Post: #1
Title: من قروبى 2000 من شعراء وفنانين وعازفين وملحنين واعلامين من السودان اخترت لكم
Author: مصطفى نور
Date: 11-17-2022, 08:48 AM
07:48 AM November, 17 2022 سودانيز اون لاين
مصطفى نور-امريكا نيوجرسي
مكتبتى
رابط مختصر
السلام عليكم
تحيه طيبه
الاخوه الافاضل من قروبى فى الفيس بوك شعراء وفنانين وعازفين وملحنين واعلامين من السودان
والذى يضم مجموعة خاصة ويضم بحمدلله 2000 عضو وقروب ومجموعه خاصه
٢٫٠ ألف عضو كلهم شعراء وفنانين وعازفين وملحنين واعلامين من السودان
مرحب بيكم للانضام للقروب
سوف انزل ليكم اعمال الاعضاء واغلبهم شعراء يكتبوا اشعار جمليه وهم شباب شالوا هم الوطن وممكن فيهم ناس كثيرين جدا لم يجدوا الشهره والاضواء
لان السودان بلد مرات كثيره الانسان لايجد الشهره والا الاضواء نتجيه الاعلام المظلم والاعلام المطبل
وهنا سوف نلقى الضوء على اشعار هولاء وربما يجدوا التشجيع منكم
وياريت تشرفونى فى القروب
مع تحياتى
مصطفى نور
|
Post: #2
Title: Re: من قروبى 2000 من شعراء وفنانين وعازفين وملح
Author: مصطفى نور
Date: 11-17-2022, 08:51 AM
Parent: #1
الشاعر فاروق ابراهيم علي
27 أبريل 2020 ·
باب الظلم واضح✋ اصلو الضمير معدوم ✊✌
منو خطط الفكره 🤔ومنو نفذ المرسوم 🤔
ماراعو شهر الله🌘 وناسا كمان في الصوم 🌚
زولا بتدي امان 💦خانك في عز النوم ☝
شايل عليك الفاس 🗡وخنجر 🔪كمان مسموم💉
زولا بتترجاه يغدر وغدرو خصوم ✌✊
وقبال صباح العيد 💘اشرق صباح الدم 💔
طلع الصباح مهزوم ✌
صلينا برضو العيد وفرحنا مامتموم
|
Post: #3
Title: Re: من قروبى 2000 من شعراء وفنانين وعازفين وملح
Author: مصطفى نور
Date: 11-17-2022, 08:53 AM
Parent: #2
مصعب الشاعر
5 أكتوبر 2020 ·
كفانا وجع
من كم كم وكم كم كم
راجين البلد يسلم
ومن كم كم وكم جري دم
عشان اطرافها تتلملم
وياما كم وكم ناااحت
علي فقد الفَلّز كم أُم
وكم من كم وكم واحد رفع بندق
علي راس الاخو وودعم
ومن عام كم وليدك يابلد بنذم
ظروف لاتحن ولا بترحم
بلد محموله تتوحم
عشان ايه بس وفوق ام كم
بنتنابز ونتحارب وديمه الهم
ورانا ورانا بارينا وحصادنا وهم
نومنا خزاز حلمنا عشم
ومافي عشم حصادو رُزم
بلدنا حليلا بتعاني ونفِيسا كتم
بلادي عيالا داسين جوه زادا السم
بلادي رياحا صَابا سَقَم
ولا فيا حيل يرفرف لي سماها علم
بدل قندول هو في الافاق بلوح
يلوح بندق ونزرع في ترابا لغم
ومدام المولي هو الأرحم
حانحلم مواصلين نحنا فيها عشم
ومادام السلام بشر مؤكد عازه حاتنعم
وتتراقص عدييييل وغنا وبتترنم
وطول ماالدوشكه ماغنت
شعبك دون حرِب بِغنم
|
Post: #4
Title: Re: من قروبى 2000 من شعراء وفنانين وعازفين وملح
Author: مصطفى نور
Date: 11-17-2022, 08:56 AM
Parent: #3
عبدالعال صلاح
7 ديسمبر 2021 ·
حديث الكلمة و الطلقة
يا كلمة قلناها ....... في سمانا منطلقة
سلمية درناها...... حالفين عشان نبقي
يا كلمة اتقالت........ ردت عليك طلقة
----------------------
يا كلمة قلناها..... هزت عروش الغي
عمت شوارعنا ... طافت بيوت الحي
من صدر الشهيد المات
لحلق الشهيد الحي.....
يرحل ظلام الليل
يجينا الصباح الضي
لا موت ولا سرقة
يا كلمة اتقالت..... ردت عليك طلقة
كلمتنا من همسة.......الليلة صارت مد
سكنت قلوب الكل.....قلوب ما ليهن عد
كلمتنا بنقولا.........خلي الرهيف ينقد
كلمتنا راح تبقي....
رغم الزمن بتعيش
و رغم الوجع بتعيش
رغم تجار الدين......و قادة كبار الجيش
كلمتنا راح تبقي
رغم الكجر بتعيش
و رغم السجون بتعيش
رغم الرصاص بتعيش
و براعة القناص بتعيش
شهيدنا حاديها.....الهنا حاميها
و الطلقة ما بتقدر..تكتل حرف فيها
كلمتنا قلناها
بالخطوة و الصفقة
يا كلمة قلناها
ما بتكتلك طلقة
كلمات عبدالعال صلاح عبدالعال مبروك
|
Post: #5
Title: Re: من قروبى 2000 من شعراء وفنانين وعازفين وملح
Author: مصطفى نور
Date: 11-17-2022, 08:59 AM
Parent: #4
ودالنديانة مدنى
.
13 أغسطس 2021 ·
لعنة الإنتماء الي الدماء..!!!
أنا من هناك..
من تلك الذري
التي تموت وجعا
وتمتشق الكبرياء
بين غابات الظلام
وحريق الشمس الصحراء
وأقواس ليست قزحاً
ما بين التعرج والإستواء
أسود اللونين…
بلسان الغرباء
جميل القبح
كالهيكل الوثني
وركام الأشلاء
منكم أنا يامن
لا تعلمون من أنتم
يا قبيلة الدخلاء
يا عذاري الوهم
يااا خطو جهل الخيلاء
يا قتلي حقيقتكم
يا كارهي الخير
المكنون في كبد السماء
نعم عاركم عاري
أمجده…
رغم تأريخ الخواء
ومثلكم أحلم
بالكوابيس العراة
في حومة البيداء
وأدفن رأسي بين
الجماجم ورفاة الشهداء
وأهرب مثلكم
من الأرحام
الي حضن شقاء
وأعيش وهم السعادة
أفرح بموت التعساء
تباً لي ولكم
وتباً لأرض الخصب
حين تنبت الشقاء
منكم ولستم مني
لكنها لعنة الإنتماء الي الدماء
أزهري أبواليسر مدني
كاليفورنيا..١٢ اغسطس 2021
|
Post: #6
Title: Re: من قروبى 2000 من شعراء وفنانين وعازفين وملح
Author: مصطفى نور
Date: 11-17-2022, 09:58 AM
Parent: #5
الشاعرعزالدين قباتى
2 فبراير 2021 ·
طلقت فينا نار عينيها
بريد السمحة قباتية
الديس و الجمال الكابي
مالية. قليبى بالحنية
عليك اسم الله ليه هاجرنى
ليه فوق قلبي خاتة الكية
بريدك الله عالم بي
علي الدار كتريها الجية
طلك لينا زى العيد
عيونك طاعنة حد يابنية
أياما بلاك انسيها
مابتنعدا ماهمية
عينيك زى كهارب الضلمة
عينين في السماح حورية
حالي. البي يابريبة
نيران الغرام دفيا
بريد الفي البنيات حشمة
بريد لي زولة قباتية
|
Post: #7
Title: Re: من قروبى 2000 من شعراء وفنانين وعازفين وملح
Author: مصطفى نور
Date: 11-17-2022, 10:00 AM
Parent: #6
عبدالعال صلاح
2 يناير 2021 ·
... حبيبة و سكة سفر...
افتحي الباب لي دواخلك
كان القي لي جواك مكان
يا عامرة بي فرح الليالي
ضارينا من عين الزمان
يا صابرة انتي علي الصبر
تدندني الاهات تغني
يا ماشة في سكة سفر
تزرعي الطرقات تمني
زي عوالم في خيالك
عامرة بالحب و التهني
لا مشقة ولا خصام
لا عداوة ولا تجني
بس تغني
يا مالكة انتي لكل قلبي
و كل قلبي حتة مني
بفرح شديد لامن اشوفك
يا الفي وش الريح و المطر
كم طال وقوفك
رغم خوفك
من قسوة ظروفي و من ظروفك
طال وقوفك
يا جنتي الدانيات قطوفك
يا كعبة الحب النبيل
انا جاي اطوفك.
كيف عيونك يا وحيدة
فهمت الحب و التفاني
و كيف في وش الزمان نضحك
لا زمانك ولا زماني
و كيف معاك في السكة الخطر
بلقي في قربك اماني
و كيف معادنا مهما طول
تجري ساعاتو في ثواني
و نتواعد نتلاقي بكرة
و نتوادع
كأنو ما بنتلاقي تاني
كلمات عبدالعال صلاح عبدالعال مبروك.
للتلحين
|
Post: #8
Title: Re: من قروبى 2000 من شعراء وفنانين وعازفين وملح
Author: مصطفى نور
Date: 11-17-2022, 10:04 AM
Parent: #7
زهر الفصول
قلم / امجد العركى
منذ إرتيادك
لا يسعنى سوى المثول
يا ذلول البخت
يا زهر الفصول
ها جرتى لم تسلم
ويفوقها الرتق البسول
كم مرة انا استعد
وأنتبه قبل الوصول
وعيون قلبى تشتهد
لتغلغل الوجه العسول
والاستماحة لم تعد
بيد الحديث بلا رسول
لا جابرا انا حينها
وليس ارجو للتسؤل
فحبذا حبا مصون
يناهز البر الغسول
ويعيب كونى جاحدا
ويناهض الفكر الكسول
فالوجد يغوينى كفىى
و يستعيد بغير سؤل
يا منذ حب معتنى
حرى يذهب معدنى
ويؤونى أصل الأصول
يا غاية تغوى حنانى
وامتنانى بالحصول
انت احتراف للحياة
ثم جولات و صول
انت من أحتار فيك
فيسود دوما ود موصول
وتحباتى
|
Post: #9
Title: Re: من قروبى 2000 من شعراء وفنانين وعازفين وملح
Author: مصطفى نور
Date: 11-17-2022, 10:15 AM
Parent: #8
توفيق نصرالدين توفيق
2 نوفمبر 2020 ·
التيه في نظره عنيك
ؤلمن قربت للوصول لسكتك . و
ررحلتي من دنياي
اصفك اقول انسانه بس
حامله معاك كل القيم
مستعمله وراضيه بالحالة العلي
وجهك وجع
لمن اباعد من همسك ومن ضحكتك زمن الألم
ياكاينه في جو اي وطن
جامعه فيه كل أصناف التمازج والسحن
أصبحت محروم من امانك وجنتك
وغريب أنا عن الوطن واتا في االوطن
الكنتي لي أكبر وطن.
ستيني لييه وأنا غرقان في السكون
بسمع صوت غربان اطلالك معاي
غرقان انا وسط الطريق
وبالبعد المداري عن سكتك
اخ ياوجع سكان جو اي
لكنني أمني نفسي العشم
أمكن أصل ضفتك
|
Post: #10
Title: Re: من قروبى 2000 من شعراء وفنانين وعازفين وملح
Author: مصطفى نور
Date: 11-17-2022, 10:21 AM
Parent: #9
مصعب الشاعر
26 أكتوبر 2020 ·
أمي ونفسي يارسول فداكَ
وابي واهلي كلنا نهواكَ
قسما بربي بالذي سواكَ
لا أرضي فيك حتي إذ ألقاكَ
عهدي لك والذي علاكَ
مانقص يوم في فؤادي غلاكَ
ولا مَنَ مِني لا أذاً ياذاكَ
من فوق سبعٍ حافظاً وحماكَ
وانا اسيرُ في ظلال هداكَ
لا ارضي غيرَ نُورك وثناكَ
يانظر عيني إنني لولاكَ
لا شئَ إلا أن أنال رضاكَ
عليك صلي. أيا بدرُ ماكفاكَ
الذي نصلي له والغمام ظلاكَ
يكفيك فخرا أن ربي حماكَ
وإنني واللهِ والذي أهداكَ
خلقا عظيما وبالرساله أتاكَ
لا أرجو خيراً ماعدا رؤياكَ
وصلي الله وسلم علي سيدي رسول الله
#إلا رسول الله
Siddig Musab 26/10/2020
|
Post: #11
Title: Re: من قروبى 2000 من شعراء وفنانين وعازفين وملح
Author: مصطفى نور
Date: 11-17-2022, 10:25 AM
Parent: #10
الشاعر محمد
14 يناير 2014 ·
الحاجه
ﻭﻗﻔﺖ ﺑﻌﺪ ﺣﻠﺒﺖ ﻟﺒﻴﻨﺔ ﺍﻟﺸﺎﻱ ﺗﻜﻮﺭﻙ
ﻳﺎ ﺍﻟﺤﺴﻦ
ﻳﺎ ﺍﻡ ﺍﻟﺤﺴﻦ ﻭﻳﻨﻮ ﺍﻟﺤﺴﻦ
ﻟﻤﻦ ﺻﻔﺖ ﺭﻏﻮﺓ ﺷﺨﻴﺒﺎﺕ ﺍﻟﻠﺒﻦ
ﻓﻲ ﺣﻠﺘﺎ ﺍﻟﻤﺒﻨﻲ ﻣﻦ ﻃﺒﻖ ﺍﻟﺴﻜﻦ
ﻭﺍﻗﻔﻲ ﻓﻲ ﺣﻮﺵ ﺍﻟﺒﻬﺎﻳﻢ ﻭﻟﺴﻊ
ﺗﻜﻮﺭﻙ ﻳﺎ ﺍﻟﺤﺴﻦ
ﺟﺎﻫﺎ ﺣﺴﺎ ﻣﻦ ﺑﻌﻴﺪ ﻣﺎﺭﻕ ﻣﻦ
ﺍﻟﻘﺎﻃﻮﻉ ﻭﺭﺍ
ﻗﺎﻝ ﻟﻴﻬﺎ ﺧﻴﺮ ﻳﺎ ﺍﻟﺤﺎﺟﻲ ﺧﻴﺮ
ﻗﺎﻟﺘﻠﻮ ﺧﻴﺮ ﺗﻌﺎﻝ ﻟﻲ ﺟﺎﻱ ﺩﺍﻳﺮﺍﻙ
ﺗﻌﻨﻮﻥ ﻟﻲ ﺟﻮﺍﺏ
ﻳﺎ ﺍﻟﺮﺍﺳﻲ ﻟﻲ ﻭﻟﺪﻱ ﺍﻟﺨﺪﻳﺮ
ﻻ ﺗﺒﻘﻲ ﺯﻱ ﺷﺎﻓﻊ ﺍﻟﺴﺮﻳﺮ ﻳﻘﻮﻝ ﻟﻲ
ﺯﻳﻦ ﺁﻳﻤﺔ ﺯﻳﻦ
ﻭﺯﻳﻦ ﺗﺒﻘﻲ ﺑﻌﺪ ﺷﻬﻴﺮ
ﻭﺍﻥ ﺟﺎﻧﻲ ﻳﻜﺘﺐ ﻓﺪ ﺳﻄﻴﺮ
ﺍﻗﻮﻟﻮ ﻳﺎ ﺳﺠﻢ ﺍﻟﺴﺠﻢ ﺍﻧﺎ ﺯﻱ ﻗﺮﺍﻳﺘﻚ
ﻣﺎ ﻗﺮﻳﺖ
ﻟﻜﻦ ﻋﻮﻳﻨﺎﺗﻲ ﺑﻴﻔﺮﺯﻥ ﺍﻟﻮﺭﻳﻘﺔ ﺍﻟﺒﻴﻀﺎﺀ
ﻣﻦ ﻟﻮﻥ ﺍﻟﻘﻠﻢ
ﺑﻌﺪ ﺍﻟﻤﻐﻴﺮﺏ ﺑﻲ ﺷﻮﻱ ﺟﺎﻫﺎ ﺍﻟﺤﺴﻦ
ﺗﻌﺒﺎﻥ ﻳﺴﻴﺮ
ﺩﺍ ﺍﻟﻌﺸﻰ ﻏﻨﻤﻮ ﻣﻦ ﺍﻟﺪﺭﺏ ﺳﺮﻗﺖ
ﻧﺪﻱ ﻭﺷﻮ ﺍﻟﻬﺠﻴﺮ
ﺳﻮﺗﻠﻮ ﺷﺎﻳﺎ ﺑﻲ ﻟﺒﻦ ﻗﺮﺽ ﻣﻌﺎﻫﻮ
ﺣﺮﻑ ﻓﻄﻴﺮ
ﻗﺎﻟﺘﻠﻮ ﺑﺴﻢ ﺍﻟﻠﻪ ﻗﻮﻝ ﻭﺍﻛﺘﺐ ﻭﺻﻴﺘﻲ
ﺍﻧﺎ ﻟﻠﺨﺪﻳﺮ
ﺍﻟﺰﻣﻦ ﻳﺎ ﻭﻟﺪﻱ ﻣﺎﺣﻘﺎﻫﻮ ﺍﻟﺴﻨﻴﻦ
ﺍﻟﺒﻌﻴﺶ ﻓﻲ ﺍﻟﺪﻧﻴﺎ ﻣﺎ ﺑﻌﻴﺶ ﻣﺮﺗﻴﻦ
ﺍﻟﻌﻤﻴﺮ ﻓﺎﺿﻠﻲ ﺑﺲ ﻣﻨﻮ ﺍﻟﻴﻘﻴﻦ
ﻭﺍﻧﺖ ﻃﻮﻝ ﻓﻲ ﺍﻟﺒﻨﺎﺩﺭ ﻳﺎ ﺍﻟﺤﺒﻴﺐ ﻻ
ﻣﺘﻴﻦ
ﺗﻌﺎﻝ ﺍﻭﺭﻳﻚ ﺣﻖ ﺍﺑﻮﻙ ﺍﻟﺠﻢ ﺣﻘﻴﻖ
ﺣﺎﺝ ﺍﻟﻠﻤﻴﻦ
ﺍﻥ ﻋﺮﻓﺘﻮ ﺑﻼ ﻋﻤﺎﺭ ﻳﻘﻮﻟﻮ ﻭﻟﺪﺍ ﻋﻨﺪﻭ
ﻃﻴﻦ
ﺍﻟﻌﻼﺝ ﻻ ﺗﻨﺴﻲ ﺭﺳﻠﻮ ﻟﻲ ﺩﺣﻴﻦ
ﺍﻟﻌﻮﻳﻨﺎﺕ ﺁﺟﻨﺎﻱ ﺷﻮﻓﻦ ﺿﻨﻴﻦ
ﺳﻼﻣﻨﺎ ﻟﻴﻚ ﻣﻄﺮﺯ ﻟﻠﺒﻨﻴﺎﺕ ﻭﺍﻟﺒﻨﻴﻦ
ﻭﻟﻮ ﺍﻻﺭﺽ ﻳﺎ ﻭﻟﺪﻱ ﺗﻨﺸﺎﻝ ﻓﻲ ﺍﻻﻳﺪﻳﻦ
ﺍﻧﺎ ﻛﺖ ﺑﺮﺳﻼ ﻟﻴﻜﺎ ﻓﻲ ﻟﻮﺭﻱ
|
|