لحظة تتويج ملكة جمال الكون في نيو أورليانز

Post: #1
Title: لحظة تتويج ملكة جمال الكون في نيو أورليانز
Author: Osman Musa
Date: 01-17-2023, 07:31 PM

06:31 PM January, 17 2023
سودانيز اون لاين
Osman Musa-
مكتبتى
رابط مختصر

https://youtu.be/tWrGA52J7VUhttps://youtu.be/tWrGA52J7VU

Post: #2
Title: Re: لحظة تتويج ملكة جمال الكون في نيو أورليان
Author: Biraima M Adam
Date: 01-18-2023, 02:49 AM
Parent: #1

ول أبا عثمان

هنا الفيديو ..

بريمة

Post: #3
Title: Re: لحظة تتويج ملكة جمال الكون في نيو أورليان
Author: محمد بدرالدين
Date: 01-18-2023, 06:31 AM
Parent: #2

آن لبدران و من مثله ان يــــــــمـــــد رجليه
و يرفع راسه شامخا مزهوا
و بدلال كمان ..

بالله يا بريمة مش بناتنا/بناتكم البيرقصن فى الفيديوهات البتنزلا
اجمل مليون مرة من ديل !!
عموما بت بلدى احلى و اجمل
الحمدلله اعلامنا ضعيف و امكانياتنا قدر حالنا
و وسائطنا على قدرنا .. و مش عالميين
والله كنا اكلنا نيم
و بناتنا الحلوات كانو طفشوا مننا و اتفرعنوا علينا
الحمد لله .. ثم الحمد لله ايضا على نظام بت عمك ليك
عارف يا حبيب ناسنا زمان و يمكن لغاية حسع ما كانوا بيفضلو السكن ف المدن او قرب المدينة
و منطق معظمهم ان البنات حيمشوا السوق !!! و السوق مليان بلاوى و اجناس مختلفة !!!
مع انه لم يكن هناك حجر على البنات و كانت لها شخصيتها و رأيها
و كانت تسافر للعلم حتى لو ف الصين ... و براها كمان
لكن منطق السوق دة عجيب والله
الله يرحمك يا جدو ..ههههههه قدرت تحفظ لينا الجمال لغاية ما ربنا اكرمنا و اتزوجناهم
.. يا شيخ عثمان يا شاعرنا مرهف الحس و مليان جمال
صباح الجمال و انت تجملنا بما عندنا و تجعلنا نحمد الله و نشكره ..
(ناسنا كبار السن عادتهم ان ياكلوا العشا بعد المغرب و مجتمعين قدام بيوتم ..و دائما كان قراصة بخضرة (اتر) و كدة
و بعد ما ياكلو يحمدوا الله بشكل موبالغة ..واحد من الظرفاء علق قائلا : ديل لو كانو اكلوا كستر و للا طيبات كانوا طلعوا ليه فوق )
و نحن واجب علينا نمشى الكعبة كل شهر او ما تيسر لنشكروا و نحمدوا
ياخى شكرن ليكم فضفضنا شوية مع البرد القارس /ص دة
و معاكم هدى عربى شخشيا :

" target="_blank">

و كل الاحترام و التقدير و المحبة

Post: #6
Title: Re: لحظة تتويج ملكة جمال الكون في نيو أورليان
Author: Osman Musa
Date: 01-18-2023, 11:07 AM
Parent: #3

الأستاذ محمد بدرالدين .
سلامات .
اتفضل بالدخول على خشبة نيواورليانز .
فازت بعد حصحصة شديدة وامتحانات أصعب من امتحانات دخول الجميلة ومستحيلة
زمان .
الضيافة دي السنة كانت من حظ نيواورليانز بدل فيغاس .
شوف كمية الحضور وتذاكر السفر والفنادق .
حدث متل دا يشعل اقتصاد الولاية كلها .
يا اخ محمد اهلك الأمريكان ديل أحرف ناس في تحريك الاقتصاد .
المناسبات في أمريكا لا تنقطع .
والطايرات تقوم وتنزل .
الناس هنا عايشة في بلد حية بلد تحبها.
وتخليك تدعوا ليها بالسلام .

Post: #4
Title: Re: لحظة تتويج ملكة جمال الكون في نيو أورليان
Author: Osman Musa
Date: 01-18-2023, 10:02 AM
Parent: #2

الأخ المهندس الفنان بريمة
سلامات
أشكر حضورك الدايم يا أيها البقاري الفرجيناوي .
بعد جيت أمريكا يا اخ بريمة حتين فهمتها شروط الجمال .
اتاريهو الجمال عند اهلك في العالم الأول يشمل السمع والشم والبصر .
والسلامة من شحوم الشرايين.
يعني الغزلانة دي ما في نتفة شحمة.
الفوز في دي البلاد العادلة أبدا مو هين.

Post: #5
Title: Re: لحظة تتويج ملكة جمال الكون في نيو أورليان
Author: محمد الأمين موسى
Date: 01-18-2023, 10:46 AM
Parent: #4

جمالا بلا شحم الله بينّا وبينو.
أهلك المغاربة يا عثمان زي بتّكم الأمريكانية دي بسموها "الوقيدة" (أي قشة الكبريت)!

Post: #7
Title: Re: لحظة تتويج ملكة جمال الكون في نيو أورليان
Author: Osman Musa
Date: 01-18-2023, 11:28 AM
Parent: #5

الأخ الكريم محمد الأمين
سلامات
عان جاي يا ود اللمين.
الشرق والغرب كلهم متفقين على جمال الطلة والحضور والابتسامة والعيون .
وبين الشرق والغرب يظل الإختلاف في حجم المرأة.
سبعين في المية في الغرب يميلوا جهات النحافة . النحافة في الأول .
يعني مثلآ الموريتانية النحيفة في الجمال ما بتتصاقع كلوكلو .
ما أنهم هم زي اهلك المغاربه يجروا نحو السمينة.
ياخ الف شكر على المرور الجميل

Post: #8
Title: Re: لحظة تتويج ملكة جمال الكون في نيو أورليان
Author: ترهاقا
Date: 01-18-2023, 12:36 PM
Parent: #7

يا شيخ عثمان ، الامركان بيحبوا المرة المعصعصة عديمة الشحم طويلة القامة
التفاصيل التانية ما بتهمهم

Post: #9
Title: Re: لحظة تتويج ملكة جمال الكون في نيو أورليان
Author: Osman Musa
Date: 01-18-2023, 03:04 PM
Parent: #8

الأخ الفنان ترهاقا
سلام
نعم المعصعصة عندهم هي الأولي.
في السودان يقوليك دي مسلوبة من لحم الدنيا .
بس في الحقيقة العصعصة هي الصحة .
شوف ام الأسطورة الراحل بيليه .
دقت المية وشوية و رغم أنها فقدت الذاكرة الا انها
تتشاف متعافية.
الأمريكان شمال وجنوب عندهم النحافة اهم حاجة.

Post: #10
Title: Re: لحظة تتويج ملكة جمال الكون في نيو أورليان
Author: Osman Musa
Date: 01-18-2023, 06:30 PM
Parent: #9

الأخ الفنان ترهاقة
سلام
نجمات هوليود لو مسكناهن كتير منهن فتشن فتاشة للاشياء البتخفف الشهية .
ودا كلو عشان النحافة والعصعصة.
وبعضهن وقعن بلاوي .