محمد تِرْوِس يا زول إنت جنيت؟

07:09 AM January, 07 2023

سودانيز اون لاين
Yasir Elsharif-Germany
مكتبتى
رابط مختصر

***

تحياتى والإحترام ، أخى دكتور ياسر~
فى المشاهدة الأولى إحترت😀
لكن بعدها فهمت المقصود ، وهو يعنى الإحتلال الجنوني الواقع على السودان من هؤلاء البدائين وكيف إنهم شغالين تحطيم فى كل تاريخ نضال الشعب السودانى وكيف يمارسون إهانة رموزه (الشهداء محمود محمد طه، عبد الخالق محجوب وحتى الوصول للمهدى…)
-شايفة برضه نغمة جديدة (مثال كتابات محمد سليمان وغيره) قالوا الإنجليز أدوا الشعب السودانى الإستقلال "هدية"، ودا خديعة وتغيير للتاريخ واستخفاف بكل نضال الشعب السودانى - وما زال مدفع عبد الفضيل الماظ مثالا موجودا قويا كما ثباته العنيد…
*
من وجهة نظرى إن العمل الفنى من أقوى أدوات النضال

تسلمي يا أستاذة هدى
وشكرا لك على التحليل الحصيف لعمل تروس الفني ..

Quote: من وجهة نظرى إن العمل الفنى من أقوى أدوات النضال

ياسر
والله انا ما فاهمة اي حاجة ...اصلوا فهمي تقيل...
ممكن براحة تشرح لي الزول ده بيقول في شنو ...ومعنى كلامو شنو...؟؟!!!
وهو لابس يونيفورم الجنجويد ( الدعم السريع) ...هل فعلا هو بيمثل الدعم السريع...
..وبالشرح المفصل فهمنا خطوة خطوة ...
عشان نفهم ....والله
والله يديك الصحة والعافية

سلام يا امتثال
لا لا فهمك ما تقيل. الفهم بكون صعب لو الواحد ما سمع ما قاله حميدتي في الفيديو الأصلي هنا:


الفنان كان يحاكي حميدتي بس بأنو يردد ما يقوله حميدتي.

وبعدين الفنان يسخر من حميدتي فيصوره مخاطبا رموز السودان ويسيء إليهم وإلى الشعب السوداني بشيء من الاستبداد والتكبر.

شكرا دكتور ياسر على بسط هذا النص الكوميدي الساخر البديع.

ولفتة من محمد ان سمى نفسه" محمد ود فاطنة" على امه الخالة العزيزي فاطمة بخيت العوض.

كسرة:
كيف يمكن نقل الفيديو من الفيسبوك الى المنبر؟

ينوبك ثواب.

مع خالص التقدير والاحترام والمحبة .

تسلم يا أسامة وشكرا على المرور

طريقة نقل فيديو من الفيسبوك:
هناك ثلاثة نقاط في يمين أعلى الفيديو
اضعط عليها بزر الماوس الشمال
تظهر قائمة
اختر من هذه القائمة الخيار Embed
اضغط على Embed
تظهر لك نافذة فيها مربع مكتوب عليه
Copy Code
ألصق الكود في سودانيز أونلاين في البوست الذي تختاره

شكرا ياسر على التوضيح...
معقولة حميدتي قال الكلام ده كله ؟؟؟
انا افتكرت الزول ده من الجنجويد فعلا وما قايلاه بيمثل
ويقلد حميدتي ...
يا دوبك فهمت ....كنت مسطحة ...لاني ما كنت متخيلة حميدتي قال الكلام ده كله..

سلام اخى ياســر، وأستمعت لفديـو حميدتى فى المداخلة الأخيرة كاملاً، وعادة لا اكمل مشاهدة أى فيديــو، وأرى ان هذا الرجل
صادق فى كلامـه، ومباشــر.. ما عنده نفاق السياسيين وموازناتهم.. لو شفت زول يتكلم فى مواضيع واشخاص ووقائع كثيرة
جدا بعفوية وسرعة وبدون أن يقرأ من ورقة فهو فى الغالب صادق. أظن هذا الرجل يحتاج الى دعم سريــع!

سلام يا أبو الريش
ليس أخطر من حميدتي وجنجويده إلا الكيزان. حميدتي يحتل السودان ويحاول أن يكون هو الجيش. وضع السودان معقد وهناك عدد من الطامعين وينتظرون تفكيكه.

" target="_blank">


محمد تروس إنسان سوداني جميل وفنان ثوري فله التحية والتقدير
وشكرا دكتور علي هذا البوست وما فيه من تعبير لحال (قادة) البلد

معقول بتنا إمتثال ما سمعتي بي محمد تروس وإنت متابعة وعضو فعالة
في سودانيزاونلاين وسيد الحوش أخونا بكري دائما بينزل إسكيتشات للفنان
محمد تروس؟ تحياتي ليك والمعاك

تسلم يا محمد محمد قاضي

وشكرا ليك برضو

ــــــــــــــــــ
مقطع عام 2019 بعد أسبوع من فض الاعتصام

Quote: Mohammed Terwis 9420 Abonnenten Abonnieren 147 Teilen Speichern 6.920 Aufrufe Premiere am 11.06.2019 المخابرات المصرية تتصل بحمدتي

Quote: ليس أخطر من حميدتي وجنجويده إلا الكيزان. حميدتي يحتل السودان ويحاول أن يكون هو الجيش. وضع السودان معقد وهناك عدد من الطامعين وينتظرون تفكيكه.

أهلا دكتور ياسر
من يريد تفكيك السودان هى المخابرات الأجنبية.. شوف رئيس مخابراتهم كل يوم هابط ف الخرطوم.
ما عارف خطورة حميدتى فى شنو.. حتى الان شايفه ملتزم جانب الشعب.. وبالمناسبة زى ما تعرف أنا لا أميل مع
آراء الناس فى أى قضيـة وإنما أجمع البينات عن كل ما هو مطروح ثم أقدم رأيى.

لا يفهم من موقفى هذا انى لا أتهم حميدتى بفض الإعتصام لأنه كان الرجل الثانى فى تلك الأيام. هو متهم حتى الان
بلغة القانون.. فإن إدانة الرجل أو براءته لا أبحث فيها وليست مسؤوليتى.. أمام الإتهام فأمره مختلف.. حيث ان
المدعى العام عليه مسؤولية جمع المعلومات ثم تقديم الترهام