معذرةً يا قريبي ، فعلن تأخرنا كثيراً عن افتراع مثل هذا الخيث ، فقط خشيةً من قولت : " شكارتا دلاكتا" علا عمومن، أن نأتي متسكعين خيراً من ألَّا نأتي بتاتن.
Post: #2 Title: Re: //أبو اللميييين يااااااااااو// Author: دفع الله ود الأصيل Date: 11-19-2022, 07:40 AM Parent: #1
هنا قٌصاصةٌ على ورقة توتٍ خريفية يابسةٍ رفدني بيها حبيبو الدكتور/ الحلاوي الحمش أشرف قرشي ، ليستفز بيها مشاعري حتى" زادت شجوني" و غمر بيها السيل الزُّبى وبلغت القلوب الخناجر، لامن أخدني على جنبة و قاللي: هاك دي بتشبه خربشاتك!!!
Post: #3 Title: Re: //أبو اللميييين يااااااااااو// Author: دفع الله ود الأصيل Date: 11-19-2022, 07:55 AM Parent: #2
فعلن صدقت َ ي ا دكتور أئرف بتشبه خربشاتي وقد تذكرت لتوي مشاغبات عريسنا النفض كيسنا خفيف الظل/أبو النور من سعاليق أرض المحخة في قلبالجزيرة، يوم قال لي:"عارف ي أصيل، جاني إحساس إنك قدام شاشة أربعطاشرإنش، أبيض و أسود وإضاءتو مخستكة؛ و بتحضر ليك في فلم مدبلج. فياإمتن تفضل مقهي في البطلة و مارق من الدراما كيت. و لا تتابع السيناريوو تنسي الطعومية البترمي في الشوك القبيل مشيت ليهو . بعدينك شعركمفلفل و لابس تي شيرت مشرتم و عليه شعار حافظو على نضافة ضوافركم"و قاعد ليك في بنمبر نحت نيمة مرشوشة، و بت أخوك شافعة عمر تمانيةسنين كده راكبة فوق كتافينك و عاملة بتفلي في تفتك الماكنةدي، و مصرة تحشر يدها فيجيب الساعة ال ليل عراقيك. دايرة تغفلك تسرق منك تعريفة لحلاوة لكوم. من الدكان. ياخ م تبعد بدور أدمج ظنون حبك بي فنون جنون أعضاء هذا المكان المسمى عدن النيل السودانيأزرقاني " و عمومن حاكاية قريبي ود اللمين موش بس بريتني بيها ، كلا بل استفزيتني ليها ، لأنى كتب عن زيدان ، فيتوري ، صلاح مرية، الدوش تجاني سعيد ، في تقاعسنا طولياً جدن عن أهل العوض و ناس معزتنا الما بنريد غيرم رحلةو خلونا يا حليييييلم. فأوعدك إني حأفترع من حيثي و فوري بوستاً عن قريبي الباشكاتب. * كسرة و نداء استغاثة: موسيقارنا المرهف ، الدبُّورلحمد ياسين، هل تسمعني؟! بالله تلحقنا و تفزعنا فورن ، بس رجاء أوعة من تعليق الأستاذ على حكاية الساعة العملاقة ديك!!!!
Post: #4 Title: Re: //أبو اللميييين يااااااااااو// Author: دفع الله ود الأصيل Date: 11-19-2022, 11:07 AM
نقطة نظام .. ثصر جديد!! ( ود اللمين) ( شال النوار ) 🌹
وهاهي أرض المحَنَّة من قلب بود مدني السني قد تمخضت طويلاً لتدفع من رحمها بأحد مبدعيها للواجهة لتؤكد علو كعبها وتلعب بالجوكر هذه المره و تقدم لينا والعلام ( أبو اللمين ) والنضاره الفى شبابك والطفولة الفى عينيك� والقلوب الحايمه حولك ياحلو بتتمنى ليك🎼
وليس من قبيل الصدفة أن تقدم مدني والجزيرة هذا الكم من الإبداع والمبدعين …ومدني دي عندها ميزة عجيبة …تجيها من أي حته طوالي بتستوعبك ما بتسألك عن إذن دخول ولا تأشيرةوالزول المضياف دايماً ثقتو في نفسو عالية و لا يخشى تغوُّل الضيوف ..
مدينة زي دي كان لازم وينبغيتقدم مبدعين …!!
ناس مدني ديل لو لعبو (ضُمنة ) ولا حتى سيجا و لا صفرجت، طعمها بكون مختلف بنكهة كأس العالم خلي كمان لامن يلعبو بالجوكر يمرقو الناس سُمبهار! 😍 🌹😍🌹
Post: #5 Title: Re: //أبو اللميييين يااااااااااو// Author: دفع الله ود الأصيل Date: 11-19-2022, 11:54 AM Parent: #4
سببب النزول الشاعر الكبير اسحق الحلنقي عندما طُلِبَ منه أن يحكي لنا قصة إحدى اغنياته قال ما يلي و ضن بالبقاقي خلانا نتمو خيال : «صحن العسل عندما يكون مغطى ليس مثلما يكون كاشفا فعندما يكون الصحن مغطى يتسابق الناس لمعرفة مابه على العكس عندما يكون كاشفا فقصة الاغنية كصحن العسل المغطى إذا حكيتها أحرق الأغنية», ولكنه حكى لنا قصة اغنية شال النوار قائلاً «شال النوار تجربة خاصة بالاخ محمد الامين تمكنت من صياغتها شعرا فكنت وانا أكتبها اتجوّل فى دواخله لأقطف تلك الوردة الحمراء التى تعكس تجربته ،كنت في حالة تقمص لهذا الفنان العظيم وبعد أن اكتملت الأغنية عدت إلى شخصيتى الحقيقية» + ويقال أيضاً : كان الفنان محمد الامين ينتظر وصول خطيبته سعاد زوجته وأم عياله الحالية من مدني وهو يقيم بأم درمان وتاخر وصولهم .. وفي الاثناء جاءه صديقه الشاعر المرهف اسحق الحلنقي ورأى توتره لعدم وصول سعاد .. فقال له (الغائب عذره معاه) ..هنا صرخ ود الامين وبي احساسه الفني العالي قال له ; دا مطلع اغنية فكانت وعد النوار ... *********** وتقول الأغنية في مطلعها:. ياريت من اول وريتنا انك يمكن تتأخر يوم كان غايتوا اطمنا شويه وبحرك ياليل ماطفنا نجومه بيقول الغايب عزره معاه وفى غيابك ياما نشيل اللوم مرت لحظات وكمان ساعات طالت وحياتك منتظرين لو وشوش صوت الريح في الباب يسبقنا الشوق قبل العينين.
Post: #6 Title: Re: //أبو اللميييين يااااااااااو// Author: دفع الله ود الأصيل Date: 11-20-2022, 12:31 PM Parent: #5
+ محمد الأمين حالة إبداعية خاصة وفنان يتفجر براكين موهبةً و لم يكن طريقه مفروشاً بقرنفل و الفل الياسمين بل عانى الرجل في بداياته الأمرين يوم أن هتف الفتي هاشم صديق .وأنشد الشاب الأنيق أبو الأمين بالملحمة يا أكتوبر نحن العشنا ثواني زمان في قيود ومظالم وليل وهوان كان في صدرونا غضب بركان وكنا بنهتف بالأوطان نســطَـّر إسمك يا سودان حيث لم يجد ذلك الجيل من يأخذ بيده في بداياته الأولي ولكن آلته الإبداعية الضخمة كانت قادرة على دك حصون العثرات …فولد نجماً سطع في سماء السودان …
كان ولا يزال أحد أساطين الغناء السوداني وعلامة فارقة في سِفر الأغنية السودانية وخط دفاع أول عن محتوانا الفني ومنتوجنا الإبداعي كبلد وأمة…. (