الاخوه الافاضل تحيه طيبه كنت اقرا صباح اليوم عن وصول سعر الدولار فى السودان الى 1 دولار أمريكي يساوي 572.50 جنيه سوداني ٢٣ ديسمبر، 2002 الدولار الذى اتعب العالم والجرى وراء الدولار والغربه والسفر والجرى وراء الدولار والتعب الشديد من اجل حفنه دولارات وهناك من ينهب ويخرب الاقتصاد ويرتشى ويسرق باقل جهد وبدون اخلاق والكثير من المسئولين الذين لا اخلاق لهم من اللصوص والقتله طيب ياناس امريكا وناس كندا وناس المغتربين انتوا عايشين محل الدولار ولا ممكن تشتتروا دولار فى البلدان الانتوا عايشن فيها وممكن واكيد بتساعدوا فى الاهل والجيران والعارف وناس الحله وكل المعارف وكل ذو القربى واليتامى والارامل والله انا عارف كم يساعد الاخوه المهاجرين والمغتربين والله البيوت مفتووحه فى السودان بفضل الله ثم التحاويل والقروش التى يرسلها الاخوه المغتربين طيب يبقى السوال ماذا قدمت الغربه لكم وماذا اخذت الغربه منكم وماهو الشى الممكن يقدموا المهاجرين والمغتربين للسودان فى ظل هذه الظروف رغم انو اغلنا نحن معشر المغتربين بين الكثير من النيران نار الغربه ونار فراق الاهل ونار فراق الوطن ونار تربيه العيال بره السودان ونار العوده الى الوطن فى الظروف الراهنه والله ماعارف الحل شنو للقصه راسى ضارب والهموم بتزيد كل يوم والحياه تتصعب الوضع لايطاق والمشاكل فى زياده والاسر المتعففه كثيره والدواء معدوم والجرحى منذ اندلاع الثوره 7000 جريح وليس لهم اى مصدر دحل او حتى علاج ماذا نقدر ان نقدم لهم نحن المهاجرين والمغتربين ياريت كل زول عندو اى فكره فى كيف ممكن الناس تقدر تساعد والله الواحد شايل هم الناس الفى السودان سؤى كانوا الاهل او الجيران او الاصدقاء او المعارف وكل يوم نسمع مشاكل وحروبات وقتل ونهب وسرقات ومشاكل لا قدره على الناس المساكين قدره ولا طاقه لهم والله المستعان على امر الشعب السودانى
