Post: #1
Title: ترشيح حميدتى لإدارة جامعـة الخرطــوم
Author: Abureesh
Date: 10-17-2022, 06:30 AM
06:30 AM October, 17 2022 سودانيز اون لاين
Abureesh-
مكتبتى
رابط مختصر
كان مشاها ليكم على السراط المستقيــم وعادت الى عهــدهـا الأول. هــذا تحدى
|
Post: #2
Title: Re: ترشيح حميدتى لإدارة جامعـة الخرطــوم
Author: مصطفى نور
Date: 10-17-2022, 08:08 AM
Parent: #1
ربما محو الاميه تكون السبب ان يكونوا السبب فى نجاح السودان وان نخرج من فوهه الزجاجه
خلونا نجرب ناس محو الاميه والجهلاء والروبيضات
عسى ان يخرجوا البلاد الى بر الامان ههههههه
والله شر البليه ما يضحك
|
Post: #3
Title: Re: ترشيح حميدتى لإدارة جامعـة الخرطــوم
Author: Abureesh
Date: 10-17-2022, 08:19 AM
Parent: #2
نعم الغباء هو فعل نفس الشئ مرتين وانتظار نتيجة مختلفة.. عشان كدا جاء ترشيح حميدتى.. لأن كل الإدارات التى
مرت على الجامعة مؤخرا نجحت فى أمر واحد.. تدهور مستوى الجامعة حتى صارت غير معترف بها حتى فى دول العالم الثالث.
وتدنت درجتها فى الدول العربيـة التى أنشأنا مؤسسات تعليمها . ثم أن حميدتى ما ماشى يدرس الطلبة الرياضيات والهندسة.. وإنما
سيدير الجامعة وميزانيات كلياتها ومراكز البحث فيها.. وهذه فشلت فيها الإدارات السابقة. يعنى لو كان مديرها الناظر عبدالله ابو سن كما مشاها
زى الترتيب.
|
Post: #4
Title: Re: ترشيح حميدتى لإدارة جامعـة الخرطــوم
Author: علي عبدالوهاب عثمان
Date: 10-17-2022, 08:37 AM
Parent: #3
تحياتي الحبيب أبريش
البوست دفعني الى سؤال دائما في خاطري
بعض الدول تعين وزير الدفاع أو الداخلية اشخاص ليس لديهم أي خبرة عسكرية
ما الحكمة من هذا التعيين ، خاصة في الدول الاوربية
قلنا فرصة لطرح السؤال
تحياتي الحبيب أبريش
|
Post: #5
Title: Re: ترشيح حميدتى لإدارة جامعـة الخرطــوم
Author: Abureesh
Date: 10-17-2022, 09:05 AM
Parent: #4
Quote: ما الحكمة من هذا التعيين ، خاصة في الدول الاوربية
قلنا فرصة لطرح السؤال |
مرحبا عزيزى على عبدالوهاب..
وأنت ما مشيت بعيد من موضوع البوست.. وممارسة الغرب هى الأمثل والطبيعية.. وزير الدفاع لا بد أن يكون مدنيا لأن هذا منصب سياسى وليس فنى عسكرى.
أعلى منصب فى الجيش هو رئيس هيئة الأركان.. ويسمى رئيس الجيش فى الغرب. أما وزير الدفاع فهو رجل سياسى تابع لرئيس البلاد والحكومة والميزانيات الخ.
وليس عسكرياً.. وزير الدفاع مسؤول عن تنفيذ الإرادة السياسيـة بأن ينسق بين الرئيس وقيادة الجيش، كما انه مسؤول عن الإشراف على ميزانيات وأولاويات تطوير الجيش
بالتعاون من قيتادة الجيش.
وأنا استغرب كيف يكون عندنا وزير داخلية مدنى وليس شرطى.. ووزير الدفاع لازم يكون عسكرى.. هذه الثقافة المعطوبة اتت الينا من الدول العربية.
أدناه صور لوزيرات دفاع النرويج وهولندا والســويـد والمانيــا
|
Post: #6
Title: Re: ترشيح حميدتى لإدارة جامعـة الخرطــوم
Author: عبدالله محمد أحمد
Date: 10-17-2022, 09:25 AM
Parent: #1
قالوا لما نزل قوله سبحانه و تعالى (تلك الايام نداولها بين الناس)، قال رسول الله صلى الله عليه و سلم: (ابشروا يا صعاليك المدينة، فانتم ناس).
|
Post: #7
Title: Re: ترشيح حميدتى لإدارة جامعـة الخرطــوم
Author: Abureesh
Date: 10-17-2022, 09:32 AM
Parent: #6
| Quote: قالوا لما نزل قوله سبحانه و تعالى (تلك الايام نداولها بين الناس)، قال رسول الله صلى الله عليه و سلم: (ابشروا يا صعاليك المدينة، فانتم ناس). |
يا عبدالله محمد احمد.. اتقى الله فى رسول الله.. هذه ليس حديثا.. ولا حتى حديثا ضعيفاً ولا موضوعاً.. مافى أصلا.. لماذا يا أخى هذا الإفتراء على الرسول
|
Post: #8
Title: Re: ترشيح حميدتى لإدارة جامعـة الخرطــوم
Author: عبدالله محمد أحمد
Date: 10-17-2022, 09:41 AM
Parent: #7
سمعت الحديث من امام مسجد
و اعتقد انه افضل تفسير لهذه الاية و يتناقم معها و يعمق معناها
|
Post: #9
Title: Re: ترشيح حميدتى لإدارة جامعـة الخرطــوم
Author: علي عبدالوهاب عثمان
Date: 10-17-2022, 09:50 AM
Parent: #8
الحبيب أبريش تحياتي يا جميل
دائما مداخلاتك مفيدة جداً وشكرا للشرح
والصورة توضح أكثر
صدقني انت من أركان المنبر
تحياتي يا جميل
|
Post: #10
Title: Re: ترشيح حميدتى لإدارة جامعـة الخرطــوم
Author: Abureesh
Date: 10-17-2022, 10:01 AM
Parent: #9
| Quote: سمعت الحديث من امام مسجدو اعتقد انه افضل تفسير لهذه الاية و يتناقم معها و يعمق معناها |
يا محمد احمد تانى اقول ليك اتقى الله.. ليه دينك هين عليك للدرجة دى؟ سمعت من امام مسجــد؟؟؟
كل الصحائح.. البخارى ومسـلم.. الخ.. والان قوقل.. الا يستحق كلام ركيك وشوارعى غالبا كاتبه من صعاليك المدينة.. الا يستحق التبين.. لو ما رميه فى الزبالة.؟
|
Post: #11
Title: Re: ترشيح حميدتى لإدارة جامعـة الخرطــوم
Author: Abdelrahim Mohmed Salih
Date: 10-18-2022, 10:55 PM
Parent: #10
حميدتى مكانه السجن وتاريخه المخزى لايغسل
|
Post: #12
Title: Re: ترشيح حميدتى لإدارة جامعـة الخرطــوم
Author: Abureesh
Date: 10-19-2022, 00:06 AM
Parent: #11
Quote: حميدتى مكانه السجن وتاريخه المخزى لايغسل
|
حميدتى قاعد فى السودان أهو داك.. ممكن يتحاكم بكل التهم الموجه له ويدخل السجن لو أدين.. لكن رأيك شنو فى عملاء مصر المقيمين هناك وتحركهم المخابرات المصرية وهم يتمرغون فى نعيمها.. يا ريت
أجرموا داخل السودان.. بعدين قحت كونت لجنة إزالة التمكين، وأكبر من تمكن فى زمن البشير هو حميدتى.. بل متهم بجرائم كبيرة.. وهو الان متمكن من اللجنة زاتها.. ولا إزيك ما قالوها ليه.. ليه فى رأيك؟
لو السودانيين تعاموا عن الحقيقة بعضهم لا يتعامون. قحت مجموعة من خدم الطائفية والجلابة عينوهم لذر الرماد فى العيون وإمتصتاص غضب الشعب ولو الى حين.. والإنقاذ قاعدة. جابوهم عشان ينظفوا البيت
وأول من نظفوه واتلغت العقوبات والسودان عاد للمجتمع الدولى قالوا ليهم يللا بلا لمة.. روحوا بيوتكم خلاص المهمة انتهت.
|
Post: #13
Title: Re: ترشيح حميدتى لإدارة جامعـة الخرطــوم
Author: عبدالله محمد أحمد
Date: 10-19-2022, 09:01 AM
Parent: #10
يا ابو الريش القران دقيق في كلماته و بلاغته وبيانه يكمن في ذلك السر. انت تقول لي اتق الله في الرسول الكريم. انا اقبل هذا الكلام لكن الذي اود ان الفت انتباهك اليه هو ان كلمة الناس كما نعرفها في علم الرياضيات Universal Set. و يدخل تحتها كل البشر بمختلف دياناتهم و سحناتهم و قبائلهم و اخلاقهم الحسن منها و الخبيث. ربنا سبحانه و تعالي قال في محكم تنزيله، في العسل شفاء للناس، يعني مسلم او كافر. و قال في القران شفاء للمؤمنين و لم يقل لكل الناس. انا بعد مداخلتك رجعت ابحث عن هذا الحديث فوجدت اكثر من حديث يؤكد ما قاله امام المسجد الذي اشرت اليه في مداخلتي. اذ روي عن الرسول انه قال ابشروا يا صعالك المدينة و روي عنه انه قال ابشروا يا صعاليك المهاجرين. و عندنا تطبيق حي لهذه الاية الكريمة في السودان (تلك الايام نداولها بين الناس)، فبعد ان كان رئيسنا المحجوب، اصبح رئيسنا قاطع طريق و سارق حمير.
|
Post: #14
Title: Re: ترشيح حميدتى لإدارة جامعـة الخرطــوم
Author: ANWAR SAYED IBRAHIM
Date: 10-19-2022, 09:40 AM
Parent: #13
| Quote: عادت الى عهــدهـا الأول |
وقلبك رقم الطيبة الفيهو انا بستغرب كيف اتبدّل
........
حبيبنا الغلى ابو ريش
عاطر التحايا وجبال من الود
أنور
|
Post: #15
Title: Re: ترشيح حميدتى لإدارة جامعـة الخرطــوم
Author: Abdelrahim Mohmed Salih
Date: 10-19-2022, 06:19 PM
Parent: #14
يا ابوالريش انت جادى فى ترشيحك ل حميدتى لإدارة جامعه الخرطوم؟
|
Post: #16
Title: Re: ترشيح حميدتى لإدارة جامعـة الخرطــوم
Author: Mohamed Adam
Date: 10-20-2022, 04:45 AM
Parent: #15
ابوالريش سلامات| Quote: ترشيح حميدتى لإدارة جامعـة الخرطــوم |
رشحوه لوزارة التعليم العالي والبحث العلمي وإختاروا له مستشارين أكفاء ومتعاونين
تأكدوا في أقل من 10 سنوات سيتغير لكم ال G20 إلي G21
|
Post: #17
Title: Re: ترشيح حميدتى لإدارة جامعـة الخرطــوم
Author: محمد بدرالدين
Date: 10-20-2022, 09:18 AM
Parent: #16
استاذ ابوالريش
المودة و التقدير .. و هذا البوست الكبير
.. بالطبع معرفة اسباب التدهور اولى الخطوات للاصلاح
و ف هذا الاصلاح تتداخل اشياء كثيرة
ربما احدها الطلبة و نشاطاتهم المتنوعة
و خصوصا النشاط السياسى
و بما ان حكوماتنا المتعاقية
و الاحزاب التى تتاهب الوثب للحكم باى طريقة كل وقت و حين
جعل من النشاط الطلابى ف الجامعات اداة من ادواتهم
و بالتالى تهتم الحكومة القائمة ( و طبعا هى حكومة حزبية و ان كانت بلون الكاكى) بامر الجامعات
و توعز لتنظيمها داخل الجامعة الدفاع عن الحكومة و قمع النشاط المضاد من بقية الاحزاب
و بالتالى استخدام السيخ و العصى و الخ .. و الباقى كلكم عارفنو
مما يجعل الحكومة تتدخل ف امر الجامعات و تسيس ادارتها و حرسها الجامعى
... طيب هل هناك حل ان نجعل ادارات الجامعات مستقلة مثل المراجع العام و النائب العام و كدة ؟
و هل هناك مجال لمنع النشاط السياسى داخل الجامعات ؟
..
و السيد /جميدتى نجيه بعدين
مودتى و تقديرى
\
|
Post: #18
Title: Re: ترشيح حميدتى لإدارة جامعـة الخرطــوم
Author: Abureesh
Date: 10-20-2022, 12:34 PM
Parent: #17
| Quote: يا ابوالريش انت جادى فى ترشيحك ل حميدتى لإدارة جامعه الخرطوم؟ |
عبد الرحيم محمد صالح،
شكــراً وبالله يا جماعة ساعدونا بنقاش الموضوع.. أى زول يكتب سطر (يفترض) أنه جاد فيه.. لذلك ناقشوا من هذا المنطلق ولا يلومكم أحد
|
Post: #19
Title: Re: ترشيح حميدتى لإدارة جامعـة الخرطــوم
Author: Abdelrahim Mohmed Salih
Date: 10-20-2022, 04:18 PM
Parent: #18
يا هلا ابوالريش
نشرح ليك ما غاب عنك فى السطر الوحيد
كنت ابحث لك عن عذر ما فى اقتراحك العجيب لكن يبدو انك جاد فى الامر يا للحزن بل وتعشم فى النقاش
|
Post: #20
Title: Re: ترشيح حميدتى لإدارة جامعـة الخرطــوم
Author: Abureesh
Date: 10-20-2022, 04:36 PM
Parent: #19
Quote: بل وتعشم فى النقاش
|
النقاش مدور يا عبد الرحيم.. و مع الإحترام الواجب لم أطلب نقاش أو أعشم فيه من شخص بعينه
وشخصيا اناقش أو لا أناقش الموضوع المطروح ولا يهمنى إن كان صاحبه جادا أم لا.. وحين أتساءل (هل انت جاد) فهذا من باب التعجب وفى إطار النقاش وليس بديلا عنه..
|
Post: #21
Title: Re: ترشيح حميدتى لإدارة جامعـة الخرطــوم
Author: امتثال عبدالله
Date: 10-20-2022, 07:18 PM
Parent: #20
إلا جامعة الخرطوم يا ابو الريش ....لازم مدير الجامعة يكون بروفيسور ويكون متخرج من نفس
جامعة الخرطوم عشان يقدر يدير الجامعة دي...
حميدتي ممكن يكون رئيس الجمهورية وممكن يكون وزير ...لكن مدير جامعة الخرطوم ..مستحيل ....
|
Post: #22
Title: Re: ترشيح حميدتى لإدارة جامعـة الخرطــوم
Author: Abureesh
Date: 10-21-2022, 04:29 PM
Parent: #21
يا إمتثال فى مثل إنجليزى سمعتى بيه؟
المثل يقول: Penny-wise-pound-foolish
(يلقط الملاليم ويبذر الجنيهات)
حميدتى الان حاكم السودان كله.. بجامعاته وخلاويه وولاياته.. شنو يعنى لو بقى مدير جامعة واحدة وترك باقى سلطاته الأكبر
|
Post: #23
Title: Re: ترشيح حميدتى لإدارة جامعـة الخرطــوم
Author: Abureesh
Date: 10-21-2022, 07:34 PM
Parent: #22
| Quote: .. طيب هل هناك حل ان نجعل ادارات الجامعات مستقلة مثل المراجع العام و النائب العام و كدة ؟ |
هلا محمد بدرالدين
لا يستقيم الظل والعود اعوج.. عارف تباكينا على الفترة القاعدين نقول عنها كانت ديمقراية..
فى واحد قائد حزبى من اكبر الاحزاب.. فى الفترة الدينقراطية لما الاساتذة اضربوا:
|
Post: #24
Title: Re: ترشيح حميدتى لإدارة جامعـة الخرطــوم
Author: Abdelrahim Mohmed Salih
Date: 10-21-2022, 07:42 PM
Parent: #23
إذن انت تتحدث عن الرجل الذى تسبق اسمه صفه القاتل كما تواضعت اراء المنبريين هنا ب اقتراح موفق حسب رأى من صاحب الحوش السيد بكرى
هذا التعليق فقط لتثبيت المعلومه ومحاوله معالجه الدهشه
اعان الله السودان على الاصدقاء و الاعداء فى استواء وتقلبات الاحوال وليهنأ القاتل ب شرعيه الواقعية السياسية التى تصنع فى اطراف بعيده
|
Post: #25
Title: Re: ترشيح حميدتى لإدارة جامعـة الخرطــوم
Author: Hafiz Bashir
Date: 10-21-2022, 07:55 PM
Parent: #24
Quote: لا يستقيم الظل والعود اعوج.. عارف تباكينا على الفترة القاعدين نقول عنها كانت ديمقراية..
فى واحد قائد حزبى من اكبر الاحزاب.. فى الفترة الدينقراطية لما الاساتذة اضربوا: |
كدي يا أبو الريش اشرح او أعرب او أعمل أي حاجة لما تحته خط.
يمكن بعداك نفهم إنت داير تقول شنو في مداخلتك دي.
|
Post: #26
Title: Re: ترشيح حميدتى لإدارة جامعـة الخرطــوم
Author: Abureesh
Date: 10-21-2022, 09:19 PM
Parent: #25
مرحبا حافظ.. بس الهدف كان انو القصة كلها طين فى طين
رجل قيادى فى اكبر الاحزاب.. وكان رقم اتنين فى الحزب.. علق
على اضراب السكة حديد والمعلمين.. علق على اضراب المدرسين بالذات.. قال عرفنا عمال السكة
حديد.. (الهولات) ديل كمان مالهم؟
تخيل دا فى ما عرف بزمن الديمقراطية..
|
Post: #27
Title: Re: ترشيح حميدتى لإدارة جامعـة الخرطــوم
Author: Abureesh
Date: 10-22-2022, 00:32 AM
Parent: #26
Quote: كدي يا أبو الريش اشرح او أعرب او أعمل أي حاجة لما تحته خط.
|
واللاى يا حافظ خذلتنى.. انت أوعى من أن تفوت عليك غلطة إملائية زى دى.. المهم..
|
Post: #28
Title: Re: ترشيح حميدتى لإدارة جامعـة الخرطــوم
Author: Hafiz Bashir
Date: 10-22-2022, 00:56 AM
Parent: #27
😂😂😂
يا ابو الريش إنت قرايتك لكلامي وردك الأول عليهو كان كويس
تاني مالك رجعت للقراية الغلط؟
هسه عشان كتابتك الغلط وقرايتك الغلط دي أنا برشحك كوزير لوزارة القراية والكتابة
ولو تم تعينك ما فارقة حميدتي يبقى مدير لجامعة الخرطوم.
والتمطر حصو.
😂
|
Post: #29
Title: Re: ترشيح حميدتى لإدارة جامعـة الخرطــوم
Author: Salah Zubeir
Date: 10-22-2022, 08:19 AM
Parent: #28
اؤيد ابو الريش فيما إقترحه ...
بغض النظر عمن حكم البلد كرئيس سواء عسكري
أو مدني (واثنينهم يعتبرو من طبقة المتعلمين برضو
ولو شرفيا) ... كل الوزارات والمصالح والادارات والشركات
العام منها والخاص أدارها المتعلمون من طبقة البروفسيرات
مرورا بالدكاترة وخريجي الجامعات ... بعد ٦٦ عام
من الإستقلال النتيجة كانت ترزح البلد في نير الفاقة ...
بعد ٦٦ عام من الإستقلال لم ينجح أحد من هؤلاء
المتعلمين في قيادة موقعه للأحسن ...
الغباء زي ما قالو فوق هو أن تعمل نفس العمل مرتين
وتتوقع نتائج مختلفة ... خلونا من حجوة المتعلمين دي ...
|
Post: #30
Title: Re: ترشيح حميدتى لإدارة جامعـة الخرطــوم
Author: Arif Nashed
Date: 10-22-2022, 03:48 PM
Parent: #29
https://www.0zz0.com
|
Post: #31
Title: Re: ترشيح حميدتى لإدارة جامعـة الخرطــوم
Author: Abureesh
Date: 10-23-2022, 05:45 AM
Parent: #30
أشرح الدينقراطيـة..
شكرا يا عارف على التنبيـه.. وبعد ان ذكرت المعلوم بالضرورة من خطأ إملائى.. ولكن كاريكيتيرك دا خلانى أستفيد من الكلمة دى.. ويمكن استعمالها لتعنى لبوس الدين بالديمقراطية.. لذلك
سوف اسمى نظام حكم السودان بالدينقراطية.. حديث لأبى الريش أورده عارف ناشد وقال فكرة حسنة.
نظام الحكم فى السودان هو النظام الدينقراطى
|
Post: #32
Title: Re: ترشيح حميدتى لإدارة جامعـة الخرطــوم
Author: muntasir
Date: 10-23-2022, 06:09 AM
Parent: #31
سلام أبوالريش بعد كلامك وعبدالله مشيت عملت بحث فعلاً كلامك صحيح لم أجد الحديث ولكن وجدت كم حديث ضعيف فيه أبشروا صعاليك المهاجرين ومن السياق يتضح أن لفظ صعاليك يقصد به الفقراء أو المستضعفين والله أعلم
|
Post: #33
Title: Re: ترشيح حميدتى لإدارة جامعـة الخرطــوم
Author: Abureesh
Date: 10-23-2022, 06:55 AM
Parent: #32
| Quote: سلام أبوالريش بعد كلامك وعبدالله مشيت عملت بحث فعلاً كلامك صحيح لم أجد الحديث ولكن وجدت كم حديث ضعيف فيه أبشروا صعاليك المهاجرين ومن السياق يتضح أن لفظ صعاليك يقصد به الفقراء أو المستضعفين والله أعلم |
الشئ المؤسف يا منتصــر الاخ عبدالله برضو جاب نفس الحديث بعد أن سألته عن مصدر الحديث.. يعنى بدل يجيب ليك مصدر الحديث جاب حديث مختلف.. كأنه كلمة مشتركة مثل "صعالك" تبيح لأى شخص أن يؤلف حولها حديث جديد.
|
Post: #34
Title: Re: ترشيح حميدتى لإدارة جامعـة الخرطــوم
Author: هشام الدرديري
Date: 10-23-2022, 07:19 AM
Parent: #1
اياهو الفضل
|
Post: #35
Title: Re: ترشيح حميدتى لإدارة جامعـة الخرطــوم
Author: Abdelrahim Mohmed Salih
Date: 10-25-2022, 08:30 PM
Parent: #34
بختوا حميدتي تحول الى خيار وعقبال يمسح ماضى الذكريات:)
|
Post: #36
Title: Re: ترشيح حميدتى لإدارة جامعـة الخرطــوم
Author: Abureesh
Date: 10-25-2022, 09:34 PM
Parent: #35
Quote: بختوا حميدتي تحول الى خيار وعقبال يمسح ماضى الذكريات:)
|
القحة ولا صمـة الخشــم.. رحم الله أخونا السمالنى Cantona2 .
|
Post: #37
Title: Re: ترشيح حميدتى لإدارة جامعـة الخرطــوم
Author: Abdelrahim Mohmed Salih
Date: 10-25-2022, 10:20 PM
Parent: #36
ابدا يا ابوالريش بس انت ما فهمت المقصود
|
|