Post: #2 Title: Re: حفل زواج نجل مدير جهاز الامن السابق صلاح ق Author: Hassan Farah Date: 12-19-2022, 05:43 PM Parent: #1
start at 0:09
Post: #3 Title: Re: حفل زواج نجل مدير جهاز الامن السابق صلاح ق Author: Biraima M Adam Date: 12-19-2022, 05:56 PM Parent: #2
أستاذنا حسن فرح سلام .. ناقل الزواج دا ليه؟ هل أنت فرحان؟ أم زعلان؟
ونبارك ونقول: يغلبها بالمال وتغله بالبنون ..
وفي لهجة البقارة: إن شاء الله بارده وعديله ليه .. تملي البيت عيال وتملي الربق عجال .. بنية جارة الرحمن ..
--------------- الربق هو الحبل الذي تربط فيه العجول الصغيرة .. المصاليب ..
بريمة
Post: #4 Title: Re: حفل زواج نجل مدير جهاز الامن السابق صلاح ق Author: Hassan Farah Date: 12-19-2022, 06:19 PM Parent: #1
((ناقل الزواج دا ليه؟)) بريمة مالو نفسك قام؟ خلى الناس تتفرج ياخى........ It is Joy in times of disaster
Post: #5 Title: Re: حفل زواج نجل مدير جهاز الامن السابق صلاح ق Author: Salah Zubeir Date: 12-19-2022, 07:27 PM Parent: #4
عرس ٥ نجوم ... بوفيه ٥ نجوم ... الناس زاتا ٥ نجوم ...
قوش دا من ما اتخرج من الجامعة ولغاية ما هجر البلد دي للقاهرة كان موظف ضمن موظفين الدولة ... موظف دولة يعني دخلو بكون من راتبو الشهري المفروض (فقط) ... ونسيبو كذلك الفريق كمال عبدالمعروف ... يعني عرس ألف ليلة وليلة وفي القاهرة يقام من قبل موظفي دولة في حكومة السودان ... طبعا لو وارثين اللتنين ما كان التزمو بالوظيفة عشرات السنيين ... طبعا سيرة غنى قوش سارت بها الركبان في القاهرة إسطنبول كوالالمبور ودبي ... غايتو الكيزان بيعملو في جنس محن ... قادر الله ... وبدون خجله كمان ... ويا حليلي أنا الما اتوظفتا في حكومة الكيزان وعديت عمري كلو احاحي وأشرك في الربع الخالي بين الرويس وبوحصا وعصب وحبشان ... والحسرة على المولد الفاتني دا ... ويا حليل الما اتوظفو في حكومة الكيزان وغرفو من نعيما ... نبكي بس ... المناسبة مناسبة فرح ومافي داعي للكلام الكعب .. حسن فرح تحياتي واحترامي ... ال X كوز ول ابا بريمه ... ما قنا حاجه ...
Post: #6 Title: Re: حفل زواج نجل مدير جهاز الامن السابق صلاح ق Author: عصام دقداق Date: 12-19-2022, 07:32 PM Parent: #5
مبروك لابن الجنرال والجنرال م صلاح عبدالله قوش واقبال كدا فرح العودة لحضن الوطن
Post: #7 Title: Re: حفل زواج نجل مدير جهاز الامن السابق صلاح ق Author: Mahjob Abdalla Date: 12-19-2022, 07:39 PM Parent: #6
Quote: ويا حليلي أنا الما اتوظفتا في حكومة الكيزان وعديت عمري كلو احاحي وأشرك في الربع الخالي بين الرويس وبوحصا وعصب وحبشان ... والحسرة على المولد الفاتني دا ...
و بعد ده كلو يا ابوصلاح يقولو ليك البعاتى موجود و لو غمضت عيونك لازم تخت الطبنجة جنبك و لا حيعضيك البعاتى.
Post: #8 Title: Re: حفل زواج نجل مدير جهاز الامن السابق صلاح ق Author: Biraima M Adam Date: 12-19-2022, 09:15 PM Parent: #7
Quote: ال X كوز ول ابا بريمه ... ما قنا حاجه ...
يا أخوانا شوفوا المحن دي .. ول أبا صلاح دا شنو؟! .. في صمة خشمى لصق فيني X كوز .. باركوا العرس ما تبقوا ناس حاقدين .. أنتم كده بتحاكموا في الشاب .. لأن أبوه قوش .. حرام عليكم .. ممكن يكون الرجل ماله حلال ولا دخل لوالده قوش به .. ولا تزر وازرة وزر أخري .. أها في الحالة دي تودوا وشكم وين من الله؟!!
بريمة
Post: #9 Title: Re: حفل زواج نجل مدير جهاز الامن السابق صلاح ق Author: Biraima M Adam Date: 12-19-2022, 09:15 PM Parent: #7
Quote: ال X كوز ول ابا بريمه ... ما قنا حاجه ...
يا أخوانا شوفوا المحن دي .. ول أبا صلاح دا شنو؟! .. في صمة خشمى لصق فيني X كوز .. باركوا العرس ما تبقوا ناس حاقدين .. أنتم كده بتحاكموا في الشاب .. لأن أبوه قوش .. حرام عليكم .. ممكن يكون الرجل ماله حلال ولا دخل لوالده قوش به .. ولا تزر وازرة وزر أخري .. أها في الحالة دي تودوا وشكم وين من الله؟!!