Post: #1
Title: وفي محبة بت الشيخ سلامه بحكي ليكم
Author: salah awad allah
Date: 12-31-2022, 08:31 AM
07:31 AM December, 31 2022 سودانيز اون لاين
salah awad allah-السودان
مكتبتى
رابط مختصر
التقينا عبر الماسنجر بعد طول فراق إمتد لسنوات ..ترسخ صوتها في إذني عبر اثير اذاعة هنا أمدرمان ... وقد رسمت لها شكل هلامي عبر الاثير لا ادرى بالضبط كنه ملامحه ..وفي العام 2007 التقيتها في المنبر العام ل www.sudaneseonlie.com فتداخلت معي عندما نشرت نص بعنوان ( المعاهو قزاز .. العندو قزاز ) حينها علقت .. ياما شمينا وضغنا ...ضحكنا وضج البوست بالسمحين حينها ..ومرة اخري حينما كتبت عن ذكري رحيل الفنان النادر عبد العزيز العميري عليه الرحمه ....ونواصل رب
|
Post: #2
Title: Re: وفي محبة بت الشيخ سلامه بحكي ليكم
Author: salah awad allah
Date: 12-31-2022, 09:11 AM
Parent: #1
وفي جائزة الطيب صالح التي ابتدرها مركز عبد الكريم ميرغني الثقافي بامدرمان وقد نزلت من المنصه
بعد ان قدمته دراستي وعانقتني بحب فخيم ..النعمان ... انا سلمي .. ياااخ بت الشيخ وهكذا وهكذا ...
وللمحبه بقية
|
Post: #3
Title: Re: وفي محبة بت الشيخ سلامه بحكي ليكم
Author: محمد عبد الله الحسين
Date: 12-31-2022, 09:36 AM
Parent: #2
سلام وتحية استاذ صلاح
شكرا على هذه النفحة من أطياف الذكريات
"وفي محبة بت الشيخ سلامة.."
الاستاذة سلمى، سمعت عنها الكثير و قرأت لها بعض تعليقات جميلة ..
ليتها تشرف المنبر مرة أخرى بكتاباتها الجميلة.
دمتي أستاذنا العزيز
|
Post: #4
Title: Re: وفي محبة بت الشيخ سلامه بحكي ليكم
Author: مصطفى نور
Date: 12-31-2022, 10:35 AM
Parent: #3
المبدعه الاستاذه سلمى الشيخ سلامه
|
Post: #5
Title: Re: وفي محبة بت الشيخ سلامه بحكي ليكم
Author: salah awad allah
Date: 12-31-2022, 02:43 PM
Parent: #4
اها مساء امس اتصلت بدون اي اوتكيت توش خشيت باعتبار ثقافتي الريفيه كده ... مامهم ياها بت الشيخ ... وضحكنا اتذكرنا بورداب سودانيز ..والمعاهو قزاز ... وياما شمينا وضغنا ..عرجنا علي هموم الكتابه واتكلمت بحسره عن عمودها الراتب في صحيفة الاتحادي ولسنوات ..بحثته عن الارشيف بالقاهره ولم اجده... وبكت بحرقه قالت لما ادخل مطار دوله أو أركب قطر أو سفينه بتذكر السودان ليه ليه بلدنا متخلفه كده ونملك اي شي النيل الأرض الخصبه الثروه الزراعيه والحيوانيه ..وبكت بكت ...صمتنا وصمت لافسح لبكائها متسع ... كم من العقول هاجرت وبنت اوطان اخري لشعوب اخري ... تناولت هجرة جيلها وكارثة قرار خروج سكرتارية التجمع الوطني الديموقراطي للخارج فتركو لنا فجوة كبيره مازلنا نحن في الداخل نلعق سلبياتها فجوة تواصل اجيال ..هاجر حينها معظم الكتاب والفنانين والعلماء ..هاجروا مجبرين من بطش نظام القمع الاسلاموروبي ..هاجر العملاق وردي ويوسف الموصلي ..والبلابل (نحنا اخوات أحبه ) ..هاجرت نجوم وشموع وحل ظلام ..وخييم علينا دجل الكذبه والانتهازين والجهاليل .. ونعق البوم في المدن والارياف ..اللعنه عليهم اخوان الشيطان .. اينما حلو ...
|
|