Post: #1
Title: الحزب الشيوعي يطالب بمحاكمة البرهان
Author: زهير ابو الزهراء
Date: 12-12-2022, 05:21 PM
04:21 PM December, 12 2022 سودانيز اون لاين
زهير ابو الزهراء-السودان
مكتبتى
رابط مختصر
طالب عضو اللجنة المركزية بالحزب الشيوعي صديق يوسف، بمحاكمة البرهان والعسكر المتورّطين في الانقلاب قبل التفكير في الاتّفاق الإطاري.
وأعلن عن رفضهم القاطع للاتّفاق.
وشدّد يوسف في تصريحاتٍ لصحيفة الحراك السياسي الصادرة، الأثنين، على أنّ الاتّفاق الإطاري لن يحلّ الأزمة في البلاد، جازمًا بأنّ الاتّفاق سيعمل على إعادة المناصب التي فقدتها قوى الحرية والتغيير بسبب انقلاب البرهان.
ولفت إلى أنّ الموقّعين على الاتّفاق يقفون ضدّ التحوّل الديمقراطي.
ووصف يوسف الاتّفاق بأنّه كيكة تقاسمها العسكر مع قوى الحرية والتغيير.
|
Post: #2
Title: Re: الحزب الشيوعي يطالب بمحاكمة البرهان
Author: Nasr
Date: 12-12-2022, 05:32 PM
Parent: #1
ما شفنا بلد ما فيها سلطة تشريعية
والسلطة القضائية تابعة للديكتاتور الحاكم
وتطالب بمحاكمة الديكتاتور
كدي سقطوا في الأول
المحاكمة هينة
|
Post: #3
Title: Re: الحزب الشيوعي يطالب بمحاكمة البرهان
Author: عبد الله حسين
Date: 12-12-2022, 10:42 PM
Parent: #2
Quote: ما شفنا بلد ما فيها سلطة تشريعية
والسلطة القضائية تابعة للديكتاتور الحاكم
وتطالب بمحاكمة الديكتاتور
كدي سقطوا في الأول
المحاكمة هينة |
ذي ما قلت ليك إنت ما عندك مؤهلات وأدائك ضعيف، صديق يوسف سياسي كبير وخبرة وعارف بقول شنو
إنت ما متابع منظمات حقوق الإنسان والمنظمات الدولية والأمم المتحدة والدول الغربية وغيرها بتقول شنو في الحالات دي
بقولوا ليك والخطاب بيكون موجه إلى النظام الحاكم في البلد المعينة حتى لو كان نظامها القضائي ذي الواطة
يرددون دوماً في هذه الحالة :
"يجب تقديمه لمحاكمة عادلة"
" يجب تقديم الجناة إلى المحكمة"
لكن نقول شنو !!
وأصلاً إنت لا يهمك شهداء ولا غيروا
همك فقط ترجع سلطة الدم بشراكة الدم
|
Post: #4
Title: Re: الحزب الشيوعي يطالب بمحاكمة البرهان
Author: Nasr
Date: 12-13-2022, 05:38 PM
Parent: #3
عشان نفهم كويس
الحزب مطالب منو أنه يحاكم البرهان ؟؟؟؟
القضاء السوداني ؟؟؟؟؟
ما فاهم (أخدني علي قدر عقلي )
لو أن الحزب الشيوعي قال بوضوح
نعمل علي إسقاط البرهان ومن ثم محاكمته
يكون قال كلام متسق ومنطقي
|
Post: #5
Title: Re: الحزب الشيوعي يطالب بمحاكمة البرهان
Author: عبد الله حسين
Date: 12-13-2022, 11:05 PM
Parent: #4
إذا ما فاهم !
بتعلق على شنو ؟
كل ما تفعله هنا هو
معاردة الحزب الشيوعي
معاردة المعارضة
ذي الكانوا هنا زمان
بتاعين معاردة المعارضة
كلامك بتاع الاتساق ده الما عندو معنى
مرة تانية
أمنستي وكل منظمات حقوق الإنسان
والأمم المتحدة وكثير من الدول
بطالبوا بمحاكمة من ارتكبوا جرائم
أمام قاضيهم الطبيعي
في بلادهم
حتى لو كان هذا القاضي
أو النظام القضائي
ذي الزفت
فهل ديل كلهم وهم ساي ؟
لكن إنت الأزعجك هو الخوف
على الاتفاق الإطاري مع القتلة
ما عاوز تسمع أي حاجة تمسهم
وخاصة من الحزب الشيوعي
|
|