خسائر غير مسبوقة وكبيرة للأستثمار العقاري السوداني بمصر

11:45 PM December, 10 2022

سودانيز اون لاين
توفيق عيسى مكي-
مكتبتى
رابط مختصر

خصوصا للناس الباعت منازلها وجات اشترت بمصر
لانه ببساطة اغلبهم حول قروشه وقت سعر الجنيه المصري كان بيساوي 38 جنيه
واليوم 17 جنيه
وما حا يقيف على كده

لو كان حجم استثماراتنا العقارية 100 مليار دولار كما سمعنا
اليوم صارت 40 مليار
والله أعلم

طبعا كان متوقع ده
اشتغلوها صاح

الاقتصاد ده بحره واسع
سفينته السياسة
شراعية
ولا ابو رفاس

اها...
تاني منو الما ربح فينا

كلو منك يا بشه العملتها فينا ليوم القيامة ما بتطلع
او تتصلح

قحت والكيزان
دمروا السودان

في مادة اسمها نقود وبنوك
درسوها لينا في سنة اولى جامعة لما كنا صغار
ولسه يادوب بنتعلم اقتصاد
ياريت اي جاهل يقراها
عشان المنظراتية غير قاعدين يضرسونا
جابت ليها خراب بيوت وخسائر وطنية

الناس ما مصدقة كلامي ده
بس ....
بطول نص دستة من السنوات هنا
ما قلت كلام مافي محله صاح بيكون غريب
لكن نحن اتعودنا نعيش في الخيال الكاذب
والاحلام الوردية
وبنكره النصيحة البتبكينا والزول البقولها ببقى لينا عدو

إذا هم فعلا أستثمروا في العقارات فهم ما خسرانيين
لأنه خسارة الحنيه المصري عادة لا تمس العقارات
بمعني أنه العقارات طبيعي أن يرتفع سغرها بالمصري
في خالة خسارة الأخير مقابل العملات الصعبة
طبعا أكيد في خسارة إذا العقارات بذات نفسها أنخفضت أسعارها
لكن
البنعرفه من علم الإقتصاد أن الأرض عموما
من الحاجات البتحافظ علي القيمة
الارض سعرها بيمشي مع الدولار والعملات الصعبة

والله يا ناصر ما داير ازيد
خايف أكون محبط اكتر من اللازم
لكن الواقع بس لينا الله

الناس تركت الاستثمار العقاري ومن فترة عشان بقى خطر
واتوجهت لاستثمارات تانية اربح وأأمن
زي الاستثمار في الفن واللوحات الفنية زي توجه الغرب وأهل الخليج هسا

[/url]

بتكم السودانية هاجر شريف شرحت الكلام ده بمنطق واقعي جدا

إستثمار في الفن ؟؟؟؟
يا سلام ياخ
دا خبر يفرح شديد
ودا دلالة رقي وتحضر

وكمان الاستثمار في الرياضة
شوف مثلا تجربة زول اسمه الاسيوطي عمل نادي باسمه وقام باعه ل آل تركي ليدنا نادي براميدز ثالث الدوري المصري وبعبع بطولة الاندية الافريقية
وما كده بس
اليوم الاستثمارات العربية كلها عبارة عن امتلاكهم للاندية المربحة في اوربا
وبي ان اسبورت
والقتال المميت هذه الايام لرئاسة المريخ ما سالتو نفسكم ليي
باعتبار المريخ فريق حكومة السودان زيو وزي الاهلي والريال ومانشتر بتاع الملكة

في مهندس برمجيات في هوليود قام انتج فلم كلف 30 الف دولار
اليوم لحدي كتابة هذا الكلام حقق 196 مليون دولار
ويجي واحد يقول ليك اشتريت بيت في الرياض ومافوري التقول طلع القمر
قوموا لفو ياخ لفاكم قطر
هههه قطر ربحت كم من كاس العالم لحدي هسا

وفي السودان العقار دق الدلجة
(خساير السواد والرماد زاتو)

عقلية الاقتصاديين السودانيين عقلية العصر الحجري والله

انتو من زمن الزراعة والصناعة وشراء العقارات
ما سمعتو بي ايلول ماسك والعملات الرقمية

وعاملين وزارة استثمار
غايتو... يا خشمي ارجع ورا

شوفوا يا حسانية انتو يا سودانيين
يا بتاعين سباق الحمير
الناس في سباق التكنلوجيا الحديثة
ما شكلة الدافور في تقسيمة الوزارات

ادخلوا منصاتي الاقتصادية التثقيفية
اتعلموا واتثقفوا
يا جهلة

اليوم الجنيه السوداني مقابل واحد جنيه مصري بين 16 الى 17 جنيه لينزل في الايام القادمة لما دون ال 15 جنيه وده معناه بالعربي البسيط للناس القادين حساب لما تبيع بيتك في السودان قول ب 40 مليون وتحولحها وتكون استلمتها مليون مصري لو حابب ترجعها تاني لو ربنا كتب ليك بيعة تاني في مصر ودي شبه مستحيلة لكثرة العروض مليونك ده حا ترجعه 15 مليون سوداني بخسارة 25 مليون جنيه سوداني اي 25 مليار بالقديم
في ناس اغبياء وجاهلة وحالمة حا تقول ليك العقار بهبوط الجنيه المصري حا يزيد ودي فعلا حا تحصل لكن متين امكن بعد عشرات السنين لأن العقار محكوم بالقيمة الايجارية المستحيل تزيد في الوقت الراهن لألف سبب والذي كما هو معروف بتساوي 01.% من قيمة الايجار الشهري فهل مع كثرة الابراج تحت الانشاء دي والمدن ممكن الايجارات تتصلح وهل في زول في مصر بعد الغلاء الطاحن فيها ده بيقدر يدفع أكتر من 5 الف ايجار للشهر الواحد في ارقى المناطق للعلم فيصل واكتوبر حتى اليوم القيمة الايجارية تتراوح بين 1~3 الف للشهر قانون جديد المفروش ما مقياس عشان قيمته بتتحدد بقيمة اثاثاتك ومنافعك وعوامل أخرى