الاخ دفع الله ود الاصيل ما هكذا تورد الإبل..

08:21 AM January, 09 2023

سودانيز اون لاين
مصطفى نور-امريكا نيوجرسي
مكتبتى
رابط مختصر

ده كلام الاخ دفع الله ودالاصيل فى بوست الاخ على الكنزى
سلام عمو كنزي الغالي المفقود حأديك نصيحة
مقلوبة ، تختا سمسار مصر ود رعية دا بوديك الخور,
كنت عايز افهم قصه حأديك نصيحة
مقلوبة
مامعنى الكلام ده حتى لو قصدت انو يقبل نصحيتى برضو التعبير بتاع السمسار ودرعيه ووبوديه الخور ده كلام حار والله العظيم فى حق انسان لاتعرفه ولا يعرفك
انا بقول اخى الغالى انك قمت بكتابه الرد عن شخصى وقمت بعمل دون ان تجيده أو كتبته بدون حذاقة أو إتقان
الاخوه الافاضل الكرام
نحيه طيبه
مع احترامى للجميع سوال واريد الاجابه عليه من الجميع بكل شفافيه وصراحه وبكل امانه
هل انا فى يوم ما كتبت عن انو انا سمسار ولا سالت زول من اى يزنسس اى كان نوعه
وهل انا فى يوم من اول يوم اشتركت معاكم كتبت الى اى شخص فى الخاص او المنتدى العام
انو انا عايز اعمل قروش ولا عمولات اى كانت من اى شخص عضو او من الساده القراء
حقيقه الاخ دفع ودالاصيل انا عندما اعطى الاخوه اى معلومه عن مصر او غير مصر اعرف ما اقول واعنى ما اقول
ظلمنى بهذا الاتهام وقبل كده اساء الى شخصى وتنمر على ولم اطلبه منه حتى الاعتذار
ولكن المره دى لن اجعل الموضوع يمر مرور الكرام فى اول مره كتب لى وقال لى انت رجل ثرثار
وقمت بمسح كل مدخلاتى فى البوست الذى كتب لى انو انا انسان ثرثار
واليوم تفاجات بالنصحيه التى كتبها الى الاخ على الكنزى بان يبعد من مصطفى ودرعيه السمسار وانو انا بودى الاخ على الخور
والاخ على يعلم اننى فى تواصل معه بخصوص كل شى عن مصر وكانت بيننا الاف التسجيلات وياريت الاخ على الكنزى يوضح الى الاخ
دفع الله ودالاصيل الكلام ده ويكتب اليكم جمعيا هلى انا طلبت منه اى شى او عموله او اى نوع من مقابل مادى مقابل المعلومات
ومقابل اى شى بل حاولت ان اعطى الجميع اى معلومات عن مصر بدون اى مقابل وكل البوستات كنت بكتبب بكل شفاقيه وبكل الارقام
اخى دفع الله ودالاصيل
لو كنت فى مكانى وانا قلت فيك نفس الكلام كيف يكون شعورك بكل امانه
على العموم الاعتذار من شيم الرجال
واسف على الكتابه اليك ولكن الاتهام الباطل فى حق شخص لاتعرفه ما جميل وظلم وشعور لايقبله اى شخص عاقل وبالغ
مع تحياتى
مصطفى نور

اخ مصطفى
لي محبة خاصة لكما
ونهجي في الحياة الثقة في كل انسان التقي به
لانها فطرة الناس التي فطروا عليها ان يكونو امناء ومكان ثقة
واشهد الله انك اخ مصطفى قدمت لي كل عون ونصح عن مصر
كنتُ احسب ان كلام اخي ود الاصيل مداعبة خشنة ليس لها من الواقع حظ
ولكن لأن الاثر والامر يقع عليك وانت الذي تحس الالم
لهذا ارجو من الاخ ود الاصيل ان يشرفنا ويقدم الاعتذار
خاصة طرحي كان تحت غطاء اننا اسرة واحدة
لك العتبي حتى ترضى

السلام عليكم
الأخ ، زميل المنبر / الإنسان الجميل ـ مصطفى نور
تحية طيبة
* شخصياً ـ سبق لي أن استشرتك في أمر يخص الجامعات و دراسة الطب في مصر
، وقد تكرَّمت مشكوراً ـ بإعطاء ما لديك من معلومات في هذا الخصوص ـ بكل طيب نفس وطيب خاطر ـ دون أي مقابل .


لك كل الشُكر والإمتنان

اخونا الأستاذ مصطفى
لا نظن أن دفع الله ود الأصيل كان يقصد الحاق الأذى النفسي بشخصك الكريم
المعطاء دون من ولا أذى ..ولكن يبدو كما قال ود الكنزي مداعبة خشنة منه ..
ولأن ود الأصيل اصيل فعلا في كتاباته فهو بلا شك سيأتي ويعتذر لك لعلك تسامح
وتصفو نفسك....لأنك بالفعل لا تريد إلا الخير لأعضاء المنبر من نصائحك القيمة
عن مصر والكل يشهد بذلك ..فشكرا لك على كل ما تقدمه من معلومات قيمة
ومفيدة عن مصر ،،،
وأشهد القول بأني استفدت كثيرا من معلوماتك القيمة عن أطباء مصر وعناوينهم
ونصحت إحدى صديقاتي بتلك المعلومات واستفادت جدا منها وهي تشكرك من القلب..
والله يديك الصحة والعافية ،،،

Ali Alkanzi
اخى الغالى جبر خاطرك والله كنت فى صراه مع نفسي واتسال عن أى ذنب جنيت فاندلعت
ثورة منك خانها الجلد من الاخ ودالاصيل
على العموم نحن فى وضع زمنى كعب وحساس ججا لانو كثر الهرج والمرج واختلط الحبائل باالنبائل
وحتى الهزار فى هزار مقبول ومبلوع وفى هزار ربما يئسئ فهمه الاخرين عن الشخص ويكون مخصوم
من سمعته ولا مش كده ونحن فى سن خطير وطول عمرنا مستورين فاى كلمه سالبه توثر على نفسياتنا والله
وربما يلقى الرجل بكلمه بعفويه ولكن خطورة الكلمه مثل الرصاصه ان طلعت قد تصيب وتقتتل النفس وتقتتل الشهامه والنخوه
مع تحياتى

مصطفى نور

الصديق الزبير
تحيه طيبه اخى الغالى
الف شكر ليك على جبر خاطرى بالرد وحقيقه انزعجت من الكلام جدا والله
وربنا يشهد تالمت اشد الالم وفكرت مليون مره فى الكلام عسى ان اجد مثقال ذره من ما قاله الاخ
ودالاصيل لكى ارتاح نفسيا والله ولو كنت كما قال كنت لا اعاتب ولا ارد ولا اكتب بوست
مع انو الاتهام من الممكن ان تكون كما قال سمسار لانو هناك فى كل العالم مكاتب خدمات بالمقابل
فى اعطاء اى معلومه اى كانت ولكن الحمدلله مستوره مافى حوجه انو اعطى اى معلومات تساعد اى انسان مقابل مبلغ مادى
وفقط ارجو ان اكون فى زمره
"إن لله عبادًا اختصهم بقضاء حوائج الناس، حببهم إلى الخير، وحبب الخير إليهم، أولئك الآمنون من عذاب الله يوم القيامة"
كنت طوال الفتره الماضيه اعمل بالقول المكتوب فى الصوره ولكن مرات لابد من الخروج من الصمت لتعبر عن مايجيش بخاطرك
مع تحياتى

مصطفى نور

سكرن جزيلن عمو كنري ، شكرن جميلاً أنيقاً
نحلتنا الرشيقة ، و "امتثالاً" لدعوتكما الكريمة هذه رأس
أخوي مصطفى ود النور من ود رعية التي يفوت عليه جاهلاً
أو عامداً مكانها المحفور في قلبي، وحتى هو شخصياُ والذي
لا يعلم منزلته من حبل ورداني ، وهذا ما قصدته لما قلت عنه
ثرثار كان القصد :غزير الانتاج، فهي محمدة ، لكناها ربما
جاءت أو حُمِل على محمل المدح بما يُشبه الذم ، فكان
الحكم عليها حتى مع تخفيف العقوبة أنها كانت
بلغة خشببة و عبارات لاذعة الخحموضة.
فلك البعُتبى أخوي مصطفى حتى تستغيث مني
بالرضا ، و حتى إذا رضيت ، تديني ملكة في صلعة
رأسك لأطبع لك عليها قُبلة الحياة . والله لاني عارف
سمسرة و لا شمشرة ، و لاني شاغل روحي بي كدا.
بس الليلة جبت لي حماقة أهلي الخوالدة ، على
عكس صاحبك أبريش روحو سلبة و الأخذ
والرد معه ذو نكهة خاصة و ماتعة.

دفع الله ود الأصيل
الاخ الغالى
تحيه وسلام والله لقد نزلت علي حروفك بردا وسلاما والله العظيم
والحمدلله الذى ازاح عن قلبي الهم والغم والحزن والله لاتعلم مدى الالم الذى اصابنى
لاننى ابنى فى تاريخ من الانسانيه والصبر و التافانى فى خدمه الاخرين وتمليك المعلومه لمده 50 عام من الغربه
والتى فى اى بلد عشت فيها من الامارات امريكا كندا الصين ماليزيا الكويت لبييا مدينه مصراته مصر السودان لندن جزر الكاريبى الامارت مره اخرى تركت
الاثر الطيب والذكرى الجمليه مع اخوه امتدت الروابط معهم اكثر من عام 50 عام ومازال التواصل مع الاخوه فى كل هذة البلدان مستمر وفى كل وقت كان بيتى مفتوح
واقدم كل يد العون للجميع من دون مقابل مادى ولا حتى كنت عايز كلمه شكرا والله
واحتماال ناس امريكا بعرفوا الكلام ده
على العموم انا مازعلان من اى اخ وتذكرت الان القول
- التمس لأخيك سبعين عذرا
واختلاف الراى لايفسد للود قضيه
واهديك ما أحلى التصافي مع شويه تغيير فى الكلمات

ما أحلى التصافي
كلمات الشاعر بابكر محمد احمد

ما أحلا التصافي من بعد التجافي
الكان بينا حاصل أسباب ليهو مافي
ناس بقلوبة رقيقه تظهر ليك قويه
وأي خصام معاك أسأل أسبابه هى
بي رغم الوشاية واتفشت دعاية
انت اليوم معاي والبيناتنا صافي
تعال انا وانت نجلس ونحاسب ضميرنا
ليه البينا حاصل وكان الرد من
قلوب اصحابنا جوه
لو ليك والله لي .. عليك أو علي
بينا صلات قوية مابتقبل تجافي
كتير اخوانا قالو سؤء تفاهم ياخى هو
مهما يقولو فينا نحن اليوم اخوه
أصلو البينا خوة من قلبينا جوة
أبداً مافي قوة تفرق بينا مافي

امتثال عبدالله
اختاه
تحيه طييه ولايسعنى الا ان اقول لك

Quote: Re: الاخ دفع الله ود الاصيل ما هكذا تورد الإبل (Re: دفع الله ود الأصيل) دفع الله ود الأصيل الاخ الغالى تحيه وسلام والله لقد نزلت علي حروفك بردا وسلاما والله العظيم والحمدلله الذى ازاح عن قلبي الهم والغم والحزن والله لاتعلم مدى الالم الذى اصابنى لاننى ابنى فى تاريخ من الانسانيه والصبر و التافانى فى خدمه الاخرين وتمليك المعلومه لمده 50 عام من الغربه والتى فى اى بلد عشت فيها من الامارات امريكا كندا الصين ماليزيا الكويت لبييا مدينه مصراته مصر السودان لندن جزر الكاريبى الامارت مره اخرى تركت الاثر الطيب والذكرى الجمليه مع اخوه امتدت الروابط معهم اكثر من عام 50 عام ومازال التواصل مع الاخوه فى كل هذة البلدان مستمر وفى كل وقت كان بيتى مفتوح واقدم كل يد العون للجميع من دون مقابل مادى ولا حتى كنت عايز كلمه شكرا والله واحتماال ناس امريكا بعرفوا الكلام ده على العموم انا مازعلان من اى اخ وتذكرت الان القول - التمس لأخيك سبعين عذرا واختلاف الراى لايفسد للود قضيه واهديك ما أحلى التصافي مع شويه تغيير فى الكلمات ما أحلى التصافي كلمات الشاعر بابكر محمد احمد ما أحلا التصافي من بعد التجافي الكان بينا حاصل أسباب ليهو مافي ناس بقلوبة رقيقه تظهر ليك قويه وأي خصام معاك أسأل أسبابه هى بي رغم الوشاية واتفشت دعاية انت اليوم معاي والبيناتنا صافي تعال انا وانت نجلس ونحاسب ضميرنا ليه البينا حاصل وكان الرد من قلوب اصحابنا جوه لو ليك والله لي .. عليك أو علي بينا صلات قوية مابتقبل تجافي كتير اخوانا قالو سؤء تفاهم ياخى هو مهما يقولو فينا نحن اليوم اخوه أصلو البينا خوة من قلبينا جوة أبداً مافي قوة تفرق بينا مافي Editرد على الموضوع

لا أثلج الله لك صدراً ولا أبع لك بطناً إلا
رزقٍ طِّبٍ حلالٍ و ماء زُلالٍ. يا مصطفى ياخ
معقول أكون غلتَّ عليك قدر دا و وأنا أحبك العمر
كلو برض شاعر ما كفاني.. و نحن ناس بنعيش حياتنا الفانية
بالنيبة السليمة .. و كل زول دايرين ساعادتو .. بتشهد الليام علينا.
تعرف سبب صحبتنا مع عمو جقود دافنشي كان سببا شكلا ليها ضل في
خيت "غلفاء و شايلة إبرتا تخيِّت"، كان صادفت شهيتو فاتحة ويلا من ديك
ترانا عاملين سوا ثورة كونية و شعارنا : العاجبو عاجبو و المو عاجبو
ينتف حواجبو، .و مارقني كمان من حشرو عباس ريفي كمل نومك على
ترعة ود المنسي في حزيرة واغ الوغواغ.المهم يا ربتك تكون لقطت
الرسالة و لو الاسم دا ما حركي ساي و ليه صلة بودرعية ، تقيف
لي ناخد سندة تحت روكيب ود رعية دي و حتعرف أخوك :تر ،
وداعاً يا ظلام الهم على ابوابنا ما تعتب مرحب يا
صباح الحب تعال ما تبتد.. قرب تعال ما تبتعد.