الاشواق والمشاعر والدموع واللوعه فى الاغانى السودانيه

11:00 AM October, 26 2022

سودانيز اون لاين
مصطفى نور-امريكا نيوجرسي
مكتبتى
رابط مختصر

أنا والأشواق في بعدك بقينا أكثر من قرايب
ما بنغيب عن بعض ابداً، ما بنغيب عن بعض ابداً، ابداً
زي اعز اثنين حبايب أنا والأشواق
كنت فاكر الشوق يغيب لحظة وحدة عن فؤادي
مع الزمن يتلاشى وجدي قلبي يسلا في بعادي
وشوقي قال لي مستحيل مرة يتحقق مرادي
ولازمني
لازمني زي خلي الوفي وأصبح حبيبي
واصبح حبيبيو
واصبح حبيبي
واصبح حبيبي الوافي عادي
أننا والأشواق

تـهيم خطواتي نشوانة
تعانق دربك الأخضر
وحات اللوعة والآهات
يا مشوار ما تقصر
على دربك
زرعت الحب
جمال وكمال
رياض وزهور
غزلت صبابة العشاق
وشلت اللهفة والأشواق
رياض وسلام
منابع نور
مواكب روعة
وابداعات
بناها خيال
وصاغها شعور
وما بتبدلو الأيام
ولا في مرة بتغير
وحات اللوعة والآهات
يا مشوار وما تقصر
وما قاسينا نار حرمان
وما عانينا جور وصدود
وكم مرت بلاك أيام
وقفتها في طريق مسدود
وشوفو الليلة إشراقات
سناء ونـوَّار بـتقطر
وحات اللوعة والآهات
يا مشوار وما تقصر
يا مشوار
يا رائع
كون أول بدون آخر
معالم لا نهائية
حنين دفاق
حنان زاخر
عانق روح
وأحضن قلب
وأبهج عين
وسُـر خاطر
وفيض يا شوقي ما ترتاح
يا ريت أفضل دوام ساهر
معاك فرهد شباب الحب
رفَّ علي جناح أخضر
وحات اللوعة والآهات
يا مشوار ما تقصر

هدى بى ياشوقى هدىهدى بى قبال تعدى
انت ماملزمنى حدى بس تشيل فوقى وتودى
ماكفايه الغيبه دى الفيها كملت الخطاوى
ولا الدروب الطايله ديك اصلى عاد ماكنت ناوى
ده المقدر مابيديه اصلو كان مكتوب على
نمشى خلفك يااراده بس مكان ماتودى ودى
شوف عجايب الدنيا كيف وكيف بقيت بتحملا
بى اوامر الشوق رضينا واصلو لازم نقبلا
سوقى ياحنيه سوقى سوى ذى ماتسوى فوقى
يلا ياسكتنا عدى اصلو مابى الشوق يعدى
نحن شانك يامحنه نرضى مجبورين نطاوعك
ونفرش الازهار دروبك والمصير رضيان يبايعك
يلا روح ياشوقنا عدى روح مكان ماتودى ودى

اشتقت ليك ساعة المساء فرد الجناح لملم مصابيح النهار
والكون شرب لون الجراح والعتمة نامت في الدروب والليل لبس اجمل وشاح
في اللحظة ديك اشتقت واحتجت ليك،
في اللحظة والناس بتسأل عن بلاد في صورة مامعروفة وين
اشتقت ليك،،
ياقلبي لي زولا يئن حضن الاسى عبر السنين
في اللحظة ديك اشتقت ليك شوق السحابة الراحلة،،
في جوف الشتاء عطشانة تحلم بالخريف --بقيت ضعيف
في اللحظة مديت معابر شوقي ليك
وحنين حنيني -حنين حنيني لالطاغى ليك
كايس مجيك- وداير اجيك
في اللحظة ديك اشتقت ليك --اشتقت ليك ي

انا الطولت مفتوتن بيك
اشوف آمالي كلها فيك
اقول يمكن يجيكي حنين
واقول يمكن يجيكي .. تبقي معاي وابقى إليك
تسهر عيني واتعذب كتير بي طرفك الفتان
اتوه في سكة الحرمان ودرب اللوعة والاشجان
حبك شايلو في خاطري انتي السلوى والتحنان
رغم الفرقة والدمعات وقلبي الراجي بالسنوات
ورغم عذاب سنين وسنين شوقي الطاغي والآهات
اتوه واسرح فيك امرح وانسى عذابي الفات
وانسى معاك عذابي الفات

لم يكن إلا لقاء وافترقنا
كالفراشات على نار الهوى جئنا إليها واحترقنا
كان طيفا وخيالا ورؤى ثم ودعنا الأماني وأفقنا
بالذي أودع في عينيك إلهاما وسحرا
والذي أبدع فيك الحسن اشراقا وطهرا
لا تدعني للأسى يدفعنى مدا وجزرا
أثقلت كفي الضراعات وما تقبل عذرا
يا حبيبا بت أشكو حرقة الوجد اليه
وتوسلت نذرت العمر قربانا لديه
ماله لو عاد والقلب رهين بيديه
وعيوني ظامئات للهوى من مقلتيه
يا لقلبي عاد من بعد النوي يطوي شراعا
بالهوى يبعث في الروح حنينا واندفاعا
مرحبا يا شوق أغمرني شجونا والتياعا
فوداعا للذي شيدته بين الضلوع فتداعى

هجرة عصافير الخريف
فى موسم الشوق الحلو
هيج رحيلا مع الغروب
احساس غلبنى اتحملو
وكتمت اشواق الحنين
داير الدموع يتقلو
ورجعت خليت الدموع
ينسابو ..منى وينزلو
ليه يا عصافير الخريف
خضرة مشاعرى اشيلا صيف
تحت الغمام شايف
مواكب الهجرة اتلاشت سراع
مين علمك أسف الوداع
وعارف دا ما اول سفر
لبلاد بعيدة بدون متاع
زى ما بتخافي من الرياح
بنخاف كمان انحن الضياع
ليه يا عصافير ليه الضنى
صفقة جناحك احزنها
غايب السنين الليله
مالو غنا العصافير غلبو
طراهو زولا كان ولوف
كم رضا خاطرو وطيبو
سمع قليبو كلام حنين
هدهد مشاعرو ودوبو
الناس سعيدم فى الحياة
لا ضاق فراق لا جربو
وانا حالى فى بعد الوطن
دفعنى ضي العين تمن

يعني ما مشتاقه ليا ...ولا ما عارفه العليا..
لو خلاص خليتي ريدي يكفيني خاتمك في ايديا..
ما زمان قبال اسافر قلتي لي اوعك تتطول..
قلبي دايماً في رجاك والمحال غيرك يبدل..
عشت بعدك كلي زكري أمسي بطيفك واقيل..
الليله قلبك لو نساني غير عيونك وين أقبل؟..
ما زمان قبال اسافر كان فراقي صعب عليك..
شلت جرحي وفت منك همي بس كان كيف اجيك..
جيت بشوق الدنيا كلو داير احس بشوقي فيك..
بس لقيت اللهفه راحت حتي عين ما عنيك..
انتي ما مشتاقه ليا ولا ما عارفه العليا...
انتي ما انتي الزمان اصلي ما مصدق عنيا..