Post: #2 Title: Re: وصول ابوهاشم حبواً الى السودان .. Author: هدى ميرغنى Date: 11-21-2022, 09:47 PM Parent: #1
تحياتى وسلامى أخى المحترم باشمهندس قبانى~ أحزننى بشدة إستغلال الظرف وإحضار الكوز الجد حتى يتم التصوير والخدعة ليقبل محبى أبو هاشم مشروع الكوز الجد والقتلة.
Post: #3 Title: Re: وصول ابوهاشم حبواً الى السودان .. Author: يحي قباني Date: 11-21-2022, 10:49 PM Parent: #2
Quote: تحياتى وسلامى أخى المحترم باشمهندس قبانى~ أحزننى بشدة إستغلال الظرف وإحضار الكوز الجد حتى يتم التصوير والخدعة ليقبل محبى أبو هاشم مشروع الكوز الجد والقتلة.
و غير الاحزان على وطن رايح عندنا شنو تاني يا هدى يا اختي العزيزة ..
المتاجره بالرجل وهو بالشكل ده كوم .. و انه في ناس لسه متخيله تحت القبة شيخ كوم تاني ..
افلاس ما بعده افلاس ..
Post: #4 Title: Re: وصول ابوهاشم حبواً الى السودان .. Author: وضاحة Date: 11-21-2022, 11:11 PM Parent: #3
يحي والله مشتاقيين ❤️ ابو هاشم جنازة الله يرحمه ويغفر له المشكلة في الهتيفه ديل ما فيه رجل عاقل ... والجد منتهي ما قادر يقيف والبحاول يجازف علشان يسلم علي ابو هاشم🤔 كان الله في عون السودان وأهله من الجهل و الارتزاق 😌 شكلنا ح نعبر يوم القيامة😅
Post: #5 Title: Re: وصول ابوهاشم حبواً الى السودان .. Author: Asim Ali Date: 11-22-2022, 05:10 AM Parent: #4
سلام عليكم عائد للوطن من جوار قوش وطبخه بنى كوز المحروقة والبهار امصرى تبعث رائحه كريهة ومحاوله اخرى لتلاعب ديناصورات السياسه والقداسه لسرقه مكتسبات الشعب لكن اين هذا مع جيل الشباب اتعجبتانيظن البعض ان يكون حضور هذا الكائن احدث اثر على الاقلفى بحرى وتذكرت مطلع قصيدة (بين الديوم والامتداد شارع ظلط لكن طوووييل) وامس بين شارع المعونه (ومواجهات شارع الثورة من جهة وشارع شمبات والجموع المجلوبه والذبائح والفتة والتخلف يفصل بين مستشفى بحرى لكنها مسافة شاسعه فى الواقع الثورى والسياسى ورمزيه المتشفى بكل مايحوى من الم وصراع لومقاومه للمرض طلبا للعافيه هى حال الشوطن والشعب شارع ثورى يغلى وحتى الفاصل بينه وبين جزيرة الطائفيهالمعزوله هى حصار بضاف لشارع الثورة اكثر منها فاصل محايد عافى الله السودان من وباء الطائفه ولقبليه والجهوية
Post: #6 Title: Re: وصول ابوهاشم حبواً الى السودان .. Author: Hassan Farah Date: 11-22-2022, 05:22 AM Parent: #1
شكرا لك باشمهندس يحى قبانى على رفع هذا الفديو الفضيحة الذى يعكس الى اين انحدرت القيم والاخلاق عند بعض السودانيين انهم يتاجرون بشيوخ مرضى كبار السن من اجل اغتصاب السلطة السياسية فى هذا البلد الفقير المتخلف إنما الأمم الأخلاق ما بقيت فإن هم ذهبت أخلاقهم ذهبوا إذا أصيب القوم في أخلاقهم فأقم عليهم مأتما وعويلا.
Post: #7 Title: Re: وصول ابوهاشم حبواً الى السودان .. Author: الشيخ سيد أحمد Date: 11-22-2022, 06:41 AM Parent: #6
البيقرأ "حبوآ" دي - يقول سكرتير الحزب الشيوعي بيلعب في "المريخ" للسن احكام على الجسد يا حبة بعدين وين ارذل العمر؟؟ ارذل عمر يسافر ليهو رئيس مجلس السياده !!!!! بالغت بوليغ لكن.
Post: #8 Title: Re: وصول ابوهاشم حبواً الى السودان .. Author: يحي قباني Date: 11-22-2022, 06:59 AM Parent: #7
Quote: يحي والله مشتاقيين ❤️ ابو هاشم جنازة الله يرحمه ويغفر له المشكلة في الهتيفه ديل ما فيه رجل عاقل ... والجد منتهي ما قادر يقيف والبحاول يجازف علشان يسلم علي ابو هاشم🤔 كان الله في عون السودان وأهله من الجهل و الارتزاق 😌 شكلنا ح نعبر يوم القيامة
وضاحة خانوم .. ازيك ..
الهتيفة ديل كتار و منهم حوالينا هنا .. و هسي يجونا و يهرجو ..
عموما المرحوم ده ما عجبني بهدلتهم ليهو .. كان يحترموا سنه بدل الجشع و المتاجرة ..
Post: #9 Title: Re: وصول ابوهاشم حبواً الى السودان .. Author: علاء سيداحمد Date: 11-22-2022, 08:18 AM Parent: #8
استغلال الدين فى السياسة فى أبشع صورها ( الميرغني - الجد ) كيزان - ارادلة قوى التغيير الضرار - والانتهازيين .
Post: #10 Title: Re: وصول ابوهاشم حبواً الى السودان .. Author: علاء سيداحمد Date: 11-22-2022, 08:34 AM Parent: #9
بيان من حزب المؤتمر الوطني
Quote: المؤتمر الوطني: عودة الميرغني للبلاد بدايةٌ لتأسيس كُتلة المُستقبل الوطني أخبار السودانأهم الاخبار By alsudani On 21 نوفمبر, 2022 9:06 م -
صحيفة السوداني
مافى ليكم طريقة يا ملاقيط ترجعوا تاني .
Post: #11 Title: Re: وصول ابوهاشم حبواً الى السودان .. Author: Amira Hussien Date: 11-22-2022, 10:12 AM Parent: #1
سلام قبانى والكرام المتداخلين ليس حبا ولا دفاعا لكن تفتكروا الميرغني غالبو كان يقعد فى كرسى ويلزو ؟!!
Post: #12 Title: Re: وصول ابوهاشم حبواً الى السودان .. Author: الزبير بشير Date: 11-22-2022, 10:52 AM Parent: #1
Post: #13 Title: Re: وصول ابوهاشم حبواً الى السودان .. Author: Hafiz Bashir Date: 11-22-2022, 11:13 AM Parent: #12
أخونا الزبير الختمي أنا برضو مولانا وحسيب ونسيب وعندي نية في الليامات الجاية أعمل لي أتباع ومريدين وحواريين ومرحب بيك تكون من الحواريين. ما عندي مشكلة تشرب موية وضويي وتتمسح بتراب نعلاتي لكن النبي فيك لو زول إتكلم عني ما ترد ليه زي ردك الفوق دا. لأنو بيحرجني مع الزملاء والزميلات الحسباء والنسباء لمن نتلاقى في الحضرة ويقولوا علي ما ربيت وما علمت حوارييني الادب.
Post: #14 Title: Re: وصول ابوهاشم حبواً الى السودان .. Author: الزبير بشير Date: 11-22-2022, 11:57 AM Parent: #1
اخونا حافظ
تقريبا انت قاضي ( وله انا غلطان ) قسيت علي شويه .
هو محظوظ انا الان في المستشفي مشاكل في الجسم زايد مشاكل البلد
كنت حا اسمعه كلام استحقه لانه غير مودب علي الاقل فارق السن و العمر .
Post: #15 Title: Re: وصول ابوهاشم حبواً الى السودان .. Author: يحي قباني Date: 11-22-2022, 01:04 PM Parent: #14
Quote: سلام عليكم عائد للوطن من جوار قوش وطبخه بنى كوز المحروقة والبهار امصرى تبعث رائحه كريهة ومحاوله اخرى لتلاعب ديناصورات السياسه والقداسه لسرقه مكتسبات الشعب لكن اين هذا مع جيل الشباب اتعجبتانيظن البعض ان يكون حضور هذا الكائن احدث اثر على الاقلفى بحرى وتذكرت مطلع قصيدة (بين الديوم والامتداد شارع ظلط لكن طوووييل) وامس بين شارع المعونه (ومواجهات شارع الثورة من جهة وشارع شمبات والجموع المجلوبه والذبائح والفتة والتخلف يفصل بين مستشفى بحرى لكنها مسافة شاسعه فى الواقع الثورى والسياسى ورمزيه المتشفى بكل مايحوى من الم وصراع لومقاومه للمرض طلبا للعافيه هى حال الشوطن والشعب شارع ثورى يغلى وحتى الفاصل بينه وبين جزيرة الطائفيهالمعزوله هى حصار بضاف لشارع الثورة اكثر منها فاصل محايد عافى الله السودان من وباء الطائفه ولقبليه والجهوية
حزب التيوس و التنابله ده متوقع منه شنو يا عاصم .. ياكل بواقي الفتة و يتكرع و يقول عاش ابو هاشم .. خخخخخخخخ
Post: #16 Title: Re: وصول ابوهاشم حبواً الى السودان .. Author: يحي قباني Date: 11-22-2022, 01:15 PM Parent: #15
Quote: شكرا لك باشمهندس يحى قبانى على رفع هذا الفديو الفضيحة الذى يعكس الى اين انحدرت القيم والاخلاق عند بعض السودانيين انهم يتاجرون بشيوخ مرضى كبار السن من اجل اغتصاب السلطة السياسية فى هذا البلد الفقير المتخلف إنما الأمم الأخلاق ما بقيت فإن هم ذهبت أخلاقهم ذهبوا إذا أصيب القوم في أخلاقهم فأقم عليهم مأتما وعويلا.
تسلم يا حسن ..
المشكلة المتاجرين مجموعة مسيطرة على باقي الغنم القاعد يكورك عاش ابو هاشم عاش المرحوم ..
مصيبة السودان في الجهل و الغباء الزي التيوس التابعه دي ..
Post: #17 Title: Re: وصول ابوهاشم حبواً الى السودان .. Author: يحي قباني Date: 11-22-2022, 01:19 PM Parent: #16
Quote: البيقرأ "حبوآ" دي - يقول سكرتير الحزب الشيوعي بيلعب في "المريخ" للسن احكام على الجسد يا حبة بعدين وين ارذل العمر؟؟ ارذل عمر يسافر ليهو رئيس مجلس السياده !!!!! بالغت بوليغ لكن.
خلاص لبست فرجية اجدادك و جيت تدافع ..
بئس التبرير انه البرهان مشى زاره لاثبات شباب التنبل الاكبر ..
بعدين ياخ انت رجل متعلم ما زي البليد داك .. مالك و مال التيوس ديل ..
Post: #18 Title: Re: وصول ابوهاشم حبواً الى السودان .. Author: HAIDER ALZAIN Date: 11-22-2022, 01:27 PM Parent: #15
سلامات مولانا قباني وحبابك ...
في ملاحظة لفيديو الجنائز دا لو دققنا كويس.. أتباع وعبدة وم.ع ابوهاشم الحوله قفلوا الجد ود بدر انه يصل للميرغني او على الاصح حموهو.. وشكله قعد يكورك لأبو هاشم لكن المسكين دا في جهد جهيد انه يسمعه وما التفت عليه .. واحتمال التفت ليه لكن زي النفض ليهو كدة.. لدرجة انه الجد في نهاية الفيديو حرد وقعد يتلفت لي زول يشيلو يمرقوا او يشق ليهو الواطة ...
دا مع غض النظر عن الهوانات البيتمسحو بعربية ابوهاشم ..
عالم وهم .. الواحد تلقاهو كبير ومابيخجل يتبرك بفسوة سيدو..
غايتو استعد لجقود يجي يملاك تفاف وحشو.. دا كان ما فقد سوائل بفعل الخواضنتانمو.. :)
Post: #19 Title: Re: وصول ابوهاشم حبواً الى السودان .. Author: يحي قباني Date: 11-22-2022, 04:08 PM Parent: #18
Quote: استغلال الدين فى السياسة فى أبشع صورها ( الميرغني - الجد ) كيزان - ارادلة قوى التغيير الضرار - والانتهازيين .
حزب تافه .. يتبعه غنم ..
Post: #20 Title: Re: وصول ابوهاشم حبواً الى السودان .. Author: يحي قباني Date: 11-22-2022, 04:11 PM Parent: #19
Quote: سلام قبانى والكرام المتداخلين ليس حبا ولا دفاعا لكن تفتكروا الميرغني غالبو كان يقعد فى كرسى ويلزو ؟!!
حاجتين يا اميره ..
دايرين يقولوا الرجل صالب طوله .. و قبته تحتها فكي .. و الشي التاني ما على كيفه .. هو لا حول له و لا قوة .. ما باقي ليو الا يحبا بالواطه و الجماعة دايرنه لي جنس الغنم انه واقف طوله عشان يكوركو عاش ابو هاشم و بعد داك يملو ليهم بطونهم بباقي الفتة و من غير لحم كمان ..
Post: #21 Title: Re: وصول ابوهاشم حبواً الى السودان .. Author: يحي قباني Date: 11-22-2022, 04:14 PM Parent: #20
Quote: سلامات مولانا قباني وحبابك ...
في ملاحظة لفيديو الجنائز دا لو دققنا كويس.. أتباع وعبدة وم.ع ابوهاشم الحوله قفلوا الجد ود بدر انه يصل للميرغني او على الاصح حموهو.. وشكله قعد يكورك لأبو هاشم لكن المسكين دا في جهد جهيد انه يسمعه وما التفت عليه .. واحتمال التفت ليه لكن زي النفض ليهو كدة.. لدرجة انه الجد في نهاية الفيديو حرد وقعد يتلفت لي زول يشيلو يمرقوا او يشق ليهو الواطة ...
دا مع غض النظر عن الهوانات البيتمسحو بعربية ابوهاشم ..
عالم وهم .. الواحد تلقاهو كبير ومابيخجل يتبرك بفسوة سيدو..
غايتو استعد لجقود يجي يملاك تفاف وحشو.. دا كان ما فقد سوائل بفعل الخواضنتانمو.. :)
مصيبة يا حيدر ..
عينهم للشباب الفاهم كل شي .. و لسة في السودان في غنم سايقنهم سواقه ..
قال عاش ابو هاشم و الرجل منتهي .. حزب فاشل من يومه ..
اما جقود .. فده طيره و مبارية السيرة .. ما فاهم سجم رمادو .. قعاد الكوخ ودر بيو ..
Post: #22 Title: Re: وصول ابوهاشم حبواً الى السودان .. Author: الشيخ سيد أحمد Date: 11-22-2022, 06:44 PM Parent: #21
Quote: خلاص لبست فرجية اجدادك و جيت تدافع ..
طيب مالو يا حبة الزول بيبقى من غير أهلو- مع العلم انو ماشفنا من الساده المراغنه مايعيب.
زمان انا قلت ليك - الناس كلها ماعاجباك- اظنك ح ترشح "كابتن ماجد" :)
كسرة: قلت لي "حبوآ"- ذكرتني "فرمالة" الحفلات - ما زال الليل طفلآ يحبو.
Post: #23 Title: Re: وصول ابوهاشم حبواً الى السودان .. Author: يحي قباني Date: 11-22-2022, 07:46 PM Parent: #22
يا شخشوخ .. زماااان ناقشتك في موضوع اسيادك ديل و طلعت زيك و زي اي تابع لا نفع معك تعليم لا الدنيا علمتك .. زيك وزي باقي القطيع .. مييييع شغالين ثغاء و شحيج عاش ابو هاشم ..
حبوا دي مالها ما قسمت معاك .. ما ادوكم ليها في حوش سيدي !؟
عليك ربك .. لو ابوك او جدك بالحاله الفيها سيدك دي .. كنت بتمرمطوا كده !!!
Post: #24 Title: Re: وصول ابوهاشم حبواً الى السودان .. Author: الشيخ سيد أحمد Date: 11-23-2022, 06:41 AM Parent: #23
Quote: يا شخشوخ .. زماااان ناقشتك في موضوع اسيادك ديل و طلعت زيك و زي اي تابع لا نفع معك تعليم لا الدنيا علمتك .. زيك وزي باقي القطيع .. مييييع شغالين ثغاء و شحيج عاش ابو هاشم ..
حبوا دي مالها ما قسمت معاك .. ما ادوكم ليها في حوش سيدي !؟
عليك ربك .. لو ابوك او جدك بالحاله الفيها سيدك دي .. كنت بتمرمطوا كده !!!
بالله يا قبة كل الختمية قطيع ؟؟ بما فيهم على سبيل المثال لا الحصر: طه علي البشير مولانا عبدالحكم ود شيخنا حاج ابراهيم الشيخ سيدأحمد :) والقائمة تطول - كل الناس ديل "قطيع" حالتك متاخرة يا قبة- محتاج ليك لي "محاية" بصورة مستعجلة :)
بعدين انت مش عاجبك انو يكون خارج السودان - ومش عاجبك انو يرجع السودان معقول يا حبة لكن!!
كسرة: المعارضين لي عودة مولانا "السيد محمد عثمان" - شغالين بي نظرية "خالف تذكر" ماعندنا مشكلة مع اي زول- خليكم في موقفكم السلبي - وشوفوا بعد فترة كيف الامور للأحسن. بعداك إلا تقيفوا "شماعة" - ح تكون كل المقاعد محجوزة :(
ممكن بالمناسبة دي يا قبة تجدع لينا "عاد الحبيب" وبالعدم "ارجع تعال عود لي" :)
Post: #25 Title: Re: وصول ابوهاشم حبواً الى السودان .. Author: يحي قباني Date: 11-23-2022, 07:01 AM Parent: #24
Quote: بالله يا قبة كل الختمية قطيع ؟؟ بما فيهم على سبيل المثال لا الحصر: طه علي البشير مولانا عبدالحكم ود شيخنا حاج ابراهيم الشيخ سيدأحمد :) والقائمة تطول - كل الناس ديل "قطيع" حالتك متاخرة يا قبة- محتاج ليك لي "محاية" بصورة مستعجلة :)
بعدين انت مش عاجبك انو يكون خارج السودان - ومش عاجبك انو يرجع السودان معقول يا حبة لكن!!
كسرة: المعارضين لي عودة مولانا "السيد محمد عثمان" - شغالين بي نظرية "خالف تذكر" ماعندنا مشكلة مع اي زول- خليكم في موقفكم السلبي - وشوفوا بعد فترة كيف الامور للأحسن. بعداك إلا تقيفوا "شماعة" - ح تكون كل المقاعد محجوزة :(
ممكن بالمناسبة دي يا قبة تجدع لينا "عاد الحبيب" وبالعدم "ارجع تعال عود لي" :
عليك الله اقرا كلامك تاني و اضحك على روحك ..
حالتك تحنن ههههههههههههههه
Post: #26 Title: Re: وصول ابوهاشم حبواً الى السودان .. Author: دفع الله ود الأصيل Date: 11-23-2022, 08:05 AM Parent: #25
Quote: [ممكن بالمناسبة دي يا قبة تجدع لينا "عاد الحبيب" وبالعدم "ارجع تعال عود لي" :)
أولن سلام ل"راعي "الخيت الاخ يحي قباني لا قاعد يداخلني و لاني قاعد أداخلو ، لكن جابني حس شيخي شيخ الترابلة / ود سيد أحمد باقي بلقى راحتي معاه بلحيل، ، فبا إذن نبسمل و ندخل بكراعنا اليمين، طبعن عارفني عنقالي كنبة ورانية مالينا أي قضية مع هذا ولا ذاك ، لكن ذكرتني عمك أدروب شاقي بحري عادمان السفة صادفلو موكب مريدين شاقين الختمية جوار جامع محمود بكري ، وطوالي مسك راية القايدة: آآآش أبو هاشم آآآش أبو هاشم ، في النهاية الجوعة قرصتو وقف يتساءل: أبو هاشم دا إرفنا ، إلا لكن آشة دا منو، يا ربي يكون مرتو . ياخ والله نحن ناس أبسط مما تتصور!
Post: #27 Title: Re: وصول ابوهاشم حبواً الى السودان .. Author: shaheen shaheen Date: 11-23-2022, 11:21 AM Parent: #26
Quote: خلاص شبعت من اموال الدعارة بقيت تشتم في سيدك
يا هندسة .. ما تشوف لى معاك طريقة فى بيزنس الدعارة ده .. لانو الحالة الاقتصادية بقت كرب.
Post: #28 Title: Re: وصول ابوهاشم حبواً الى السودان .. Author: محمد الزبير محمود Date: 11-23-2022, 12:43 PM Parent: #27
Quote: حبواً
ليس عيبا ان يصل حبوا ، فقد وصلت جنائز لقيادات حزبية في توابيت واستقبلت استقبال الأبطال وتمسح اتباع الحزب بصواميل التابوت ، واستقبل د.دالي بالنشيد العرفاتي الصوفي في مطار الخرطوم ... وليس عيبا ان يكون للسيد محمد عثمان اتباع فالرجل له باع واتباع كما للجميع ، ولا يحق لمن يدعون الديمقراطية ان يستقبلوا جنائز موتاهم بالهتافات ويحجروا على الحتمية ... هذه واحدة من سقطات الديمقراطية ، فحين استقبل الشباب المرحوم علي محمود حسنين رحمه الله وهو في سن السيد محمد عثمان وحملوه على الأكتاف لم ينتقد حبيبنا قبة ولاغيره هذا المسلك بدواحي العمر والحبو .... كل احزابنا وطوائفنا زعماهم كهول ، وايه المشكلة ؟؟ خذ من الامام الصادق رحمه الله ، نقد ، الزول الهسع دا .. البعث منو زعيمه وعمره كم .. العيب ليس في الحبو ولا في كبر السن ، ممكن تنتقد فكره كما تشاء ، ولكن ليظل شخصه محل احترام ، واعتبره من عقلاء السياسة في السودان ......... تعرف لو جات انتخابات حرة ونزيهة بني يسار ما راح يجيبوا حق الورق .......
Post: #29 Title: Re: وصول ابوهاشم حبواً الى السودان .. Author: Arif Nashed Date: 11-23-2022, 01:06 PM Parent: #28
https://top4top.io/
Post: #30 Title: Re: وصول ابوهاشم حبواً الى السودان .. Author: adil amin Date: 11-23-2022, 04:23 PM Parent: #29
اهل السفاهة في البورد وفي السودان https://www.0zz0.com المسن صديق يوسف عميل السفارة المصرية في الخرطوم وبطل المليونيات الفالصو ده تودو الضل بتين يا شيوعيين يا سفهاء https://www.0zz0.com
الحزب الشيوعي الصيني عمل الصين دولة عظمى وانتو قاعدين سبعين سنةوديتو السودان وين ؟؟؟ نومة وسهرة وقهوة وسكرة لمن ترفس الختمية والانصار بتعمل خواء روحي تمدد فيه السلفيين والكيزان اهل الرجس والقردة الخاسئين وهم شبهكم ادوات الامبرالية الجديدة وحمدوك والسبعة الثامنهم كلبهم ضيع ثورة الشباب بي بالقحاتة الفاشلين السيد محمد عثمان بمثل الختمية وهي قناعة دينية لي 12 مليون سوداني السنهوري ده بمثل منو وشنو في السودان يا بعصيين ؟؟ وفعلا الناس القصار طالو https://www.0zz0.com
الحزب الاتحادي الديمقراطي من 2019 حدد موقفو مع السودان الجديد بعد انفصال الجنوب https://www.0zz0.com والصورة دي والشاب ده مفروض يبارو شباب السودان اذا وعيو في مستوى الحركة الشعبية مش يبارو ما زومين العروبة المستعارة الشيوعيين والبعثيين والناصريين الذين ظهر فيهم امر الله ومن نعمره ننكسه في الخلق اهو السبسي جا تونس وهو قدر ابو رقيبة بي نداء تونس وانقذ التونسيين من رجس الكيزان انتو يا جماعة صديق يوسف والسنهوري كتلتو الشباب في القيادة وصلتونا وين وحكمة ربك يكلمن عن التغيير الجذري "يجزك من تحت يا قبة " التغير الجذري من هنا بس الصورة دي تختها قدامك بس ده الحزب الاتحادي الديمقراطي الاصل والشباب مباري القووونات خالد سلك ووجدي صالح والبعثيين عليكم الله وجود البعثيين في السودان مش مرض نفسي عديل ويا حيدر الزين قرد سلمان مخلوس الشعر انت مجرد بعرة في است كبش مدالاة وزاك الكبش يمشي عاش ابوهاشم
Post: #31 Title: Re: وصول ابوهاشم حبواً الى السودان .. Author: adil amin Date: 11-23-2022, 04:29 PM Parent: #30
يا شيوعيين لمن الدين ما نافع ونحن قطيع الوداكم كدباس شنو ؟؟؟ هسة بالمشي الضل منو https://www.0zz0.com طبعا قبة ده بعبر عن وعي مازوم بتاع بعاعيت مايو 1969 ما تتقعو ابدا يعرف معنى انه يكون السودانيين ختمية وانصار وجمهوريين ومسيحيين\ةوكجوريين
Post: #32 Title: Re: وصول ابوهاشم حبواً الى السودان .. Author: يحي قباني Date: 11-23-2022, 04:43 PM Parent: #29
Quote: يا هندسة .. ما تشوف لى معاك طريقة فى بيزنس الدعارة ده .. لانو الحالة الاقتصادية بقت كرب.
مرحبتين بالكاتب الساحر الساخر صديقي الذي احب شاهين شاهين ..
تعرف يا صديقي انه من تبعات الكتابه في منبر حر .. انه اي هلفوت كرشه ملان فتة (بدون لحمة) يجي يتسافه و يشتم و هو اصلا لا بعرفك لا بعرف انت بتسوي في شنو .. يمين يا شاهين.. الضرايب الانا بدفعها هنا تعيش الزي الدلدول ده مرتاح لي جنا جناو.. انها سخرية المنابر الحره يا صديقي .. 🙂
Post: #33 Title: Re: وصول ابوهاشم حبواً الى السودان .. Author: يحي قباني Date: 11-23-2022, 07:32 PM Parent: #32
Quote: أولن سلام ل"راعي "الخيت الاخ يحي قباني لا قاعد يداخلني و لاني قاعد أداخلو
سلام يا دفع الله .. ابدا ياخي من ناحيتي ما قاعد اتداخل امكن لانه انتاجك غزير و ما بقدر اتابع .. عموما شكرا للحضور و التعليق اللطيف ..🙂
Post: #34 Title: Re: وصول ابوهاشم حبواً الى السودان .. Author: يحي قباني Date: 11-23-2022, 10:01 PM Parent: #33
Quote: ليس عيبا ان يصل حبوا
العيب كالاتي: لو هو مدرك و واعي انه بي وضعه ده جاي متلهف .. فده عيب عليه لانه حالتة واضحة للجميع ..
و لو هو ما مدرك و ده الاغلب .. فالعيب عيبين بالجايبنه متكّل و بتاجروا بي شبحو ..
Post: #35 Title: Re: وصول ابوهاشم حبواً الى السودان .. Author: يحي قباني Date: 11-23-2022, 10:03 PM Parent: #34
Quote: المسن صديق يوسف
بسسسسسسسسسسسسسس
" المسِن" دي الانا دايرها منك يا دايش ..
Post: #36 Title: Re: وصول ابوهاشم حبواً الى السودان .. Author: adil amin Date: 11-24-2022, 05:09 AM Parent: #35
Quote: بسسسسسسسسسسسسسس
" المسِن" دي الانا دايرها منك يا دايش ..
يا سلاااااااام سلم...تعاااااااااااااااااااااااااال مارق يمرق ريشك يا بطة كندا العرجاء وجيتني في تلي وبجيبك في تولو السيد محمد عثمان الميرغني ×صديق يوسف
الانجازات والاخفاقات عبر العصور من 1964-2022 الجماهير بالعدد ولي نختها عديل الحزب الشيوعي × الحزب الاتحادي الاصل مسيرة 100 سنة زي احتفال الحزب الشيوعي الصيني العظيم والصورة وللاريكس والقروود سرحتها في الاجازة \
بس يا قبة وريني والوداكم كدباس شنو ؟؟؟مفروض تمشو شيخ العير ده شيخ الشيوعيين في السودان مع زمن سيداو قلت حبوا .....انتو مفنقسين عديل وما عارف الشباب مبارنكم ليه؟؟ https://www.0zz0.com
والراس بي الراس والرجال تموت متوافية زي ما بتقول القبائل في اليمن
Post: #37 Title: Re: وصول ابوهاشم حبواً الى السودان .. Author: الشيخ سيد أحمد Date: 11-24-2022, 06:32 AM Parent: #36
Quote: ، لكن جابني حس شيخي شيخ الترابلة / ود سيد أحمد باقي بلقى راحتي معاه بلحيل، ، فبا إذن نبسمل و ندخل بكراعنا اليمين، طبعن عارفني عنقالي كنبة ورانية مالينا أي قضية مع هذا ولا ذاك ،
ما تشيل هم لي "قباني" باقي زول حبيبنا وعزيز علينا - عشان كده ح اطقطقوا ليك بي مزاااج- انا متخصص في ناس "أم درمان" بعد شوية ح يقول "عاش ابو هاشم" اصبر شويه بس:) تسلم يا حبوب
Post: #38 Title: Re: وصول ابوهاشم حبواً الى السودان .. Author: Ali Alkanzi Date: 11-24-2022, 06:36 AM Parent: #36
معقولة يا ناس وصلنا لهذه الدرجة من الانحطاط في الحوارالبذئ
Quote: خلاص شبعت من اموال الدعارة بقيت تشتم في سيدك
اللهم اني ابرأُ اليك مما يقولون
او نسي من قال بذلك قول رسول الله صلى الله عليه وآله في حديثه لمعاز بن جبل:
أَ لَا أُخْبِرُك بِمَلَاكِ ذَلِكَ كُلِّهِ؟ فقُلْت: بَلَى يَا رَسُولَ اللهِ، فَأَخَذَ بِلِسَانِهِ وَقَالَ: كُفَّ عَلَيْك هَذَا. قُلْت: يَا نَبِيَّ اللَّهِ وَإِنَّا لَمُؤَاخَذُونَ بِمَا نَتَكَلَّمُ بِهِ؟ فَقَالَ: ثَكِلَتْك أُمُّك وَهَلْ يَكُبُّ النَّاسَ عَلَى وُجُوهِهِمْ -أَوْ قَالَ عَلَى مَنَاخِرِهِمْ- إلَّا حَصَائِدُ أَلْسِنَتِهِمْ؟! والله إني لاغار على قول مفترى في انسان لا نعرف عنه إلا بقدر ما تمسكه ايدينا للهولاء الذي حولنا لا اقول كفوا فحسب بل مثل هذا الحديث لا يجرؤ ان يجري بخيال مؤمن فما بالكم بان يصبح حروفا تقرأ لك العتبى يا قباني حتى ترضى وابشرك بأنها حسنات لك نختلف يا قباني ولكن في حدود الادب وما من كاتِب ِإلا سيفنى ويبقى الدهرُ ما كتبت يداه ُ فلا تكتـُب بكفِك غيرَ شيء يسرُك َفي القيامة ِان تراه"
Post: #39 Title: Re: وصول ابوهاشم حبواً الى السودان .. Author: الشيخ سيد أحمد Date: 11-24-2022, 06:40 AM Parent: #38
محمد الزبير كيفنك يا حبيبنا - لكن والله نضمك سمح بالحيل. تسلم يا حلو.
Post: #40 Title: Re: وصول ابوهاشم حبواً الى السودان .. Author: دفع الله ود الأصيل Date: 11-24-2022, 07:42 AM Parent: #36
Quote: سلام يا دفع الله .. ابدا ياخي من ناحيتي ما قاعد اتداخل امكن لانه انتاجك غزير و ما بقدر اتابع ..عموما شكرا للحضور و التعليق اللطيف ..🙂
+ في دي صدقت بلحيل يا قباني ، وماني عارف " انتاجي غزير دي كان شكرة و لا نبزة " لاكين فعلن كيوردي ماسورتو حالجة من زمان،ولو أني برضو ما بلحق ود رعية ولا فردتو / أب ريش؛ وزي ما وصفني صاحبك اللدود / عمو جقود دافنشي، مجرد ناثر خواطر هنا وهناك ، يعني " متل الكٍسرة بي موية ؟لا بتغلت عليك و لا بتوسخ إيديك " و لا نشغل بالنا إلا لِمامن بمماحكات ناس ساس يسوس فهو سائسٌ للحمير والبِغال يريد ترويضها و ما ظنبتو يقدر عليهن ظاتو،
كسرة: لفتتني من عمو جقود نبزة " بعصيين" ما عارف ديل كمان ذنبهم شنو والجاب سيرتم منو هنا في الشكلة دي؟! دي عارف متل جدنا عوض الكريم ود أب سن، زولن كان معروفاً بطولت باله و بسعة صدره ، فيوم متحكر في ضل ضحاه يتونس و حداه زول عينو مصرورة، و جاي فوقم جعلي راكب جملو وشاقي الفريق فجدنا ود أب سن حبَّ يشغلا ليو سستفزو ، ناداه : هوي الجعلي الغبيان كدي أنزل في واطات الله وشم ريحة التراب دا هول دار جعل! لامن مشتح كريعاتك فوق جملك و شاقي بلدنا ؟!! و الجمل دا كان سارقو أدلَّى فالرقو و كان سيدو ، يلا كربت بو ويرنا إيدو ، الجعلي أصلو ما مققلو صرفلو بركاوي بالربع التقيل قاللو : أقولك حاجة ياو ود أب سن ،تراهو دا متل "جمل" أمك أسويلك في أمك و في أم اللضينة اللعور المصنقرلك في صفاقك دا !! فا شنو يا جماعة خسمناك ب (CD) أبو هاشم تباركوها!!
Post: #41 Title: Re: وصول ابوهاشم حبواً الى السودان .. Author: محمد مجيدو Date: 11-24-2022, 08:18 AM Parent: #40
قباني وضيوفك ... سلام ,,,
في نكتة سياسية جديده حايمة اقولها ليك ....
قالو عبدالرحمن الصادق المهدي ذهب ليصافح السيد محمد عثمان الميرغني بمناسبة عودته لارض الوطن عمك سالو ... ابوك ماجاني سلم علي مالو ؟؟؟ رد عبدالرحمن ... ابوي راجييك انت تجيهو ....
عااش ابو هاشم .....
عاالم بطاالـــــــــــــــــــة ,,
Post: #42 Title: Re: وصول ابوهاشم حبواً الى السودان .. Author: HAIDER ALZAIN Date: 11-24-2022, 09:54 AM Parent: #41
Quote: هلفوت كرشه ملان فتة (بدون لحمة)
الفتة ام توم حمتني انوم عند ناس كلتوم..
الفتة ام زيت حمتني ابييت عند ناس عبيـد..
دا كان لسان رمرامة الحوليــات والطبل .. ناس جقود والهلمجرا
Post: #43 Title: Re: وصول ابوهاشم حبواً الى السودان .. Author: Abdalla Gaafar Date: 11-24-2022, 10:05 AM Parent: #42
تحياتي باشمهندس قباني
واهم من يظن أن البرهان سيسلم السلطة للمدنيين هو رجل لا عهد له ولازمة .. لا يملك قراره فهو كقطعة شطرنج يحركه من يحلمون بحكم السودان.. سقوط المزيد من أصنام العجوة وبالتأكيد الميرغني لن يكون الورقة الأخيرة في مسلسل البرهان والاستمرار في حكم السودان
وأطنها بداية النهاية للمراغنة في السودان هؤلاء الشبابا سيحكمون السودان قريبا جدا ...
Post: #44 Title: Re: وصول ابوهاشم حبواً الى السودان .. Author: امتثال عبدالله Date: 11-24-2022, 10:24 AM Parent: #43
عبد الله جعفر قولك انها بداية النهاية للمراغنة ( ال المرغني) وان الشباب الثوار سيحكمون السودان قريبا أظنه قول صحيح لأنني تسلمت في الواتساب من خالي وقد حوله اليه صديق له كلام يؤكد قولك هذا ..وسوف انقل هنا ما جاء من قول في ال المرغني وأنهم ليسوا جديرون بحكم السودان ...وهكذا الأمر في الحزب الطائفي الآخر
Post: #45 Title: Re: وصول ابوهاشم حبواً الى السودان .. Author: محمد بدرالدين Date: 11-24-2022, 01:36 PM Parent: #44
Quote: لا قاعد يداخلني
عتاب رقيق من اديبنا الحبيب دفع الله و اعتذار ارق من الجميل قبانى :؛
Quote: ما قاعد اتداخل امكن لانه انتاجك غزير و ما بقدر اتابع
Post: #46 Title: Re: وصول ابوهاشم حبواً الى السودان .. Author: Ali Alkanzi Date: 11-24-2022, 01:37 PM Parent: #44
استعوا لما قاله الاستاذعثمان مرغني يخصوص هذا الطرح في الدقيقة 13 بعد مرور ساعة من اللقاء
Post: #47 Title: Re: وصول ابوهاشم حبواً الى السودان .. Author: امتثال عبدالله Date: 11-24-2022, 02:16 PM Parent: #46
هذا ما جاء في رسالة الواتساب: "- " الشارع تحت سيطرة جيل يقظ غير معني بالميرغني ولا بالأحزاب الطائفية الأخرى فالميرغني لا يعرف له سوى الشراكة مع المؤتمر الوطني في عهد الانقاذ القمئ .وشوارع الوطن نابضة بحراك ثوري يحرسه جيل شجاع ومقدام لا يهاب الموت ولا يؤمن إلا بتغيير حقيقي يحرر البلاد من أغلال الفشل المتوارث وسطوة النخب المتصالحة مع الحكم العسكري والانقلابيين العسكريين والتخلص من أسباب فشل النمو والازدهار في الوطن وفي مقدمة تلك الأسباب جبريل وزير المالية ، وزير مالية الحركات المسلحة ، والانقلابي البرهان ،وزعيم عصابات الجنجويد حميدان ومجرم الحرب اركوي مناوي والفاسد اردول. ان هذا الجيل عظيم وسوف بنتصر... ماذا يعرف الميرغني واولاده عن السودان وشعب السودان حتى يحكموه!؟ وهم عايشين ما بين انجلترا ومصر ولا يدرون عن السودان شئ.فالرجل تجاوز عمره ٩٠ عاما وافضل له أن يقضي باقي عمره في العبادة وخدمة الشعب المغلوب على أمره ويبتعد عن السياسة أنه غير مرحب به وكان غيره اشطر...وكذلك الحال مع زعماء الحزب الطائفي الآخر ... ""
Post: #48 Title: Re: وصول ابوهاشم حبواً الى السودان .. Author: امتثال عبدالله Date: 11-24-2022, 02:38 PM Parent: #47
حميدتي وليس حميدان غلطة مطبعية
Post: #49 Title: Re: وصول ابوهاشم حبواً الى السودان .. Author: يحي قباني Date: 11-24-2022, 05:03 PM Parent: #48
Quote: معقولة يا ناس وصلنا لهذه الدرجة من الانحطاط في الحوارالبذئ
خلاص شبعت من اموال الدعارة بقيت تشتم في سيدك
اللهم اني ابرأُ اليك مما يقولون
او نسي من قال بذلك قول رسول الله صلى الله عليه وآله في حديثه لمعاز بن جبل:
أَ لَا أُخْبِرُك بِمَلَاكِ ذَلِكَ كُلِّهِ؟ فقُلْت: بَلَى يَا رَسُولَ اللهِ، فَأَخَذَ بِلِسَانِهِ وَقَالَ: كُفَّ عَلَيْك هَذَا. قُلْت: يَا نَبِيَّ اللَّهِ وَإِنَّا لَمُؤَاخَذُونَ بِمَا نَتَكَلَّمُ بِهِ؟ فَقَالَ: ثَكِلَتْك أُمُّك وَهَلْ يَكُبُّ النَّاسَ عَلَى وُجُوهِهِمْ -أَوْ قَالَ عَلَى مَنَاخِرِهِمْ- إلَّا حَصَائِدُ أَلْسِنَتِهِمْ؟! والله إني لاغار على قول مفترى في انسان لا نعرف عنه إلا بقدر ما تمسكه ايدينا للهولاء الذي حولنا لا اقول كفوا فحسب بل مثل هذا الحديث لا يجرؤ ان يجري بخيال مؤمن فما بالكم بان يصبح حروفا تقرأ لك العتبى يا قباني حتى ترضى وابشرك بأنها حسنات لك
شيخ علي كيفنك ..
يا سيدي ما تنزعج .. الزي ده بالمجهر ما بنشاف .. عشان كده لازم يكورك و يقول شوفوني ..
ده يا سيدي من التابعيين المخلصين الخُلّص .. و ملقب نفسه بيهم كمان .. شفت اخلاق الختمية الجديده ..
و عجبي ..
Post: #50 Title: Re: وصول ابوهاشم حبواً الى السودان .. Author: Elsanosi Badr Date: 11-25-2022, 03:51 AM Parent: #49
عفواً للجميع
المكان ده مر عليه كتير من الكُتاب والادباء والفنانين واهل العلم. كلما مر جيل تسلم جيل اخر يختلف في الفكر وطريقة التفكير.
ما دعاني الي التداخل هو التداخل العنيف في ما كتبه السيد الزبير "الختمي" واتهامه للاخ الباشمهندس يحي قباني
اولاً حتي لا يأتي شخص أخر ويأخذ إتهام الزبير من المسلمات وهو اتهام خاطئ ناتج من عدم معرفة انتصاراً للذات؛ اقول وانا اعرف الباشمهندس يحي قباني معرفة شخصية.
للذين لا يعرفون الباشمهندس يحي؛ هو رجل اعمال ناجح يعمل في عدة مشاريع هندسية في مجال تخصصه كما له اعمال خيرية تستفيد منها اسر متعففة (عفواً يحي علي هذا) لكن لابد من احقاق الحق.
الزبير يلزمك اعتذار واضح للباشمهندس عن هذا الإتهام غير المسنود بحقائق او معرفة.
للسيد الزبير "الختمي" : السيد الشيخ محمد عثمان الميرغني شخصية عامة له تأثير علي حياة الناس اقتصادياً وسياسياً وإجتماعياً وذلك وفق ارتباط الناس مع ارائه او ضدها.
محاولة الدفاع عن شخصية عامة بهذه الحدة والقاء التهم الجُزاف ليس من الحكمة في شئ.
نرتبط مع السيد الميرغني او الذين قدموا لاستقباله بصلة الرحم ولكننا لا نتصدي بالدفاع عن مواقفهم السياسية انتصاراً للذات او غيره، لان ذلك لا يليق باستغلالنا الشخصي .
هذا المكان سيغادره الكثيرون اذا لم تتوقف طريقة الرد العنيف تحت تأثير الغضب.
Post: #51 Title: Re: وصول ابوهاشم حبواً الى السودان .. Author: أبوبكر عباس Date: 11-25-2022, 04:26 AM Parent: #50
هلا صديقنا زمان السنوسي، نتفق مع في إدانة ما ذهب إليه الزبير الختمي في رده،
لكن كمان ممارسة السيد محمد عثمان الميرغني لا تمنح أعداءه حق السخرية من سنه بهذه الطريقة غير المهذبة، كدي عليك الله تمعن في الاقتباس دا: "وصول أبو هاشم حبواً إلى السودان،
او ما تبقى من الرجل ..
الختمية .. في داعي تبهدلوا الرجل بالشكل ده ..
اللهم انا نعوذ بك من ارزل العمر .."
يعني تقول لزول ما تبقى منك وأنك بلغت أرذل العمر كدا عديل في وجهه؟! وتدعي أن ذلك حق كفلته لك كون الشخصية عامة؟!!!
بعد مداخلتك مشيت أفتش في كتب التفسير لماذا استعمل القرآن كلمة أرذل العمر فهي قاسية في الوصف
Post: #54 Title: Re: وصول ابوهاشم حبواً الى السودان .. Author: Elsanosi Badr Date: 11-25-2022, 05:11 AM Parent: #51
عزيزنا ابوبكر
جملة أرذل العمر في معناها القريب تعني أخره، وربما تحمل معاني ومدلولات أُخر وفق ما يتبعها او يقترن بها من كلمات.
وفق ثقافتنا الموروثة هناك تعظيم لكبار السن، هذا المفهوم قد (يتغير) وفق تأثير كبير السن علي الناس.
السيد الشيخ محمد عثمان الميرغني شخصية عامة تأثر السودانيون بما قاله ويقوله وفعله ويفعله سياسياً واجتماعيا لاكثر من ستين عام.
اختلف مع يحي في وصفه (حبواً) ولكن قد لا تفوت علي فطنة الباشمهندس في معناها الواضح، وياتي معنها وفق الاختلاف السياسي.
لكن خليني اقول كلام عام قد يتفق فيه الجميع وفق ثقافتنا المحلية : مسائل العمر والاعاقة وغيرها من الاشياء التي لا يستطيع الانسان التحكم في وقفها او السيطرة يجب ان لا تدخل في التخاطب السياسي؛
شكراً ابوبكر علي هذا التذكير اللطيف.
Post: #52 Title: Re: وصول ابوهاشم حبواً الى السودان .. Author: adil amin Date: 11-25-2022, 04:43 AM Parent: #50
تعال يا قبة مارق ما عندى شغلة بي الرايش هنا اطلاقا كلمني قلت الناس يخلو الختمية كدين سوداني والانصار ايضا كمظهر دين سوداني والصينيين يخلو الكنفوشسية والهنود الهندوسية ونبقى كلنا علمانيو وشيوعين وبعثيين وناصريين وعفن الاسلاام السياسي الامريكي داعش والغبراء وطالبان والقاعدة وبكو حرام وبازنقر وجنجويد كل التجريف الحضاري ده وادوته المفضوحة بعاعيت مايو 1969 وايتام الترابي 1989 وجنجويد وبازنقر الامارت مالين الساحة هل ده البديل الحضاري والديني والسياسي للسودانيين ال40 مليون جنسية خضراء ؟؟؟ قلت الناس يخلو الختمةوالمولد والفتة والانصارية والراتب ويلغو الغيب في دماغهم ويبارو الغيب المزور الامريكي السلفية والاخوان المسلمين وتشظياتهم مش كده طيب كده دي سفاهة ومعيشة ضنكة زي ما قال القران علمانيو بتاعة الشيوعيين بالذات سفاهة وده دماغ البشر بما فيهم الامريكيين البتلهث معاهم ديل العلمانية ليس اعلى وعي في العالم واقرا كتاب الاستاذ محمود ديباجة الدستور 1984 وكلم الشيوعيين المتكلسين يسفيدو من مخرجات المؤتمر ال20 للحزب الشيوعي الصيني عن الاشتراكية مع الخصوصية الصينية بدل ترفس الختمية والانصار والطرق الصوفية والجمهوريين والمسيحيين والكجوريين في السودان وتلهث ورا العرب والمشاريع العروبية والمصرية المعفنة نظف السودان من رجس الاخوان المسلمين السلفييين اولا ومن تفاهة البعثيين والناصريين ثانيا المدورين بي الشباب 3 سن ة حاصل فارغ وكلهم ادوات لى مشروع واحد في منطقة العرب المازومة سمكرة الختمية دين في السودان زي طريقة الشيخ الجعلي حاج حمد الوداك كدباس شنو ؟؟؟ نحن في الاقليم الشمالي ختمية ونحب الاتحاديين وحسنين الله يرحمه وال البيت الواضح سرهم وشعارانا اي كوز ندوسو دوس واي شيوعي نخلي يعوي
جاوب انت مش فتحت البوست ده تتحدى للختمية انا ختمي رجعي مرتبط بالاستعمار والسفير الصيني في السودان تعااااال مارق يمرق جلدك عاش ابو هاشم مسيرة علمانيو في الساحة الخضراء عليكم الله الانتهى منو في السودان يا قبة https://www.0zz0.com
Post: #53 Title: Re: وصول ابوهاشم حبواً الى السودان .. Author: adil amin Date: 11-25-2022, 04:54 AM Parent: #52
قبة شوف نظرية المعرفة دي احسن ليك هسة بنقدما ليك اكسوكلوزيف عن الوعي الكوشي الجبار بالطعم مليار شخص في العالم https://www.0zz0.com العقل الثلاثي الابعاد...لانه لسه ما افتحت المنابر الحرة السودانية الحقيقية بالتعبر عن قيمة الانسان السوداني وحضارة ورسالة السودان مش الشرائح المركبة في العقول المحتلة والمختلة والمعتلة الولغ فيها الترابي الاخوان والسلفيين من1978 وبابكر عوض الله الشيوعيين والبعثيين والناصريين والمخابرات المصرية 1969 كبر دماغك قدر السودان في حدود 1يناير 1956 الجنوبيين احترمو السيد الميرغني والختمية وانت تلهث مع القحاتة والكيزان في المركز الوسخان العفن ده لحدي هسة والشعار المبتور الما نافع ده بتاع قحت والخارطة المشوهة زي وعيهم كبر دماغك معانا ولي بنودي العاصمة كوستي وترجع ام درمان قرية صغيرة نسميها شلعوها القحاتة ويضحك فيك شخشوخ وخدم بحري
Post: #55 Title: Re: وصول ابوهاشم حبواً الى السودان .. Author: يحي قباني Date: 11-25-2022, 03:09 PM Parent: #53
هلاااا بالبروف السنوسي ..
يا صديقي شاكر ليك جدا على كلماتك الطيبات ..
الاساءه يا سنوسي لا تترك اثر الا حينما تاتيك من انسان ذو قيمة ..
اما مثل الاشياء تلك فانا لا اراها بالاساس ..
اما كلمة حبوا.. فشايف زي ناس شخشوخ كانت كلمة جديدة عليهم .. فاهو اتعلموا حاجة ..🙂
حقيقة كنت مفكر بالاول اكتب في العنوان ( وصول جثمان الميرغني) .. خاصة شايفه نزل بي مكان الجثامين ..
يا سنوسي العيب الحقيقي على الجابو الرجل و بهدلوه وهو مغيّب .. و اكان هو واعي فالعيب عليو اولا..
تحياتي لك و حبي الذي تعلم ..
Post: #56 Title: Re: وصول ابوهاشم حبواً الى السودان .. Author: الشيخ سيد أحمد Date: 11-25-2022, 05:34 PM Parent: #55
Quote: اما كلمة حبوا.. فشايف زي ناس شخشوخ كانت كلمة جديدة عليهم .. فاهو اتعلموا حاجة ..🙂
كويس يا قبة وصلت الرسالة هههههههه
بالمناسبة دي خليني أتحداك أن تقول أن مولانا السيد "محمد عثمان" قد بدر منه تصرف يسئ إليه كزعيم ديني ومجتمعي وسياسي. أتحداك هنا يا قبة تجيب لينا "جملة واحدة" - خليك من جملة - فقط "كلمة" واحدة - التحدي مفتوح لغاية "بكري اب صلعة " يلملم عفشو ويقول ما داير معاكم. زول بالأدب ده يا قبة - ليه مستغرب انو يكون عندو محبين ؟؟ تقوم تجي انت بكل بساطه توصفو "بالحبو" - للسن أحكام يا حبيبنا. وبعدين إنت شايف إنو دي بهدله- ونحن شايفنها رسالة للإلتفاف والتوحد والمساهمة في حل الوضع "السجمان" العايشة فيهو البلد.
زول كبير بين أهله وناسه ومحبيه- إنت يا قبة كبيركم منو ؟؟ من الذي يمكنه أن يجمع حوله الملايين؟؟ مولانا السيد "محمد عثمان" عمل كده- أها إنت عندك زول ولا ناكل باسطة :)
Quote: ويضحك فيك شخشوخ
هو داب ضحك يا عادل ههههههههه قبة زي ما قلت انت رايح ليهو الدرب- لكن إن شاء الله نملاهو ليك "فتة" وندخلو ساحة الذكر وشوف بعداك إذا ما شبك الناس "عاش أبو هاشم" :)
كسرة: يا قبة ماتنسى التحدي
كسرة اخيرة: حياك الله "السنوسي" وبركة الشفناك طيب ياخي.
Post: #57 Title: Re: وصول ابوهاشم حبواً الى السودان .. Author: يحي قباني Date: 11-25-2022, 06:32 PM Parent: #56
Quote: بالمناسبة دي خليني أتحداك أن تقول أن مولانا السيد "محمد عثمان" قد بدر منه تصرف يسئ إليه كزعيم ديني ومجتمعي وسياسي. أتحداك هنا يا قبة تجيب لينا "جملة واحدة" - خليك من جملة - فقط "كلمة" واحدة
للجميع و على راسهم شخشوخ لابس فرجية جدو ..🙂
صمت محمد عثمان الميرغني الدائم ليس ادباً منه .. بل لان راسه خاوية تماما فهو لا يتكلم حتى لا يخطئ .. صمت ناتج عن جهل ليس الا ..
بالمناسبة .. محمد عصمان ده ما كتب ١٠٠ كتاب زي ابو كلام ؟ و لا حتى كتب مقال ؟ او سطرين !!!
الصمت الرهيب .. ههههههههه
Post: #58 Title: Re: وصول ابوهاشم حبواً الى السودان .. Author: دفع الله ود الأصيل Date: 11-25-2022, 07:14 PM Parent: #57
Quote: Quote: لا قاعد يداخلني
عتاب رقيق من اديبنا الحبيب دفع الله و اعتذار ارق من الجميل قبانى :؛ Quote: ما قاعد اتداخل امكن لانه انتاجك غزير و ما بقدر اتابع
.. انكم تزرعون الجمال ف نفوسنا فشكرا جميلا لكما
∆ سلام مربعو تجلة لحبيبو الغالي جدن/ محمد بدر تمام الدين نحيي فيك روحك و أنت تنضح دومن بكل معاني الإلف و الود النبيل و تصر على كسر عنقنا بنعوت لا نملك معشار ما لديك منها و أنت الأحق لها و أهلها، شاهد الله عارف قباني زول لماح ، جاب العذر "الأطعم" من الذنب، و أنا أصلن جبتها ليه مقشرة!! ∆ عمومن نحن لا نستجدي أحدا لإرهاق بصره بمترياتنا ، و لكن كان مجرد مدخل.
Post: #59 Title: Re: وصول ابوهاشم حبواً الى السودان .. Author: هدى ميرغنى Date: 11-25-2022, 08:02 PM Parent: #57
يا أخى العزيز المحترم ، باشمهندس قبانى~ خسمتك بالبنى وبعاطفة ليس لها منطق فقط إعزازا لأحبة (لو بقدر أشيل من الزمن وقتى وأموت فى لحظة ، وأهديهم عقاب عمرى ) - أحبة يعزون أبو هاشم ليس من جانب سياسى ولكن من جانب روحى يخصهم وعليه تانى خسمتك بالبنى تخليه| …بداية خيطك كانت واضحة بالنسبة لى ، إنه ليت أهله ومحبيه قدروا ظرفه وتعاملوا بهذا الأساس بدل أن يأتى الكيزان ويستغلوا هذا الظرف … العزيزة أميرة أيضا فهمت قصدك وأشارت إلى فكرة الكرسى ، وطبعا يا أخى العزيز تكون عارف مطار الخرطوم وكيف يرفعوا وينزلوا الناس برافعة كدا من العصر الحجرى. #من أساء لك يا عزيزى قبانى فقد أساء لنفسه - و الختمية الذين نعرفهم لا ينطقون هذه الكلمات ناهيك أن يكتبوا مثل هذه العبارات.
Quote: صمت محمد عثمان الميرغني الدائم ليس ادباً منه .. بل لان راسه خاوية تماما فهو لا يتكلم حتى لا يخطئ .. صمت ناتج عن جهل ليس الا ..
يا أخى العزيز قبانى ~ أبو هاشم شديد الأدب ولم يكن سياسيا حتى جاء الكيزان بإنقلابهم المشؤم وسجنوه كما فعلوا مع السياسين الأُخر - الصادق المهدى ، نقد ،التيجاني الطيب وغيرهم، ورغم هذا قد كان شجاعا متماسكا، بعدها تواصل سجنه التحفظي بمنزله. حكى عنه الحراس لاحقا انه كان لطيفا، متحضرا يستأذنهم عند الخروج للمشاوير المسموح بها، حدثهم بأنه سيذهب للقاهرة -…وكما تعلم كان من المؤسسين للتحالف بالقاهرة ، لقد كانت مواقفه وطنية. *كتبتُ سابقا أنه أُتيحت لى فرصة أشاهده وأسمعه فى محاضرة، كان ودودا عفويا ، ضاحكا ومحبا للشهيد جون قرنق، بسيطا ، متواضعا ،فى مرة حاول يشيل كباية الموية يشرب والكباية أمامه - جاء شخص جارى رفع الكباية وأداها ليه الموقف داك يشبه حديث العزيزة أميرة - ما كان غاليه يطلع من الطيارة بكرسى. *الكيزان اعداء الختمية مندسين فى وسط الختمية وشغالين تخريب. مليشيات الكيزان فى التسعينات هجمت على إحتفالية بجامع السيد على الميرغنىى ، أرهبوا الحضور ، شتتوا الأكل - الختمية الحقيقين يا قبانى مهذبين وغير عدائين -يومها كان معاهم حتى أحفادهم ، كان رعبا لم ينسوه حتى اليوم. معليش للإطالة ولك إحترامى من قبل ومن بعد
Post: #60 Title: Re: وصول ابوهاشم حبواً الى السودان .. Author: هدى ميرغنى Date: 11-25-2022, 08:20 PM Parent: #59
أما الأخ عادل أمين ، ربنا ما يحرمنا منه طوالى جاء جارى برسوماته المن قبل الحضارة البشرية وطير الشكلة مع الحزب الشيوعى… كويس إنه ما أداك لستة الأسئلة هههههها … قالوا فى حاج فاكر المخلوع نميرى ولا أظن عبود لسه حاكم.
Post: #69 Title: Re: وصول ابوهاشم حبواً الى السودان .. Author: adil amin Date: 11-27-2022, 04:41 AM Parent: #60
Quote: أما الأخ عادل أمين ، ربنا ما يحرمنا منه طوالى جاء جارى برسوماته المن قبل الحضارة البشرية وطير الشكلة مع الحزب الشيوعى… كويس إنه ما أداك لستة الأسئلة هههههها … قالوا فى حاج فاكر المخلوع نميرى ولا أظن عبود لسه حاكم.
اها يا هدى ام شريحتين العايزة تدافع عن الحزب الشيوعي السوداني وتغطي دقنا الاسس وعي كراهية الختمية والاساءهم لهم عبر العصور واوجد ظاهرة يحى قباني في البورد الختمية والجمهوريين والحركة الشعبية الاصل كلامهم واااااضح والصمم الايدولجي حابجهم من الاعلام السوداني الرخيس والمسيخ والبرنامج الوطنية موجودة والختمية عندهم حلة في كاودا من 2019 مع عبدالعزيز الحلو والصور لا تكذب انت برضو موهومة زي باقى الشيوعيين قايلاني بكتب كلم فارغ طيب لمن الدين ما نافع في السودان يا سيداووو وعلمانيو الودا الحزب الشيوعي الكسيح كدباس شنو ؟؟؟ جاوبي بدل قباني الشريحة واحدة عندكم يا هدى ميرغني نحن هنا صراعنا مع وعي سقيم الشيوعي البعثي الناصري الكوز والسلفي وحضرنا مؤتمر الحزب الشيوعي الصيني وادانا درس في الخصوصية والخصوصية دي تحترمي حضارة كوش ورمزها "الجعران المقدس " وتحترمي قناعات الناس الدينية والسياسية في السودان وتكنسي الرجس بتاع السلفية والاخوان المسلمين من السودان من 1978-2022 طال ما مركبة شريحيتين زي قبة والخواض ....عايزة مليون سنة ضوئية عشان تتحرري من اصر اليسار السوداني البائس ولعلمك بس الشيوعي في السودان والبورد ده بس انا والسفير الصيني فقط والزمن بوريك دقة الموضوع ده شيوعينك ديل صلاح احمد ابراهيم اختصرهم في ديوان بوق العاج في نومة وسهرة وقهوة وسكرة بتعرفي صلاح احمد ابراهيم ولي المسخرة العليك شنو ؟؟؟ تعالي مارقة في البوستات البفتحا ورينا عندك شنو ؟؟؟ هنا بس يوريني قبة مشكلتو مع الختمية شنو ؟؟؟الشريحة المضروبة ولي حاجة تانية الختمية عندهم حلة في كاودا وانا حارسا ليهم من 2019
Post: #70 Title: Re: وصول ابوهاشم حبواً الى السودان .. Author: osama elkhawad Date: 11-27-2022, 05:53 AM Parent: #69
أهلا باشمهندس يحى
تساؤلك عن مواهب وإمكانيات ومهارات الميرغني مشروعة لأحزاب عادية أي السياسة كما عرفناها في الغرب مؤسس الديمقراطية الحديثة.
لكن بالنسبة للميرغني فتتأسس زعامته على موقعه الديني .
وقد كان في الأصل "راعيا" للحزب، ثم تدهور واضطر الى ان يكون على رئاسته وهي رئاسة مدى الحياة بحكم موقعه الديني في طائفته.
الطائفية أحدثت تشويها لمفهوم الديمقراطية الغربية فولدت أحزابها مصابة بهذا المسخ البنيوي.
Post: #71 Title: Re: وصول ابوهاشم حبواً الى السودان .. Author: يحي قباني Date: 11-27-2022, 08:02 AM Parent: #70
Quote: لكن بالنسبة للميرغني فتتأسس زعامته على موقعه الديني .
تحياتي خواض .. الحزب حزب سياسي منذ ايام السيد علي الميرغني و السيد علي عبد الرحمن خاضوا الانتخابات و كسبوا و خسروا .. فمن اين اتت قصة موقعه الديني تلك ؟
اما مسالة موقعه الديني دي .. اذا سلمنا بها .. فمن اين اتى الناس بهذا الزعم ؟ و ما هي مؤهلاته ليصبح زعيم ديني ؟ هل لديه مؤلفات ؟ هل سمعنا عنه يوما اي تفاسير او شرح لاي شي من القرآن و السنة ؟
الرجل لم نسمع عنه اي شي .. بيريود .. رجل صامت .. لا يفقه شي لا في السياسة و لا غيرها .. و انجب تنابله مثله تماما يعيشون على قفا الناس ..
اتحدى ايا من كان ان يآتينا بمقال او اي طرح او فكر ينسب له .. الرجل حينما يقرأ كلام مكتوب .. يتلعثم و كانه تلميذ في روضه .. انا شخصيا اتذكر عدد مقبلي اياديه عبر السنين و لا اتذكر منه كلمة في اي شي ..
و اخيرا .. فليخرجوا للناس و يحددوا انفسهم .. ان كانو جماعة دينيه ام حزب سياسي .. بدلا عن التلاعب بين الاتنين ..
Post: #73 Title: Re: وصول ابوهاشم حبواً الى السودان .. Author: مدثر صديق Date: 11-27-2022, 10:29 AM Parent: #48
سلام كتبت الاخت امتثال الاتي ، او نقلت الاتي :
Quote: فالميرغني لا يعرف له سوى الشراكة مع المؤتمر الوطني في عهد الانقاذ القمئ
اعتقد ان الجميع هنا يعرف ان الميرغنى كان رئيس التحالف الوطنى الديمقراطيى في التسعينات وان جون قرنق كان نائبه و كل الاحزاب كانت منضوية تحت هذا التحالف في هذا التجمع و اعتقد انه قد لبس في معارضة الانقاذ 15 سنة حتى عودته في بعد توقيع اتفاقية السلام ، و اظنه هو صاحب المقولة المشهورة في تلك الايام (سلم تسلم )
Quote: أعلن الرئيس السوداني عمر البشير رفضه لكافة اشكال الترهيب وسياسة سلم تسلم في اشارة الى الشعار الذي اطلقه محمد عثمان الميرغني زعيم الحزب الاتحادي الديمقراطي ورئيس التجمع الوطني المعارض
اما عهد الانقاذ فكل الاحزاب شاركت فيه : جون قرنق كان نائب عمر البشير و كذلك سلفاكير عبدالرحمن الصادق كان مساعد للبشير نقد نزل في الانتخابات ضد البشير و سليمان حامد عضو اللجنة المركزية عضو في برلمان الانقاذ ناس الشعبي ديل كانوا من اهل الجلد و الراس ......... !!! !
Post: #61 Title: Re: وصول ابوهاشم حبواً الى السودان .. Author: Amira Hussien Date: 11-25-2022, 08:40 PM Parent: #1
يا سلام عليك ياهدى وانا فوق خسيمتك بخسم العزيز قبانى ……و تاكيدا لما ذكرت فكل من عرفه عن قرب عرف تواضعه وادبه الجم وفهمو وثقافتو وحكمته وروقته٠٠٠٠٠٠٠٠٠
Post: #62 Title: Re: وصول ابوهاشم حبواً الى السودان .. Author: يحي قباني Date: 11-25-2022, 11:27 PM Parent: #61
Quote: خسمتك بالبنى وبعاطفة ليس لها منطق فقط إعزازا لأحبة (لو بقدر أشيل من الزمن وقتى وأموت فى لحظة ، وأهديهم عقاب عمرى ) - أحبة يعزون أبو هاشم ليس من جانب سياسى ولكن من جانب روحى يخصهم وعليه تانى خسمتك بالبنى تخليه
اختي العزيزه هدى ..
جانب روحي يعني شنو ؟ نبي يعني ؟ جانب روحي يا هدى و هم عايشين سلفقه على ضهور الناس يوم واحد ما اشتغلوا !! عايني جعفوري و الحسن .. ملس جلدهم خرش مافي .. عايشين عاله ليهم عشرات السنين .. غشو الناس في الشماليه و قاسموهم تمرهم و جناينهم .. طيب يا هدى .. لو سلمنا بالجانب الروحي ده .. ماله و مال المبادرات و ليه طارح نفسه سياسي ؟ ما يقول انا نبي و يقعد في زاوية و الناس تمشي تزور و تتبرك .. و لامن يتوكل يدفنوه في نفس الزاوية و تبقى مزار .. معقول الناس جعانه .. و تمشي تقبل ايده !!!
Quote: يا أخى العزيز قبانى ~ أبو هاشم شديد الأدب ولم يكن سياسيا حتى جاء الكيزان بإنقلابهم المشؤم وسجنوه كما فعلوا مع السياسين الأُخر - الصادق المهدى ، نقد ،التيجاني الطيب وغيرهم، ورغم هذا قد كان شجاعا متماسكا، بعدها تواصل سجنه التحفظي بمنزله
الادب في السيرة الذاتية للسياسيين ما عنده خانه .. الادب يقعد بيو في بيته .. اما نقد و التجاني الطيب و علي محمود حسنين و جون قرنق و حتى الصادق .. لا ينقصون ادبا .. فقط الصادق يعيبه الكذب .. هؤلاء جميعا سياسيين افذاذ .. سيدي ده ادبه فقط ما بدخلو روضة سياسة ..
يا هدى .. الرجل شايفة حالتة كيف .. متكلنوا تكيل .. و جاي يشتغل سياسة؟؟ و مؤهلاته حسب كلامكم انه (مؤدب) !!
عيب عليو لو هو واعي بعمل في شنو .. و عيبين على حيرانو لو جايبنو يتاجروا بيهو ..
و عجبي ..
Post: #63 Title: Re: وصول ابوهاشم حبواً الى السودان .. Author: يحي قباني Date: 11-25-2022, 11:31 PM Parent: #62
Quote: وفهمو وثقافتو
اميرة الاميرة ..
ممكن مثالين لي فهمو .. و مثال وااااحد لي ثقافتو ؟
من مصايب الدنيا على الانسان .. انه لامن يجوا الناس يعددوا مآثروا ما يلقوا ليهو شي غير انه مؤدب ..
Post: #64 Title: Re: وصول ابوهاشم حبواً الى السودان .. Author: هدى ميرغنى Date: 11-26-2022, 00:22 AM Parent: #63
تحياتى والإحترام ، أخى قبانى~
Quote: الادب في السيرة الذاتية للسياسيين ما عنده خانه .. الادب يقعد بيو في بيته .. اما نقد و التجاني الطيب و علي محمود حسنين و جون قرنق و حتى الصادق .. لا ينقصون ادبا .. فقط الصادق يعيبه الكذب .. هؤلاء جميعا سياسيين افذاذ .. سيدي ده ادبه فقط ما بدخلو روضة سياسة ..
طبعا أتفق معاك وأزيد فى أدب ووعى كل المجموعة دى. أبو هاشم سابقا ما طرح نفسه سياسىى. أما وأولاده ما شايفة فيهم أى خير وحتى ما جبت سيرتهم … لما شفته تزكرت ملكة إنجلترا الراحلة وكيف أن "المؤسسة" حتى فى آخر أيامها كانت بتظهرها وتصور إنها قادرة - خلقوا جفوة بين أحفادها من غير قرارها وأبعدوا الحفيد المتمرد (فى نظرهم) عشان ما يلخبط الرصة … ما حأعلق على ظرفه الصحى عشان خصوصية الإنسان وحق المريض. يا أخى قبانى لقد حزنت يومها وزعلت جدا لما أتوا بصورة للصادق المهدى وهو فى المستشفى بالإمارات. - غلطانة "المؤسسة" والإنتهازيين وفى المقدمة الكيزان ، الاستفادوا من الظرف الصحى لأبو هاشم وحاولوا يمرروا أجندتهم…. للأسف القتلة وحلفاءهم خططوا لإستغلال ظرفه، لكنهم واضح ما بيعرفوا الشعب السودانى ، لم ولن يلتفت أحدًا إليهم غير الإنتهازيين.
***عودة أبو هاشم للسودان لن تؤثر فى خط الثورة السودانية، والنصر دائما حليف الشعوب
Post: #65 Title: Re: وصول ابوهاشم حبواً الى السودان .. Author: دفع الله ود الأصيل Date: 11-26-2022, 07:53 AM Parent: #64
Quote:
اختي العزيزه هدى ..
جانب روحي يعني شنو ؟ نبي يعني ؟ جانب روحي يا هدى و هم عايشين سلفقه على ضهور الناس يوم واحد ما اشتغلوا !! عايني جعفوري و الحسن .. ملس جلدهم خرش مافي .. عايشين عاله ليهم عشرات السنين .. غشو الناس في الشماليه و قاسموهم تمرهم و جناينهم .. طيب يا هدى .. لو سلمنا بالجانب الروحي ده .. ماله و مال المبادرات و ليه طارح نفسه سياسي ؟ ما يقول انا نبي و يقعد في زاوية و الناس تمشي تزور و تتبرك .. و لامن يتوكل يدفنوه في نفس الزاوية و تبقى مزار .. معقول الناس جعانه .. و تمشي تقبل ايده !!!
Quote: يا أخى العزيز قبانى ~ أبو هاشم شديد الأدب ولم يكن سياسيا حتى جاء الكيزان بإنقلابهم المشؤم وسجنوه كما فعلوا مع السياسين الأُخر - الصادق المهدى ، نقد ،التيجاني الطيب وغيرهم، ورغم هذا قد كان شجاعا متماسكا، بعدها تواصل سجنه التحفظي بمنزله
الادب في السيرة الذاتية للسياسيين ما عنده خانه .. الادب يقعد بيو في بيته .. اما نقد و التجاني الطيب و علي محمود حسنين و جون قرنق و حتى الصادق .. لا ينقصون ادبا .. فقط الصادق يعيبه الكذب .. هؤلاء جميعا سياسيين افذاذ .. سيدي ده ادبه فقط ما بدخلو روضة سياسة ..
يا هدى .. الرجل شايفة حالتة كيف .. متكلنوا تكيل .. و جاي يشتغل سياسة؟؟ و مؤهلاته حسب كلامكم انه (مؤدب) !!
عيب عليو لو هو واعي بعمل في شنو .. و عيبين على حيرانو لو جايبنو يتاجروا بيهو ..
و عجبي .. [
يا زول، والله ما فاضل بعدا علا نقولليك (يَا يَحْيَى خُذِ الْكِتَـابَ بِقُوَّة) الليلة بقيت لينا متل حسين خوجلي الله لا طراه ولا جاب عقابو، يوم نطو فيها قرود بنو كوزنان الله يكطع طاريهم ، كان مولانا السيد/ أحمد (مَنْ تَشَاءُ) أ ظنعن، حايم في آخر ريارة ليه في اليونان كراس مجلس سيادة و كدا، و أظنو ناس اليونان كانو هاديين ليو هدية رمزية تذكارية عبارة عن طائر البجع " + و هو جاي راجع بهنا لقى الهبيكة غرقت. فقام الجخس المملس المعفن كتب في "ألوان" معلقاً على منظر البجعة و صاحبها قال بالله هسي نفرز ياتو يكون فيهم البجعة: هي و لا دا الجايبا معاه طابيها في سدرو. + بس ياهو دي الفارغة و مقدودة المارققين بيها من سياستكم ، المهببة نتفرج و نضك نقول قرررر ، وصدقني والله مافيها خير ابدن( وَأَصْحَٰبُ ٱلْيَمِينِ مَآ أَصْحَٰبُ ٱلْيَمِينِ وأصْحَابُ الشِّمَالِ مَا أَصْحَابُ الشِّمَالِ + لكن نجي نقول: عيشة العالة على قوت الغلابة دي حقيقة زي الشمش في رابعة النهار ما بغتيها غربال ، و هي من أخزي مخازي الصوفية حيثما قامت لها قائمة - و ليست بدعة ختمية مسجلة - ،و تشهد بيها التكايا و المسايد و طوافات القدوم ثم الإفاضة بي خُفَي حنين حوال الأنصاب و الازلام رجساً) من عمل الشيطان، و المسوح بتراب الأضرحة. عيب على زول بيعرف يفك الخت ، يشكر لينا ا(راكوبة الخريف.) + بالناسببة أخوك سليل شيوخ أب ( فيها قرابة 20 (قبلة) موش يحيى طبعن ، و ملدوغ مولانا أحمد مصطفى دالي عارف كدا جيدن، ومع ذلك فلا ب يكوالسن ليها حكم فعلن.
Post: #66 Title: Re: وصول ابوهاشم حبواً الى السودان .. Author: د.عماد يوسف Date: 11-26-2022, 08:50 PM Parent: #1
الاخ قبانى والاخوه المتداخلين لكم منى الف سلام احقيقه لم اجد وصف لحالنا فى هذا البلد الجميل العزيز بناسو غير قصيدة نزار “قضيت عشرين سنة .. أعيش في حضيرة الأغنام. أعلف كالأغنام. أنام كالأغنام. أبول كالأغنام. أدور كالحبة في مسبحة الإمام. أعيد كالببغاء ، كل ما يقول حضرة الإمام. لا عقل لي . لا رأس لا أقدام” و خلوا بالكم من أدور كالحبة في مسبحة الإمام و فى الختام لا يسعنى غير ان اقول عاش ابو هاشم
Post: #67 Title: Re: وصول ابوهاشم حبواً الى السودان .. Author: Amira Hussien Date: 11-26-2022, 08:50 PM Parent: #1
عارف يا قبانى انا ما متذكرة شى محدد لكن كل تصرفات السيد محمد عثمان وردود افعالو وتصريحاتو تدل على الفهم وسعة الافق ….يمكن ما كتب كتاب ولا وضع نظرية لكن دائما مواقفه تدل على شى جميل ومفيد ….انا هسه بكتب وبدافع من منطلق العاطفة المبهمة الذكرتا هدى
Post: #68 Title: Re: وصول ابوهاشم حبواً الى السودان .. Author: tasneem Date: 11-27-2022, 01:38 AM Parent: #67
قال الصادق كذاب قال الله يرحم السيد الصادق ويجعل مثواه.
Post: #72 Title: Re: وصول ابوهاشم حبواً الى السودان .. Author: يحي قباني Date: 11-27-2022, 08:20 AM Parent: #67
Quote: عارف يا قبانى انا ما متذكرة شى محدد لكن كل تصرفات السيد محمد عثمان وردود افعالو وتصريحاتو تدل على الفهم وسعة الافق … .يمكن ما كتب كتاب ولا وضع نظرية لكن دائما مواقفه تدل على شى جميل ومفيد ….انا هسه بكتب وبدافع من منطلق العاطفة المبهمة الذكرتا هدى
عليك الله تجيبي موقف او رد فعل او تصريح يدل على فهمه و سعة افقه يا اميره ..
ليه انا متأكد لو قلت ليك اتذكري رد فعل او تصريح للترابي او جون قرنق او الصادق او حتى سيئ الذكر نميري حتتذكري شي من دون مجهود ؟ عارفه ليه ؟ لانهم احياء كانوا في وقتها على خلافنا مع بعضهم .. اما صاحبنا ده فميت منذ ان ولد .. 🤐 و مؤدب .. كما ذكرتم ..😏
Post: #74 Title: Re: وصول ابوهاشم حبواً الى السودان .. Author: الزبير بشير Date: 11-27-2022, 01:26 PM Parent: #1
تم الحذف
عشان ما اجو ناس المعايير المزدوجه بحذفه .
Post: #75 Title: Re: وصول ابوهاشم حبواً الى السودان .. Author: ABUHUSSEIN Date: 11-27-2022, 04:02 PM Parent: #74
الزبير كلامك شين شديد و مداخلتك الاخيرة دي فيها تهديد مرفوض
Post: #76 Title: Re: وصول ابوهاشم حبواً الى السودان .. Author: يحي قباني Date: 11-28-2022, 02:25 AM Parent: #75
يا ابو حسين يا حبيب .. آكلي الفتة و الثريد ديل ما قاعد اشوفهم نهائي .. ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
خواض مره تاني: حسب ويكيبيديا .. محمد عثمان بن علي الميرغني سياسي وصوفي سوداني وقائد الحزب الإتحادي الديمقراطي. استخلف على الطريقة عقب وفاة والده علي الميرغني 1968، وكان الأخير أحد أقطاب الحركة السياسية السودانية ومن مجددي الطريقة الختمية.
مش آن الاوان يثبتوا لينا على حال ؟ _________________________________ الى جقود في جحره اليماني : محمد عثمان الميرغنى يصافح جمال عبد الناصر ومن الخلف أحمد الميرغني في القاهرة عام 1966 م
Post: #77 Title: Re: وصول ابوهاشم حبواً الى السودان .. Author: adil amin Date: 11-28-2022, 04:26 AM Parent: #76
Quote: الى جقود في جحره اليماني : محمد عثمان الميرغنى يصافح جمال عبد الناصر ومن الخلف أحمد الميرغني في القاهرة عام 1966 م
هسة عليك الله لمن نقول ليك مخك لفت بتزعل ليه يصافح دي شنو عبدالناصر زحا محمد نجيب المحترم وحكم مصر بي حثالته وهو عميل صهيوني رخيس وعندنا ناصريين وقوميين عرب لحدي الليلة 2022 وعفن زي الناصريين والبعثيين والشيوعيين العروبيين وسايقين الشباب بي الخلا برعاية السفارة المصرية والامارتية وانت في التابلويد بتاعك امشي للخواض يعلمك الميمات الغبية انقلاب مايو وبعاعيت مايو صنعة استخبارية مصرية بينما الختمية وجود ديني وسياسي في السودان قبل يلدو عبد الناصر ومحمد نجيب 200 سنة في السودان و10 مليون مريد منو العمل الوثيقة الدستورية البييض دي يا قبة ؟وبامتياز ناصري وعايز يقعد ويقعد الجنرالات ويمدد لمن جدعو ومشو لي قحت الموز قعد يولول زي ######################## وينبذ في ايتام الامارات التوم هجو وجبريل مش هو ساطع وسنهوري عاملين حزب بي اسم رئيس مصري والله دي اسوا ردة حضارية في السودان ولي صديق يوسف مشا السفارة المصرية 2020 للملوينيات الفالصو وهل انت قريت رسالة ابراهيم منعم منصور ؟؟ adil amin @abadamak2011 · 11m #مليونية26نوفمبر بدل المليونيات الفالصو الشعب ال40 مليون يتجاوزهم ويرجع الى #منصة_علي_محمود_حسنين علم استقلال جديد رؤية محترمة من رجل محترم دستور فدرالي "الحكم الاقليمي اللامركزي باسس جديدة الجابر الناس علي بعاعيت مايو 1969 وايتام الترابي 1989 شنو ؟
وهسة الوداكم كدباس شنو يا عمى الدباس منو الطفا النور يا قبة
Post: #78 Title: Re: وصول ابوهاشم حبواً الى السودان .. Author: يحي قباني Date: 11-28-2022, 04:54 AM Parent: #77
Quote: عبدالناصر زحا محمد نجيب المحترم وحكم مصر بي حثالته وهو عميل صهيوني رخيس
طيب يا طروره ..
وكت عبد الناصر كل الحاجات الكعبة القلتها فيهو .. التُجُم سيدك ماشي يتلصق في ناصر و يسلم و يقايض بي يدينو الاتنين لي شنو ؟
Post: #79 Title: Re: وصول ابوهاشم حبواً الى السودان .. Author: مدثر صديق Date: 11-28-2022, 10:59 AM Parent: #78
الاخ يحي قباني سلام
Quote: عليك الله تجيبي موقف او رد فعل او تصريح يدل على فهمه و سعة افقه
من المواقف انو وقع اتفاق سلام (الميرغنى - قرنق ) 1988 (تقريبا ) و اعتقد ان تفيذها كان سيجنب البلد الكثير حارب (الانقاذ) من بدايتها بجيش من ارتريا حتى توقيع اتفاقية السلام قال للبشير (سلم تسلم ) و اظن اصبحت شعار المعارض في التسعينات عندما كان رئيس للتجمع الوطنى المعارض ...... المهم المواقف دي ما ضروري تكون صحيحة ...بس حصلت !
Post: #80 Title: Re: وصول ابوهاشم حبواً الى السودان .. Author: Amira Hussien Date: 11-28-2022, 08:20 PM Parent: #1
من المواقف انو وقع اتفاق سلام (الميرغنى - قرنق ) 1988 (تقريبا ) و اعتقد ان تفيذها كان سيجنب البلد الكثير حارب (الانقاذ) من بدايتها بجيش من ارتريا حتى توقيع اتفاقية السلام قال للبشير (سلم تسلم ) و اظن اصبحت شعار المعارض في التسعينات عندما كان رئيس للتجمع الوطنى المعارض ...... المهم المواقف دي ما ضروري تكون صحيحة ...بس حصلت ! http://من المواقف انو وقع اتفاق سلام (الميرغنى - قرنق ) 1988 (تقريبا ) و اعتقد ان تفيذها ك... حصلت ! http://
مدثر صديق بارك الله فيك….هذا غيض من فيض
Post: #81 Title: Re: وصول ابوهاشم حبواً الى السودان .. Author: يحي قباني Date: 11-28-2022, 09:15 PM Parent: #80
تحياتي مدثر و اميره ..
اولا اهم اتفاقية سلام مرت على السودان هي اتفاقية اديس ابابا في ٧٢ ثم .. خلونا نتفق اولا ان مبادرة الميرغني قرنق عمل سياسي عشان نثبت هنا ان محمد عثمان الميرغني سياسي و ليس زعيم ديني ..
ده اولا ثانيا اتفاقية الميرغني قرنق كانت تنص على تجميد الشريعة الاسلامية التى جاء بها سيئ الذكر جعفر نميري و كلنا يعرف كيف وصلنا لها بعد ان خرب النميري نفسه اتفاقية اديس ابابا حينما افلس بالبلاد و طفق يتسول من السعودية و الغرب .. و بدأت التنازلات بالغاء توتو كوره .. ثم تقفيل البارات و المطاعم في رمضان ثم منع شرب الخمر في الكازينوهات و تخللتها غزو الانصار سنة ٧٦ .. ثم المصالحة معهم و حضور الكيزان من السعودية و غيرها و مشاركتهم في الحكومة الى ان وصلنا لقوانين سبتمبر في ٨٣
اتفاقية او مبادرة الميرغني لم يعتمدها البرلمان او الجمعية التأسيسية رغم ان ظاهريا الصادق كان موافقا عليها خاصة انه صرح يوما ما ان قوانين سبتمبر لا تسوى الحبر الذي كتبت به ..
و للعلم بالشي .. كل المفاوضات التي سبقت نص المبادره لم نسمع له صوتا .. كل الحضور هم من حوله حتى ندوة امبو الشهيره .. الميرغني مسجل غياب ..
الخلاصة .. هي مبادرة لم ترى النور و لا تحسب انها انجاز لان لا احد يعرف مآلاتها لو نفذت ..
طيب .. المبادرة دي كانت سنة ٨٨ الميرغني استلم من والده واصبح رئيسا للحزب سنة ٦٨ ٢٠ سنة قبل المبادرة و ٣٤ سنة بعدها ٥٤ عاما زعيم الحزب .. دي بس انجازاته ؟
و تاني ياتي السوال عايش العمر ده كله على قفا منو ؟
Post: #82 Title: Re: وصول ابوهاشم حبواً الى السودان .. Author: Yasir Elsharif Date: 11-30-2022, 08:04 AM Parent: #81
Quote: وحين جاء السيد محمد عثمان الميرغني الى البلاد، واستقبل من جماهير الطريقة الختمية، استقبالاً كبيراً، لاحت فرصة للبرهان، ليستغل مجموعة جديدة، منحازة الى الجيش، ومتعاونة مع الفلول، يقودها السيد جعفر الميرغني، الذي كان مستشاراً للمخلوع. والسيد محمد عثمان الميرغني، قد كان دائماً داعماً للدكتاتوريات، ومتماهياً مع حركات الإسلام السياسي. فقد كان يدعم نظام السفاح البشير، وأدخل عدداً من قادته، في مناصب رفيعة في حكومة الإنقاذ، وصمت وهو الزعيم الديني، عن كل جرائم الاخوان المسلمين في دارفور، وفي جبال النوبة والنيل الأزرق. وكان يدعم نظام نميري، ومن أول المهنئين له بقوانين سبتمبر، سيئة السمعة التي شوهت الشريعة وشوهت الإسلام ونفرت عنه. وحين قامت ثورة ديسمبر المجيدة لم نسمع حساً للميرغني يشيد بالثوار، أو يندد بقتلتهم، أو يطالب البرهان بإيقاف نزيف دماء الشباب. ولم يكتب بياناً يدين فيه انقلاب 25 أكتوبر، بل جاء بعد كل هذا ليوفر حاضنة جديدة تبقي العسكر، في السلطة، وتساعدهم في تكوين حكومة مدنية، تابعة ذليلة لهم مع أنهم هم بدورهم اتباع ذليلين للاخوان المسلمين، وفلول النظام البائد. هذا الدور الذي يراد له ان ينتهي بإعادة الاخوان المسلمين للسلطة، إنما يقوم الميرغني بدعمه، ومن أجله طرد ابنه محمد الحسن، ولم يقابله، لأنه وقع على وثيقة قوى الحرية والتغيير، وهو يحاول به ان يقدم طوق النجاة للبرهان، حتى لا يضطر الى توقيع اتفاق مع قوى الحرية والتغيير.. وهذا هو السبب في تصريحات البرهان الأخيرة، التي نفى فيها الموافقة على أي اتفاق، وقال انهم لم يوقعوا على شيء!!
وفي هذا التسجيل التوثيقي يتحدث الدكتور عبد السلام صالح عيسى وزير الصحة عن مأدبة حضرها السيد محمد عثمان الميرغني مع النميري في مساء يوم الخميس 17 يناير 1985، أي الليلة السابقة لتنفيذ حكم القتل على الأستاذ محمود.
Quote: شهادة د. عبد السلام صالح عيسى عن وقائع متعلقة بمحاكمة الأستاذ محمود محمد طه
عدلان أحمد 5060 Abonnenten
Abonnieren
250
Teilen
51.386 Aufrufe 12.01.2019 Documentary about the Sudanese Republican Party leader Mahmoud Mohamed Taha and Jaffar Nemeiri regime between May 1983 and January 1985 - An interview with Dr. Abdelsalam Salih Eisa
Post: #83 Title: Re: وصول ابوهاشم حبواً الى السودان .. Author: الزبير بشير Date: 11-30-2022, 01:44 PM Parent: #1
و تاني ياتي السوال عايش العمر ده كله على قفا منو ؟ ------------------------------------------
إعانة الحكومة الكندية هو اسرته .
Post: #84 Title: Re: وصول ابوهاشم حبواً الى السودان .. Author: ABUHUSSEIN Date: 11-30-2022, 02:19 PM Parent: #83
Quote: و تاني ياتي السوال عايش العمر ده كله على قفا منو ؟ ------------------------------------------
إعانة الحكومة الكندية هو اسرته .
الزبير عندك إثبات لي كلامك دا و ل كذب برضو ... ؟؟؟
Post: #85 Title: Re: وصول ابوهاشم حبواً الى السودان .. Author: يحي قباني Date: 11-30-2022, 10:47 PM Parent: #84
Quote: الزبير عندك إثبات لي كلامك دا و ل كذب برضو ... ؟؟؟
يا عادل يا صديقي .. هو الكلام بي قروش!! ما اي هلفوت ممكن يجي يكضب زي ما داير ..🙂 يمين تاني .. الضرايب الانا دفعتها في التلاتين سنة هنا .. زي الدلوكة ده تعيشو لي جنا جناهو.. ما عليك .. غنم سيدي ديل غير مييييسع عندهم شنو تاني .. فتتهم و بقت فتة بوش ..😏
Post: #86 Title: Re: وصول ابوهاشم حبواً الى السودان .. Author: ABUHUSSEIN Date: 12-01-2022, 04:01 AM Parent: #85
Quote: يمين تاني .. الضرايب الانا دفعتها في التلاتين سنة هنا .. زي الدلوكة ده تعيشو لي جنا جناهو..
طيب يا ابو الياء خليني اسألو سؤال واحد بس .... يا الزبير سيدك محمد عثمان الميرغني لو شاف كلامك الانت كتبتو هنا دا .. بفرح بيه و برفع مكانتك عندو ... ؟؟ و ل بزعل منك .. ؟؟؟
Post: #87 Title: Re: وصول ابوهاشم حبواً الى السودان .. Author: عمر التاج Date: 12-02-2022, 11:58 AM Parent: #86
غايتو في البوست ده اتلم الشيوعي على خايب الرجاء عشان ينهشوا في جسد وسند سيدي الميرغني ولكن حاشا وكلا .. واسه دي لو قامت انتخابات ، وما اظن تقوم في عهد قحت فالشيوعي على البعثي على اليسار كله ما بجيب عشر أصوات دائرة واحدة من الفوز بيها الحزب الاتحادي .. ابوي رحمة الله عليه كان عنده اعتقاد خاص في محمد عثمان وكان بيقول انه هو أو أحد أولاده حا يقتل المسيح الدجال وان من أراد العصمة من فتنة الدجال فعليه بمحبة اولياء الله وابو هاشم وانا كان عندي احساس بأن المسيح الدجال الذي يقصده الوالد يعيش بيننا في السودان ، وفي هذا المنبر خاااااصة.
Post: #88 Title: Re: وصول ابوهاشم حبواً الى السودان .. Author: ABUHUSSEIN Date: 12-02-2022, 03:10 PM Parent: #87
يا النبي نوح ....... !!!!!!!!
Post: #89 Title: Re: وصول ابوهاشم حبواً الى السودان .. Author: يحي قباني Date: 12-03-2022, 01:14 AM Parent: #88
Quote: يا النبي نوح ....... !!!!!!!!
هههههههه
هملت يا ابو حسين .. حتى صبي الكيزان داير يتفولح ..
Post: #90 Title: Re: وصول ابوهاشم حبواً الى السودان .. Author: يحي قباني Date: 12-24-2022, 05:40 PM Parent: #89
فوق .. تضامنا مع بوست الاسترقاق .. :)
و قول الشيخ سيد احمد ان عودته و لو كانت حبوا فهي سحبت البساط ( الاحمدي ) ههههههههه
Post: #91 Title: Re: وصول ابوهاشم حبواً الى السودان .. Author: HAIDER ALZAIN Date: 01-08-2023, 11:18 AM
جاءوا حبواً لجنس دا :
الخرطوم: السوداني
أعلن الحزب الاتحادي الديمقراطي الأصل، ترحيبه بالمبادرة المصرية، الهادفة إلى تجسير المسافات بين الفرقاء السياسيين وإنهاء أزمة الانتقال الديمقراطي بالسودان، بعد تعقيدات المشهد السياسي الذي ظل يراوح مكانه.
وقال الناطق الرسمي باسم الحزب عمر خلف الله يوسف الناطق الرسمي باسم الحزب، إنه رغم كثرة المبادرات وتعدد مصادرها إلا أنها لم تخاطب جذور الأزمة و لم تضع الحلول المناسبة القابلة للتطبيق بموضوعية تجافي الأهواء وتنأى عن الذاتية والمصالح الضيقة.
وأضاف في بيان “إذ يرحب الحزب بهذا المسعى لمصر فإنه يشير إلى الدور الكبير والمهم الذي تعاملت به مصر مع القضية السودانية في سائر مراحلها حيث دافعت عنها ودعمتها في كافة المحافل الإقليمية والدولية بما لديها من المام كافٍ بتعقيدات الأزمة”.
وأشار إلى أن موقف مصر الرسمي من قضايا الإسلام السياسي والإرهاب العابر للحدود والتضحيات العظيمة التي قدمتها مصر وما زالت تقدمها في هذه المواجهات، هو ما يجعل الحزب يثق في المبادرة المصرية وأنها لن تكون ثُلَمة تُغرِق المرحلة الانتقالية بما يعرف بأحزاب الشنطة وواجهات الماضي المُنتَفض عليه، إنما تشكل رغبة عميقة لديها في توسيع دائرة المصلحة في التغيير والانتقال الديمقراطي بمشاركة واسعة من القوى السياسية والمجتمعية والمدنية الحية والمؤثرة وإكمال بناء السلام الشامل والعادل والمستدام بعيدًا عن من تلاحقهم جرائم وقضايا فساد ما يشكل فرصة ثمينة لتصحيح الأوضاع بالابتعاد عن الإقصاء والشيطنة”.
