو متحزم بي عقالو ويردح في نص العوضه .. وفي مرا زي القمرا وقت شافتنا زاغت لي جوه .. اتاريها دي مرتو .. قلت للزول الجابني انت امرق بره واقفل الباب دا وراك بالمفتاح .. وما تفتحو عِلا اقولك انا افتحو.
وزولي المجنون في رديحو .. يقفل الباب .. وانا اقعلك في المجنون دق .. دق نضيف !!
لب لب لب لب ... بتجن مالك اكان ما قلة ادب منك؟
لب لب لب ... الكهرباء رااااااقده وبى بلاش !
لب لب لب .. الموية ما بتقطع !!
لب لب باعوض مافى !!
لب لب لب .. بتجن مالك خدمه الزاميه ما عندكم ؟
لب لب لب .. المجننك شنو والموزه عندكم ربع متر ؟
لب لب لب .. الجاني ليها شنو عربيتك الفورد واقفه بره ؟
لب لب لب .. بيتك قصر؟
لب لب لب .. مرتك زي القمرا ؟
لب لب لب .. ما جنيت انا المعرس حليمه بت الخِدر؟
لب لب لب .. وامرق صوره لي حليمه شايلا في جزلاني واوريها .. واقولو عاين لي دي وعاين لي مرتك ؟
لب لب لب لب .. اكان كنت معرس البعاتي دا كنت سويت شنو ؟
لب لب لب لب .. الله مقصر معاك بي شنو ؟ عشان تجن ليهو ؟
لب لب لب .. الناس يشربو المويه بالكوز وحليمه بت الخدِر تشربا بالزير .. تشيل الزير بي ايد واحده وجق جق جق جق تشرب .. وتختو وبااااااااااااااااااع تدشا !!
لب لب لب .. النسوان يغنو ليهن .. كان مشت تتفدع .. وحليمه كان مشت تتضرع !!
لب لب لب .. الله يغيظك !! لب لب لب
اها زولي من شاف صورة حليمه راق شويه وهدا .. وبعد شويه .. اتشعبط فوقي ويقعد يجعر ويبكي ... اتاريني حننتو.
بعد كم يوم اخوهو لاقاني قال لي الحمد لله اخوي بقى شدييييد إلا لمن يتذكرك يقعد يبكي.
⭐ الراجل سلموهو 100 ألف ريال .. رجع الخرتووم وعرس حنكوشه وبيرسل لي حليمه مصاريفا ﻻمن مات وموريها انو في ا
|
|