الذكاء الإصطناعي قال موضوع السودان صعب لكن مامستحيل!!!

09:08 AM January, 02 2023

سودانيز اون لاين
عمر عبد الكريم علي-أمدرمان - بيت المال
مكتبتى
رابط مختصر

لي فترة منبهر جداً بالتطور الرهيب الحصل للذكاء الإصطناعي
الأن يمكنك أن تطلب من الذكاء الإصطناعي أن يكتب لك كود برمجي
يمكنه أيضاً أن يكتب قصة، خطاب، إيميل وأي شيء قد يخطر ولا يخطر على بالك وبأي لغة تريدها
يمكنه حل مسائل رياضية بالغة التعقيد
أعتقد أن علينا (وفي كل المجالات) أن نطور أنفسنا لأن قطار الذكاء الإصطناعي في اعتقادي سيدهس الكثيرين إن لم يتمكنو من لحاقة.

أدناه السؤال الذي طرحته على برنامج الذكاء الإصطناعي والرد الذي وردني منه
السؤال: ماهو حل مشكلة السودان ولماذا لم يتمكن البلد من الإستقرار والنهوض منذ الإستقلال وحتى الآن؟؟

الإجابة: أسف للسماح لي أن أعطيك معلومات حديثة عن السودان، لأن قاعدة بيانات التدريب التي قدمتها فقط تصل إلى عام 2021 وليس لدي الوصول إلى الإنترنت للتصفح للحصول على معلومات أكثر حداثة.

على الرغم من ذلك، يمكن أن يكون السودان قد تعرض لعدة مشاكل متعددة منذ الإستقلال، ويمكن أن يكون من الصعب العثور على حلول للمشاكل المستمرة.
من المهم الاستمرار في العمل نحو السلام والاستقرار والرخاء لجميع المواطنين. قد يتطلب ذلك العثور على طرق للتعامل مع الصراعات، وتحسين الاقتصاد، ومعالجة القضايا الاجتماعية والسياسية.
وقد يتطلب ذلك أيضًا التعاون والحوار بين المجموعات المختلفة في البلد، فضلاً عن الدعم من المجتمع الدولي. ويمكن أن يكون العثور على حلول للمشاكل المعقدة مثل هذه مهمة صعبة، ولكن مع العزم والجهد، يمكن التقدم.

بركة الما كتب ليك

اشششششششششششششششششششششششششششششششش

وجاب ليك شاشة منملة

الحبيب نذار
إتخيلتو يقول كده لكن شكلو متبرمج على جبر الخواطر :)

Sudan has faced many challenges since gaining independence, and it can be difficult to find solutions to long-standing issues. It is important for the country to continue working towards peace, stability, and prosperity for all its citizens. This may involve finding ways to address conflicts, improving the economy, and addressing social and political issues. It will likely also involve cooperation and dialogue between different groups within the country, as well as support from the international community. Finding solutions to complex issues like these can be challenging, but with determination and effort, progress can be made.

ده كان الرد عند السؤال باللغة الإنجليزية

حبيبنا عمر .. تحياتي
شكرا للمعلومة
تقصد القوقل بالذكاء الاصطناعي
او هو موضوع جديد

شوية شرح مع التحية

Quote: حبيبنا عمر .. تحياتي شكرا للمعلومة تقصد القوقل بالذكاء الاصطناعي او هو موضوع جديد شوية شرح مع التحية

تحياتي أخ علي
أنا هنا أتحدث عن موقع جديد يستخدم تقنية الذكاء الإصطناعي
ده رابط الموقع
https://chat.openai.com/chathttps://chat.openai.com/chat
بعد التسجيل بتجيك الصفحة الرئيسية اللي من خلالها ممكن تتحاور مع الموقع وتطلب منه عدة مهمات
انا الموقع ساعدني جداً في صياغة الخطابات
وبعدين الموقع بتعامل كأنو CHAT يعني بعد تطلب منو يكتب خطاب عن حاجه معينة ويجيك الرد ممكن مثلاً تطلب إنو يعدل الخطاب بحيث إنو اللغه تكون حاده او ودية
ممكن تطلب كود برمجي أو تصميم لصفحة ويب
حاجه مذهله بالجد
خش الموقع واستمتع.

OpenAI's services are not available in your country.

دا ردهم لي

تحياتي يانذار
لو إنت في السودان فللأسف التكنولوجيا البتعتبر متقدمه نحنا محرومين منها
لكن ممكن تتحايل وتخش الموقع بعد تشغل برنامج VPN
بعد تخش الموقع وتسجل الموقع حيطلب منك رقم تلفون للتسجيل فلازم تكتب رقم تلفون بره السودان وتكلم الزول الحتسجل برقمه عشان يرسل ليك الكود اول مايصله

أنا بره السودان بالخليج ومع ذلك قال لي ما قال- يندخرلو- يكون عرفني سوداني ؟

غريبة
مستحيل طبعاً يكون محظور في الخليج
انا متواجد في كمبالا غايتو هنا شغال تمام
ياربي يكونو بالذكاء ده وعرفوك سوداني ههههههههههههه