من أروع قصائد الراحل حسن الزبير تتجلي قريحته الشعرية في رائعته صورتك الخائف عليها ذلك عندما أهدت فتاة صورة لصديق حسن الزبير وكتبت على ظهر الصورة كلمات كما هو معروف للتذكار ثم عادة الفتاة تطالب بصورتها بعد أن وسوسن لها صحيباتها بخطورة إهداء الصور والتزكار وقالت اديني صورتي انا خايفة عليها.. . قال: صورتك الخائف عليها وانت ماخائف علينا فيها ايه لو إنسان بحبك لما يحفظ ليك صورة فيها قامتك وابتسامتك وفيها عينيك الخجولة...............وأجمل ما في القصيدة لمن يقول وهاك بتذكارا شيلا وشيل معاها ألفي عينينا صورتك الخائف عليها
Post: #2 Title: Re: المبدع الشاعر الرائع حسن الزبير توثيق شار Author: مصطفى نور Date: 01-31-2023, 07:29 PM Parent: #1
ومن روائع أستاذنا حسن الزبير...أنه كان في إحدي دول الخليج مع أحد أصحابه الشراقة.. وجاءت إحدي الحسناوات وعليها الحجاب ولا يظهر منها سوي عينيها البارزتين عبر فتحة "البرقع"...فلما رآها أستاذنا كتب: حالك باهي...حسن الحسن فيك متناهي أي...والله فيكي جمال مكملة فرضو فارض نفسو غير مانفرضو لو حسادك يزعلو...يرضو آية الله ومشت في أرضو ياآيةالجمال يافخرو ياهامتو وجلالة قدرو عاتي الموج بشيل بي صدرو والعاقل يشوف القدرو
Post: #3 Title: Re: المبدع الشاعر الرائع حسن الزبير توثيق شار Author: مصطفى نور Date: 01-31-2023, 07:33 PM Parent: #2
صيـــــــــــــاد النجوم - حسن الزبير - مجذوب اونسة صياد النجوم ياقلبي يا حليلك أدوك سهاد وشقا وادو الفرحة لي غيرك andandandandandandand زي الدنيا ديل ما بدوموا في حالة زي ضل الضحى وزي غيمة رحالة تبسم ليك تساهر الليل وتصحى لها ونايمة وهانية ما بتخطر على بالها andandandandandandand تايه في الغنا... وإيه الغنا بفيدك ما دام التموت في ريدو ... ما بريدك andandandandandandand وأغرب حاجة حسادك أجاويدك يالمسكين شقاك وجبتو بي إيدك andandandandandandand ياحليل الغرام أياموا ما ولت ويا حليل ليلى يوم عن قيسها ما إتخلت شوف يا قلبي شوف الريدة كيف قلت قوم صيد النجوم ديك النجوم طلت
Post: #4 Title: Re: المبدع الشاعر الرائع حسن الزبير توثيق شار Author: مصطفى نور Date: 01-31-2023, 07:37 PM Parent: #3
Post: #5 Title: Re: المبدع الشاعر الرائع حسن الزبير توثيق شار Author: مصطفى نور Date: 01-31-2023, 07:40 PM Parent: #4
ما بنختلف/ حسن الزبير/خوجلي عثمان
ما بنختلف
كلمات حسن الزبير لحن وغناء خوجلي عثمان لهما الرحمة والمغفرة
ما بنختلف ... درسني بس قانون هواك بحفظ حروفو ... حرف ..حرف أول بشيل الضمة ديك وأبرز سكون حرف الوقف واكسر عيوني أمام عينيك واحفظ ملامحك بالوصف أنا ببقى زي قيس زي جميل أبكي واجن أشكي وأعف ونرجع الريد الزمان القالوا عند الناس خرف شفاف وشوفتك شفا وزعلك يشفق وبعترف في سري في الغيب من سنين ما قايل الغيب بنكشف سامحني مرة إذا نسيت ما تبقى صارف ومنصرف لو حتى حق الريدة هان انا لي عليك حق الولف أنا عندي ليك سر من زمان داير أقواو ومنكسف كل ما أقول قربت ليك ألقاني بادي من الألف
Post: #6 Title: Re: المبدع الشاعر الرائع حسن الزبير توثيق شار Author: مصطفى نور Date: 01-31-2023, 07:43 PM Parent: #5
زعل الدهب
كلمات حسن الزبير
زعل الدهب
خدو المجمر زاد لهب
مع أنو زعلو بجملو
ابداً عليه ماكان حلو
جيت يادهب قايل حنانك يضمني
وقايل ضراك يلمني
بس انت مستغني وغني
ماقلتا لي بتهمني !!
صدقني يالدهب العزيز
انا ماهويت البهره فيك
لكن أصالتك وعزتك
وعيون حنان جذبوني ليك
حطمت في خاطري العشم
صديت بعد مديت ايديك
ونسيت باني شعور عزيز
جيت جاري زي الناس عليك
تاريك بعيد بعد السما
ومابتجفي الا المشتهيك
يبقى الوداع كده يادهب
ونصيبى من ذكراك جفا
وعارف باني بعيد بعيد
كان حظي بس شوفه وكفى
أنا مالي بطمع في الدهب
وأنا دهري في يوم ماصفا
غالي الدهب كدا من زمان
Post: #7 Title: Re: المبدع الشاعر الرائع حسن الزبير توثيق شار Author: مصطفى نور Date: 01-31-2023, 07:47 PM Parent: #6
الشاعر حسن الزبير
حسن محمد الزبير جاه الله ياسادتى أو ( حسن الزبير ) كما عُرف فى الوسط الفنى واحد من فحول شعراء الأغنية الحديثة . شهادة ميلاده تقول بأنه إبن الحاجة ( أمينه أحمد حسين ) وكان مولده باللاماب بحر أبيض فى يوم من أيام مطلع العام ( 1944 م ) وربما قبل ذلك بقليل ... أما زواجه فكان فى اليوم العاشر للشهر العاشر من العام الميلادى ( 1963 ) وأنجب أيضاً عشرة أبناء خمسة من الذكور ومثلهم من الأناث ... أكبرهم أبوبكر المولود فى عام ( 1964 م ) ثم نهله ... محمد ... ندى ... عمر ... عثمان ... آمنه ... الفاتح ... نهى ... سلمى ... ( أبو بكر – محمد – عثمان – يعملون بدولة الأمارات العربية المتحدة ) أما صحيفة حياته الدراسية والعملية فتقول إنه إلتحق بمدرسة ( القوز الأولية ) ثم مدرسة ( الرميلة العامة ) ثم مدرسة ( الخرطوم القديمة الثانوية ) ... بعدها إنخرط فى مجال العمل فإلتحق بوزارة الأشغال والتشييد عام 1959 م حتى عام 1965 م ... بعدها إنتقل إلى مصلحة الطرق والمطارات فى عام 1966 م حتى عام 1968 م ... ثم إنتقل للعمل بالحكومات المحلية عام 1969 م حتى عام 1970 م ... ثم إنتقل لوزارة الثروة الحيوانية إدارة المعامل والبحوث البيطرية عام 1971 م حتى عام 1974 م ... ثم إلى مجلس الوزراء ليعمل ( كاتبـاً ) به عام 1974 م وحتى عام 1980 م ومنه تمت إعارته إلى ( سلطنة عُـمان ) ليعمل فى مكتب والى ولاية ( ظفار ) من عام 1980 م وحتى عام 1982 م ... عاد بعدها للسودان ليعمل بوزارة الثروة الحيوانية مرة أخرى ... ثم ديوان المراجع العام الذى غادره للمعاش الأختيارى عام 1997 م . أول أغنياته كانت تقول : آمنت بيك يا أمدر يامفخرة سودانك ... وهذا يؤكد زعمنا بأنه كان حلقة الوصل بين الحقيبة والمعاصرة حيث كانت مدينة أمدرمان ملتقى المُغنواتيه والشعراء ... وخاصة إنه تتلمذ على يدى الكثير من شعراء الحقيبة وكانت له صداقات قوية مع أكثرهم حيث جلس إلى عتيق ... البنـّا ... المَسَّـاح ... عبد الرحمن الريح ... وكانت له صداقة خاصه مع الشاعر الكبير ( ود الرضى ) . يحكي ذات مرة بأنه أول ماجلس لود الرضى ليُسْمِعه شعره قرأ عليه قصيدة أم درمان تلك ... وكان ساعتها ود الرضى ممسكـاً بعصاه وعندما فرغ منها ضرب ود الرضى الأرض بالعصا وقال له : ( شاعـر ) وإكتفى بذلك ... ومنذ ذلك اليوم أصبح ود الرضى خِـلـَّه الوفى . عمل حسن الزبير ( رحمه الله ) كعضو نشط فى عدة مؤتمرات سياسية وثقافية ... كما عمل فى المصنفات الفنية وإتحاد شعراء الأغنية السودانية وله إسهامات كبيرة فى إتحاد فن الغناء الشعبى . له العديد من المساجلات والأخوانيات لعل أبرزها التى مع ( د. أحمد فرح شادول ) وأشهرها إختلافهما فى ( قيام القيامة ) شِعريـاً . تغنى بكلماته أغلب المُغنين فى السودان من كل الأجيال كما ذكرنا سابقـاً ... على سبيل المثال لا الحصر : وكت سيرتك يجيبوها لعلى إبراهيم اللحو ... مابعيد لعبد القادر سالم ... ست اللهيج السكرى لترباس ... حبيبى فاكرك معايا لمحمد أحمد عوض ... القليب الأسمو فيه لعبد العظيم حركه ... ليه حياتنا إخترت غيره للطيب مدثر وآخرون كثر ... بالأضافة لكل المُغنين من الجيل الحالى . شكّـل ثلاثية متميزة مع الفنان الكبير ( محمد ميرغنى ) والملحن الكبير ( حسن بابكر ) اللذان زاملاه فى مدرسة الخرطوم القديمة وأثمرت تلك الثلاثية ... بـ ... ( لا الصابر أنا ولا الباكى ) ... ( لابتواصلى لابتفاصلى ) ... ( الريده ) ... ( حالك باهى ) ...( جرح الحب ) . صدر أول ديوان له بعنوان ( فرايحية أغنياتى ) وكان ذلك فى العام 1979 م ... ثم فى عام 1996 م أصدر ديوانه الثانى والذى يحمل إسم الأغنية الشهيرة التى تغنى بها الفنان الكبير الراحل ( خوجلى عثمان ) ... ( مابنخـتـلف ) . عاد من المملكة العربية السعودية بعد آداء مناسك العمرة وهو يعانى من إرتفاع السكر وإلتهاب حاد فى الكليتين لينتقل إلى الرفيق الأعلى بعد عودته بيومين فقط وذلك فى التاسع عشر من رمضان المبارك عام 1425 هـ الموافق الثانى من نوفمبر 2004 م . له الرحمة والمغفرة الانسان الرقيق بكل معاني الكلمة ويكفيني شرفا انه اول من قال لي إنك شاعر وقال مودعا وملوحا بيده الى العُلى
Post: #8 Title: Re: المبدع الشاعر الرائع حسن الزبير توثيق شار Author: مصطفى نور Date: 01-31-2023, 07:52 PM
اول قصيده كتبها الشاعر الرائع حسن الزبير هى
آمنت بيك يا ام در كلمات حسن الزبير غناء المرحوم حسن الأمين
آمنت بيك يا أم در
يا مفخرة سودانك
نزرا علي أزور
لو تمنحيني أمانك
من سحرك المشهور
ومن عيون غزلانك
أحمل معايا ورود
وزهور إلى سكانك
أقدل شمال السور
وأطوف على أركانك
غناك كرومة سرور
وغرد خليل وبرهانك
أنا في رياك مأسور
أحميني من نيرانك
مرت عليك دهور
وما زلت في ريعانك
فيك شب كل جسور
يحمي حمى أوطانك
كم جندي فيك مجهول
ساهر على حيطانك
أنا بي هواك فخور
وأنا قلبي طوع بنانك
ما بجاري عزك زول
خلق الفخار علشانك
أكرم كريم منزول
غمر النزيل إحسانك
العسر فيك يزول
دمت المعظم شأنك
أم الدر واللول
إسمك دليل لأمانك
Post: #9 Title: Re: المبدع الشاعر الرائع حسن الزبير توثيق شار Author: مصطفى نور Date: 01-31-2023, 07:56 PM Parent: #8
Post: #10 Title: Re: المبدع الشاعر الرائع حسن الزبير توثيق شار Author: مصطفى نور Date: 01-31-2023, 08:04 PM Parent: #9
أعاين ما الشبه باين وعايدة القمرة لي أصلها كبرنا وكبرت احزانا وإنتوا كبرتوا وزدتو حلا وزي ما القمرة تبدأ هلال جمالك إنتي يومي يهل ومحيك بدرو يتجلى ويزيد قجة ويوج ويول وعينيك سارحة ما هماها يكتر سهري ولا يقل صباحك إنتي حقو الناس يجوهوا يشيلوا منو الفال صباح البشرى للمحزون صباح العيد على الأطفال وطبعك فيه رقة ونفرة زي طبع الجدي الجفال وأسألي عن سؤالي عليك الطير في سماه سألتو لو لاقيتي يشرح ليك ما فضلت غير أسرح واناديك وأشابه قيس وكل عيون أعاين فيها بينا وبين عيونك أقيس وكل نغم سمعت نداه وكل خطاوي جاية تميس أقول إنتي وخلاص بنتي وأبشر زي كأني عريس
Post: #11 Title: Re: المبدع الشاعر الرائع حسن الزبير توثيق شار Author: مصطفى نور Date: 02-01-2023, 09:49 AM Parent: #10
إنتي الجمال بتسكري وجوه القلوب بتعسكري صاحب الصبابة توكري وليك بي رحالو تكركري طاش نومي ياريت من كري ونام الحسود بالدكري ببراءة تصطادي البرئ وترديهم إن سألوك بري... أياما تحري الجوف حري وفي قلوبنا إسمك تمهري كدي مرة أرسي وفكري وإخلاصنا ليك ما تنكري أمشي الهوينا إتمهلي وهزي القوام السمهري خلي العزول إتجاهلي وهاك قلبي ليك تستاهلي
Post: #12 Title: Re: المبدع الشاعر الرائع حسن الزبير توثيق شار Author: مصطفى نور Date: 02-01-2023, 09:55 AM Parent: #11
أنا فاكرك معايا وين حبيبي فاكرك معاي تسعد بي سعادتي وتشقى عشان شقاي أنا فاكرك معاي وانت مع المظاهر وماراعيت ضنايا وظلمك لي ظاهر سهرت الليالي سليتني سلبت عودي باب غفراني فاتح ليك لو عدته عودي ديمة عشان رضاك انا باذل جهودي ما راعيت ضناي وبلواي سهودي تسمع كل واشي قولو عليك يكتر عدو في توب صديقك اتوارى وتدثر كل الناس بتغلط ما بحمل عليك تعال خليني واصل اسفاري في عيني