Post: #2 Title: Re: أوون آبـو.. ما عرفناه شايت وين.. أغلب الظن Author: Biraima M Adam Date: 11-01-2022, 01:46 AM Parent: #1
الباشمهندس
من قبل أستمعت لهذا الفيديو من أوله لأخره .. في حوالي الدقيقة 25 تحدث عن كان يتبع للجبهة الشعبية في أريتيريا .. وأنه مقتنع أن اليسار هو من يساعد في حل مشاكل الشرق .. وأقسم أن أسلامي الشرق ليس هم من يأتي بأي حل .. بل لو جاءت حكومة جديدة سوف يجلسون معها.
ويري أن أرتيريا أقرب لهم كشعب .. وأن سحنته في أرتيريا أكثر مما في السودان .. وأشاد بأسياس أفورقي ..
أسم أوون .. يعنى شنو؟
بريمة
Post: #3 Title: Re: أوون آبـو.. ما عرفناه شايت وين.. أغلب الظن Author: Abureesh Date: 11-01-2022, 08:38 AM Parent: #2
مرحبا يا هندسة.. أوون أوتاك آبو معناها الزول دا منو..
فضح نفسه لما قال نحن اليسار..
Post: #13 Title: Re: أوون آبـو.. ما عرفناه شايت وين.. أغلب الظن Author: Al Sunda Date: 11-02-2022, 05:03 AM Parent: #3
Quote: فضح نفسه لما قال نحن اليسار..
وهل الاعلان عن الانتماء يسارا تعني فضيحة؟
افصح عن يساريته كانت بتكون احسن من فضح مش كدا برضه
Post: #4 Title: Re: أوون آبـو.. ما عرفناه شايت وين.. أغلب الظن Author: mohamed osman bakry Date: 11-01-2022, 11:01 AM Parent: #2
أوون اسم إشارة معناها : ده
آبوو معناها : منو ؟ أوون آبوو تعني : ده منو اراووك اوون داورييب
Quote: أسم أوون .. يعنى شنو؟
Post: #5 Title: Re: أوون آبـو.. ما عرفناه شايت وين.. أغلب الظن Author: mohamed osman bakry Date: 11-01-2022, 11:13 AM Parent: #4
أوون أوتك دآورييب آوتك للراجل اوون تكت داورييب تكت للمرأة داورييب يعني جميل اوون اوروك ابو , ابالضبط تعني الزول ده منو اوون اوتك آبو , تعني الراجل ده منو
Post: #6 Title: Re: أوون آبـو.. ما عرفناه شايت وين.. أغلب الظن Author: Abureesh Date: 11-01-2022, 11:33 AM Parent: #5
شكرا أخ محمد عثمان بكرى.. إراووك كا إكين.. أخوى الصغيـر حسن يتكلمها أفصح من الناظر ترك زاتو..
Post: #7 Title: Re: أوون آبـو.. ما عرفناه شايت وين.. أغلب الظن Author: Abureesh Date: 11-01-2022, 12:25 PM Parent: #6
Quote: ويري أن أرتيريا أقرب لهم كشعب .. وأن سحنته في أرتيريا أكثر مما في السودان .. وأشاد بأسياس أفورقي ..
هلا باشمهندس بريمــة عارف البجا حدودهم القومية من حلايب حتى مصوع.. وأعتقد الهدندوة فى ارتريا عندهم نظارة.. وسوف أتأكد من هذه المعلومـة. ارتريا الساحليـة هى امتداد لأرض البجا.. وكذلك بعض مرتفعاتها الشمالية .. https://sudaneseonline.com/board/510/msg/1634565626.html
Post: #8 Title: Re: أوون آبـو.. ما عرفناه شايت وين.. أغلب الظن Author: كمال عباس Date: 11-01-2022, 01:34 PM Parent: #7
ومؤتمر البجا في عز مجدو ماكان فيهو يساريين؟
Post: #9 Title: Re: أوون آبـو.. ما عرفناه شايت وين.. أغلب الظن Author: Biraima M Adam Date: 11-01-2022, 02:18 PM Parent: #8
شكراً ول أبا محمد عثمان بكري
يبدو الباشمهندس طلع بينا العالي .. لكن أنت وقعت لينا الحاصل ..
لكن الشخص دا قلبه حار .. ومغبون .. لو لاحظتم في حوالي الدقيقة 20 أو 25 .. طلع بطاقة أنتماء للجبهة الشعبية .. وهو قاعد يسوي شنو في السودان ما دام منتمى للجبهة الشعبية في أريتيريا ؟
بريمة
Post: #10 Title: Re: أوون آبـو.. ما عرفناه شايت وين.. أغلب الظن Author: Abureesh Date: 11-01-2022, 03:23 PM Parent: #9
يا باشمهندس بريمـة أنت رجل باحث أساساً، عشان كدا ما تقول فلان طلع بينــا.. خلى دى للعنقالة.. ,اى دراسة عميقة متوقع انت تحتفل بيها..
بعدين انا استمعت تانى للفيديو من الدقيقة 19 حتى الدقيقة 26,, ما لقيت اى كلام للرجل انه ارترى .. وكل ما قاله كان عن شكره لأفوركى.. والبطاقة التى اخرجها كانت بطاقة قوات البجا التى كانت تحارب وتدربت فى ارتريا.. هو كان ممتن للرئيس افوركى لنه درب القوات (علمنا) وقال لما عاد للسودان و(تسرح) وتسريح قوات البجا كانت من ضمن شروط تالإتفاقية. قال اى زول اتسرح يمشى لحزب من الأحزاب.. ما عدا ذلك كلامه عن البجا وتداخلهم بين السودان وارتريا انا قلته.. أعتبر الرجل برضو طلع بيكم عالى.
Post: #11 Title: Re: أوون آبـو.. ما عرفناه شايت وين.. أغلب الظن Author: Biraima M Adam Date: 11-01-2022, 05:46 PM Parent: #10
كتر خيرك يا باشمهندس
Quote: يا باشمهندس بريمـة أنت رجل باحث أساساً، عشان كدا ما تقول فلان طلع بينــا.. خلى دى للعنقالة.. ,اى دراسة عميقة متوقع انت تحتفل بيها..
بعدين انا استمعت تانى للفيديو من الدقيقة 19 حتى الدقيقة 26,, ما لقيت اى كلام للرجل انه ارترى .. وكل ما قاله كان عن شكره لأفوركى.. والبطاقة التى اخرجها كانت بطاقة قوات البجا التى كانت تحارب وتدربت فى ارتريا.. هو كان ممتن للرئيس افوركى لنه درب القوات (علمنا) وقال لما عاد للسودان و(تسرح) وتسريح قوات البجا كانت من ضمن شروط تالإتفاقية. قال اى زول اتسرح يمشى لحزب من الأحزاب.. ما عدا ذلك كلامه عن البجا وتداخلهم بين السودان وارتريا انا قلته.. أعتبر الرجل برضو طلع بيكم عالى.
زي ما قلت، أنا تابعت الفيديو قبل فترة ولم أراجعه الأن .. الذاكرة خربت يا ول أبا ..
ألف شكر علي التصحيح .. أنا أتذكر حكاية أفورقي علمنا .. وشكره ..
ول أبا كيف ما طلعت بينا العالي؟ .. أنت كتبت أوون آبو ... وتقصد دا مينو؟ من هذا؟ .. ونحن أفتكرناه أسم المتحدث .. دي مثل نظارة الهيروكين فيونا .. هههههاي !
خلينا من دا كله .. أنا كنت أظن أن جميع مكونات الشرق .. بجميع ألوان طيفهم خلف النظارات والعموديات .. الأن هذا الشخص أدخل لينا الجمل في الأبريق أن الشرق ليس علي قلب رجل واحد .. أنا أفتكر الخلافات بين القبائل مقدور عليها من خلال النظارات .. لكن الخلاف الأيديولوجي شيوعيين ويساريين ضد أسلاميين خطر علي الشرق. ركز لينا في الحتة دي، الخلاف الأيديولوجي وأدينا إضاءه عن الحاصل .. حاجة ثانية: ما هو الشعور العام حول زيارة الوفد الذي قاده الشيخ موسي هلال لشرق السودان .. لو سمعت به؟
بريمة
Post: #12 Title: Re: أوون آبـو.. ما عرفناه شايت وين.. أغلب الظن Author: Abureesh Date: 11-01-2022, 06:54 PM Parent: #11
Quote: ول أبا كيف ما طلعت بينا العالي؟ .. أنت كتبت أوون آبو
كلامك مطبوط يا هندسة وأنا فهمته غلط.. الان فهمت شكرا للشرح
Post: #14 Title: Re: أوون آبـو.. ما عرفناه شايت وين.. أغلب الظن Author: Abureesh Date: 11-02-2022, 08:05 AM Parent: #12
Quote: وهل الاعلان عن الانتماء يسارا تعني فضيحة؟
تعتمد إتقالت متين.. هل بعد مداراة ولف ودوران.. أم عرف نفسه من البداية بوضوح وشجاعة..