Post: #1
Title: / الشَّلاقةُ عاقَةٌ /
Author: دفع الله ود الأصيل
Date: 12-23-2022, 05:23 PM
04:23 PM December, 23 2022 سودانيز اون لاين
دفع الله ود الأصيل-
مكتبتى
رابط مختصر
01-06-2016, 12:22 AM
@ الشَّلاقةُ عاقَةٌ @
انتظم سبعة عيدان ثقابٍ
صفاً واحداً كالبُنيانِ المرصوص، في وجه
عاصفةٍ هوجٍ و ريحٍ صرصرٍ عاتيةس ، في تحدٍّ
صارخٍ ، وغيرَ أبهةٍ بهول ما قد يحدث لها. غير أن
أحدها خذلته ساقه فانحنى للريح. فلما طارت شرارةٌ
"في دبة فزارةٍ" كان ذاك الشالقُ هو الناجي الوحيد
فيماااحترقت صويحباته في أتون ألسنة اللهب!
|
Post: #2
Title: Re: / الشَّلاقةُ عاقَةٌ /
Author: دفع الله ود الأصيل
Date: 12-23-2022, 05:29 PM
Parent: #1
يلا ، شايفين أصلي كييييف؟!!
01-06-2016, 12:23 AM
ذات المبدأ عبر عنه أبو الطيب.ذاك الشاعر المتنبئ ،
المغتر بمجده ،الفارس بلا جواد و الحالم لنفسه بإمارةٍ
يوتوبيا أفلاطونيةٍ متوهمةٍ حيث لا وجود لها.سوى في
أضغاث أحلامه وأمانيه السُّندسية ، يومَ أنشد قائلاً:
لا خيلَ عندك تهديها و لا مالَ
لو لا المشقة ساد الناس كلهم
الجود يُفقر و الإقدام قتَّالُ
ود الأصيل/ Aabersabeel
|
Post: #3
Title: Re: / الشَّلاقةُ عاقَةٌ /
Author: دفع الله ود الأصيل
Date: 12-24-2022, 07:32 AM
Parent: #2
.
01-06-2016, 12:31 AM
و قد عبر عنه أيضا
البحتري. لما عيرته برقة حاله
و ضيق ذات يديه ، إحدى الحسناوات اللائي
ربما يكون " تشالقَ " فاشرأب بعنقه لأعلى مما
يطال (جزلانه)،ليخطب وُدَّها . فأنشدها قائلاً :
لا تنكري عطب الكريم من الغنى
فسيلُ االماءِ حرب للمكان العالي.
ود الأصيل / aabersabeel
|
Post: #4
Title: Re: / الشَّلاقةُ عاقَةٌ /
Author: دفع الله ود الأصيل
Date: 12-24-2022, 07:50 AM
Parent: #3
© تحديات طفل معجزة π√ (Re: دفع الله ود الأصيل)
// شلاقة مع ود أبق و عشوشة و حضرة الناظر//
دي كانت مجادعة شلاقات حبيبنا النفاجي المخضرم/ود المطامير/
الشهير والملقب بعروة إبراهيم من أهلنا الشرفة الشريف بركات.
______________(01)__________________________
ياخ لامن الواحد يرجع يتذكر أيام جهلنا ديك و الشلاقة ، لمان يقعد يتكشم
براه متل نار القصب ، التقول مكشكش .طبعاً تريبة حبوبة بامتياز، كانت
مسميانى زي ما قلت، الجنا أب وشاً محومر..أها مرة في المدرسة شايل نبلتي
في جيبي قام أبو الرقيع كان راك لو فوق هجليجة(شدرة لالوب) طوالى حنيت
ليك رقبتىو طفيت نور شمال و مطيت النبلة و نيشت صاح . مع فكة الحجر
النصيبة دا سيّك سييييكوشتت (يعني قال لي : تلقاها عند الغافل)
+ يلا ، و إتا يا حجر الجن و المحن طاير بس قذيفة سكود
بشار و لا "غرادات"قذافي و ما تلطش علا حضرة الناظر،
تراح في سداغتو و قال كدي الدم انهمر كلسي العَرشم ،عمك
لامن اتعتع لورا وراواتلفت كحلني ليك لسة منيش، و أنا بعد
داك لسحت راحاتي وفكيت بيرق بالطريقة الصاح.. شلت النهار
داك مزازاة فضلت حايم بالحاحايات والضللة مع الحمير ، و الليل
كلو مغززة هضاريب ما نمت و قلت لحبوبتي تمشى نحنسيه
لي الناظر قبال يقوم يتعاور يرفدني من المدرسة.
|
Post: #5
Title: Re: / الشَّلاقةُ عاقَةٌ /
Author: دفع الله ود الأصيل
Date: 12-24-2022, 08:01 AM
Parent: #4
(02)
حبوبة عجوز قالت لي : برى يا يمة مالي ومالك ،
تشيل شيلتك براااك و ناكل نارك آبوي ، و أريتو دا
يا يابا يجيب ليك قلب ، أكان بس تهجس في واطات الله
دي وتبطِّل شلاقة . كلامها دا طير لي أبراج عقلي زيادة ،
و مندغش الرحمان جيت المدرسة كراع ورا و التانية
وراها، تقول بالله شارب لي لُمَّاصة تمبارة ول
ا بقنية و لا عسلية دُخُن لامن جسمي مبت.
|
Post: #6
Title: Re: / الشَّلاقةُ عاقَةٌ /
Author: دفع الله ود الأصيل
Date: 12-24-2022, 08:05 AM
Parent: #5
(03)
يلا، للختسار قام وقفو لي المدرسة دي على باراتا طابور
مخسوس و نادو كمان مدرسة ا لبنات ا لمجاورة لمزيد من الفرجة والشماتة
وشحطوني قدام الشفع متل السجين الهارب. والناظر العوينات شرار سرد مأساته
على رؤوس الأشهاد كلمتينو يقبل علي يقول: أقرأ القنوت ، قت لو ماني حافظا و يقع
ليك فينى محط ، يمعرني بمطرق لعوت خددددرة مليانة شوك ، لمان أحس بالجمرة
تكوي في تمرة فوادي و هو يقول للطابور: شوفو زولكم مو حافظ جدول اتنين
و لا عارف الدقعة ، لكن شاطر لي بس فى (فَنَّة) النبلة ، آخر حرفنة ،ينشن في
أبوالدنان في الهوا. يلا قعد يسألنى أسئله تعسفية و من أقول ليهو ماني عارف
يقع فيني بس جضيم و صفيق و شلاليت بس ما فاضل بس علا يعضيني في
عضاني؛ علا النورلمان شفتو خلاسكترها، قت لو: يافندي دا طابور
ما حصة تسميع ، دقنى بالفلقة بس فش غبينتكوريحنا. والطابور دا كلو
قال ليك قررررررو يا الضحك وهو من الحُرقهجدع المطرق دي متل
هنووووك و قعد يخنق فينى خنق ساااهبالله لمان فرفرت وحيست
بلباسي جابلو دعكة (بلل). بي ورا وقدام!!
|
Post: #7
Title: Re: / الشَّلاقةُ عاقَةٌ /
Author: دفع الله ود الأصيل
Date: 12-24-2022, 10:32 AM
Parent: #6
من وحي نظرية " الدخول في الوهقات و بعدينك تقعد
تكوس لي ليحلك منهن الحل بلة بين الخيت والمسلة"
دا قال : أمبارح شفت ولد صغير بشرب سجاير مسكتوا
وقلت ليه : أبوك صحبي ولامن ألاقيه بشكيك ليو😠😠
الولد عاين لي كدا ورسم وش" الحزن النبيل " 😟😟
وغرود عويناتو وقعد يدمع وقال لي : عليك الله يا عمو لو أبوي
وقع في عينك خليو يرجع البيت ليه سنتين مختفي وما عارفنو وين,
و لامن يجي 😭😭😭أنا حتي بشكيك ليه ، بوريه إني السجارة
ولعتهاموش عشان أشربا، لكن عشان أتشك بيها لامن بديت تتحرش بي
غايتو أنا خيتي يديني في راسي وهبشت ريقي مرتين لقليتو ناشف دُرَّابة
وقلت للشافع : والله يا حبيبي أنا زاتي ما بعرف أبوك أنا كنت بهظر معاك
بس حبيت أخوفك علشان تبطل تشرب سجاير. قاللي : والله أنا ززاتي
ياعمو وأنا كمان بهظر معاك أبوي في الشغل بس حبيت أتأكد إنك
بتعرفو ولا لاو برضو عشان تبطل شوبار و شلاقة
😂😂😂😂😂😂😂
الجيل دا من ياتو كوكب ؟ زحل يا ناس 😎
😂😂😂😂😂😂😂
|
|