نافع ظهر في المحكمة مقسوم النص وصوتو مقروش

12:23 PM December, 11 2022

سودانيز اون لاين
Osman Musa-
مكتبتى
رابط مختصر

ظهر ودبرسة الدنيا كلها فوقو .
ليه؟
كلهم داقين جرس ليه ؟
وين اللعلعة والفتونة والبلطجة الزمان؟
مافي ركزة؟
وين العرضة ؟
غايتو المحاكم دي جد بتوريك الفرق بين الشوك والهمبوك.

ول أبا عثمان

سلام .. د. نافع هو أستاذي في كلية الزراعة، جامعة الخرطوم .. د. نافع معروف عنه رجل ذكي .. وملم بأدق تفاصيل النقابات والأحزاب السياسية في السودان .. يعرف كوادر الحزب الشيوعي أكثر من صديق الزيلعي .. الشيوعي المعروف.

أتمنى أن يكتب د. نافع مذكراته .. عن السياسة السودانية ودور الأحزاب والنقابات ..




بريمة

كيف القاضى يصف إنقلاب يونيو بالثورة؟.. حاجة غريبـة.. أم كان يجامل ويشجع السيد نافع على نافع.. استفسره
عن دوره فى (الثورة)

تحياتى أخى عثمان ~
نافع مجرم بمعنى الكلمة، هذا قليل من تاريخه:
-يخفف دمه ويعمل كان وسط الشباب (طلبته بكلية الزراعة أولا)
-تدرب على كل اشكال التعذيب القذرة على أيدى جهاز الأمن الإيرانى.
-شغال أمن وهو أستاذ بكلية الزراعة ،
-قام بالإشراف على تعذيب زميله دكتور فاروق باسلوب دنئ ودخيل حتى على مليشيات الأمن فى السودان (جاء ذلك فى شهادة وشكوى دكتور فاروق).
-لا ترمش له عين فى طبخ عمليات القتل حتى لمن كان معه فى نظامه.
-عقلية مجرمة - إغتنى هو وابنائه وبناته وسكنوا القصور بعد منزلهم المتواضع …

سلام للجميع
يا هدى انا مثلك قريت شهادة دكتور فاروق ……يالله بكيت ودخلتنى خوفة عجيبة لعنة الله على كل زول يتجرد من الدين و الاخلاق والاعراف السودانية ….،وبئس الاستاذية البتشتغل معاها مخبر وبتاع امن

إنها عبرة فهل من مدكر
دا حق المناضل البطل الدكتور علي فضل
المسمار الدقاه ليه نافع في رأسه
جاء ليخترق كل جسد نافع
وببطء شديد