ظهر ان الخواجات عندهم قيم وأخلاق اكتر مننا ومن صحافيينا.. كل المعلقين أدانوا نشر الصورة.. واشادوا بالمصور حين اشاح بكرمته بعيداً.. شوف المعلقين قالوا شنو. وشوف اللى عملوا لايك كم.. يعتذر شنو يا استاذ على.. رجل عمره اكتر من 70 سنة..حقو اى واحد شاهد القيديو مرتين يعتذر ويخجل
Post: #6 Title: Re: الرئيس سلفا كير ميارديت .. Author: Biraima M Adam Date: 12-16-2022, 09:14 PM Parent: #4
الباشمهندس
يا أخي I am feeling so sad .. ليه حب السلطة بعمل في القادة الأفارقة كده؟!
يا أخ الزعيم الأفريقي لازم يموت في السلطة .. ما في أي فرصة لتداول السلطة أو فرص للشباب!
حالياً عبد العزيز الحلو داخل في السبعينات .. وهو يقود حركة مسلحة .. ح يعمل شنو كقائد ميداني؟
بريمة
Post: #8 Title: Re: الرئيس سلفا كير ميارديت .. Author: Biraima M Adam Date: 12-16-2022, 09:18 PM Parent: #6
الحبيب علي سلام ..
Quote: يا رب تعافيه من كل سوء
اللهم أمين ..
حرقنى تداول الخبر في الميديا الغربية .. فيه نوع من السخرية تخليك تغلي ..
اللهم ألطف بعبدك الفقير سلفا ..
بريمة
Post: #9 Title: Re: الرئيس سلفا كير ميارديت .. Author: Biraima M Adam Date: 12-16-2022, 09:33 PM Parent: #8
Quote: يعتذر شنو يا استاذ على.. رجل عمره اكتر من 70 سنة..حقو اى واحد شاهد القيديو مرتين يعتذر ويخجل
أنا فهمت كلام حبيبنا علي .. أن يعتزل سلفا كير الرئاسة ..
للعمر له أحكام .. رجل جاب كل أدغال الجنوب علي كراع كلـب كما يقولون .. شباب وفتوة وعنيد في القتال لدرجة التهور .. أتذكر مرة كنت في الدمازين وكان سلفا كير إحتل مدينة الكرمك أو منطقة قريبة منها .. والجيش نصب له كمين محكم ووضعه في حصار لا فكاك منه .. وجاءت مروحية لتنقذه هو دون جيشه .. رجّع المروحة فاضية وظل مع جيشه يقاتل حتى وصل الأمداد وأنسحب بجيشه ..
أنت عارف أفضل يخلي الرئاسة لزوجته ميري آيين ميارديت .. هى قائد أعلي في الجيش الشعبي ..
يا بريمة ..
المناسبة شنو يخليها لي زوجته ؟ توريث يعني !!
الانتخابات وين ؟ و لا دكتاتورية و خلاص !!!
Post: #14 Title: Re: الرئيس سلفا كير ميارديت .. Author: Biraima M Adam Date: 12-16-2022, 10:06 PM Parent: #13
يحي، هو مكنكش في الرئاسة لهذه الدرجة .. يبدو لا يمكن أن يتركها .. ووضع زوجته رئيس ممكن يكون مقبول له ..
تداول السلطة في أفريقيا لازم يتم بالبصارة ..
ولا شنو؟
بريمة
Post: #15 Title: Re: الرئيس سلفا كير ميارديت .. Author: مصطفى نور Date: 12-16-2022, 10:21 PM Parent: #14
Biraima M Adam اخى الغالى تحيه طيبه والله ليس على المريض حرج او كان مريض ولو كان سكران فالسكران فى ذمه الواعى والله نحنا الان واغلبنا فى سن المعاشات وسن التبول اللا ارداى وربنا يستر وبرضوو اغلب رؤساء الدول الافريقيه ودول الخليج اللاصقين فى الكراسى ديل اكيد مابنسوا يلبسوهم حافطات الكبار بامبرز اكيد يكون اللاصقين فى افريقيا وفى الخليج عمر 80 و75 ديل تفتتكر انهم مارجعوا تانى صغار وبيدوا التبول مره اخرى ولكن المسكين سلفاكير فاتت عليه قصه الحافطات والنكته انو مرة واحد كان ماشي بالشارع وداس على قشر موز.. وقع وضربت يده بالارض وتعور كوعه راح لأقرب دكتور .. ولما دخل العيادة .. قال للممرضه: أنا وقعت على يدي وتعور كوعي! وعايز اشوف الدكتور! قالت له الممرضه: عايزين عيّنة من البول (أكرمكم الله) استغرب الرجل وقال: عشان ايش عينة البول!!.. وشو دخل البول بكوع يدي!!؟؟ الممرضه غضبت وقالت: علي كيفيك !! لازم عينة بول عشان تدخل على الدكتور.. هذا النظام مافي بول .. يعني مافيه دكتور! الرجل.. سلّم امره لله وقال يالله مافي مشكله.. وجاب لهم عينة البول وسلموها للدكتور. وبعد شوي نادى الدكتور على المريض.. و لما شاف المريض ابتسم وقال: واضح الضربه قويه .. بس تطمن كوعك سليم ولا صار فيه كسر! المريض استغرب كيف عرف الدكتور وقال: أكيد الممرّضة قالت لك !! قال الدكتور: لا أبدا، تحليل البول هو اللي يبين كل شي ..لتحليل البول بالكمبيوتر أنا عندي جهاز جديد خذ هالمرهم وادهن منه كوعك، وبعد اسبوع راجعني ولا تنسى تجيب عيّنة البول معك ذهب الرجل لبيته وفي راسه الف سؤال... مستغرب من هالاختراع الجديد وقال لاولاده عن الموضوع وقاموا يضحكون عليه ويقولون له ان هذا نصب دكاتره ومافيه شي اسمه تحليل بول بالكمبيوتر بعد اسبوع كوعه خف تماما وقرر يروح للدكتور بس واحد من اولاده اقترح عليه ان يعملوا مقلب بالدكتور ويكتشفون النصب والاحتيال قام الولد وأخد عينة من بوله على عينة من بول امه على عينة من بول ابوه وحط عليهم شوية من زيت سيارة ابوه وقال: خلنا نشوف هالنصاب، شو بدة يساوي .. والله بنضحك عليه ضحك الرجل اخذ ( البول الكوكتيل ) وراح للممرضه وعطاها عينة البول وقعد ينتظر ... وبعد نص ساعه تقريباً طلع الدكتور ماسك ورقة طويلة .. قام الرجال وسال الدكتور وهو يضحك ها بشر يا دكتور شو نتائج التحليل !!؟؟ جاوبه الدكتور: واضح ان كوعك صار تمام التمام بس في شوية نتائج غريبة!!؟ ابنك مدمن مخدرات !! ومرتك حامل !! وسيارتك محتاجه تغيير زيت الان وبسرعه !!
Post: #17 Title: Re: الرئيس سلفا كير ميارديت .. Author: Biraima M Adam Date: 12-16-2022, 10:35 PM Parent: #15
ول أبا مصطفي نور
يا أخ أضحك الله سنك .. موتنا من الضحك ..!!
طبعاً المرض لا فيه عيب ولا مدعاة للضحك .. لكن الغلط زول بلغ هذا العمر .. مفروض يترك الحكم للجيل السياسي الصاعد .. علماً هو صنع تأريخ وأنجز إنجاز أهم للجنوب من الحكم ..
الرئيس كير محتاج يأخذ راحة فيما تبقي من العمر ..
بريمة
Post: #16 Title: Re: الرئيس سلفا كير ميارديت .. Author: Asim Ali Date: 12-16-2022, 10:31 PM Parent: #13
Quote: المناسبة شنو يخليها لي زوجته ؟ توريث يعني !!
الانتخابات وين ؟ و لا دكتاتورية و خلاص !!!
سلام عليكم للاسف بعض عقليتنا تدعم الديكتاتوريات والتوريث والجهوية والقبليه والعنصريه حتى بعد الانتقال للغرب يصعب الذوبان فى المجتمع (الذوبان الايجابى)ويكون الدعم والتاييد لابن/ة (الانتماء (لانو عربى او مسلم او افريقى .....الخ) لذلك مشمستعرب انو فى بلادنا النزعات السلبيه دى تكون موجودة وتجرى مجرى الدم من الكثير (ديكتاتوريات باسماء متعددة نرزح تحتنيرها الجهة والقبيله والدين والطائفه.....الخ) يجمعنى مجلسونسه احيان كثيرة بواحد منابناء الشلك البسطاء فى معترك الحياة لكن صاحب راى وموقفسياسى ووجع من مايحدث فى بلدو والاحساس بالظلم الوالتمييز لمبنى على اساس القبيله اثناء الحوار قلت ليهو مفروض الانتخابات ابتسم بسخره مغموسه فى مرارة انتخابات ؟؟!!1
والحديث اليك اعن واسمعى ياجارة فان كان هناك صراع على الحكم بخلفيه فبليه فالسودان تحتاسر (التوريث التنظيمى) من جيل الى جيل ومن طبعه الى طبعه مع بعض الاخراجالمسرحى لكنها كما يقولعادل امين قلبو المرتبه ....... تحياتى
Post: #18 Title: Re: الرئيس سلفا كير ميارديت .. Author: Asim Ali Date: 12-16-2022, 10:42 PM Parent: #16
الفيديو شفتو امس وللاسف يعبر عن خلل فى عمل جهازين فى الرئاسه المراسم والجهاز الامنى الى لو كانو اجهزة محترفه لاحتوت الامر بهدوء لكنها اجهزة فى العالم التالت ولاغرابة
Post: #19 Title: Re: الرئيس سلفا كير ميارديت .. Author: Biraima M Adam Date: 12-16-2022, 11:06 PM Parent: #18
Quote: للاسف بعض عقليتنا تدعم الديكتاتوريات والتوريث والجهوية والقبليه والعنصريه حتى بعد الانتقال للغرب يصعب الذوبان فى المجتمع (الذوبان الايجابى)ويكون الدعم والتاييد لابن/ة (الانتماء (لانو عربى او مسلم او افريقى .....الخ)
أنت عارف يا عاصم .. نحن في الغرب أكثر واقعية منكم في السودان .. أنتم بتحلموا بمدينة فاضلة .. وغير موجوده ولا ح توجد .. لازم تعيشوا واقعكم بأبعاده المأساوية ..
بريمة
Post: #20 Title: Re: الرئيس سلفا كير ميارديت .. Author: Asim Ali Date: 12-17-2022, 11:47 AM Parent: #19
Quote: أنت عارف يا عاصم .. نحن في الغرب أكثر واقعية منكم في السودان .. أنتم بتحلموا بمدينة فاضلة .. وغير موجوده ولا ح توجد .. لازم تعيشوا واقعكم بأبعاده المأساوية ..
بريمة
سلامات بريمه واقعيه شنو ؟ و وين ؟ الغرب البقىاخير منو كرتون كسلا ؟ الهجرة بشرعيها ووبغيرو حولوهو من مجتمع كانوجهة للحيياة فى سلام ونوع من المساواة وسيادة القانون افضل بسنوات ضوئيهمن واقعنافى العالم التالت لكن فى العقود الاخيرة اتحول حتى فى ابسط الاشياء لنموذج من الفوضى حتى فى النظاموالسلوك الحضارى اتنقلت ليهو مجتمعات نظريا هاربه من صراعات وتمييز بجميع اشكالو وحروب ...الخ لكن نقلو جرثومه ماهربو منو وتعمقت صراعات وبرزت صراعات فى المجتمعات الغربيه مامفروض تظهر لو ما ناس الجهاد الحضارى سايقين مجتمعات بالخلا هناك عشان يفتحو الغرب حسب فكرهم ارهاب وجريمه ودعارة لورداتها من ؟ المسكين البيهاجر بعلمو وبخبرتو يجد نفسو وقع فى رحى صراع اجتماعى وثقافى وانتقال للسياسه ملوث بكلجرثومةماهرب منو فى وطنو الاصلى علىالاقلنحنا فى مجتمع السودان بنعيش واقع ماساوى وبنحلم ونسعى لاحداث فرق (مش مجتمع افلاطونى) ويكفينا رمضئنا من نار ونيران خارج الوطن حاولت اوجز واضغظ الفكرة فالحديث واسع وعميق فى الحتة دى تحياتى
Post: #22 Title: Re: الرئيس سلفا كير ميارديت .. Author: Biraima M Adam Date: 12-17-2022, 01:03 PM Parent: #21
أبو حسين يا أخ دا خبر جديد لنج .. لا حول ولا قوة إلإ بالله .. قتلوه!!
وبرضو ول أبا عاصم، يتحدث عن مدينة فاضلة .. الديمقراطية والتحول الديمقراطي للحكم ..
زول، كما يقول اللبنانيون، اصبح ختيار ويتعيّل في ملابسه وتجئ تقول تحول ديمقراطي .. زول 12 سنة في الحكم ومازال مواصل!
أنا أدعم، تسليم الرئاسة للسيدة الأولي ماما ميري أين ميارديت ..
بريمة
Post: #23 Title: Re: الرئيس سلفا كير ميارديت .. Author: Biraima M Adam Date: 12-17-2022, 01:49 PM Parent: #20
ول أبا عاصم سلام .. يا أخى أنت بتقول في كلام سماعي ساكت .. وتنسب ما يجري في الغرب بسبب المهاجرين .. العكس تماماً المهاجرون كشفوا أشياء مهمة للدول التى أتووا منها وساهموا مساهمات كبيرة في إعادة بناء وصياغة الأنسان في الغرب .. أول هذه المساهمات هى كشف حقيقة ما يجري في الغرب من عنصرية وإذلال واستغلال تم في الغرب .. وما زال يجري بأسم الحريات .. مثلاً في الغرب هناك 52 توصيف (جنس الشخص .. اقصد ذكر أو أثني .. ديل عندنا نحن المهاجرين ..هم لديهم تفاصيل يشيب منها رأس الغراب ..)، الشيئ الثانى نحن نعيد بناء الأسرة في الغرب .. مثلاً سكان الغرب تجتمع الأسر فقط في أعياد الميلاد ورأس السنة .. ويخرج أبناءهم من المنازل في سن 18 سنة سواء بنت أو ولد .. نحن لا وألف لا .. أولادنا معنا والحمد الله .. لو ذهبوا جامعاتهم يعودون في العطل .. ونقضي أوقات حلوة معهم .. نسألهم عن تجاربهم التى مرت بهم وماذا ينوون أن يفعلوا .. وهذا نوع في بحث حالتهم النفسية ومواقفهم الأجتماعية وتطابقها مع تراثنا الدينى وقيمنا .. ونحن نجدد إلتزامنا الدينى والقيمي والأخلاقي كلما سنحت لنا الفرصة .. نختوا أيدنا زي لعيبة الكرة .. وتقول ما تريد .. ثم تأمنوا علي ما أتفقتم عليه .. ما أظن نحتاج لمثل هذا في السودان ..
نحن تعلمنا الكثير جداً من أبناءنا بالذات في مجال الصداقات وكسر حاجز الألوان وكسر حاجس التعامل مع الأخر .. تعلمنا وما زلنا نطور في تجربتنا ..
------------------ وجاييك يا عاصم في مداخلة أخري ..
بريمة
Post: #24 Title: Re: الرئيس سلفا كير ميارديت .. Author: Biraima M Adam Date: 12-17-2022, 01:51 PM Parent: #23
ول أبا عاصم،
المشكلة فيكم أنتم، ناس السودان، أنتم واقع مأساوي من ناحية الحكم وعايزنه يتغير ما بين ليلة وضحاها لكي تعيشوا بمواصفات العالم الغربي .. دا ما بحصل .. وأنا بشوف الديمقراطية في السودان أو الجنوب يجب أن تأخذ هذا الواقع سواء في وجوه القبلية أو الأثنية .. لا يمكن يا عاصم في هذا الظرف أن تضع حاكم في الجنوب من قبيلة النوير .. إلا إذا الحركة الشعبية تبنت مثل هذا الخيار .. لا أحزاب ولا منظمات مجتمع مدني ولا غيرهما تستطيع فرض رئيس نويراوي في الجنوب .. يعنى أحزابهم وديمقراطيتهم لا قيمة لهما .. مجلس حكماء الدينكا يشط ليك النتيجة زي ما حصل حاجة .. دا واقع تعيشوا ككيف يا ول أبا؟ جيب زوجة الرئيس وأعملها رئيس فهى مازالت قوية ومتماسكة صحياً .. والجيش الشعبي يدين لها بالولاء وكثيرمن الجنوبيين.
وهاك يا ول أبا عاصم .. عشان تشوف كيف نحن adapt كيف نحاول نغير واقع الأخر .. أنظر لهذه المرأة الأمريكية وكيف أحبت موسقانا السودانية .. هناك عدد جم من الفيديوهات السودانية التى دأبت لتقديمهم لأنسان الغرب ..
