…No, it's not

11:06 PM October, 29 2022

سودانيز اون لاين
هدى ميرغنى-
مكتبتى
رابط مختصر

جاء فى الراكوبة :
والتقى مناوي بالجالية السودانية في بريطانيا حيث قدم لهم تنويراً عن الراهن السياسي في السودان وفق وكالة السودان للأنباء “سونا”.

https://www.0zz0.com

الخبر دا شكله ما مكتمل يا استاذة هدى.. ما اراه خبر ينفى اللقاء ومعه صورة تثبت اللقاء..

حسب ما فهمت... عنوان البوست فيه إشارة ذكية...

فالحاضرون ليسوا هم الجالية ...ولكن جلّهم تقريبا ينتمون إلى دار فور..

....فهو إذن لقاء خاص جداً.

Quote: فالحاضرون ليسوا هم الجالية ... ولكن جلّهم تقريبا ينتمون إلى دار فور..

بدون ما اسبق تفسير هدى..
ودارفور تنتمى الى أى ىدولة يا استاذ محمد؟ لماذا نوطد أسس التفرقة القبلية.. ما رأيته فى الصورة سحنات سودانية جميلة..رجال ونساء.. يسرنى ان اراها مجتمعة فى دولة اوروبيـة.
لماذا لا نأخذ فى الإعتبار ان من لم يحضر ربما لم يحضر لأسباب سياسيـة او عنصرية قبلية موجهة ضـد مناوى؟
وبالمناسبة كلمة الجالية لا تعنى فقط الجالية المسجلة الرسمية.. يعنى ممكن تقول سافرت الى نيوزيلاندا ولقيت فيها جالية سودانية لا يستهان بها.. مثلاً. أى مجموعة سودانية تعيش فى منطقة
جغرافية محددة فهى جالية سودانية.

كلامك حلو يا أبو الريش...

الموضوع واضح والصورة واضحة...

والتناقض واضح في الخبر المنشور في الراكوبة...

هذا إلا إذا أردنا أن نحمل الكلمات ما لا تحتمله...

يا أبو الريش هسه أنا لو دخلت في الاجتماع ده .......من سحنتي حيقولوا الجلابي ده الجابوا شنو؟

Quote: يا أبو الريش هسه أنا لو دخلت في الاجتماع ده .......من سحنتي حيقولوا الجلابي ده الجابوا شنو؟

والله يا محمد وما طالبنى حليفة.. هممت أن أكتب نفس سؤالك ولك بكلمات اخرى ثم عدلت عنه.. هل فى زول جاء ورجعوه من الباب؟
بعدين السودان يموج فى بعضه.. كل الأقاليم سكانها الأصليون فى كل اقليم فى السودان..

سلام يا هدى
ووينك غايبة؟
أتفق مع أبو الريش في أن الصورة تثبت اللقاء وتثبت أن اللقاء كان محضوراً لدرجة أن البعض لم يجد مقاعد كما هو واضح في الصورة.
فهل "No, it's not" لأن هنالك معلومة غائبة عنا تفيد بأن الحاضرين لا ينتمون للجالية السودانية؟
ام أن هنالك معلومة غائبة عنا بأن الدعوة لللقاء لم تكن موجهة للجالية السودانية وكانت مقصورة على أفراد بعينهم؟
فwhy no, it's not؟

Quote: ام أن هنالك معلومة غائبة عنا بأن الدعوة لللقاء لم تكن موجهة للجالية السودانية وكانت مقصورة على أفراد بعينهم؟

من من الانقلابيين يمكن أن يوجه دعوة للجاليات السودانية؟

سلام باشمهندس أبو ريش~
الخبر والصورة من الراكوبة،
إختلافى مع الخبر تعميم الجالية السودانية بإنجلترا ، فيه عدم دقة واضحة
يعنى لما من استطاع الحضور من المعارضة بأمريكا هتفوا فى وجه الدباب جبريل ووفده عند زيارته واشنطون -البنك الدولى ، ما قالوا الجالية السودانية بأمريكا او واشنطون.

https://www.alrakoba.net/31771532/%d9%85%d9%86%d8%a7%d9%88%d9%8a-%d8%a7%d9%84%d9%88%d8%b6%d8%b9-%d8%a7%d9%84%d8%ad%d8%a7%d9%84%d9%8a-%d9%8a%d8%aa%d8%b7%d9%84%d8%a8-%d8%a7%d9%84%d9%85%d8%b1%d8%a7%d8%ac%d8%b9%d8%a9-%d9%88%d8%a7%d8%ae/https://www.alrakoba.net/31771532/%d9%85%d9%86%d8%a7%d9%88%d9%8a-%d8%a7%d9%84%d9%88%d8%b6%d8%b9-%d8%a7%d9%84%d8%ad%d8%a7%d9%84%d9%8a-%d9%8a%...-%d9%88%d8%a7%d8%ae/

سلام اخ محمد عبد الله~

Quote: حسب ما فهمت... عنوان البوست فيه إشارة ذكية... فالحاضرون ليسوا هم الجالية ...ولكن جلّهم تقريبا ينتمون إلى دار فور.. ....فهو إذن لقاء خاص جداً.

حقيقة
المجموعة فى الإجتماع ليست الجالية السودانية بإنجلترا
كان ممكن يقولوا بعض أفراد الجالية السودانية ، أو مؤيدى الإنقلاب بإنجلترا …

تحياتى وسلامى أخى حافظ بشير~

Quote: سلام يا هدى ووينك غايبة؟ أتفق مع أبو الريش في أن الصورة تثبت اللقاء وتثبت أن اللقاء كان محضوراً لدرجة أن البعض لم يجد مقاعد كما هو واضح في الصورة. فهل "No, it's not" لأن هنالك معلومة غائبة عنا تفيد بأن الحاضرين لا ينتمون للجالية السودانية؟ ام أن هنالك معلومة غائبة عنا بأن الدعوة لللقاء لم تكن موجهة للجالية السودانية وكانت مقصورة على أفراد بعينهم؟ فwhy no, it's not؟

شكرا اخى حافظ على السؤال، إنها الإنترنت احيانا وأشياء أُخر.
قصدى من العنوان "No, it's not"بأن هذه ليست الجالية السودانية بإنجلترا ، كان ممكن يقولوا "بعضا من …" أو مؤيدى …أو غيره

سلامى اخى ترهاقا~

Quote: من من الانقلابيين يمكن أن يوجه دعوة للجاليات السودانية؟

الإجابة ولا واحد منهم ، وإذا الجاليات عرفت مكانهم ومكان إجتماعاتهم دائما توصل صوتها المعارض لإنقلابهم زى ما حصل فى أمريكا وأستراليا

Quote: بدون ما اسبق تفسير هدى.. ودارفور تنتمى الى أى ىدولة يا استاذ محمد؟ لماذا نوطد أسس التفرقة القبلية.. ما رأيته فى الصورة سحنات سودانية جميلة..رجال ونساء.. يسرنى ان اراها مجتمعة فى دولة اوروبيـة. لماذا لا نأخذ فى الإعتبار ان من لم يحضر ربما لم يحضر لأسباب سياسيـة او عنصرية قبلية موجهة ضـد مناوى؟ وبالمناسبة كلمة الجالية لا تعنى فقط الجالية المسجلة الرسمية.. يعنى ممكن تقول سافرت الى نيوزيلاندا ولقيت فيها جالية سودانية لا يستهان بها.. مثلاً. أى مجموعة سودانية تعيش فى منطقة جغرافية محددة فهى جالية سودانية

كما تعلم يا باشمهندس أبو ريش
كلمة جالية تختلف فى المعنى عن الجالية بالألف واللام
إذا ناس سونا ديل قالوا جالية سودانية او أفراد من الجالية السودانية بإنجلترا تبقى ممكنة، لكن يقولوا "الجالية السودانية بإنجلترا" ما صحيح.
فهذا ما قصدته بالعنوان ، أى هذه المجموعة ليست الجالية السودانية بإنجلترا…

سلام اختنا هدى
مناوى ادعى انه التقى بالجالية السودانية فى بريطانيا!!!!
قال قلت ليهم الوضع الحالي يتطلب المراجعة واختيار الأنسب لمصلحة السودان.

تعليقات

يقولعكرمه:
29 أكتوبر، 2022 الساعة 8:55 م
اين الجاليه السودانيه؟؟؟؟؟

البراري السم الهاري:
29 أكتوبر، 2022 الساعة 10:40 م
لمصلحة السودان جاوبنا فقط عن سؤالين:
١. هل انت سياسي ام قائد مليشيا مسلحة؟
٢. اذا انت سياسي ليه انت قائد مليشيا مسلحه؟
العالم كله يعرف ان لا سلاح في السياسه إلا لي لوي اليدين والتحكم في عباد الله بقوة السلاح.
نحن نريدها مدنية كامله اما ام تلقي السلاح وتنام للسياسين او حارب الشعب. لان الشعب رفض التسلط عليه بقوة السلاح. أما كلامك الفارغ أعلاه هو ما إلا لذر الرماد. كل تهديداتك للشعب موجودة بالصوت والصورة

الطيب جني:
30 أكتوبر، 2022 الساعة 3:37 ص
هؤلاء جزء يسير من الجالية الدارفورية في بريطانية لم يبنو شفخانة لاهلهم في المعسكرات لا جمعيات خيرية او اجتماعية فقط يتم تجميعهم لتخطب فيهم قيادات لا تعرف غير الدمار والقتل والسلب ماذا فعل مناوي لاهل دارفور وسكان المعسكرات بالله عليكم حتى يجد هذا الاستقبال، لو ذهب البرهان لبريطانية وحال مقابلة السودانيين لن يجد غير اللعنات والمظاهرات ضده ورميه بالبيض الفاسد بمجرد ظهوره وسط العامة ما الفرق بين مناوي والبرهان كلهم قتلة فاشلين.

سوداني مُستغرب:
30 أكتوبر، 2022 الساعة 5:12 ص
سوعال للفُل مرِيشه لم اقرأ الموضوع.
و لكن هل مولت رحلاتك دي من جيب الشعوب المغلوبه علي امرها ؟؟ فإن كان ذلك يجب ان تُحاسب علي السفه بتبديد أموالهم..
و بالنظر و التمحيص في الحضور فالسِنح و التقاطيع تُنبي بأنهم افراد ميليشياتك، فان كان التمويل من الارتزاق و النهب و ليس من جيوب الغلابه فاعتذر لك علي سوء الظن.
علماً بانه لا مجال لحسن الظن فيك.

حبيبنا الفنان ترهاقا

Quote: من من الانقلابيين يمكن أن يوجه دعوة للجاليات السودانية؟

إذن أنت تبني نفي لقاء مناوي بالجالية السودانية على ترجيحك لإستحالة توجيه مناوي او أي أحد من الإنقلابيين الدعوة للجالية السودانية بكاملها.
وذلك بناء على سوابق إستقبال الجاليات السودانية للإنقلابيين في أماكن أخرى بالهتافات المضادة.
وهذا تبرير وجيه ومقبول بالنسبة لي وحتى لمن لا يتفق معه فهو تبرير قابل للنقاش.
ومقبولية تبريرك تأتي من أنه غير مبني على الصورة.

Quote: قصدى من العنوان "No, it's not"بأن هذه ليست الجالية السودانية بإنجلترا ، كان ممكن يقولوا "بعضا من …" أو مؤيدى …أو غيره

تمام يا هدى وشكراً على الرد.
رغم إني ما فهمت وجهة إعتراضك على أن هذا الجمع يمثل الجالية السودانية.
فلقاء الجاليات في العادة ليس له نصاب محدد.

كل ما أتمناه أن لا يكون نفيك لوصف الجالية السودانية عن الجمع الظاهر في الصورة مبني على تمييز عرقي.

Quote: تمام يا هدى وشكراً على الرد. رغم إني ما فهمت وجهة إعتراضك على أن هذا الجمع يمثل الجالية السودانية. فلقاء الجاليات في العادة ليس له نصاب محدد. كل ما أتمناه أن لا يكون نفيك لوصف الجالية السودانية عن الجمع الظاهر في الصورة مبني على تمييز عرقي.

الناس بقت صعبة مالها ..

القصة بقت زي حقل الالغام ..

انا شخصيا فهمي للامر انه مناوي او من هم حوله وجهوا دعوة خاصة لمؤيدينهم و قصدوا ذلك حتى لا يحدث ما حدث في امريكا ..
و في حتة مؤيدنهم دي بقت المشكلة الدايرين الناس يعنصروها .. اي الدعوة تمت لابناء دارفور فقط ..
و بقينا في وجوه جميلة و جلاليب ناصعة البياض ..

هدى ميرغني ليست عنصريه .. ارفعوا اياديكم عنها ...

تحياتى وسلامى أخى حسن فرح~
شكرا على إيراد التعليقات من الراكوبة ، والتعليق من المشارك ادناه يُعبر عن هذه الدعوة واللقاء

Quote: الطيب جني: 30 أكتوبر، 2022 الساعة 3:37 ص هؤلاء جزء يسير من الجالية الدارفورية في بريطانية لم يبنو شفخانة لاهلهم في المعسكرات لا جمعيات خيرية او اجتماعية فقط يتم تجميعهم لتخطب فيهم قيادات لا تعرف غير الدمار والقتل والسلب ماذا فعل مناوي لاهل دارفور وسكان المعسكرات بالله عليكم حتى يجد هذا الاستقبال، لو ذهب البرهان لبريطانية وحال مقابلة السودانيين لن يجد غير اللعنات والمظاهرات ضده ورميه بالبيض الفاسد بمجرد ظهوره وسط العامة ما الفرق بين مناوي والبرهان كلهم قتلة فاشلين

أخى المحترم حافظ بشير~
كل ما قصدته - إنه دا ما كان لقاء مع الجالية السودانية ببريطانيا إطلاقا ، والخبر الخطأ اوردته سونا فاكرة الناس حتصدق!
لأنه لو كانت دعوة مفتوحة ومعلنة للجالية السودانية ببريطانيا ، معقول ولا معارض واحد!
وين ناس إنجلترا الكل فترة طالعين مظاهرات قوية ضد القتلة!
هل يعقل إنه زى ما جابوهم فى الصورة -الجالية السودانية ببريطانيا تكون مستكينة ومسكينة كدا!
*ما عارفة ليه هم محرجين ما يقولوا لقاء مع مجموعة سودانين مؤيدين لإنقلاب القتلة ولوردات الحرب

تحياتى ،سلامى والإحترام ، أخى باشمهندس قبانى~

Quote: الناس بقت صعبة مالها .. القصة بقت زي حقل الالغام .. انا شخصيا فهمي للامر انه مناوي او من هم حوله وجهوا دعوة خاصة لمؤيدينهم و قصدوا ذلك حتى لا يحدث ما حدث في امريكا .. و في حتة مؤيدنهم دي بقت المشكلة الدايرين الناس يعنصروها .. اي الدعوة تمت لابناء دارفور فقط .. و بقينا في وجوه جميلة و جلاليب ناصعة البياض .. هدى ميرغني ليست عنصريه .. ارفعوا اياديكم عنه

يسلم وعيك أخى قبانى، أقسم بالله ولا كان فى بالى "ملامح الناس" الفى الصورة الجالسين مستكينين فى حضرة لورد الحرب ميناوى ، ونحن شايفين أفراد الجاليات فى الخارج كيف واقفين بقوة وشجاعة ضد هذا الإنقلاب الدموى.
بإختصار إدعاء سونا إنه دى الجالية السودانية ببريطانيا غير صحيح إطلاقًا.

*جاء فى خاطرى عبارة "كيف يجهلوك …"
أعنى الفكرة طبعا مش معنى وكلمات القصيدة/ الأغنية الرائعة😀

قبة يا حبيبنا

Quote: انا شخصيا فهمي للامر انه مناوي او من هم حوله وجهوا دعوة خاصة لمؤيدينهم و قصدوا ذلك حتى لا يحدث ما حدث في امريكا .. و في حتة مؤيدنهم دي بقت المشكلة الدايرين الناس يعنصروها .. اي الدعوة تمت لابناء دارفور فقط ..

دا كلام واضح وغالباً هو السيناريو الحصل بالضبط.
المشكلة في بوست هدى إنها ختت صورة فقط بدون أي تعليق بإفتراض أن القارئ سيستنتج منها أن الحضور هم أنصار مناوي فقط.
ومشكلة مثل هذا الإستنتاج من الصورة أن فيه محطات تمر بتنميط عنصري.
وضع الصورة بدون تعليق مربك.
لذلك تمنيت أن تشرح هدي وجهة نظرها بعيداً عن ذلك التنميط.

Quote: لأنه لو كانت دعوة مفتوحة ومعلنة للجالية السودانية ببريطانيا ، معقول ولا معارض واحد! وين ناس إنجلترا الكل فترة طالعين مظاهرات قوية ضد القتلة! هل يعقل إنه زى ما جابوهم فى الصورة -الجالية السودانية ببريطانيا تكون مستكينة ومسكينة كدا!

شكراً جزيلاً هدى.
كدا عداك العيب طالما بنيتي إستدلالك على أن الدعوة كانت خاصة على حالة السكون والهدوء في الصورة وليس على أشكال الناس.

السلام والإحترام أخى حافظ بشير~
ولك من الشكر مثله وأكثر
فكرة البوست كانت:
"No, it's not" الجالية السودانية ببريطانيا
ووخططتها بالأحمر فى المداخلة الأولى
لكن يبدو إنه الصورة فى المداخلة الثانية كانت جاذبة للأنظار أكثر من العبارة.

الاستاذه هدي و الاخوه الحضور حسب فهمى التعبير هنا هو النفى الاستنكارى ان تحصل مثل هذه المهزله من لوردات الحرب و قاتلى ابناء دارفور و احد تجار بيع السودان و يسمى اللقاء به تنويرى عجبت لك يا زمن

سلام أخى د. عماد يوسف~

Quote: الاستاذه هدي و الاخوه الحضور حسب فهمى التعبير هنا هو النفى الاستنكارى ان تحصل مثل هذه المهزله من لوردات الحرب و قاتلى ابناء دارفور و احد تجار بيع السودان و يسمى اللقاء به تنويرى عجبت لك يا زمن

شكرا أخى عماد،
بالضبط هذا ما قصدته ، لقاء مهزلة ومسكنة مع لورد الحرب، ويدعوا إنها الجالية السودانية ببريطانيا!

سلام اختنا هدى وضيوفها
المهازل لا زالت مستمرة
حاكم إقليم دارفور: أنا مع الثورة السودانية ولم ولن أدعم المكون العسكري



start at 6:31

تحياتى وسلامى أخى حسن فرح~
وتتواصل المهازل،الكذب والتلون
فى كم شخصية وعقلية فى هذا الميناوى، قال هو سياسى وقبلها "جلب" قدر ما يقدر من حملة السلاح (وبحسب كلامه لما دخل الخرطوم وكان حرسه مجموعة من الشابات كما القذافى- قال جيشه مقفول فى ليبيا وقتها وبعدها …!)
صاحب البرنامج ما قادر يخفى سخريته…