طــــابور (هــامِس)

08:56 PM October, 17 2022

سودانيز اون لاين
فاروق أبوحوه-
مكتبتى
رابط مختصر

طابور (هامِس)

_________________

صَفّك صِفَي ..
دقشت رؤاك العاصفه
قدمك حِفَي ..
وسط الرمال اللاصِفه
عندك صِفَه ..
إنك هلامي بلا صِفَه

الجو صِفَي ..
و كل القِبَل متناصِفَه
متقريفه ..
تمشي الدروب الراصِفَه
ما بكتِفَه ..
ريح الخمج لا بِعصِفه
فيها الشِفا ..
عارفه الضراع البِنصِفه
ما بتوصِفه ..
لو بالقنابل تقصِفَه

هامِس هَمِس ..
كامل وضوح
طابور يبوح
بكره و أمس ..
عالي الصروح
عزة نفس ..
إشراق و روح
صنو الشمس ..
بالضو يلوح
ما بتلمس ..
جرح الجروح

________________

فاروق اب حُـــوَّه

فاروق

جهر الهمس
صحو الكلام
لامن يحس
هديل حمام
فتح النفس

الليله وباكر وامس