/افتَحْ يا سِمْسِمْ أبْوابَكْ نَحنُ العَنْقالَةُ/

05:50 AM December, 12 2022 سودانيز اون لاين
دفع الله ود الأصيل-
مكتبتى
رابط مختصر

يـــــــــــــلا علينـــا جــــــــــــــــــــــــأي
نُعلُنها هكذا مُدَوِّيةً و لا نخشى فيها لومةَ لائمٍ
سوى الله َ خالقنا و الذئبَ على "قطيع" غنمِنا!

ح نوريكم للمو عارف يعرف لمذا نحنو
معشر حزب الكنبة الورانية اخترنا "نتعنقل" في
الكنبة الورانية بس روقو لينا المنقة وساعدونا
بالسكات والموية "الساقطة" والغريق جاي

أولن القعاد في الكنبة الورانية بالزات في حالفات
ناس أمبدات كرور و أب نيران و زقلونا و الوزير دقس ،
بخليك كاشف المعلب قدامك تمامن ، يعني أي شنكبة عنكبة
أنت بتكون ناقش الزيت بكل ملابساته ، بدو ن ما تحتاج
تتلفت ، دي واحدة ، و التانية ممكن تدخل معاهم في المناقرة
كحجاز مسلن ، أو حتى لو فيها كوماج ممكن تدلي بي
بي عكازك ، وكان تب غلبتك حيلة ، ممكن تنط بأقرب
شباك من غير ما حد يعفصك ولا هم يحزنون.

من إفيد فوائد العنقلة (IF ANY)،
المضايرة في ركن الكنبة الوارانية طبعن،إنك بتكون
كاشف الملعب قدامك ، و حكم راية مراقب لصيق لما يجري
من أحداث و ضبط إيقاع لحركات الهشكبشك أثناء سير الحافلة.
جاراً لينا هنا رباطابي ممسوخ و منعول و قليل أدبٍ كمان لمن
لسانو متبري منو.. قام مسكني حكى لي دي: قال لي عمك دا جاي
من ه نوووك شايل ليه طبق بيض جنا جداد الواحد داو شب طالع
حافلة خط أمبدة كرور. لقاها خلاص مغلِّقة ما ناقصة و لا نفر.

+ قال يشمِّع مع الكمساريفوق صبارة الموية و في المقعد الجنبو في راكبة
واحدة دبل قير و دفرنش. قام قال ليها بكل زوق و أدب: يا حاجة عليك الله لو
سمحتي تفتحي لي أوراكينك ديل توسعي لي شوية كدا النكمد ليك بيضي دا. قالتلو
و بكل عفوية وأريحيةٍ باذخةٍ : جداً ياخوي على الرحب و السعة .
لحدت هنا و الأمورطبيعية جداً. لكن يقوم يتسلط واحد أعمى ملقوف و شالق
و خيالو واسع و راكبفي آخر كنبة لقط ليك الإسكتش المبتور دا بحاسَّة سمعو
(الوحيدة الشغالة يتحسسبيها دايناميكا طيبعة لاشياء) ، و الظاهر كمان نسفو
لا تخلو من خبز و خبايز قام قلَّبا في راسو كدا مع الوسواس الخنااس لقى
الشغلانة ابدن ميها جاية و حتجيب ليها هوا،قال: أفووو آناس ما جاطت.
و قام تترب قمز و نط مرق بالشباك قال ياخوي نتخارج قبال ما
ناس الهبيكة يكوركو " نحنا في الدمعات غرقنا"

ود الحيشان التلاتة انزيك
رأيك شنو في الشبروبة.
مقتطف من مقتطفاتك الابداعية
ولو افترعت فيهو خيط تكون كملت الناقصة

اهلا ودالاصيل في دارك

بناء على دعوتك لنا في بوست "حزب الكنبة" جئنا للمعاينة والتعليق.

هنا العنقلة بمعنى "الجلوس"، ولكن المعنى الاصطلاحي السائد في المنبر هو الجهل ولباس قناع الريفي البسيط.

طبعا لا ضير من مزج العامية بالفصحى بمقادير تناسب المقام والحال.

والختام سلام ودعوة للوئام .

إسهاماً في التحميس حتى نعود بفضوة اليكم هذا

https://sudaneseonline.com/board/180/msg/-1228256477.html

العنقاله !!

Quote: ليس هناك من مصطلح صكه العقل السودانى مفيد فى وصفه للموصوف وأقرب فى معناه للثقافة السودانية مثل مصطلح ( عنقالى) ... لعل عنقالى من عنقل ...وهو وصف يطلق على من يقوم بعمل شيئ وهو دون الشيئ علما ومكانة ... وبهذا المعنى الأصطلاحى ، يصبح مصطلح عنقالى منسابا لكثير من الاحوال ..... على سبيل هناك العنقالى السياسى ( عنقله سياسية ) وعنقله أكاديمية ..... وعنقله ثقافية ..... والمؤنث من عنقالى هو عنقالية ... و الجمع عنقاله مثل قولك عتاله ... أما صيغة المبالغة هى عنقيل ... كأن نقول فلان هذا عنقيل ...فالتعبير أدخل الى العنقله وأشد مقدرة ونقول عن المرأة عنقيلة ... ولقد أوردت هذه الصيغه فى بيت شعر من قصيدتى الشهيره (فارس وعنقاله) أنظر قولى : مضت السنون فيكم فكرهتكم .... من بين طباز عتل وعنقيل أنا البحر يلفظ حيتانه .... فالزرى مطلبى وحيث أميل

الكاتب : Abuelgassim Gor


المهم انجوي ذا بوست والأشعار العنقاليــة

Quote: اهلا ودالاصيل في دارك بناء على دعوتك لنا في بوست "حزب الكنبة" جئنا للمعاينة والتعليق. هنا العنقلة بمعنى "الجلوس"، ولكن المعنى الاصطلاحي السائد في المنبر هو الجهل ولباس قناع الريفي البسيط. طبعا لا ضير من مزج العامية بالفصحى بمقادير تناسب المقام والحال. والختام سلام ودعوة للوئام .

جيدن جيتو و حلتم أهلن و نزلتم سهلن يا خواض.
و الغيبة أمبارح كنا في عشرة ونسة معانا شباب من جيل
العقد الثالث ، فجاة واحد رمى العبارة قال كانو زملانا بعد
المدرسة بيشتغلو اي حاجة يساعدو أهاليهم و نحن نمش نلعب
دافوري لغاية المغرب نمش السينما نلقالهم فارشين تسالي و
كبكبي و قفول حاجَّات ونجي داخلين فوقم عناقلة ساي.

فبرضو كلام أدانا بعداً ثالث اً للعنقلة و كأنما
لو كانت رديفاً لمصطح رفع القزاز.

Quote: ود الحيشان التلاتة انزيك رأيك شنو في الشبروبة. مقتطف من مقتطفاتك الابداعية ولو افترعت فيهو خيط تكون كملت الناقصة

حيَّ الله العارف بالله وآكشنات الفتاشوب
آمت بيك فنَّاتن شامل و فايت بمراحل ولدنا
المتزدق عمر دفع ا لله .
يلا" الشبروبة" دي ، لو قدرت أجازف المصطلح
كما ينبغي، بتكون قريبة من التِّشِبِّر " الشلا قة عاقة "
وطبعن اختلاف الغافات لا ي[ُفسد للمغزى قضية.فلو
الامر كذلك حاضرين للعارفين نفرع ليك بيها خيت
و أنت بس تساعدنا بالفتاشوب والموية الساقطة ب
عدين شباك التذارك ففتي ففتي ـ خلاس اتفقنا!
بالموناصبة ، زماووونك نصحني أخونا ود المدير
قاللي:إتا أصلن شني الشلاقة ليك وشن جابرعلى المهابشة
قلتلو : جابراني المغسة و الله يا النشمي الحمش الحفيان فوق
النار تمش. و كان للحميرلاي ( و دي طبعن تسميةأوسكار
عديل، تصل خمشة نجوم و لاطشا منك صخشيا ).
فحميرتي دا مسلن لو فوقو فرد حاجتن واحدة ممكن تخليك
موش بس تعيرو اتلفاتة و لا تاخد سندة عندو ، لا كمان تبلعو
بي ( كرعينو ا لكانن مشققات) ؛ إنو طبعن كالتلاه الصراحة
والصراحة راحة احدالبجاحة. يعني بتاع « حبيبي أمسك لي..
و أنا بكطع ليك..و للحاصل بي و الحاصل بيگ» ؛ و لا
عندو أي قشة مرةأصلن عشان تعتر ليو، و لا مانع
لديه من حگاية إتا شيلني و أنابشيلگ عديل كدا
بالواضح المو فاضح.،فشايف گيف!

ود الحيشان التلاتة الشبروبة ضبحتها ضبح
وتيب وما ياهو زاتو القلتو.
عليكم تجضموها وعلينا نفشتبه.
وفي الانتظار.

يلا ي ابعارف ارحكاكا بهناك
فتحنا ليك الخيت شلاقات عيبة و غريبة!

Quote: على سبيل هناك العنقالى السياسى ( عنقله سياسية ) ]

جزاكم الله خيرن ود الزينين،
بس أقيف لي في عنقلة سياسية دي أقرب للعطالة ، و
ما في شييتن غيرا دفعنا لإعلان ميلادالعنقلة الشعببية
على غرار الدلدوماسية الشعبيةأللي لسة فيه عضو واحد في
المنبر هو العبد لله ، و في أتجاه قوي ندعو شيخ التفافين
للانضمام لينا بجمهوره عنقالته العريض ، برضو شايفو
لاهو عاجبو العجب و لا صيام رمضان ظاطو،
خليك من رجب و نتوقع جذب الكثيرين.

(34)
///حزب أم رخم الله //
@ صبحكم و مساكم الله أخوتنا في الله يا من أنا منكم
و ضيوفنا الأكارم بصباحات ٍ و أماسي رابحاتٍ و بكل خيرٍ
نافحاتٍ ، فلقد أضحكني ذاك المجنون الذي صادفته يحكي
نكاتاً بائخة لذات نفسه شخصياً حتى أسال لعابي ثم أجهشني
البكاء المر حين أدار كأس سؤاله نحوي و كأنمايَشككٍ في( خميرة)
سودنتي!؟غير أني أأخلفت موعدي ؛ و زل لسانقلمي فراح يثرثر
هكذا كما السادة البُلَهاء و ينطف مداده خبطِ عشواءَ.

@ و لكن جاوبته قائلاً: قل لي بربك عن أي سودانٍ
تسألني و على صعيد أية رقعة منه تنوخى العثور على بقايا
من حطام رفات رجلٍ هِلِهْلِيٍّ مثلي ، فقدتُ ظلِّي و هِمْتُ وجهي
عائشاً وحدي و سوف أُعث حياَّ ً لوحدي؟! هل في ربوع هذا الذي
إذا شغلت بالخلد عنه، نازعتني إليه في الخلد نفسي؟! أم يا تُرى في
ذاك المحمول جواً، و نحن فيه طُرُشْ في جبانةٍ هايصةٍ ، و حالنا أسوأ
من ثالث تلاتةٍ قامت (أم رخم الله) برفع مرّ شكواها ضدهم إلى السيد/
بان غي مون، و التي بقيت معلقةً إلى حين قدوم خَلَفِه الحاليالسيد /
غوتيريش ، مدعيةً أمامهما تفوقَها عليهم عقلياً وحضارياً،
حيت قالت: ألا و هم:_
- النزل إدلى البحر و جانا راجع بي جنابتو ؟!؛
- ولَّا داك الباني بيتو جاهز و لاكين ساكن مزاحم و مضايق نسابتو؟!؛
- و لَّا كمان داك المحكر وسط اللمة و قاعد و لسة بسأل شن قالت رفاقتو؟!!
گسسيسرة بجاي:_
@ و لعل ستي أم رخمو قد سكتت خوفاً من تباريح الهوى الساخن الغلاب
، عن رابع لهؤلاء ،هو شعب بلادي الحبوب لي هسي محقب يدينو و قاعد
يتفرج في (عواسة جماعتو)؟؟؟!!!صدر تحت توقيعي بكامل قواي
العقلية المعتبرة شرعا و قانونا في 29/12/2020

مؤذنٌ محجورٌ منزلياً بجزيرةِ مالطة
* ود ال ح ي ش ان ال ت ل ات ة

اخوي الجميل طول الوقت ده نحن مغشوشين فيك
طلعت خبير استرا عنقالي
من الطراز الكومر
الكنبة الاخيرة الفيها العنقالة الطوال البشدوا الطلبة للجلد
نحن كنب الاحتياطي في الكورة ما قعدنا فيها
يا عنقالي

+ مين أستاذي وابن عمي و شريك همي ،
فناننا الشامل / محمد السني دفع الله ياخي أسامي تملا الخشم
+ لك مني التحية والتجلة و لك العتبى حتى تستغيث بالرضاعنا ،
لسير طاحونة أنين مشغوليانا الذي لاينفك راحلاً ، فلا يدع لنا سانحة
للسؤال و التطمان عليك ، طالما تغيب عنَّا ثم تعود كالمُزنمحملاً بغَيثٍ مطير
و جوٍّ نضيرٍ ودُعاشٍ عبير و خيرٍ وفير، ونحنكلما تغيب و تعال تلقانا نحنا يانا
نحنا لا غيرتنا ظروف و لا هزتنا محنة ، تمامن كأشجار التبلدي ، نحفظه في
أحشئنا لناس مودتنا و معزتا الما بنريد غيرم، ماءً قراحاً .. زُلألاً و شراباً
طهوراً سخاءً رُخاءً لتشرب منه شراب مودِّعٍ لا تظمؤ بعده أبدن .
+ وأما هن جينا للعنقلة ، أو حزب الكنبة الورانية أو إن شئتَ حزب أم رخم الله
فكلها مترادفات لكأئنٍ دايناصوريٍّ واحدٍ و شبه منقرض السلالةهو شبع بلادي
الحبوب هذا في الركنالمركون من الكو"كب،و في هذه الحقبة من عمر الزمان، غير
الله حباه بعزم و شكيمةٍ غيير قابلة اللكسر" و ليس ذلك عن صلابة ، كلا بل عن طول
نَفَسٍ و عن مرونة كالأسفنج . + و أنتم سادتي العارفين يا ما سهرتم وراء كواليس
المسارح و شاشات البلور تنقبون وتنحتون قرائحكم عاكفين لتشخصوا لنا
بانوراما كوروكية نمطية ناطقة باسم هذا الشعب الأبي الكريم.
《 ليس قــَابــِـلاً لـِلكـَسـِر 《 قَيْدَ الطَّبْعِ 》《 ليس قــَابــِـلاً لـِلكـَسـِر 《 قَيْدَ الطَّبْعِ 》
بالموناصبة كيف كان فلم "رسالة إلى الوالي"
+ سمعنا بيك خليتنا و مشتت أم ريكا ، رافتكم السلامة أنت
وأهل بيتك ربنا يطيب مقامكم في بلاد العم "سام"

ود الاصيل
سلام
من غير كلام
ما سمعت
باغنية ورا ورا
واحزاب الفكة
الكل اصبح ملطشة
مدني على عسكري
جالس في الكنبة
الورانية دون حركة
فراجة وهم اصحاب
الطبخة
على نار
الحركات المسلحة
وهناك الحزب الشيوعي
ماسك الدفة
كل مرة يخرب الرصة
وعمك فولكلر
واقف فى اللفة
فاصبح طرفة

معليش حبيبو مهدينا جينا بعد الفرقة
نسأل لقينا مداخلتك مجبنعة , وعارف جلدك تخين ،
كتير بنفط مداخلاتك و ولا نخليها على حنبة متل التحلية ،
أيوة لأنها كل يوم معانا ،و ما فيها أي جديد.
+ يلا تعال نوريلك المااك عارفو و ما قلناه لغيرك : إننا لامن أخترنا
بطوعنا و أسس نا حزب العنقالة جلوساً في الكنبة الورانية ، فوي ما قلنا ،
موش عشان نلعل ضمنةو لا نشرب جبنة و لا نلف سجرة خدرا، ونتونس في
فارغة ومقدودة، لا بالعكس ، دا حزب ليه رؤية مستقبلية و رسالة إنسانية و أهداف
ساسمة ، قاعيدن نجهز نفسنا من هسي لخوض اللنتخابات الجاية بعد الألفية الرابعة
(دا لو جات تبقى قابلني) و نحتل أجعص و أقوى كتلة في الجمعية الـتأسيسية القادمة
(دا طبعن لو تأسست من أساسو). و طبعن حتسألني ليه : بقولليلك: لأننا حندخل ليك
قبة البرلمان دي بي بطلاطجة عتاولة ملثمين بدروع بشرية ومسلحين بمقامع
من حديد و متأبطين شراً بأحزمة نارية ناسفة لكل هذا الأوضاع السائدة
و الحال القايم مايل و اللي لم يعُد يسُرُّعدُوَّاً ولا صليحاً وقع ليك ،
هذا ولا نامت عين كلِّ متخاذلٍ وعيديدٍ جبنا.
ود ال ح ي ش ا ن ال ت ل ا ت ة
رافع أذان ع الفاضي في مالطــــــــــــــــا
يعني مالصة قاعدة ملَــــــــــــط