كلب الحراسة الأمريكي الاسمو(بيتبول ترير الأمريكي ) هسع دا كلب ولا حمار

03:29 PM January, 01 2023

سودانيز اون لاين
Osman Musa-
مكتبتى
رابط مختصر

كلب الحراسة الاسمو ( بيتبول ترير الأمريكي ) هسع دا كلب ولا حمار ؟
انواع الكلاب في أمريكا انواع كتيرة والمهتمين بسعايتها اشتغلوا فيها وطلعوا منها انواع ما ليها حد .
واصبحت تجارة عندها مدارس يعني كلاب الحراسة أصبحت عالم .
واصبحت يستعين بيها الجيش والشرطة واصحاب مستودعات الدهب والسلاح والمشاهير .
غايتو لو الظروف اجبرتك في سنين البرلمة الاولانية تشتغل بائع متجول في شوارع الاغنياء الله لا جابك
بشارع فيه كلب من نوع بيتبول ترير . والله يستر لو كان الكلب في ديك اللحظة مطلوق في ساعات الفسحة مع راعيهو.
غايتو لو حسيت بي أي كشكشة تذكر جكة بن جونسون وفك البيرق.
كلاب الحراسة في أمريكا شرسة وقوية وحقاتنا في السودان ما بتساوي شي بالنسبة للامريكية مهما كانت .
كلاب خليط بين المرفعين والشيطان.

The American Pit Bull Terrier is a dog breed recognized by the United Kennel Club and the American Dog Breeders Association, but not the American Kennel Club.
It is a medium-sized, short-haired dog, of a solid build, whose early ancestors came from the British Isles.

ول أبا عثمان
هنا واحد منهم ..






بريمة

عثمان موسىانا قبال كده قريت في مجلة أمريكية ان كلاب ببتبول من أشرس أنواع الكلاب في العالم وممكن ياكلك كده في دقيقتين ...وان تربية مثل أنواع هذه الكلاب في امريكا وكندا عاوزةتصريح خاص لأنها خطرة على الجيران والناس الماشين في الشارع اذا صاحب الكلب ما رابطهقوى...وان سعر الكلب الواحد يتراوح ما بين ١٠ الف دولار إلى ٤٠ ألف دولار ...وهسه انت اسأل لينا اذا كان نوع الكلب ده موجود في السودان وسعره بكم...لان رجوعي السودان نهائيا قرب وعندي فكرة اشتري كلب بيتبول ويكون ماشي معاي محل ما انا ما شي ونشوف ناس تسعة طويلة ديل حيعملوا شنو ...
.وحاكون شايل الموبايل الاندرويد في يدي ظاهر عشان ما اشتري اكل للكلب البيتبول لان اكله حيكون من أجساد ناس تسعة طويلة الخلوا حياة الناس جحيم في العاصمة ...
وخاصة لحم الضان والبقر بقى غالي وما حيكون عندنا قدرة ناكل الكلب البيتبول كل يوم لحم ضان ...

.وتبا لهم بجميع لغات العالم

الكلب الجابو بريمة دا تور

من أخلص الكلاب مع صاحبه ، شكلو ما سياحي لكن لو ربيت نوع الكلب ده ما بتجيب غيرو
أيامي اللي في لوس انجلوس كان عندي النوع ده ربيتو من عمرو سبعة شهور، بس لازم تعرفوا على
الناس الجاينك ، طول ما انت جنبو لا بيهجم ولا بينبح ، انت تكون مافي وفي زول قرب من بييتك ، الله قال بي قولو

الأخ قبة
سلام
في حفل من حفلات الصيف المفتوحة في التايم اسكوير نفس النوع دا
كان في حراسة الفنانة الجميلة جينفر لوبيز الكلب الحارسها قايدو واحد 4×4 .
اخونا اشرف قال لي يمكن دا قايد الأسطول.
كلب الحراسة كان قريب للمسرح مفنجل عيونو يراقب في الحاصل ومنتظر الاشارة.
انا ما عارف الناس ديل بيدربوا الكلاب دي كيف .