Post: #2
Title: Re: عشرة منتجات اشتريتها من امازون مبسوط منها
Author: امتثال عبدالله
Date: 11-14-2022, 02:12 AM
Parent: #1
في انتظار باقي المنتجات ....
وهل الكلابشات البتمنع الانزلاق في الجليد عندها مقاسات ولا مقاس واحد
Universal بتركب في جميع مقاسات الجزم ؟؟
طبعا انا مدمنة شراء من امازون ...
|
Post: #3
Title: Re: عشرة منتجات اشتريتها من امازون مبسوط منها
Author: النصرى أمين
Date: 11-14-2022, 02:20 AM
Parent: #2
اهلا امتثال
بتاعى كان مقاسين للجميع الاول صغير من ٨ الى عشرة اظن و الثانى متوسط و كبير حوالى حداشر.
لانه مطاطى ممكن ينفع مع عدد من المقاسات...
مهم جدا تشتريه يا امتثال
ال side walks فى امريكا مشكلة كبيرة لانه مافى خدمات لازالة الثلوج .
|
Post: #4
Title: Re: عشرة منتجات اشتريتها من امازون مبسوط منها
Author: ترهاقا
Date: 11-14-2022, 02:27 AM
Parent: #2
أنا اشتريت قنقليز فاخر من eBay ، حقيقة ما بعرف انزل الصورة ولكن الاسم
BAOBAB Powder ، حاجة تمام خصوصا والواحد قاعد في حتة مقطوعة نادرا ما القى زول مسافر أو جاي من السودان
|
Post: #5
Title: Re: عشرة منتجات اشتريتها من امازون مبسوط منها
Author: النصرى أمين
Date: 11-14-2022, 02:32 AM
Parent: #4
اهلا ترهاقا
فى القائمة بتاعتى المنتج رقم سبعة لبن بودرة نيدو😀
اتنين كيلو و نصف بمئة دولار كندى لكن نزل الايام دى ل 82 دولار
بمناسبة القونقليس و منتجاته نحن بنصنع فى امدرمان اجود حلويات القونقليس و الدوم و النبق لكن الانتاج ضعيف شوية.
|
Post: #6
Title: Re: عشرة منتجات اشتريتها من امازون مبسوط منها
Author: ترهاقا
Date: 11-14-2022, 02:49 AM
Parent: #5
والله لو لقيت الدوم ده حأشتري بس ما يكون مضاف قفيهو سكر
|
Post: #7
Title: Re: عشرة منتجات اشتريتها من امازون مبسوط منها
Author: walid taha
Date: 11-14-2022, 07:28 AM
Parent: #5
| Quote: اتنين كيلو و نصف بمئة دولار كندى |
كتير جدا يا النصري !!!
|
Post: #8
Title: Re: عشرة منتجات اشتريتها من امازون مبسوط منها
Author: محمد عبد الله الحسين
Date: 11-14-2022, 08:18 AM
Parent: #7
النصري كيفك...
دائما موضوعاتك ظريفة..
لليوم أتذكر أنا كتبت موضوع عن بزنس البن أو القهوة... وشاركت معاي فيه بعمق..
مبروك الحذاء ههههههههههههه
تحياتي.
|
Post: #9
Title: Re: عشرة منتجات اشتريتها من امازون مبسوط منها
Author: مصطفى نور
Date: 11-14-2022, 08:31 AM
Parent: #8
الاخ الغالى النصرى
تحيه طيبه
موضوع رائع وجميل ويريت الكل يشارك فيه
|
Post: #10
Title: Re: عشرة منتجات اشتريتها من امازون مبسوط منها
Author: Osman Musa
Date: 11-14-2022, 08:52 AM
Parent: #8
الأخ النصرى
سلامات
بتذكر وانا جديد لنج في نيويورك وفي عز نزول الجليد كنت شايل في كتفي طرد جينز كبير وانا ماشي
انزلقته زلقة مخيفة ومافي حاجة تسبتك.
اسبوع كامل وانا بعمل في المكمدات من شدة الواقعة.
بعدها اتعلمته كيف امشي في الجليد .
واعمل الف حساب للخطر .
بعدها عرفته انو الزلقة بتعلمك المشي.
ولو ما انزلقته ما بتتعلم .
غايتو الحذر من الجليد واجب والزلقة ممكن تكون سبب في نهاية الزول الما بيعرف يمشي.
الزلقة خطرة جدا وخاصة بعد سن الستين . بتوديك التونج .
|
Post: #11
Title: Re: عشرة منتجات اشتريتها من امازون مبسوط منها
Author: WAD ELGAALI#4
Date: 11-16-2022, 00:34 AM
Parent: #10
يا النصري زي ما وليد قالك النيدو دا غالي شديد ياخي
في مطار الدوحه ومطار ابوظبي بشتريه من السوق الحر بي عشرين دولار
برضو عندنا هنا في ولمارت ب سبعطاشر ونص دولار العلبه ام تلاته ارطال ونص والكبيره بي اربعه وتلاتين عند العرب
|
Post: #12
Title: Re: عشرة منتجات اشتريتها من امازون مبسوط منها
Author: احمد عمر محمد
Date: 11-16-2022, 07:21 AM
Parent: #11
وين التسعة باقي المتجات
وطريقة الشحن كيف عندكم
هل تشتري من اكثر من متجر ولا من متجر واحد
وهل تشحن لك شخصيا ومباشرة ولا عبر وسيط شحن
تجمع فيه المنتجات وتشحن مرة واحدة بعد تجميع المشتريات
|
Post: #13
Title: Re: عشرة منتجات اشتريتها من امازون مبسوط منها
Author: امتثال عبدالله
Date: 11-16-2022, 09:01 AM
Parent: #12
احمد عمر
بالنيابة عن النصري نرد ليك على أسئلتك لأني مدمنة شراء من امازون:
انت ما بتختار المتجر لأنك أنت بتشتري من امازون ..وبيكون عندك حساب
معاهم وعندك user name و كلمة السر وتدخل الحساب وتكتب اسم المنتج
الانت عاوز تشتريه ...ويرسلوا ليك المنتج مباشرة لعنوان بيتك مرات في اليوم
التالي تلقى المنتج قدام الغرفة الساكن فيها اذا انت ساكن في شقة في عمارة
او قدام باب البيت الساكن فيه اذا ساكن في بيت منفصل ...ومرات المنتج بتأخر
ويوصلك بعد يومين او ثلاثة ....اما اذا المنتج حيصلك من الصين فوصول المنتج
لعنوانك بياخد أسبوع ....لكن غالبا وصول المنتج لعنوان تاني يوم ..
|
Post: #14
Title: Re: عشرة منتجات اشتريتها من امازون مبسوط منها
Author: النصرى أمين
Date: 11-17-2022, 02:44 PM
Parent: #13
معذرة على التأخير
اكل العيش صعب و الشغل 11 ساعة فى اليوم
نواصل مساء اليوم بقية القائمه والرد على كل المتداخلين
|
Post: #15
Title: Re: عشرة منتجات اشتريتها من امازون مبسوط منها
Author: Amira Hussien
Date: 11-18-2022, 00:54 AM
Parent: #1
اجى ؟! أجى يا ناس امريكا وكندا البتشربوا لبن نيدو ……خليتو لينا شنو …..نحن بقينا نشرب حليب كابو ………مرة واحدة عايشة فى حتة كده وبتونس فينى فى اجازة ليها فى السودان قالت لى عندنا لبن long life سمعتى بى ؟ قلت ليها البركة فى ناس كابو لبن الطير جابو لينا
|
Post: #16
Title: Re: عشرة منتجات اشتريتها من امازون مبسوط منها
Author: امتثال عبدالله
Date: 11-18-2022, 01:39 AM
Parent: #15
اميرة
الله يجازي محنك يا اميرة ...انتي بس يمكن ما عارفة قيمة لبن نيدو ..
عندي صديقتي في السودان وجارتنا في امتداد ناصر لمن اكون جاية اجازة
توصيني وتقول لي اشترى لي علبة نيدو كبيرة من السوق الحرة من مطار
الخرطوم ....
لكن بصراحة اول مرة اسمع منك بلبن كابو ....تراهو بس فضل يجيبو لبن الطير..
لكن بيني وبينك ناس امازون حتى لبن الطير عندهم . ..ههههههههه
والله يديك الصحة والعافية
|
Post: #17
Title: Re: عشرة منتجات اشتريتها من امازون مبسوط منها
Author: Amira Hussien
Date: 11-18-2022, 01:52 AM
Parent: #1
امتثال
كيفك وكيف مع البرد
بتذكر علبتو الكبيرة الفى السوق الحر وما زالت المحلات الكبيرة بتجيبو وكمان عبوة فى كيس اكبر من علبة السوق الحر ……انا العارفا انو ما عندو قيمة …..من الله خلقنا نشرب فى الحليب كان من كافورى ولا حلة كوكو ولا المزارع ….وهسه عاد المقدرة مع حليب كابو
|
Post: #18
Title: Re: عشرة منتجات اشتريتها من امازون مبسوط منها
Author: النصرى أمين
Date: 11-18-2022, 04:07 AM
Parent: #17
قبل الرد على المتداخلين نورد المنتج رقم اتنين و رقم تلاته...
المشكلة و كيف استطاعت امازون فى حلها !!
عندى مجموعة كبيرة من شرايط الفيديو VHS و لا تعمل بالطبع الا بجهاز VCR
https://ibb.co/MsFMhxx
البحث عن VCR ليست بالمهمة السهلة ، فى النهاية وجدت واحد مستعمل بعشرة دولارات
الشرايط قديمة و احتاج ان احولها لديجتال حتى يمكن تشغيلها فى الكمبيوتر او التلفزيون الذكى.
اهم حاجة يمكن مشاركتها مع الاهل والاصدقاء...
احد هذه الفيديوهات تم تصويره فى أكتوبر 1985 مسرح امبده فى معهد الكليات التكنلوجية...
هناك ايضا فيديو عقد قرانى فى 1990 ، المفاجاة كان ظهور الاخ الجذرى عضو المنبر حامد الصاوى ، لم اكن اعرفه وقتها...
صورة حامد كاتل الحفلة فى نهاية المداخلة...
https://ibb.co/2SvpN3S
الحل ؛ فى امازون وجدت(وصلة) قصيرة يمكن توصيلها بال USB الكمبيوتر من ناحية و توصيلها بجهاز ال VCR
عند تشغيل الفيديو فى الفى سى ار تظهر الصورة فى الكمبيوتر و يمكن حفظها كديجتال .
بهذه الطريقه استطعت تحويل كل الشرايط القديمة لديجتال و بعثت جزء منها للأهل و الاصدقاء
https://ibb.co/7yhGDg9
https://ibb.co/sQCmrTj
https://ibb.co/Y0F3TPx
سعر الوصلة 24 دولار كندى (حوالى 18 دولار أمريكي )
|
Post: #19
Title: Re: عشرة منتجات اشتريتها من امازون مبسوط منها
Author: النصرى أمين
Date: 11-18-2022, 04:18 AM
Parent: #18
المنتج رقم تلاته وصلة يمكن
توصيلها بالكمبيوتر USB و اى هارد ديسك Hard Drive ,Hard Disk قديم
و نقل محتويات هذه الديسكات القديمة للكمبيوتر
https://ibb.co/stsq5fZ
https://ibb.co/fx2DBF6
https://ibb.co/WVyLR1p
للاسف بعض الديسكهات لم تعمل ربما بسبب عطل او مشكلة فى jumpers
الوصلة بحوالى 13 دولار أمريكي
|
Post: #20
Title: Re: عشرة منتجات اشتريتها من امازون مبسوط منها
Author: النصرى أمين
Date: 11-18-2022, 04:29 AM
Parent: #19
المنتج الرابع ميزان لشنط السفر .
لمن اسافر و انا ماشى على المطار لازم اشيل اكياس فاضية لاحتمال الشنط يكون وزنها زايد و اضطر انقص الوزن فى اكياس
ا لمعالجة هذه المشكلة اشتريت الميزان الكيوت ده من امازون وهو عملى جدا
https://ibb.co/K6ZzQvm
https://ibb.co/sqjFk5y
https://ibb.co/XFsFFG3
السعر فى حدود عشرة دولار أمريكي
اى بيت فيهو احتمالات سفر لابد من توفر الميزان الكيوت ده
|
Post: #21
Title: Re: عشرة منتجات اشتريتها من امازون مبسوط منها
Author: النصرى أمين
Date: 11-18-2022, 04:38 AM
Parent: #20
المنتج رغم خمسة
كمامه للعيون التى تعانى من الجفاف (او اى مشاكل تانية )
اشتريت الكمامة دى ، داخلها حبيبات رمال يتم تسخينها فى الميكرويف لمده 30 ثانية و تحتفظ بسخانتها لفترة طويلة
بعد الاستعمال اشعر براحة شديدة...
الانواع الجديدة منها تعمل بال usbو هى فعالة جدا....
انصح بها لاى زول مبحلق فى شاشة الجوال اليوم كله...
لا اعرف لها اضرار او اثار جانبية
Highly recommended
https://ibb.co/YTxjLT4
https://ibb.co/MB6yynD
سعرها حوالى عشرين دولار
|
Post: #22
Title: Re: عشرة منتجات اشتريتها من امازون مبسوط منها
Author: النصرى أمين
Date: 11-19-2022, 07:50 PM
Parent: #21
المنتج رقم سته اسبير لسخان الملابس Dryer
ال dryer عمرها اقل من تلاته سنين و الضمان انتهى بعد نهاية السنة الاولى.
مشكلة السخان انه بيعمل هواء بارد لكن كل شي اخر شغال...
اتصلت بشركة صيانه ادونى رقم خرافي لصيانتها
عندى صاحبى جاء و فحصها قال لى مشكلتها بسيطة، تحتاج تغير الجزء بتاع السخانة..
فتشت نفس الموديل لقيتو فى امازون باربعين دولار كندى و التسليم مجانى تانى يوم
فعلا وصل الاسبير و تم التغيير ببساطة و سرعة شديدة من صاحبى
https://ibb.co/s3mJBcR
https://ibb.co/TR8vvJZ
|
Post: #23
Title: Re: عشرة منتجات اشتريتها من امازون مبسوط منها
Author: النصرى أمين
Date: 11-19-2022, 07:57 PM
Parent: #22
المنتج رقم سبعة
مخدة للرقبة عند الطيران لساعات طويلة...
انا من الناس ربنا حبانى بنعمة النوم بسرعة تحت اى ضغوط ماعدا عند السفر
اجد صعوبة شديدة للنوم حتى لدقائق قليلة السبب الكراسى الضيقه( الغالى بغلاته و الرخيص برخصته)
و عدم راحة فى وضع الرقبة و الكتف أثناء السفر .
اشتريت المخدة دى و كانت مفيده جدا
سعرها حوالى 30 دولار أمريكي
https://ibb.co/GVMQJkv
https://ibb.co/cygY83k
https://imgbb.com/upload
|
Post: #24
Title: Re: عشرة منتجات اشتريتها من امازون مبسوط منها
Author: معاوية المدير
Date: 11-20-2022, 05:28 AM
Parent: #23
النصري إنت مسافر واللآ شنو؟...
|
Post: #25
Title: Re: عشرة منتجات اشتريتها من امازون مبسوط منها
Author: Nasr
Date: 11-20-2022, 06:01 PM
Parent: #24
والله يا النصري مخدة الرقبة دي حاجة مريحة كيف
أتمني أي واحد يكون عنده واحدة حاتيها في الدولاب
just in case
وأصلو ما حيندم علي القروش الصرفها فيها
|
Post: #26
Title: Re: عشرة منتجات اشتريتها من امازون مبسوط منها
Author: النصرى أمين
Date: 11-25-2022, 04:36 PM
Parent: #25
المنتج رقم ثمانية
احتمال ما يخارج مع كل الناس ...
فى المطبخ هناك دائما مساحة صغيرة بين البوتجاز stove و الكاونتر
المساحة دى لا تزيد عن بوصة واحدة لكن احيانا تسبب اذعاج شديد بسبب سقوط الأطعمة و البهارات بين البوتجاز و الكاونتر
فى أمازون يمكن يمكن شراء قطعة مطاطية مقاومة للحرارة لسد الفراغ كما يظهر فى الصور ادناه
https://ibb.co/Q9gCD0d
https://ibb.co/pJfhvcp
https://ibb.co/Km4MbQ3
https://ibb.co/7CxcsV2
يمكن البحث عنها
Silicone stove counter gap
رخيصة جدا سعرها يمكن عشرة دولار
|
|
