كسودانيين بالفعل ابتدأنا نجهز نفسنا لكأس العالم القادم والدليل أهو

11:26 PM December, 12 2022

سودانيز اون لاين
توفيق عيسى مكي-
مكتبتى
رابط مختصر

طبعا عشان أنا افضل إعلامي في بلدي السودان
فلازم أكون أول مبادر وبقوة
لانه الإعلام هو المحفذ المؤثر
وصدقوني آلاف من الاعلاميين حا أكون قدوتهم
ويشتغلوا شغلتي دي لرياضة بلدنا
][/url]

بحمد الله فايت اعلاميي السودان ب 313 مليون سنة ضوئية

في الفيديو ده ختيت النقط في الحروف
وحملت خارطة طريق واطحة
وأعلنت ايقاف ضرب النار
الحصة وطن

معليش أي أمير في مكاني بعمل كده
الأمراء نظرتهم بعيدة
وبدورو الخير لبلادهم

معليش حبوبتي النمساوية الأوربية صوفيا ام أبوي
حا ألعب مع اصولي الاساسية الافريقية
كاس العالم تاني افريقي بسس

1- انشاء الاكاديميات الرياضية

حنانك يا حالم ، كده في الاول نحل مشاكل الادارة الاهلية والشراتي والعمد والحواكير
والقبائل وأولاد البحر والجلابة وخرتمية حزب وديشليون حركة مسلحة وتريليون حرامي
ومليون خبير استراتيجي ، كلو ده كوم وحميدتي والبرهان ومرتزقة الحركات المسلحة كوم ،
لو في أي شيء من ده موجود ، نحن ما حنقدر نستعد لكاس عالم مسابقة الحمير

دي رؤيتك لي 2072

Quote: حنانك يا حالم ، كده في الاول نحل مشاكل الادارة الاهلية والشراتي والعمد والحواكيروالقبائل وأولاد البحر والجلابة وخرتمية حزب وديشليون حركة مسلحة وتريليون حراميومليون خبير استراتيجي ، كلو ده كوم وحميدتي والبرهان ومرتزقة الحركات المسلحة كوم ،لو في أي شيء من ده موجود ، نحن ما حنقدر نستعد لكاس عالم مسابقة الحمي

انا ما حالم ولا حاجة اخي الحبيب ترهاقا بل أكتر زول هنا واقعي وعقلاني اليوم الرياضة وكرة القدم اصبحت صناعة واستثمار تدرج ليكون في المرتبة الثالثة لنواحي الاستثمار في العالم ولربما من وجهة نظر أخرى في المرتبة الثانية وطالما نريد الاستثمار الاجنبي لبلادنا المنطقي نشوف المستثمرين شنو البيستهواهم المسألة ما انشاء وزارة استثمار وحات الله دي خصم علينا ومخسرانها وبقوانينها المخستكة استحلفك بالله ادخل على برامجنا في اليوتيوب وشاهد برنامجنا الفن والاقتصاد وشوف كلامنا شنو وهل ما واقعي ومفيد وهل صعب تحقيقه قطر صنعت رياضة بالقروش زي ما فاهمين لكن الحقيقة ما بالقروش بل بالتفكير السليم اي بيزنس محتاج لتمويل والشركات الضخمة الممولة مستعدة تدفع لو اقتحمنا العالم ده بموضوعية وعقلانية وشجاعة وثقة إننا نكون الأفضل في العالم مع حبة علاقات دولية وما ناقصانا تجهيز الملاعب دي اسهل حاجة وممكن نركبها في سنة 20 ملعب كلها بتتمول من بره ما بنخسر فيها جنيه

الكيزان عشان ما عندهم علاقة بالرياضة وبيعتبروها احدى برتوكولات صهيون في فكرهم الكلام ده مستحيل يستوعبوه كذلك اليسار كل همه يدمروا الكيزان لا اكثر وهم حقيقة بيدمروا السودان
بتذكر بمرارة تجهيزات مؤتمر القمة الافريقية وقمنا عملنا الفلل الرآسية وصرف للقمة دي اموال لا تحصى
اوكي بس الفائدة والعائد المادي شنو
يا أخواننا فكروا زي ما اهل الدنيا كلها بتفكر الناس ما بتطلع قرش الا يدخل قرش قصة مكاسب سياسية دي ما بتأكل عيش بل بتحطم عشان البجوك ديل بقتنعوا انك زول هطلة ودلاهة وعوير السياسة في العالم كله امرها محسوم ما ممكن يكون العرب الانت قريتهم وعلمتهم تقع ليهم اكتر منك وانت تفضل طرورة ساي
والكلام كتير بس نعسته

Quote: دي رؤيتك لي 2072

ايي والله يا Deng اقسم بالله ده البحث الناس عليه
ولو اجتهدنا ممكن نختصر الزمن بقدر اجتهادنا
مافي مستحيل لما تكون في ارادة قوية جبارة
هي الناس دي كلها اتقدمت كيف ووصلت للوصلت ليهو كيف
كلهم انفجروا من داخل ظروف اظرط من بت كلب
لكن حكموا العقل واشتغلوا

نحن في سبيل إصلاح اقتصادنا اتجهنا لبناء قواعد جديدة اساسية لأننا نعرف جيدا أن الاقتصاد هو فن ادارة حياتنا بالرفاهية المثلى ولهذا اهتممنا بعشرة قطاعات غير مستحدثة في السودان وركزنا عليها شديد
اولا ضغطنا لقيام وزارة الاتصالات وتقانة المعلومات بشوت ضفاري حتى استجيب لنا سواء برسائلنا في منصاتنا الكتيرة لخلق راي عام او مباشر بعلاقاتنا باهل السلطة والاحزاب او بكل الطرق الممكنة كذلك اهتمامنا بالفن والرياضة والسياحة كموارد اساسية لرفع ناتجنا القومي
وخصصنا عبر قنواتنا اهمية ذلك بشرح بسيط مهضوم جزاب لاهمية المواكبة الحديثة للاقتصاد الحديث
ومن ضمن هذا تبنينا لمشروع قيام عدة بطولات قارية في السودان
أي بداية فتح الملف السوداني للأستضافات
المغاربة اول من فتحوا ملف استضافة البطولات القارية وكان نافستهم جنوب افريقيا التي فازت عليهم بفارق نقطة وذلك للاهمية الاستثمارية
روسيا لولا استضافتها لكأس العالم ما كان خرجت من حافة الافلاس الذي اعلنته رسميا

نحن حقيقي من قبل كأس العالم بقطر ابتدأنا الترويج
وبعلمية واردة قوية لتحقيق حلمنا كسودانيين نكون في
كأس العالم القادم المسألة ما صعبة ولا مستحيلة
والأهم بنين للدولة قبل الناس انه الشغلانة دي مربحة جدا
ماديا الناس بتتقاتل عشان الارباح دي