نكته 2023 كرت كرتونه شارك بنكته

03:19 PM January, 23 2023

سودانيز اون لاين
مصطفى نور-امريكا نيوجرسي
مكتبتى
رابط مختصر

بمناسبه الزواج بالسر
رباطابي مفلس وفقران ومرتو نقناقة شدييييد وطلباتها كتيرة .. اتزوجتو واحدة غنية شدييييد ومرطبة
(بالسر طبعاً) ..
سكن معاها في عمارتا .. وهاك يا اكل دسم من افخم المطاعم .. وشراب وعصائر مشكلة .. وعربية مكيفة وأحدث هاتف ..
ده غير القروووش طبعا ..
بعد عشرة يوم زوجتوا الأولى اتصلت عليهو قالت ليهو :
وين انت يا زفت ؟؟
قال ليها :
في العناية المركزة
😂😂😂

جديد لنج 😄😄😄😄😄😄😂😂😂😂😂😂😂😀
رباطابى مستعجل سايق عربيتو بسرعه فى الظلط جا عند الاشاره ولعت احمر و كتبت 99
، عاين للاشاره زعلان و قال ليها: ان شاء الله تدخلك طب الخرطوم 😂😂😂😂😂😂😂😂
😂😂😂😂😂😂😂😂😂😂😂😀

مسطول مرتو قالت ليه ماكلمتني قبل نعرس انك مفلس ليه ...
😡قال ليها : كلمتك مليون
مرة قلت ليك انتي كل ما أملك في الدنيا وانتي تتخجلي وتعايني في الواطة زي الهبلة .
.. 😂😂😂😂😂😂😂😂😂😂😀


قال ليك واحد مسطوووووول سطلة جد واقف قدام التمساح وبتكلم معاهو
قال ليهو عارفك متوحش وشرس وبعاتي واييييي شي
لكن من عرفت انك بتبيض سقطت من نظري
يا ﺟﺪﺍﺩﻩ

قالو التمساح جاتو نفسيات😂😂😂
😂 😂 😂 😂 😂 😂 😂 😂 😂

😂😂😂😂😂😂😂
واحد شغال في السعوديه اتصل علي مرتو
قال ليها والله الكفيل مكرهني و داير اعمل خروج نهائي وارجع السودان
قالت ليهو والله ترجع السودان انا اكعب من الكفيل
😂😂😂😂😂😂😂😂😂


😂😂😂
😂😂😂😂😂😂😂😂😂😂😂😂😂😀
جعلية كاتبة حالتها في الواتساب (اليوم انا في ذمة العشق) اخوها كتب ليها
:دقيقتين بس اصلي البيت وحا تبقي في ذمة الله 😝😂
😂😂😂😂😂😂😂😂😂😂😂😂😂😀


ﺷﺎﻳﻘﻲ ﺟﺒﺎﺭ ﺟﺪﺍً ﺇﺷﺘﺮﻯ ﺳﺎﻋﺔ ﺳﺄﻟﻮﻩ ﺍﻟﺴﺎﻋﺔ ﻛﻢ؟ ﻗﺎﻝ :ﺃﻫﺎ ﺧﻼﺹ
ﺩﺍﻳﺮﻳﻦ ﺗﻜﻤﻠﻮﺍ لي ﺍﻟﺤﺠﺮ..
😂😂😂😂😂😂😂😂😂😂😂😂😂😀


واحد ﺯﻫﺠﺎﻥ ﻣﻦ ﻣﺮﺗﻮ ﺑﻐﻨﻲ ﻓﻲ ﺍﻏﻨﻴﺔ ﻫﺎﺷﻢ ﻣﻴﺮﻏﻨﻲ : ﺍﻧﺘﻲ ﻭﺍﻧﺎ
ﻣﻦ ﺣﻘﻨﺎ ﻧﻔﺮﺡ ﻧﻄﻴﺮ ﺑﻴﻦ ﺍﻟﺴﺤﺎﺏ ﺗﻠﻘﺎﻧﺎ ﺻﺎﻗﻌﺔ ﺗﺨﻤﻨﺎ ﻻ ﺍﻧتي ﻳﻠﻘﻮﻙ ﻻ انا
😂😂😂😂😂😂😂😂😂😂😂😂😂😀


حلفاوي اول مرة يصلي العشاء في الجامع .. بعد الصلاة الجماعة قامو يصلو الشفع و الوتر و طبعاً كل زول براو
.. الحلفاوي عاين كدة و ما فهم حاجه .. سأل الزول الجنبو قال ليو : جاطت ولا شنو ..!!
😂😂😂😂😂😂😂😂😂😂😂😂😁😀


مسطول عينوه حارس مقابر _اصحابو قالوا عايزين يخوفوه ويخلعوه.... لبسوا ملايات بيض وجوه بالليل 👻؟؟
شافهم ... شال عكازو وجرا 🏃 وراهم قال ليهم _كل واحد على قبروا .... موت هو ولا لعب

😂😂😂😂😂😂؟؟😂😂😂😂😂
لو ضحكت و ما علقت إن شاء ألله تنوم بدون سنون

واحد سأل عزابه قال ليهم انتو عايشين كيف في الظروف الصعبة دي؟
قالوا لية بنشتري جدادة بي ٢٠٠٠ جنية بنبهرة و بنسلقها نص سلقه بنشيل شوربتة ونعملها فته دا الغداء
والعشا مويه فول تاني يوم بنسلقه سلقه كاملة وبرضو بنشيل شوربته ونعملها فته والعشا مويه فول
اها تالت يوم بنحمرها ونبيعها محمره لمطعم جنبنا بي ٢٨٠٠ وبنشتري جداده تانيه وال ٨٠٠ عيش ومويه فول
وهكذا (قالوا جبريل بفتش عليهم يعينهم مستشارين بالماليه 😂😂

واحدة حنكوشة
نزلت استشارة في (قروب وصف لي) وكتبت :
الناس العندها خبره في الملوحة اها بعد ما أدفن السمك 3 شهور تاني اعمل شنو؟؟
رد رباطابي قال ليها تسأليهو
من ربك؟
وما دينك؟
ومن نبيك؟؟
وبعد داك توديهو النار
😂😂😂😂

مسطول سرق كهرباء لي بيتو من الشارع..بقى التلفزيون يشتغل دقيقة ويطفي.
. تشتغل التلاجة دقيقة وتقيف .. تاني تشتغل المروحة برضو دقيقة وتقيف وتولع اللمبة
. صاحبك زهج مشى نادى كهربجي،راجع التوصيلات كلها عاين للمسطول شديد
‏المسطول قال ليهو: فى حاجة ياباشمهندس؟ الكهربجي قال ليهو: لكن ما بالغتا تسرق الكهرباء
من الاستوب🚦🌚😹😹😹😹😹

ههههههههه الشوايقة ديل ناس حلوين شايقو قالو ليهو بنديك 15مليون تتغابي
العرفة في اهلك قال ليهم يعني عشان ولدوني وربوني سويتوهم اهلي

شحاد مسطول خاتي قدامو صحنين ويكورك :طالب من الله .جاء واحد قال ليه:ياخي صحن واحد بقضيك
الصحن التاني لي شنو ؟قال ليه:لقيت الشغل ماشي كويس قلت افتح فرع تاني!!
😂😂😂😂😂😂😂😂😂

رباطابية عينا 👁 حاااااارة 👀
مشـــت تشــتري فول من الدكان 😃
قالت ليهو والله العاجبني في فولك دا
اصـــلو ما فيهـــو قشـــرة 🐸
التقول شـــاديهو بي شـــامبو🔋
لحدي اسي كل ما يفتحوا القدرة تطلع رغوة😂😂😂😂
محاسن جيبي كمشه

بعض البنات فى كافتريا الجامعة .. كل لقمة وتمسح خشمها بالمنديل
وفى البيت تلحس الشطة باصبعينا الخمسة
فى الجامعةاليسا🙆 وفى البيت عمى عيسى👳
محاسن كبى حلبه

يوميات علوب …

بنات ( الأماني )

في ناس كدا عندهم موهبة الدخول والخروج لي أي حتة وعندهم مفاتيح كدا بفتحو بيها أي مكان
( حرامية مجتمع ) …!!

زي ( أسعد ) صاحبنا دا …
( أسعد ) دا كان لاقاك بديك إحساس إنو بعرفك لما إنت ذاتك تصدق …ودي بتكون المرة الأولى…!

بخش بيت عرس ما بكون بعرف فيهو أي زول ….!!
بعد ساعة بكونو البنات بسألوهو عن مفتاح المخزن الخاتين فيهو الحاجات …وبحاسب في ( التباخين
)
وهو داخل ومارق لن يساورك أدنى شك إنو أخو العروس لو ما خالا …ودي بتكون تاني مره يشوفم……!!

موهبة كدا ….!!

ياخ مره كدا في عرس كل ما يجي داخل بزغردو لي
مابعرف ولازول …!!

الغريبة ببشر🤔

أها عندنا صاحبنا كدا إسمو ( مجاهد )،ماشي يخطب ليهو واحدة كدا زميلتو في الجامعة وقصة حب وكلام زي دا
قالو أهلها ديل سأااليين …وبالغين جرجرة كدا …وأمها دي زي شرانية كدا !!

( زي للتخفيف ) شرانية راسا عديل …!!

طوالي لعب بالجوكر وكلم ( أسعد ) دا يمشي معاهو …!!

أول حاجه ( أسعد ) دا جا ( منجلخ ) أكتر من العريس
والجلابية والعمة والريحة ….يازووول يسو كدي….👋

دخلو ليك على أهل البت ديل ..وسلمو عليهم
لما وصل أم العروس ( أسعد ) دا قال ليها يشهد الله قايلك العروس ….😍

زولتك رقدت شاش إنتهى منها كلو كلو نشفا ختاها في جيبو دا …!!

( دي خلاص حتصوت للعريس مغمتة ) …..!!

وسلم على الباقين ديل …قالو ليهو دا ( طارق ) أخو العروس الصغير إتخرج قرا ( كمبيوتر وبيانات ) ….!!

قال ليهو إنت قريت المستقبل …!!أها قول لي داير تشتغل هنا ولا بره السودان ….ونحن جاهزين كلو عندي
الولد داير يقع على وشو …..!!

المهم أسعد ( جغم ) البيت كلو في أول هجمة
أخترق كل الدفاعات والحصون ..بقى هو والقون …

طوالي قال يا أخوانا طبعاً إنتو عارفين ونحن عارفين والله عارف نقرا الفاتحه بس ربنا يتمم ليهم على خير ….!!

واللله التقول سحرم ….فعلا اليدين دي كلها اترفعت زي المافي حاجة وقرو الفاتحة ومجاهد ما مصدق….!!!

أم العروس الكانو خايفين منها فكت ليها زغرودة زي الليل
وطوييييله …🥳🥳
.
ماعرفناها ليها هي …ولا لي بتها ….

المهم ( أسعد ) ممشي أمورو بقى زي ( قوقل ) أي زول برجع لي
الحاجه الوحيده الغالباهو …بت جيرانم إسمها ( تسنيم )

( في بنات إسمهم ذاتو قصيدة زي ( تسنيم ) دي )

اها تسنيم دي مكسرة ( أسعد ) دا مشهياهو العافية

( الحقيقة الأسرة كلها مكسرانا كلنا ) 🤭
( كان وأخواتها )

لكن قدر ما حاول الإختراق البت دي بترجمو عارفاهو مستهبل وكضاب ….!!

وهو القصة دي بتزيدو زيادة …
مجتهد معاهم جنس اجتهاد

أيام أزمة الغاز ديك بجي شايل ليهم انبوبتين مع بعض
🏮🏮

أم ( تسنيم ) دي تقرب تزغرد تشبكو ليك إنتا يا يابا تتبارك ما تتشارك …!! يا جمل الشيل وعدال الميل ..!!

وتسنيم ولا بتتلفت تعاين لي …!!

( تسنيم ) كمان سماحة البنات ..عندها عيون أكبر من عيون البوتجاز …
( وبقت نارو غاز هوي جيبوهو لي )

وطويلة فرسة …شايلة ( غمازة ) واحدة في الشمال
اليمين زلط سنار

لما تضحك زي البتأشر لافه …

( أها دي ياها المفروض يسموها شريان الشمال )

سمحة سماحة البت ولا نضمة ….لكن قطيمة ….خاصة مع أسعد دا …..!!

اصلو ما قنع ….!!
هو طبعاً زي ( النزلة ) بمسك البيت كلو

لاحظ إنو انا عمك ( التجاني ) أبو تسنيم دي بحب الكورة
طوالي سرق ليهو موقع كدا ..المهم بقى يجيب ليهو
قناة الجزيرة دي …البي ان سبورت bien

( عمك إتشلا من الفرح )
وأسعد خلاص سجلو في كشوفاتو ….

بدون مناسبة كدا يقول ليك ( أسعد ود ممتاز )
بقي يشوف ( ميسي ) لافي الملعب …وأسعد لاعب على رونالدو اللافي البيت دا ….!!


( تسنيم ) حست إنو أسعد دا عارض ….وبعتر ليها …..
بقت دايرة طريقة تخلي يقنع منها ….!!

إتفقت مع صاحبتا مجرمة كدا إسمها ( شاهندا )

( شاهيندا ) ذاتا ما ساهلة ( قصارية ) كدا لكن ( قرضة )
🥰
( مافي بت إسمها ( شاهندا ) ما سمحة ….حتى لو نص نص الإسم دا بضيف ) ..!!

المهم قالت لي ( شاهيندا ) أنا دايراك توقعي لي ( أسعد )
دا مكرهني وعامل بحبني وإنتي زي ما عارفة ( خالد ) زميلنا جاي يتقدم لي …!!
العارض دا لو مازحا بتكون في مشكله …!!

( خالد ) دا أنا بعرفو زول مسكييين كدا ولابد ..

( المساكين ديل أصلهم حظهم عالي …ولا بسكوها
بتجيهم مدردقة في محلهم …!!
تشوف الواحد تقول ( الغنماية ) تاكل عشا وهو بتعشى بي زي ناس ( تسنيم ) ديل
كاتلين حيلم فوق راي …

المهم ( شاهيندا ) قبلت العرض …!!
لاقت ليك ( أسعد ) دا في الشارع
قشطتو بي نظره كدا وضحكة ( نص كلتش ) خلتو يتهوزز
ومشت طولي أصلو ما سألتو اكتفت بالعرض العسكري دا …!!🚀

( النسوان ديل كان قصدوك ..تتشهد بس )

يازول بقى يغني برا ….
هو ما خفيف كمان ..طوالي جرى ( الفيس ) رسل ليها رساله كتب ليها

( نور بيتنا وشارع بيتنا ) ..!!

وهي ما قصرت رسالت ليهو ديل ( 🌹🙏 )

زولك غمر …!!

كتب ليها يا ( شاهيندا ) والله أنا من زمان داير أكلمك لكن
كنت خايف منك …!!

باغتتو بالضحكات دي
😂😂😂
( وهو بي هناك داير يتشرط )

وكتبت ليهو بعدها …..!!

( ليييه يعني قالو ليك عني بعبع ..!!
( شوف بعبع دي ) 🥰

( ناس ( أمونة ) بقولو سحار ) 😈

واعقبتها بي …
( ياخ حرام عليك ) ….!! 🥺

أها ( حرام عليك ) دي بقى ما بشوف

رسل ليها ديل ( 🥰🥰🥰 )

طوالي طقتو بي دي ( 😍 )

( غايتو ( مارك ) ذاتو ما مقصر لاعب معانا باص وخانة)

هنا أسعد توفي اكلينيكياً …..!!

طوالي جاب آخرو قال ليها ممكن اشوفك …!!

رددت عليهو قالت ليهو …!!

( مممممممم 🤔……!!
حسب …!

أها ( ممممممم ) دي فقدتو سوايل

ردا قال ليها ..حسب شنو ..!؟؟؟

قالت ليهو حسب صدقك ومشاعرك …..!!

طوالي كتب الشيك ..
قال ليها ياخ انا ( بحبك ) من زمان بس كنت متردد ..!

رسلت ليهو دي 😇

هي قاصدة المهمة انتهت …؟! وهو فهما أفكر ،.!!

قال ليها أخدي وقتك وردي علي وخلي بالك من نفسك 😳
( هياااااا الخلي بالك من نفسك ) …


ومشى نفسو فاتحة ناس ( تسنيم ) يقدل
هو أصلًا بجيهم طوالي بسأل الناقص شنو ..!! والفي شنو ..!! عامل فيها ود البيت ..!

ناس ( تسنيم ) ديل تلاتة أخوات بس ماعندهم أخو ولد …!!
وزولك دا مركب المكنة دي ..!!

اختها الكبيرة إسمها ( حرم ) …
ما تسمع الإسم دا سامنها على حبوبتا …!!

( حرم ) دي يوم عرسا …الدموع الاتكبت في الحلة دي
تستر ميت …!!

مش في سماحة ( بتكتل )بس ياها ( حرم ) دي 🥰🥰
لما فيها دكتور طقاها عرسا ساقا انجلترا …!!

الدكاترة ديل كمان عزالين عزل ما عرفتهم قرو طب ولا حب
يعرسو البنات السمحات ديل ويقول ليك الوقاية خير من العلاج ..!!
بشيلو الوقاية ويدونا العلاج ……!!وفيك علاج طبيبي ..

فضلت أختهم الصغيرة دي إسمها ( سهيلة ) ماشه في نفس الدرب …
ظهرت مره في ( التيك توك ) شفع الحلة فجروه بالقلوب
💖💕💔💓❤️‍🔥❤️‍🩹💕💕

( ناس تسنيم ديل غالباً أمهم دي اتوحمت علي ( حديقة )

أها يازول عمك ( التجاني ) قال ليهو ما بتقصر يا ابني لكن القناة دي بقت ما بتجي …

( بكونو غيرو الشيفرة أبوها ماعارفا ( بوكو ) قايلو اشتراك ….!!

المهم ( تسنيم ) جات مارقة من جوه ملفحة بي توب
أمها ومغسلة وشها بي موية ….تشبه اللمبة 💡

والخصل حايمة في الجبهة يشيلو ويدخلوها تحت التوب …تاني تشرد …!!

( ناس ( مودة )شردت تاني ما جات )

( ولازلت أذكر خصلة عربيدة فوق الجبين هل تذكرين …

المهم قالت ليهو ( شاهيندا ) صحبتي قالت لي طرحت ليها …

بقى يبلع في ريقو ……!!!😢

قالت لي أبوها الظاهر يا أبوي حنحتفل بي عرس أسعد قريباً ….من هسا نجهز حالنا …تستاهل والله كل خير يا أسعد…..!!

( شاهندا ) ذاتا تستاهل بت تمام كلمتني قالت لي فاتحتها في الموضوع …ربنا يتمم ليكم على ألف خير ….!!

يازول ( أسعد ) بقى بشرب في العصير زي البنزين
وشعر إنو اتلعب …..!!

أبوها قال ليهو ربنا يتمم ليك على خير تستاهل والله يابني
كل خير إنت ود جدع ….!!

( أها (!مورينيو ) زاتو باعك خم وصر )

طلع منهم ماخد 0/6

قال يحصل ( شاهيندا ) رسل ليها قال ليها أها إن شاءالله فكرتي …!!
قال ليهو الظاهر وشك حلو علي خطوبتي يوم الخميس …!!
😝
( شوف الدنيا لما تدقك )
الحمامتين طارو في يوم واحد


إلا البطل مابموت …..
( أسعد ) ترك الفن واتجه للسياسة

لقيتو ليك منزل ليهو صورة ووراها لافته كبييرة قاعد ليهو مع جماعة كدا مكتوب فيها …

( ورشة عمل وقراءة في التسوية والإتفاق الإطاري )

( والله دا الا إطار عربية القاعد فيهو أسعد دا ) ….!!

كاتب تحت نحن مع التسوية والاتفاق إذا استوعب
توجهاتنا ….!!
( متجهين وين يا البلال ) …؟

أسعد دا أيام الثورة ديك مشى ( أديس ) قال الجوطة ما بتنفع معاهو …..برجع لما تنتهي …
جابت ليها توجهات …!!

منزل ليهو لقطة تانيه بهمس مع خواجه كدا …..
الجماعة قايلنو السفير ….
جعفر قال لي دا كان مساعد ( ريكاردو ) مدرب الهلال استقر في السودان وبقي بسف ….!!

المشكله ماهنا المشكله في واحدين معلقين تحت

قدام يا راكز …

( هو ما ركز مع شاهندا…..!!!😂😂

خلو بالكم منو ( أسعد ) دا ممكن يطلع من أي حتة

( خالد ) جا اتقدم لي ( تسنيم ) أدوهو في خمسه دقايق
جا كاتل ضلو ناس خطوبة طوالي عقدو )

ما قلت ليكم المساكين ديل كان قامو خطرين
قالو العرس في العيد

فتحت التلفزيون لقيت ليك ( أسعد ) مستضيفنو مع واحد كدا …البدلة والكرفته والحلاقة ..

قال نحن كقوى ثورة داعمين لي أي إتجاه يقود لأمن واستقرار البلد وبنفتكر إنو البديل موجود إذا حدث أي نوع من التماطل أو التجاوز ….!!!

أوعى البديل يكون ( شاهيندا ) بس ..!

الدنيا دي كان لاويتا بتلاويك ….وكان أديتها ما بتديك
خليك زي ( خالد ) والنصيب راجيك …ماتبقى أسعد
سرج الكضب برميك ….!!

وشال تسنيم معاها حرم يا ناس القوز علينا ظلم

هو صحي ياربي ( شاهيندا ) فعلاً خطبوها ولا اتفاق إطاري
🤔

الجفلن خلهن أقرع الواقفات

النكتة دي ما قدرت امسك نفسي منها🤣🤣🤣🤣😜😜😜😜😜
واحد معرس وساكن مع نسابتو
أمو قالت ليهو يا ولدي ما تاكل معاهم ولا تشرب معاهم عشان ما يعملو ليك سحر
نسيبتك دي واخواتها مشهورات بالشعوذة والدجل
قال ليها يا أمي أنا عارف مامحتاج وصية منك وعارف القصص دي عشان كدة أنا القاعد أطبخ ليهم وبغسل ليهم العدة والملابس
وبنظف الملايات براي وبفرشها
وحتي أكياس الزبالة بطلعها براي
يعني مابقدرو يعملو لي سحر ما مديهم فرصة
أمو قالت ليهو الصلاة على النبي
ما ياهو ده السحر زاتو يا الغشيم فضل ليك شنو غير العواسة؟
😜😝😂😝😜😂😜😝😝😜

رباطابي جاء زيارة لي قرايبو لقاهم مفرشين سرايرهم بي ملايات خضراء ومركبين ناموسيات قال ليهم دي سراير ولا ملاعب خماسيات ؟؟
قال ليك البعوضة من الضحك بقت م بتجيهم زاتو 😂😂😂😂😂

مسطول🐸مرتو👩قالت ليهو أعمل ليك العشاء...؟؟
قال ليها🐸 إنتي ما بتفهمي ولاشنو!!؟؟
مش دكتور الرجيم قال لي أبعد عن العشاء نهائيا..
قالت ليهو 😒✋خلاص طيب داير شنو؟؟
قاليها:سخني لي باقي الغداء.!!😂😂😂

شايقي ابوهو مات خلى ليهو قروش كتيرة ناس الحلة طمعوا فيها رسلوا ليهو واحد
شفت قال ليهو امس ابوك جاني في المنام قال لي امش لي ولدي خلي يديك قروش
تساعدوا بيها فقراء الحلة الشايقي قال ليهو جاك الساعة كم قال ليهو جاني الساعة اربعة
الشايقي قال ليهو انا جاني الساعة خمسة قال انسى الموضوع دا واوعك تدي ليك زول قروش

❤️وزير المالية فكى جبرين ذهب للدكتور قال ليه : وجع الضهر معذبني شدييييد يادكتور
❤️الدكتور سأله : رفعت حاجه تقيلة
❤️الوزير قال ليه : اي رفعت الدعم من الوقود والخبز والغاز والكهرباء والتعليم والصحه
❤️الدكتور قال ليه: تاني ما ترفع حاجه تقيلة
❤️الوزير قال ليه : حاضر ، وبركة الجات منك كان عندي فكره ارفع المرتبات .
🤣😂🤣😂🤣🤣🤣😂

ياسر ﺟﻜﺲ ﻟﻴﻬﻮ ﻭاحده ﻭﻛﻞ ﻳﻮﻡ ﻳﻀﺮﺏ ﻟﻴﻬﺎ ﺑﺤﺒﻚ ﻳﺎﺳﻠﻤﻰ .. ﻭﺗﻘﻮﻝ ﻟﻴﻬﻮ ﺑﺤﺒﻚ ﻳﺎياسر .
. ﺑﻌﺪﺳﻨﻪ ﻛﺪﻩ ﻗﺎﻝ ﻟﻴﻬﺎﺑﻌﺪ ﺩﻩ ياسلمي ﻣﻔﺮﻭﺽ ﺍﺷﻮﻓﻚ ﻗﺎﻟﺖ ﻟﻴﻪ ﺟﺪﺍ ﺑﺲ ﻛﻴﻒ ياياسر
ﺣﺄﻋﺮﻓﻚ ﻭ ﻭﻳﻦ ﺍﻻﻗﻴﻚ ﻗﺎﻝ ﻟﻴﻬﺎ :ﺷﻔﺘﻰ ﻛﺸﻚ ﺍﻟﺒﺎﺭﺩ ﺍﻟﻔﻰ ﺍﻟﺤﺪﻳﻘﻪ ﺣﺄﻗﻴﻒ ﺟﻤﺒﻮﻭ ﺍﺷﻴﻞ ﻛﺒﺎﻳﺔ
ﺑﺮﺗﻜﺎﻥ ﻭ ﻛﺪﻩ ﺣﺘﻌﺮﻓﻴﻨﻰ ..ﺯﻭﻟﻚ ﻣﺸﻰ ﺍﻟﻜﺸﻚ ﻟﻘﻰ ﻣﺎﻋﻨﺪﻭ ﺑﺮﺗﻜﺎﻥ ﺍﺗﻮﻛﻞ ﻋﻠﻰ ﺍﻟﻠﻪ ﺷﺎﻝ ﻛﺮﻛﺪﻯ
ﻭﺑﻘﻮ ﺍﻟﺒﻨﺎﺕ ﺍﻟﺴﻤﺤﺎﺕ ﻳﺠﻮﻭ ﺟﻤﺒﻮ ﻃﺎﻟﻌﺎﺕ ﻧﺎﺯﻻﺕ ﻭ ﻻ ﻫﺒﺒﻮ ﻟﻴﻬﻮ ﺑﻌﺪ ﺷﻮﻳﻪ ﺟﺎﺕ ﻭﺍﺣﺪﻩ غوريلا بس ﻣﺎﺷﻪ ﻭ ﺍﻟﻌﺠﺎﺟﻪ ﻭﺭﺍﻫﺎ .ﺟﺎﺗﻮ ﻋﺪﻳﻴﻴﻴﻞ ﻗﺎﻟﺖ ﻟﻴﻬﻮ :
إنت ياسر ؟؟
ﻗﺎﻝ ﻟﻴﻬﺎ ::
ﻫﺴﻰ ﺩﻩ ﺑﺮﺗﻜﺎﻥ؟؟؟

😂😂😂😂😂😂😂😂😂😂😂😂😂😂😂😂😂

قال ليك فى واحد مفلس فلس شديد عامل فيها مفتح و شفت😎 قاعد في كرسي قدام بيتوا و زهجان روحوا طالعه 😡..
وقفن قدامو نسوان بعربية آخر موديل و شكلن مرتاحات جداً🤑 سألوه :-
*في مرة في الحلة هنا بتحنن؟*
قال ليهن :-
*أيوه فى جوه هنا أدخلن البيت ده*
لمه دخلن بيتوا لقن أمو مرة عجوز كبيرة مشلخة و جلدها مكرمش و راقدة في العنقريب ..
قال ليهن :-
*عليكن الله هسي أمي دي مابتحنن !!*
النسوان ماتن من الضحك و قالن ليه :-
*خلاص مادام كده يلا أركب معانا نرقعك*😀..
اها ركب معاهن مشن قدام و نزلنو جنب الـبَـنْـشَـر!!!!
وقالن ليه أمشي للراجل داك نحن كلمناهو *يرقعك*
😜😜😜😜😜😜

مسطول مشى لي عرس 👨‍👩‍👧‍👦👨‍👩‍👧‍👦👨‍👩‍👧‍👦
لقى العروس سمحه شديد 👩‍👧‍👦👩‍👧‍👦
العريس شين شنا مرة 👤👤
مشى سلم عليهم
وعاين للعريس وقال ليهو:
صحي والله النور بلم الحشرات
😂😂😂😂😂😂😂 😂

شايب يسأل محشش
أنا عمري90سنة و لم أصم شهر رمضان طول عمري
ماهي كفارتي ؟
المحشش : عليك صيام قرنين متتابعين أو إطعام الصين أو تحرير فلسطين او صرف وزيادة مرتبات المعلمين
😂😂😂😂😂😂😂😂😂😂

حصلت حقيقيه

راكب في هايس ومقابلاني بت شايله طفل وشنطه وتتكلم انا تعبت معاك وانت زول ما جادي
طلقني وبتاع وانا ماشه بيت ابوي ورسل لي ورقتي انا لمن انتبهت محطتي فاتت بمسافه كدا كوركت للسواق دقيقه يامعلم طلقني طلقني 🙂😂😂

جعلي مشى كريمة لصديقو الشايقي بعد الترحيب جابوا الاكل في صحانة صغيرة الجعلي
عاين للصحانة الصغيرة وعاين للشايقي الشايقي قال ليهو اتفضل وقول بسم الله .
الجعلي مشى شندي وعزم الشايقي
الشايقي شاف ليك الجماعة شايلين خروف منجض ختوهو للشايقي الجعلي
قال ليهو حرم تاكل وماتقول بسم الله تشبع انت وشواطينك

أمريكي وفرنسي وسوداني دخلوا جهنم
الامريكي حب يتكلم مع أهله تلفون. عطاه الشيطان تلفون خود اتكلم مع اهلك
اتكلم الامريكي مع أهله دقيقتين
الشيطان: حسابكم ٢مليون دولار.
الفرنسي طلب من الشيطان يكلم أهله.
عطاه الشيطان التلفون.
كلم الفرنسي دقيقه وحده. طلع حسابه مليون دولار.
السوداني طلب يتكلم مع أهله. عطااه الشيطان التلفون.
السوداني اتكلم مع أهله والجيران والحبايب ٣ ساعات.
طلع حسابه دولار ونص ...
الامريكي والفرنسي إحتجوا وقالوا للشيطان ليه؟ السوداني اتكلم ٣ ساعات وحسابه طلع دولار ونص
قالهم الشيطان: المكالمة من جهنم الى السودان تعتبر داخلية ، ما دولية ؟!!!
😄😄🤣🤣😂😂😂

البطريق ...🐧
يعتبر طائر ولكنه لا يطير !
يعيش في المحيط المتجمد ولا يملك فرو
وإذا وقف على الشاطئ تأكله
الفقمة!!!!!!!
واذا نزل في الماء يأكله القرش!!!!!!!
واذا ضاع على الجليد يأكله الدب. !!!!!!
هذا الكائن المنكوب تنقصه فقط!!!!!!!!!
الجنسية السودانية 🤣🤣🤣😄😄😄

ﺷﺎﻳﻘﻲ ﻧﺎﻭﻯ ﺍﻟﺰﻭﺍﺝ ﺳﺄﻝ ﺭﺑﺎﻃﺎﺑﻰ ﻗﺎﻝ ﻟﻴﻬﻮ ﻣﻊ ﺍﻟﻈﺮﻭﻑ ﺍﻟﺤﺎﺻﻠﺔ ﺩﻱ ﺩﺍﻳﺮاك تشوف لى
ﺯﻭﺟﺔ ﺗﺘﺤﻤﻞ ﺍﻟﻔﻘﺮ ﻭﺍﻟﺠﻮﻉ ﻭ ﺍﻟﻌﻄﺶ ﻭﺍﻟﺒﺮﺩ ﻭﺍﻟﺤﺮ !
ﺍﻟﺮﺑﺎﻃﺎﺑﻰ ﻗﺎﻝ ﻟﻴﻬﻮ ﻭﺍﻟﻠﻪ ﺇﻻ ﺍﻓﺘﺶ ﻟﻴﻚ ﻧﺎﻗﺔ 😄😄😄

مسطول قاعد في الحوش بمزااااج جاتو مرتو لابسه توبا
🙎🏽قالت ليهو ماشه لي ناس فاطمه اسلم عليهم😌
قالها اعملي لي رعده🤔
🙎🏽قالت تاخدو على قدر عقلو🙊
شالت الطشت وبقت تضربو بالبلاط كو كو كو كو كراااااووو😌
قالها اعملي لي برق 🌧
مشت لى مفتاح النور بقت تدق الطشت بالبلاط وتولع وتطفي في اللمبه..💡
قال ليها هسع ده جو تطلعي فيهو ؟😡
خشي جوه تخش فيك صاقعه 😡🙆😂

😅😅😅😅😅😅رباطابي قاااعد يصلي
بعد ما إنتهى
جاهو أنصار سنة قاليهو : تعيد صلاتك!!
لانو رجلينك ما مثبتة في الأرض
الرباطابي قال ليهو:
صلاة هي ولا رمية تمااااااااااس
😂😂😂😂😂😅
🤣🤣🤣🤣🤣🤣🤣🤣🤣🤣🤣

شايقية دايرة تمشي الحج قالو ليها الحج بي 100مليون قالت ليهم : في شأن شنو أنا ذاتي م عندي
ذنوب قدر ده
😂😂😂😂😂😂😂😂😂😂😂😂😂😂😂😂
مسطول عضتو نملة مشت وجات بعد مسافة عضتو تاني في نفس الحته قال ليها : م متأكده ولا شنو
😂😂😂😂😂😂😂😂😂😂😂😂😂😂😂😂
مسطول نزل من الطيارة شايل بنطلونو في كتفو
الناس سألوه مالك ي زول قال ليهم : المضيفة كرهتنا أربط الحزام فك الحزام
😂😂😂😂😂😂😂😂😂😂😂😂😂😂😂😂
شايقي عايز يدلع مرتو قال ليها : أنتي حمامه
مرتو قالت ليهو : لا غزالة
قال ليها : م مشكلة المهم حيوانة
😂😂😂😂😂😂😂😂😂😂😂😂😂😂😂😂
رباطابي دخل معاينة قالو ليهو :
م معنى الترتيب الانتقائي لا بجديات الهوس الايدلوجي في الوجدان الروحي ؟
قال ليهم : معناها م عاوزين تشغلوني بس
😂😂😂😂😂😂😂😂😂😂😂😂😂😂😂😂
مسطول بسأل بنت مصرية أسمك منو ؟
قالت ليهو : هنادي محمود
قال ليها : ناديهو قايلاني خايف منو
😂😂😂😂😂😂😂😂😂😂😂😂😂😂😂😂
مســـطول: ســـال ليــهو زول في الطـــريق قال ليهــــو اسمك منو: قال ليهـــو :الســـــــــماني طه قال ليهــو طه دا سمــاك منو 😂😂😂😂😂😂😂
اتنين مساطيل قاعدين في الخور بيشربو في سجارة جاء واحد ماري بي جنبهم قال ليهم : حرام عليكم
قالو ليهو : وعليكم الحرام
😂😂😂😂😂😂😂😂😂😂😂😂😂😂😂😂 😊😊
كان ضحكت وما علقت ما عافية ليك
😁😁😁🤣🤣🤣🤣🤣🤣🤣🤣🤣🤣🤣🤣

واحدة مشت عيادة الاسنان
وبعد فتح الدكتور خشمها نادى الدكاترة كلهم واتلمو فيها علي انها حالة غريبة عندها ضرس أحمر ..
الدكاتره سألوها:
- الضرس الاحمر ده ظهر عليك من متين؟
- قالت ليهم المرة الفاتت جيت عندكم الدكتور قلع لي الضرس السليم وخلى المسوس ..
المرة دي ضربتو ليكم منكير
😂😭😂😭😂😭😂😂😂😭😂😭💔.

،،🙍‍♀️،،واحده زوجها فقران ومفلس وحالتو بالبلاء،،😡،،،
#قرصتو عقرب،،🦂،،ومات،،،
وأصبحت كل سنه في عيد الضحيه،،🐑،،تلملم من جاي لي جاي تشتري خروف وتضبحو لروح زوجها،،
#كل مره أولاها يسألوها/
لي منو الخروف دا ياماما،،🐑،،
#تقول ليهم/
لي روح ابوكم والسنين العشناها
سوا،،😎،،
#إستمرت علي الحاله دي تلاته
سنين،،السنه الرابعه إتزوجت واحد مرطب ترطيبه صاح،،💸💵،، سكنت في المنشيه
،،وعربات أخر موديل،،🚗،،وإتملت دهب،،وحبشيات خدامات،،غايتو روقت تمام،،،
#برضو في عيد الضحيه أشترت خروف وضبحتو،،🐑،،
#برضو أولادها سألوها/
الخروف دا لي منو ياماما،،،
#قالت ليهم/
المره دي للعقرب القرصت أبوكم،،🦂،،،،،،،(حاقده)،،،،،،،،،،،،،،

رفس حمار زوجة رجل فقتلها،
وبعد فترة تزوج من امرأة أخرى،
كرر الحمار نفس الفعل، رفس الزوجة الجديدة فقتلها.
وكان الناس يعزونه وإذا بأحد الحضور يراقبه فلاحظ أن الرجل عندما تعزيه النساء يسألنه فيجيب برأسه (نعم)
وعندما يعزيه الرجال يسألونه فيجيب برأسه ( لا )
فسأله الذى كان يراقبه عما سأله النساء والرجال فقال..
تقول النساء؛ أتريد أن تتزوج مرة أخرى؟
- فأقول نعم
ويسألني الرجال حمارك للبيع؟
- فأقول لا لا لا

هلا ود رعيـة

Quote: رفس حمار زوجة رجل فقتلها، وبعد فترة تزوج من امرأة أخرى،[ /QUOTE] الحمار أم الرجل؟

---

Post: #34 Title: Re: نكات كرت كرتونه 2023 Author: مصطفى نور Date: 02-28-2023, 03:51 PM Parent: #33 قال ليك واحد ماشي في الشارع سمع واحدة في بيتها تكورك وتقول الحقوني ولدي مات قام دخل البيت توووش لقي الولد راقد في التراب مطيح عيونو قام سال المرة الحاصل شنو ؟ قالت ليهو: ولدي داير يبلع الجنيه بتاع الحديد ووقف ليهو في حلقوا ، صاحبنا رفع الولد من رجلينو وراسو تحت ودقاهو في الضهر مرتين ثلاثة العملة وقعت. المرة فرحت شديد وقالت لصاحبنا شكرا يا ولدي لو ما انت كان ولدي مات وريني محل عيادتك لو حصل كدة تاني اجيبوا ليك قايلاهو دكتور ، صاحبنا قال ليها معليش يا حاجة انا ما دكتور انا ضابط اداري في المحلية . قالت ليهو ما تقول لي كده تعرفوا تمرقوا القرش من حلق الواحد. 😂😂😂

---

Post: #35 Title: Re: نكات كرت كرتونه 2023 Author: مصطفى نور Date: 02-28-2023, 03:52 PM Parent: #34 هذا الطالب جاب ،صفر، في الامتحان التالي رغم ان جميع اجوبتة كانت صحيحة : س: في اي معركة لقي عنتر بن شداد مصرعه؟ ج: في معركتة الاخيرة س: اين تم توقيع إتفاقية جنيف ؟ ج: في اسفل الورقة س: ما هو السبب الرئيسي للطلاق؟ ج: الزوج س: ما الذي لا تستطيع تناولة في وجبة الفطور؟ ج: الغداء و العشاء س: ما الشيء الذي يشبه نصف التفاحة؟ ج: النصف الاخر من التفاحة س: كيف مات هتلر ؟ ج: عندما توقف قلبة بعد ان جاءه ملك الموت 🤣🤣🤣 ⏯ 🤣🤣🤣

---

Post: #36 Title: Re: نكته 2023 كرت كرتونه شارك بنكته Author: مصطفى نور Date: 02-28-2023, 03:55 PM Parent: #1 عسكرﻯ ﺍﺳﻤﻮ ﺛﺎﺑﺖ ﻗﺪﺭ ﻣﺎ ﺍﻟﻀﺎﺑﻂ ﻳﻘﻮﻝ ﻓﻲ ﺍﻟﻄﺎﺑﻮﺭ ﺛﺎﺑﺖ ﻫﻮ ﻳﻘﻮﻝ ﻧﻌﻢ ﺳﻌﺎﺩﺗﻚ ﺍﻟﻀﺎﺑﻂ ﻗﺎﻝ ﻟﻴﻬﻮ ﺍﻧﺖ ﻏﺒﻲ اﻧﺎ ﻗﺼﺪﻯ ﺍﺛﺒﺖ في ﺍﻟﻄﺎﺑﻮﺭ ﻳﻮﻡ ﻗﺎﻟﻮ ﻭﺯﻳﺮ ﺍﻟﺪﻓﺎﻉ ﺟﺎﻯ ﺯﻳﺎﺭﺓ ﺍﻟﻀﺎﺑﻂ ﻗﺎﻝ احسن ﺍﺩﻱ ﺛﺎﺑﺖ ﺩﺍ اﺟﺎﺯﺓ ﻋﺸﺎﻥ ﻣﺎ ﻳﺤﺮﺟﻨﻲ ﻟﻤﺎ ﺍﻟﻮﺯﻳﺮ ﺟﺎﺀ ﺍﻟﻀﺎﺑﻂ ﻗﺎﻝ ﻟﻠﻄﺎﺑﻮﺭ ﺛﺎاااﺑﺖ ﺍﻟﻄﺎﺑﻮﺭ ﻛﻠﻮ ﻗﺎﻝ ﻟﻴﻬﻮ ﻓﻲ ﺃﺟﺎﺯﺓ ﻳﺎ ﺳﻌﺎﺩﺗﻚ😂

---

Post: #37 Title: Re: نكته 2023 كرت كرتونه شارك بنكته Author: مصطفى نور Date: 02-28-2023, 03:57 PM Parent: #36 دكتورة تغذيه في تلفزيون السودان قالت : أمضغو اللقمه ٢٠ مضغه لتكن سهله الهضم . الليلة جربتها في الفطور رجعت يدى في الصينيه لقيهتم كملوا الاكل و بشربو فى الشاي ... غلطانة انا البتابع تلفزيون السودان 😂😂🤣🤣🤣

---

Post: #38 Title: Re: نكته 2023 كرت كرتونه شارك بنكته Author: مصطفى نور Date: 03-03-2023, 01:28 PM Parent: #37 شايقي هو ومرتو مشو عزومة عرس بعد الغدا جابو ليهم تحلية ايسكريم الشعله الشايقي أكل الآيس كريم ورمى البسكويت بعد شويه شاف الناس بياكلوا في البسكويتة كورك لمرتو: آمنة الماعون اقرشي 😂😂😂😂😂😂😂😂😂😂