كباية شاي

06:36 PM December, 25 2022

سودانيز اون لاين
أبوبكر عباس-الإمارات
مكتبتى
رابط مختصر

كباية شاي:
ممددنو للموت، أكتر من عشرين نفر حول العنقريب، فجأة فتح عيونو وقال لمروة بت بتو جيبي لي شاي أحمر بهبهان، بعض من الحضور تضايقوا؛ دايرين الموضوع دا ينتهي الزول دا طوّل، البت جابت الشاي ومع مسكة الكباية بيدو الروح طلعت.
بهناك بسرعة جوهو الجماعة ديك ولسّ ماسك الكباية بيدو قالوا ليهو؛
ما دينك؟
قال ليهم: ما قالوا انتوا بتجوا في القبر؟
قالوا ليهو: قبر؟! ما يمكن ما يدفنوك، أو يبلعك تمساح أو تحرق، نحن بنجي في اللحظة الفاصلة وين ما كنت، اللحظة دي أسمها البرزخ، سمعت بالبرزخ؟
قال ليهم: ممكن تدوني ثانية بس أشيل لي جغمة من الشاي؟
ما ردوا ليهو وطلعوا ليهم دفاتر
فكر يكونوا ما فهموا طلبو عشان بالدارجي السوداني،
قال ليهم: هل لي برشفةٍ من هذا الشاي؟
واحد منهم كعاهو بعصاية في راسو رمت كباية الشاي اتكسرت في البلاط.

حباب كمال عباس اها دا نسميهو شنو الاتفاق الاطارئ
غايتو كباية

يا صديق، كلمتك مائة مرّة تخلي البيرة الرخيصة دي،
كمال عباس دا كاتب سياسي شيوعي يدعي عدم الشيوعية،
أنا أبوبكر عباس أديب وقاص فائز بعدة جوائز

الباسل بابكر ..
الون تو بينك وبين الاروش صديق لا يقل روعة عن النص ......
.
.
في انتظارج الناقد المخضرم الخواض حتى تكتمل احداثيات الصورة ... :)

الخواض يا قسوم، ناقد تقليدي لا يستوعب دروب هذا النوع من الأدب العميق،
هو حي الله يستطيع سمكرة بيت بيتين من الشعر النمطي.
نشر نصوصي في هذا المنبر فقط من باب المجاملة فهو كما قال عنه صديقي الشاعر م مُحي الدين،
كراسي الخشب المكسورة الأيدي زماناً
في مقاهي السوق
تشتاق لروادٍ يضيئون الزوايا

Quote: يا صديق، كلمتك مائة مرّة تخلي البيرة الرخيصة دي، كمال عباس دا كاتب سياسي شيوعي يدعي عدم الشيوعية، أنا أبوبكر عباس أديب وقاص فائز بعدة جوائز

Quote: الخواض يا قسوم، ناقد تقليدي لا يستوعب دروب هذا النوع من الأدب العميق، هو حي الله يستطيع سمكرة بيت بيتين من الشعر النمطي.

لعلك تقصد الشعر (النبطي) يا مستنير فالمشاء حسب معرفتي بارع في
هذا الضرب من الشعر .

كُنتُ أُمني النفس بشراب كباية شاي بانجقلي معاك عِلآ الله ما أرآد،
عموما لك مني السلام ولرواد مجلسك الكرام...

النص أدناه ل (دامة) سودانية اسمها اسراء الشيخ ...

Quote: "زفاف مختلف" يوافق اليوم ذكرى زواجي من حبيبتي، تمنيتُ لو أحتفل بهذه الذكرى معها، لكن شاءت الأقدار أن أكون في مكانٍ آخر.. أتذكر تفاصيل ذاك اليوم جيدًا، الفرحة التي حلَّقتْ فوق رؤوس الجميع، الحناء التي زينتْ أيادي جميع رفاقي. صديقاتها، جاراتها، وأترابها اللواتي حضرنَ باكرًا ليشارِكنها الحدث بأعينٍ تملؤها دموع البِشر. أتذكرني وأنا أحومُ حول غرفتها مسترقًا النظر علَّيَ أبصر شيئًا من ثوبها.. الصياح والزغاريد والتكبير، تتسرب كل تلك الأصوات الآن إلى مسمعي وكأنها حدثتْ توًا. يتردد بداخلي صدى "ابشر يا عريس" وصوت الرصاص المنهمر فرحًا. أذكر تلك الرصاصة الغادرة الطائشة التي ضلتْ طريقها لتستقر عندي رأسي، أراها الآن حبيبتي بثوبها الأحمر الذي ما كان مقدرٌ له أن يكون "ثوب الجرتق" كما خططنا، تتراقص به على أنغام وجعها. رصاصة الفرح تلك من فورها أحالتْ الفرح إلى مأتم. لم تؤلمني الرصاصة، لم يؤلمني الموت أيضًا، كان جُل ما يؤلمني أنني برحيلي ذاك خلفتُ أسوأ ذكرى زواج مرتْ على أنثى. تمنيتُ كثيرًا أن أقبَّل يديها المرتجفتين من صدمتها وهي تمسك برأسي الغارق في الدماء، تمنيت أن تكون ذكرى زواجنا مختلفة. اليوم هي فوق الأرض تحتفل بذكرى زفافها على جثة، وأنا تحت الثرى أتمنى لو أمد يدي مخترقًا التراب والمسافة لأربت على كتفها وأشد من أزرها. #إسراء_الشيخ #رينيل

.
.
نفس نَفَس الكتابة يا مستنير .. ولا أنا غلطان !!!..

ما عارف يا ود المدير، لكن صديقك الشاعر يجيد الشعر الرسمي المصنوع،
مرات بصادف يسبك ليهو قصيدة رائعة الكلمات
الزول دا لو لقى الخيال بتاعي على ما يمتلك من ناصية اللغة كان بقى مبدع حقيقي

معقول بس يا قسوم، دا نفس نفس كتاباتي؟!
دا نص ضعيف الخيال

أحبطتني قسم الفضيل
رغم انه الاحباط ما شديد نظراً لانه علاقتك بالادب ما بتتعدى مندوب مجلة ماجد :)

فكرة قصة دكتور الاستنارة المبلول دي تصلح كأساس لقصة مسلسل خيــال علمي او فيــلم فانتازيا هوليوودي من بطولة مورغان فريمان وجاريد ليتو..
قصة فيها حبكة ابداع لا تقل إثارة عن فيلم The others بتاع بتنا نيكول كيدمان..
لازم تكون عميق اكتر من كدة عشان تقدر تكتشف بيضنة المستنير ..