Post: #2 Title: Re: ملَّص اتكرَّب .. ده الوقف للسوط منه ما اتهر Author: Ali Alkanzi Date: 11-12-2022, 03:31 PM
اهو قلتها يا بقة
Quote: جنس تخلف ..
ناس نطة فوق تلب تفتكر ديل حرية سلام وعدالة كايسين ليها؟ ثلثي شعب السودان ينتمي لهذه الفئة بس اكثرهم لا يمارسون ( البطان ) بس ما همهم حرية سلام وعداله داير لقمة كسرة وعلاج ومدارس ومياه صالحة للشرب ومما قامت الثورة ما حد التفت لاي من هذه الا القراي بس بالغ مودتي وسلامي
Post: #3 Title: Re: ملَّص اتكرَّب .. ده الوقف للسوط منه ما اتهر Author: يحي قباني Date: 11-12-2022, 03:37 PM
توتة عذاب دي بت عمكم عذاب والد الاخت عوضية عذاب .. !!
كملت الاسماء .. _________________________ زمان كان في غنّاي ظهر في الابيّض بغني و بعزف اورج .. سمى روحه " حيدر بورتسودان الابيّض" ..
زمان ايام الكلية كان قدامنا معماري جميل من اولاد كوستي كان ملقّب بي حسن ترمس .. و يبدو انه كان بحب الترمس .. ايا ما كان الترمس ..
مره والده جا يزوره في الجامعة .. فلقى بنيه لطيفه سألها من حسن و عرفها انه ابوه .. و طلب منها تناديهو ..
البنية فرحانه .. جرت الاستوديو و بي اعلى حسها يا حسن يا حسن .. عم " ترمس " بره و داير يشوفك ..
Post: #4 Title: Re: ملَّص اتكرَّب .. ده الوقف للسوط منه ما اتهر Author: يحي قباني Date: 11-12-2022, 03:40 PM Parent: #3
Quote: ثلثي شعب السودان ينتمي لهذه الفئة
شيخ الكنزي كيفنك ..
معقول انحن في 2022 .. و لسة جنس الفهم الغبي ده ..
و بنقول الجنوب راح كيف و الغرب و الشرق رايحين ليه .!!
يمين نستاهل ضرب السوط فعلا ..
Post: #5 Title: Re: ملَّص اتكرَّب .. ده الوقف للسوط منه ما اتهر Author: Ali Alkanzi Date: 11-12-2022, 05:11 PM Parent: #4
يا قبة سلام تاني عليك الله خليني اخرج ليك من مسرحيتك التراجيديا والواقعية حبة لترى بيئة (البطان) وان شاء الله كلامي دا ما يزعل ليهو زول ومن هؤلاء خرج من يقول : " الإسلام برسالته الأولى لا يصلح لإنسانية القرن العشرين
هو وينو انسان القرن الاول عشان تجي تقول لي انسان القرن العشرين؟ الليلة في يومنا دا نصف الشعب السوداني او اكثر يقضي حاجته في العراء الطلق وكثير من نسائنا هن مثل نساء الصحابة يخرجن ليلاً لقضاء حاجتهن وليومنا هذا حتى في قرانا بالنيل الابيض والتي لا تبعد عنه كثيرا اكثر الحلال (جمع حلة) بتشرب من الحفائر والترع مياه راكدة لا حركة فيها ومن نفس مورد الماء تشرب انعامهم ما زالت الكثير من فلذات اكبادنا يقطعون مسافات طويلة تمتد لاكثر من عشرة كيلو مترات ويزيد يقطعونها راجلين للوصول الى مدارسهم والتي تفتقر للبيئة الدارسية نقص في الجلوس نقص في الفصول والعراء والارض بديل نقص في الكتاب نقص في المعلمين وكثير من الراجلين وغير الراجلين ما عندو حق الفطور لهذا فهم مصابون بالانيمياء والديدان ـ(قارديا) وضعف النمو لسوء التغذية والله ان لم ننظر لواقعنا بمصداقية ونقدم الحلول المناسبة وبقدراتنا لن يكون للسودان شأن