قبلها قال ما بنرجع "ثكناتنا😀" والناس تسن فى سكاكينها

05:28 PM December, 26 2022

سودانيز اون لاين
هدى ميرغنى-
مكتبتى
رابط مختصر

والآن نكر إرتكابهم للجرائم حطب و أخرجوا أنفسهم الأبرياء كالعادة:
*
جاء فى الراكوبة:
حميدتي: تم تشكيل لجنة للتحقيق في جميع الجرائم التي صاحبت الثورة
25 ديسمبر، 202213

أكد الفريق محمد حمدان حميدتي، نائب رئيس مجلس السيادة ، عدم التردد في الاعتراف بأي تقصير أو تجاوز صاحب أداء أفراد أو جماعات من الشرطة خلال تنفيذ القانون.

وقال، في احتفالات الشرطة في قاعة الصداقة يوم السبت، إنه لا كبير على القانون وإن أي تجاوز تتم مقابلته بالحسم. وقال إن ساحات العدالة تشهد العديد من المحاكمات لأفراد من الشرطة أو القوات النظامية الأخرى، بسبب تجاوزهم للقانون.

الفريق خلاء يوم كلام السكنات😀 (والحقوق محفوظة طبعا) كان لابس جلابية وعمة

كلامك صحيح أستاذة هدى...

فعلا شتان ما بين كلام حميدتي في الموقفين...

طبعا ما منطقي إنه نقتنع إنه ده موقف جديد منه..

لكن لماذا؟ هل هو في إطار أدوار متفق عليها؟ أم هو خروج من النص في لحظة تاريخية؟

أم هو مؤشر لوجود خلاف؟

طبعا كما يقول المراقبون هو يمتلك المال و القوة...وبكليهما يحاول أن يستميل الرجال..

بالمناسبة يا استاذة هدى، حميدتي ده أذكى من كل الدلاهات القاعدين في سدة الحكم ، هو شغال بخطى حثيثة في بناء دولته التي
تشمل السودان وتشاد وأفريقيا الوسطى ومالي والنيجر، الزول ده طموحاته كبيرة جدا لا شغال بمشاكل السودان
ولا دارفور ولا الاتفاق الإطاري ، ده شغال في اتفاقياتو مع الدول والتي ستوفر له كل ما يريد لان حميدتي أفضل من
يعمل لمصالحهم ، أما ناس البرهان والكباشي وأردول وحركات النهب المسلح والاحزاب والطرق الصوفية
والادارات الاهلية دييل قش ساكت وهو عارف تمنهم وحيشتريهم فردا فردا متى لزم الأمر.

السلام والإحترام أخى ود الحسين~

Quote: كلامك صحيح أستاذة هدى... فعلا شتان ما بين كلام حميدتي في الموقفين... طبعا ما منطقي إنه نقتنع إنه ده موقف جديد منه.. لكن لماذا؟ هل هو في إطار أدوار متفق عليها؟ أم هو خروج من النص في لحظة تاريخية؟ أم هو مؤشر لوجود خلاف؟ طبعا كما يقول المراقبون هو يمتلك المال و القوة...وبكليهما يحاول أن يستميل الرجال..

إنه حرباء تتلون حتى تحقق أغراضها وفى الحقيقة أغراض مافيا كاملة. إنه الداء والإحتلال الذى غرسه الكيزان فى السودان.

السلام والإحترام أخى مصطفى نور~
شكرا على الإضافة، لكن لسبب من الأسباب الصوت فى الڤيديو ما شغال عندى ، يعنى ما سمعت الكلام.
يا ريت لو عندك إمكانية تضيف المقطع القال فيه "… والناس تسن فى سكاكينها …"

أخى المحترم ترهاقا لك التحايا والسلام~

Quote: بالمناسبة يا استاذة هدى، حميدتي ده أذكى من كل الدلاهات القاعدين في سدة الحكم ، هو شغال بخطى حثيثة في بناء دولته التي تشمل السودان وتشاد وأفريقيا الوسطى ومالي والنيجر، الزول ده طموحاته كبيرة جدا لا شغال بمشاكل السودان ولا دارفور ولا الاتفاق الإطاري ، ده شغال في اتفاقياتو مع الدول والتي ستوفر له كل ما يريد لان حميدتي أفضل من يعمل لمصالحهم ، أما ناس البرهان والكباشي وأردول وحركات النهب المسلح والاحزاب والطرق الصوفية والادارات الاهلية دييل قش ساكت وهو عارف تمنهم وحيشتريهم فردا فردا متى لزم الأمر.

كلامك صاح هذا الرباط القاتل زرعه الكيزان فى السودان، تقف خلفه مافيا دولية كاملة زيها زى تنظيم الأخوان العالمى ، هو واجهة مؤسستهم الدولية وكل التحولات الحاصلة دى حسب الclients من جهة ومجموعة الناصحين حسب المطلوب.
هو مواصل فى تحقيق طموحاته ومافيا القبيلة من الدول الانتَ أشرت ليها فى مداخلتك شغالة تحقق فى طموحاتها.
إستمعتُ يوما لفيديو للبعشوم جاء فيه عزت "الماهرى" الملقب بابنوس واحد من الحاشية، عشان كدا خطاب الرباط متنوع حسب الحوجة ومن حوله.
السودان محتل وموارده تُنهب عيانا بيانا يا أخى ترهاقا

سلام هدى والجميع

فعلا السودان محتل من قوى تتنافس مع بعضها البعض على نهبه وامتصاص ثرواته.

سلام استاذة هدي وضيوفك
لا اعتقد بان حميدتي يشكل تهديدا للبرهان والمؤسسة العسكرية
بل بالعكس هما متفقان تماما ويتبادلان لعب الادوار واحد يفلق
والتاني يداوي. (فرق تسد) ده اساس اللعبة.
لن تكون هناك عودة للثكنات كما يدعي المكون العسكري بل مزيدا
من السيطرة والصلاحيات واعتراف صريح بقوات الدعم السريع
كقوة موازية للجيش بصلاحيات لا نعلم مداها وهذه سابقة تاريخية.

https://www.0zz0.com

السلام، تحياتى والإحترام أخى دكتور ياسر~

Quote: سلام هدى والجميع فعلا السودان محتل من قوى تتنافس مع بعضها البعض على نهبه وامتصاص ثرواته.

أتفق معك تماما دكتور ياسر
مثلا إشعال المعارك الحاصل فى دارفور دا سببه واضح تهجير الأهالى وسرقة موارد السودان ٠ ما خلوهم حتى داخل معسكرات اللجؤ زى ما حصل فى معسكر كرينيك وغيره ، يعنى بإختصار إبعاد،إبادة وإحتلال.
وكل شوية تظهر مجموعات جنجودية جديدة من الدول المجاورة، تنهب وتسرق وتقتل وما فى زول يوقفهم، دا طبعا غير الصراع على إحتلال الشرق ومن هناك الشمال وغيره.

سلام أخ عارف ناشد (عاشت الأسماء😀)

Quote: سلام استاذة هدي وضيوفك لا اعتقد بان حميدتي يشكل تهديدا للبرهان والمؤسسة العسكرية بل بالعكس هما متفقان تماما ويتبادلان لعب الادوار واحد يفلق والتاني يداوي. (فرق تسد) ده اساس اللعبة. لن تكون هناك عودة للثكنات كما يدعي المكون العسكري بل مزيدا من السيطرة والصلاحيات واعتراف صريح بقوات الدعم السريع كقوة موازية للجيش بصلاحيات لا نعلم مداها وهذه سابقة تاريخية.

كلامك صاح ، فى تنسيق كامل بين المجموعات دى وتوزيع مهام وادوار بين كيزان على جنجويد على لوردات حرب
كلهم متحالفين ، وهدفهم مصالحهم لا غير. يصرخوا واك واك فى حالة الميزان يطفف لغير صالحهم ، لكن كلهم شغالين ضد مصلحة الشعب السودانى وممكن يبيعوا السودان لأى محتل. لا يهمهم السودان او الشعب السودانى.
#كل الخوازيق ذى بعض

كل الخوازيق دى بعض
***
جاء فى الراكوبة:
لجنة أديب ترفض طلباً للقضاء العسكري
الخرطوم: أشرف عبدالعزيز

عملت (الجريدة) أن لجنة التحقيق في مجزرة اعتصام القيادة العامة رفضت طلباً من القضاء العسكري باستلام متهمين بفض اعتصام القيادة العامة.

وأكد الاستاذ نبيل أديب رئيس اللجنة في حديثه لـ(الجريدة) صحة ورود خطاب للجنته من قبل القضاء العسكري طالب فيه اللجنة باستلام متهمين وجهت لهم تهم بفض الاعتصام، مؤكداً أن اللجنة رفضت الطلب وذكرت انها لم تقم بالقبض على هؤلاء المتهمين من الضباط وضباط الصف، وكل ما تقوم ما يمكن أن تقوم به الاستفادة من التحقيقات التي اجريت معهم في هذا الصدد، كما حذرت من أن يسمح لهم بمغادرة البلاد حال اطلاق سراحهم.