حبيبنا ابريش يا جميل .. ارجوك لا تغادر

06:58 AM December, 04 2022

سودانيز اون لاين
علي عبدالوهاب عثمان-جدة
مكتبتى
رابط مختصر

Quote: وهذه اخر مداخلة لى فى هذا المنبر العظيم بعد عشرين سنة. شكرا لبكرى ابوبكر.

بالنسبة لي هذا المنبر وطن وأكثر
ملجأ من وعثاء الاغتراب
اعضاء جميلين
مداخلات ذات قيمة عالية
المنبر كان عنصر فعال في التغييرات التي حدثت في الوطن

الحبيب الجميل أبريش .. ارجوك ان تراعي ظروف القراء
ليس الأمر لك وحدك ولكن مغادرتك للمنبر سوف يكون فقد للكثيرين وأنا أولهم

الأخ الجميل أبو علوة تحياتي وصباح الخير خليجيا...

الأخ أبو الريش مين الزعلو...؟

إن شاء الله زعلة وتعدي..

أبو الريش من أعمدة المنبر لا يصح يقرر إنه يغادر دون استشارة الأعضاء ..نسيت إنك راجل ديمقراطي يا أبو الريش؟

أرجو إعادة النظر في القرار..

ما أقصد حادثة أو موقف أبو الريش...لكن من بين التعليقات كثير ما يسيء ...أو يدفع الآخر لرد الإساءة.. والسودانيين حساسين

للنقد أو النيل من شخصياتهم أو سلوكياتهم ...لكن رغم كده يصر البعض على استخدام أقسى العبارات ضد الآحرين دون مراعاة لمشاعر الآخر ..

دي أعتقد من ضمن التناقضات في الشخصية السودانية وهي الحساسية الزائدة ولكن في المقابل يمكنه بكل سهولة وعدم اكتراث أن

يطلق كلمة يعرف أنها سهم مسموم ،دون أن يطرف له جفن..

من بين "محن السودانيين" كما يقول الاستاذ شوقي بدري...وما أكثرها...

الاخ ابو علوة
والاخ محمد
والله افزعني طرحك ونهضت من سريري
فزعا
للقول للاخ ابو الريش
من تجرأ عليك حتى حملك للمغادرة؟
يا اخي انا (حجازي) عملني حرامي جهرا فصبرنا عليه
والله انسان مثلك جدير بالاحترام والتقدير والمحبة
وكما قال الاخ محمد
ليس الولاية لك وحدك في مغادرة المنبر
ونحن احباؤك لنا حق الفيتو
لكم ودي

حبيبنا الكنزي مودتي يا رائع
اذكر انك قبل فترة عندما توقفت عن الكتابة في المنبر
تركت فراغ كبير

Quote: لله افزعني طرحك ونهضت من سريري فزعا للقول للاخ ابو الريش من تجرأ عليك حتى حملك للمغادرة؟ يا اخي انا (حجازي) عملني حرامي جهرا فصبرنا عليه والله انسان مثلك جدير بالاحترام والتقدير والمحبة وكما قال الاخ محمد ليس الولاية لك وحدك في مغادرة المنبر ونحن احباؤك لنا حق الفيتو

لا بد من التنوع والاختلاف وليس الخلاف
وتكون لدينا الحكمة لتجاوز الخلافات والتحمل يجلب الاحترام للشخص
والردود تزيد من اشعال النيران

تحياتي الجميل الكنزي

حبيبنا الجميل محمد .. يا سلام دائما حضورك هاديء وجميل
مداخلاتك مفيدة جداً اختصرت موضوع واسع في سطور
هذا هو الحل تأصيل سلوكياتنا مع بعض :

Quote: ما أقصد حادثة أو موقف أبو الريش...لكن من بين التعليقات كثير ما يسيء ...أو يدفع الآخر لرد الإساءة.. والسودانيين حساسين للنقد أو النيل من شخصياتهم أو سلوكياتهم ...لكن رغم كده يصر البعض على استخدام أقسى العبارات ضد الآحرين دون مراعاة لمشاعر الآخر .. دي أعتقد من ضمن التناقضات في الشخصية السودانية وهي الحساسية الزائدة ولكن في المقابل يمكنه بكل سهولة وعدم اكتراث أن يطلق كلمة يعرف أنها سهم مسموم ،دون أن يطرف له جفن.. من بين "محن السودانيين" كما يقول الاستاذ شوقي بدري...وما أكثرها...

كلام من ذهب
مودتي يا جميل

حبيبنا الجميل محمد عبدالله مودتي
في بوست بعنوان (( يا لسخريــة القــدر.. محمد عثمان الميرغنى يرفض التدخل الأجنبى فى السودان!!))
لم اقرأ البوست بالكامل

أرجو من الاخوان اتباع نموذج:
الاحباب : دينق ، ومعاوية عبيد ، وودالباوقة
استمر لمدة سنوات مع الاحتفاظ بالاخوة والمحبة بينهم

تحياتي الحبيب محمد

تحياتي أستاذنا القدير ابن قاشا الأصالة أبو علوة
معليش طولنا منك فأعذرنا علي عدم السؤال

دائما إنت سفير للمحبة والأخوة والسلام
وأبو الريش والله راجل عِلم وعلم بين كتاب المنبر
فإن شاء الله هي زعلة وتعدي وإستراحة محارب

تحياتي لضيوفك الكرام

شكرا أخينا علي عبدالوهاب سفير المحبة...

والله لو لجمنا ألسنتنا وفق التوجيه النبوي الأثير: "قل خيرا أو اصمت" لما حدث أي زعل أو سوء فهم، أو سوء تفاهم...

الآن لما أتمعّن هذا التوجيه النبوي( لأول مرة الآن) أجد أنه توجيه عميق من أجل الحفاظ على المودة بين الناس ولاحترام

الناس بعضهم البعض، ولم شملهم وللحفاظ على أرواحهم المعنوية من أن تنكسر بكلمة شاردة مقصودة أو غير مقصودة

أو تعليق غير منضبط، كل ذلك بسبب عدم لجم النفس النقّادة...وهي تنظر لعيوب الآخرين وتنسى عيوبها..

بالمناسبة هذا كلام عام ..لا أقصد به ما حدث الآن ....ولا أبريء نفسي من الخطأ فكلنا معرضون للخطأ والزلل..ولكننا

نحاول بقدر الإمكان ..أن لا نسيء للآخرين أو أن نعتبر أنفسنا خيراً منهم( وذلك بالمناسبة هو نقطة انطلاق السخرية والاستخفاف

والتجاهل على الغير)...فلسنا أفضل من غيرنا....

أعتقد من الأفضل أن ما يعجبه شيء مما يكتب أن يعلق عليه تعليقا لا يؤذي كاتبه ...عموما ما لا يعجبني قد يعجب غيري ...

فما لا يعجبنا يجب ألا نغض الطرف عنه ونتجاهله..فلسنا نحن بمقياس للآخرين...

****لا أقصد هنا شخص بعينه..كذلك لا أعرف سبب غضب الأخ أبو الريش...**

للجميع الود والاحترام

التحية والود لك الحبيب محمد عبدالله
يا سلام حضورك جميل ورائع

أرجوك واصل هذه الدروس المفيدة
يا سلام حولت بوست الى قيمة عالية جداً
كلام في الصميم وعميق

تحياتي وانت أحد مرجعيات المنبر
شخصياً اتابع مداخلات بشغف لانك مثالي في التصرف تجاه الاخرين

مودتي يا جميل

Quote: وأبو الريش والله راجل عِلم وعلم بين كتاب المنبر فإن شاء الله هي زعلة وتعدي وإستراحة محارب

قاضنتود .. ووو مهمد ... سيرناقمي
صدقت يا الحبيب أنا بصراحة اتابع كل مداخلاته

ان شاء الله كما قلت (( زعلة وتعدي )) بدون استراحة من المنبر

تحياتي ووو قادنتود
معليش الدنيا مشغوليات

يا سلام عليك أخونا وعمنا علي عبدالوهاب ...
تحية وتعظيم سلام مربع لشخصك الجميل ...
دايماً سبّاق لفعل الخير والإشادة بالجميع ...
الله يكرمك ويعزك يا زعيم ...

حبيبنا نزار تحياتي يا جميل
شكرا لحضورك
نعم يا نزار الحبيب نحن هنا في مقام الاخوة والاباء
شخصياً اعتبر كل اعضاء المنبر كأنهم من الاقرباء
وأي تجمع يكون فيه ناس من مختلف الميول والتصرفات
وده أجمل شيء (النوع الواحد ) دائما ممل وغير مستساغ
شوف حتى في التجمعات والشلل كل له دوره مهما اختلفوا مع بعض
والتنوع جمال .. واللون الواحد فيه قبح ..

شكرا حبيبنا نزار

لاحولا، خبر السواد والرماد ،
دي شنو الأخبار السيئة دي يا أبو علوة؟!
ياريت يا حبيبنا الجميل بكري تتدخل، أبو الريش من أعمدة المنبر، وخروجه خسارة للمنبر.

Quote: يا اخي انا (حجازي) عملني حرامي جهرا فصبرنا عليه

شوف يا الكنزي ، ما تقولني كلام أنا ما قلتو،
أنا ما بعرفك، ولا بعرف عنك أي حاجة غير كتاباتك في المنبر، وحياتك الخاصة ما عندي بيها أي دعوة، بعرفك من المنبر دا إنك كوز، وأي كوز مفروض لجنة إزالة التمكين تعرف من أين له هذا، ودا ما شغلنا دا شغل لجنة إزالة التمكين.

Quote: شوف يا الكنزي ، ما تقولني كلام أنا ما قلتو، أنا ما بعرفك، ولا بعرف عنك أي حاجة غير كتاباتك في المنبر، وحياتك الخاصة ما عندي بيها أي دعوة، بعرفك من المنبر دا إنك كوز، وأي كوز مفروض لجنة إزالة التمكين تعرف من أين له هذا، ودا ما شغلنا دا شغل لجنة إزالة التمكين.

الجميل نذير حجازي تحياتي حبيبنا
باركوها يا جماعة
ما أظن ان الكنزي كان لديه وظيفة في الانقاذ أو المؤتمر
تعرف الحبيب نذير عندنا في قروبات القرية كل الشباب أهل وأقرباء
أكثر كلمة تعمل مشكلة وجدال وخصومة هي ( كوز)

تحياتي الحبيب نذير .. تدوم الاخوة

الزول من يكتب دي آخر مداخلة لي بكون داير يحنسوهو؛

مرّة واحد من أولاد أم سويقو مدني وبيتم جنب البحر، زعل من ناس بيتم وفتح الباب وقال ليهم ماشي البحر أنتحر،
أمو وأخواتو بدون سفنجات جرن وراهو لقنّو جنب القيفة بفك في رباط الكبك
مسكنو وحنسوهو، قال ليهن؛
والله، المرّة الجاية بنتحر ليكم بالكبك

عارف يا حجازي
اطروحات الاخ ابوعلوة
تتميز بروح المحبة والتواصل مع الاخر في ادب ورقة
ما ظننتُ ان سيأتي يوماً نعكر صفو طرحه
ومن المؤسف اراك تقول:

Quote: شوف يا الكنزي ، ما تقولني كلام أنا ما قلتو، أنا ما بعرفك، ولا بعرف عنك أي حاجة غير كتاباتك في المنبر، وحياتك الخاصة ما عندي بيها أي دعوة، بعرفك من المنبر دا إنك كوز، وأي كوز مفروض لجنة إزالة التمكين تعرف من أين له هذا، ودا ما شغلنا دا شغل لجنة إزالة التمكين.

واضع خط احمر تحت قولك:
ما تقولني كلام أنا ما قلتو،
يا اخي دا انت مش عرفتني بس
بل عرفت اين اسكن واي العمارة والحي اقطن
واضح انو كلامك عني كان رائعا وفيه اشادة بي وانظر ماذا قلتَ إذ نسيت

Quote: الكنزي يخشى من مصادرة أملاكه وأمواله ، يعني يبل رأسو والدور جاييهو، وخصوصا بيتو بتاع حي الروضة جابو من وين؟! الإغتراب في الغرب لن يؤهلك لبناء راكوبة، ناهيك عن عمارة في أرقى أحياء أمدرمان.

https://sudaneseonline.com/msg/board/510/msg/1667370544/rn/52.html


وبعد دا ما قلتا شئ

واحمد الله انني لم ابايع غير محمد احدا
ولم انضم لاي طائفة من الناس دع عنك الكيزان
وما جمعني بالناس الا الاعمال الخيرية
التي هي جزء من مكوني النفسي والايماني

Quote: يا اخي دا انت مش عرفتني بس بل عرفت اين اسكن واي العمارة والحي اقطن

يا حبيبنا الجميل الكنزي ، والله بتمنى إنك تكون ما كوز، لأنك راجل طيب وما بتشبه الكيزان.
وبعتذر لو فهمت إني بجمع عنك معلومات خارج المنبر، دا ما أنا اللي بعمل كدا، ولا دي اخلاقي،
معلوماتي عن بيتك في حي الروضة جبتها من بوست قديم ليك عزمت بورداب الخرطوم لبيتك بتاع حي الروضة،
وشفت الصور كمان. شوفت الموضوع بسيط كيف، وإنت مكبر الموضوع ساكت.
وبتعذر ليك أمام الملأ لو فهمتني غلط.
كسرة: فعلا على جميل وطيب وسوداني أصيل، في پوستاته ألبس رداء الطيبة السودانية وأتحدث بطيبتي السودانية.
أما موضوع خوف ما خوف دا ما أنا اللي بخاف، ولا حتى بخاف من الموت، ومافي شيء بخوفني في الدنيا غير الفلس،
وأي زول يتهمني بالخوف يجيب مسدسو ويديني طلقة علشان يشوف بي عينو الرجال بتموت كيف؟!
انا متصالح مع الحياة ومع الموت.

Quote: وبتعذر ليك أمام الملأ لو فهمتني غلط.

الاحباب الجميلين نذير والكنزي تحياتي لكم
يا سلام باركوها
مشكلتي لو أعرف التعبير بالعامية كنت طولت المداخلة

مبادرة جميلة من الحبيب نذير ... أكيد حبيبنا الكنزي يكون سامح

مشكلتي بفكر بالنوبية وبكتب بالعربية والمداخلات في بوستات الاخوانيات باللغة الفصحى تكو بايخة جداً

يوم جميل في المنبر

تحياتي للاحباب الكنزي ونذير

Quote: الزول من يكتب دي آخر مداخلة لي بكون داير يحنسوهو؛

حبيبنا المستنير .. حضورك جميل
حضورك يجعل البوست مميز
ممكن حتى في المسئولين في مختلف الدوائر لدرجة رئيس دولة
احياناً يعلن نيته الاستقالة كنوع من جس النبض أو استفتاء لمعرفه موقعه لدى الاخرين
وحتى اللاعبين والفنانين يلوحوا ( بالاعتزال ) لجس النبض

أكيد أبوالريش الحبيب لديه قراء ويتمتع بشعبية في سودانيز

تماماً انت أيضاً لديك طريقة وخصوصية وتميز في المداخلات

أذكر أنني كنت من أول المعارضين لابتعادك عن المنبر

التنوع مهم جداً

تحياتي الحبيب المستنير .. مداخلاتك جاذبة

الأخ أبو الريش ..رسالة في الخاص..

https://www.0zz0.com

شوفتو سيرة ابو الريش عملت شنو في النذير وعلي الكنزي .. طلعتهم حبايب عديييل
ابو الريش يا راجل يا بركة .. خليك هنا وما تزعلنا ياخ