الحمام والجديان والغزلان فى الاغانى السودانيه

06:46 AM October, 15 2022

سودانيز اون لاين
مصطفى نور-امريكا نيوجرسي
مكتبتى
رابط مختصر

الحمام والجديان والغزلان فى الاغانى السودانيه وكلهم وصف للغيد الحسان

حمام الوادي كلمات

حمام الوادي يا راحل
مع النسمة الصباحية
مع الياسمين من الليل
تواصل رابيه منسيه
صغارك مشتهين ترجع
تضم العش بحنيه
مش حرام تسيبهم للريح
وانت عارف القسا ما شويه
تقول لي ماشين من بكره
مهاجر لوطن ثاني
مفارق خضرة النيلين
وعشك فايتو وحداني
وطن بالعزه رباني
اهداك جو تعيش فيه
اهداك غيم تطير ليه
وجوه عيونه خلاني
بلادك حلوه ارجع ليها
ودار الغربة ما بترحم
وطوف بجناحك الوادي
تلقى الخضره تنسى الهم
فيها ورد الضفاف الساقيه
ضمه عليك وتنسم
تعال لاهلك الطيبين
ملوك العزه ما بتندم
ملوك العزه ما بتندم

اّن حمامى
آن حِمامي ناح حمامي
عشان ياحبيبي
ما حفظت زمامي
لو حفظت زمامي
وجيت جلست أمامي
كنت طبت وزال إحتمامي
بتقبيل قدميك يا زهرة كمامي
انت قدرك سامي
للثريا وسامي
هواك أضحى وسامي
العفاف والرقة
يا حبيبي رحامي
ما استطعت أجيب معاي محامي
يحمي الفؤاد حامي
الحمى المن نار هواك الحامي
يا حبيبي غرامي
لي دايماً رامي
متين تجود بمرامي
يا عزيزي يا صفوة كرامي
مهما تزيد آلامي
برضي عاشقك يا نور
نور ظلامي
وآخر ما اقول في كلامي
شكراً ..
بعدو بهدي سلامي
ليك يا حبيبي

ياحمامة مع السلامة ظللت جوك الغمامة
سيري في جوك المعطر
وانشدي شعرك المسطر
قولي لي الشادن المبطر
زد دلالاً وزيد وسامة
ياحمامة مع السلامة ظللت جوك الغمامة
انشدي الشعر بين دوروا
علو يذكرني في خدوروا
اوعا يلعب عليكي دوروا
يسكنك عاد في المدامة
أساليهو عن المحبة
عن فؤادي الذي احبه
ليتو يسال عن الاحبة مرة في عمرو ياحمامة
ياحمامة مع السلامة ظللت جوك الغمامة
الغرام ناس فيهو ساكن

اين حبي وذكرياتي اصبحت روحي مستهانة
ياحمامة مع السلامة ظللت جوك الغمامة
كلميني عن المودة كيف ضاعت وكيف صدا
بعد ذلك إستبدا قابل الجبرة بإبتسامة
الجمال ياحمامة فاتن
فيه اروع من المفاتن
كل من يعشق المحاسن قل أن يوجد السلامة
ياحمامة مع السلامة ظللت جوك الغمامة
 

ود الرضى
"""""""""
حمام الايك
"""""""""
ياحمـــام الايك سجعــه وأســـألن الله رجعــــــــه
النسيم سارقنى هجعه زال لى عله وزادنى وجعه
اشتهيت من بعده ضجعه يانسيم أرجوك رجعــــــه
لى لمــــــــاك عزّه عـــــــزّ وجـــــــــــواكى لى أزّ
دمتى فى التيــــــه والمعزه ليت لو عــــــــزاى عز
كلما اتصور صبــــــاك قلبى يهتــــف لى صَبـــاكى
للحمـــــام أفضل أباكى واســـــــأل الله يزيد نباكى
لا بتزورى ولابتزارى كنت أوفى ليــــــك نــــــــزارى
عزّه ناوحـــت الهزارى وتهت فى حب العـــــــــزارى
جــــارى منى ياجارى مالك ألم أكن جار شمــــــالك
ألم أصن بهجـــــت جمالك؟ليه منى تدس جمـــالك
قال لى وحيات أصــــدقاك قلبى ياخــــــال ما أنتقاك
خفت من هيبة تقـــــــاك خفت بى يزداد شقــــــاك
ديمه فى شكرك جهودى وديمه غارق فى رهـــودى
انت أظن عاجبك سهودى مسلمـــه وقلبـــك يهودى
ياسلام يا الداس جمالك يا القساك أسباب كمـــــالك
خــــدك البنريده مالك خـــاتو فى كفت شمــــــــالك
امكن اتصورت حالى ولاح لعينيـــــك انتحــــــــــــالى
أو طريت وجدى المحى لى هذا من عين المحــــالى
شعرك اللى الماشطه قلق يسترك لو كــــان مكـــلق
ريدى لى غيــــرك مغلق مـــــــالى والخــــط المعلق
ياالبخيـــل بمواصلاتك ياالقســاك حـــــدق حلاتــــك
طرفى يتمتع فى ذاتك وانت فى ركعــــة صــــلاتك

ينوحا ليل حماماتن - ابراهيم عبد الجليل/ محمد ود الرضي
ينوحن لي حماماتن همن عيني غماماتنبريدن شوقي لي لماتن
هياب رعاب جمال فاتن.... ولا شي في الادب فاتن
تتوق الروح لشوفاتن .............وارجف حين موافاتن
سكينة تجلى فصادن............ قلوب الادبا مرصادن
قنابل ترمي قصادن............. فهن صادنه ما صادن
وجن توب الحيا لباسن........... نزل نور القمر باسن
اهين وارضي حباسن ........يفر قلبي ويخاف باسن
عسف بندن حف جلادن .......وضيبن هدهد اللادن
عفافن عف تيلادن......... بسوق القوق علي بلادن
ما بين الشادي والشادن ..........تحير فكره نشادن
خدودن جل ورادن............. جميع الشاهدن رادن
نديم قول لي هن ياتن........... مهاة رامة وظبياتن
نسيم شيل لي تحياتن........... وخصص بيها نياتن

كلمات عبيد عبدالرحمن ياحمام بالله أسـجع لي..

ضاع صبري اين ياوصـلي..
قلبــي بنارالغرام مصـلي
ياعـهود امالي أنفصــــــلي..
مابقيـف من النـويح أصلي
عقلي يوت كل ساعة ينقص لي..
فيك ضاع ياطـيبة الأصلي
أيه ده ليل والبدر واضـح لي..
ام ده دعسـك محيو فاضــح لي
يالعيون عاد روقـي وحـلي..
خفي رمشك ده المجـرح لي
زاد من نار الصدود وجلي..
يامعاني الشـعر والزجــــــــلي
باهي جيدك والخــديد مجلي..
ترى ده الهـلاك في الأعين النجـلي
ليك نسايم الشوق دوام رسلي..
في هواك كم ضايع مثــلي
ماسليتك وأنت كيــف تسلي..
وأنا صرت ميت وميت والدموع غسلي
مالي ياليل الهم تجمع لي ..
ديمـه يا نيراني تشــتعـلي
يابدر بالله أســطعـلي..
وياسـهيل أرجـوك تسمعلي
ترمي محييك في الكـــفل تعلي..
تفني قامتك بالصـدير تعـلي
ياحمام بالله أسـجع لي..
ماله ضـــايع في الخيال فعلي

كلمات : محمد عمر عبد الرحيم
ألحان : عبد الرحمن عبد الله وغناء الفنان عبدالرحمن عبدالله

( الرمية للشاعر : عبد الله محمد خير )
ساعة ساعة أنا بتاوقن
ولحظه ما بقدر أفارقن
لي عيوني الشوق حارقن
والدموع داير تغرقن
والدن قال ما يمرقن
خايف النظرات تلحقن
وخايف العين لاتعوقن
هن وين تانى بيتلقن
ولى يخفظن الخالقن
متلى كم زول مات بالشجن
وقبلى ود الزومه اتسجن
كان زمان لى شتلو بيسقن
وديمه فى اللوبه يورقن
مره فى القعده ينقنقن
يحلفنو ولا يصدقن
أنا ما بخاف الموت والسجن
ولسه جسمى الصدى بتعجن
جدى الريل ابو كزيمة
تعال نتمشى فى الغيمة
ماغيمة ريد تكب فى ريهدة
شواطيهو الخدر ديمة
نصارحك لا نخاف إنسان
ننسى الماضي والأحزان
نلاقى القمري لابس الطوق
يغني يغني للوجدان
يفر جنحيهو زى توبة
يصفق للزهور نشوان
جدي الريل أبو كزيمة
تعال نتمشى في الغيمة
ما غيمة ريد تكب في رهيدة
شواطيهو الخدر ديمة
أنت هناك ياحليلك
بفر فى قلبى ونشيلك
وتلقى الدنيا ياحبيب
تشيل افراحه تمشيلك
جدى الريل ابو كزيمة
تعال نتمشى في الغيمة
ما غيمة ريد تكب في رهيد
شواطيهو الخدر ديمة
جدى الريل ابو كزيمة
تعال نتمشى فى الغيمة
ماغيمة ريد تكب فىريهدة
شواطيهو الخدر ديمة عرض أقل

ما بنسي ليلة
كلمات الاستاذ/ محمد بشير عتيق
ما بنسي ليلة كنا تايهين في سمر
بين الزهور انا وانت والنيل والقمر
وين يا جميل يوم كنا تايهين في سمر
من انسنا اتمتعنا بي جني الثمر
كم قلبي بالانفاس لانفاسك غمر
الجو سكر من ريك اتعطر خمر
ما بنسي ليلة كنا في شاطي النهر
نتعاطي خمر الحب بكاسات الزهر
والبدر مزق ظلمته و سفر ازدهر
في النيل سطع بي نوره واتقطع بهر
الليل هدا والجو صفا وغاب الاثر
النسيم بجيب من توتي اصوات المتر
اتا يا جميل بي صوت ضميرك المستتر
من شعري كم اسمعتك الحان في وتر
شفت النجوم تنظرنا بي نظرة شذر
لما القمر في افقه بغيابه اعتذر
صافين عفاف ياحبيبي خالين من قدر
في هوانا لا واشي ولا مراقب حذر
انا بي غرامك ياحبيب دمعي انفجر
وانا بي غناك ايقظت سكان الشجر
قبال اراك انا كنت في حيرة و ضجر
اليوم حظيت بلقاك يا ظبي الحجر

أنا في التمني – غناء خلف الله حمد
كلمات ود الرضي
أنــا فــي الـتـمني ديـمـه هـديلي سـاجع
مـا لـقيت لـي مـغيث ولا لـقيت لـي مـراجع
داير أشوف حبيبي اليوم داك شفته رايق ودمعه ناقع
أســود شـعـره حـالـك أمـا صـفاره فـاقع
تـتـلاصف خــدوده لا حـجـاب ولا بـراقـع
أشـوف لـعسو ونـواعسو جـل الـباري صانع
أشـوف فـي خـده شخصي وفي صدري المصارع
يـفـر خـيط بـسـمه بـرقـاً لـيـله هـاجـع
يـرفـع لــي رشـاشـه يـسبل نـظره واقـع
دايــر أشـوفو غـافل ودايـر أشـوفو جـاذع
يـتـغطى بــي سـواعده ومـحنو كـان واجـع
يــردد لــي نـغـيماً تـشتاق لـي الـمسامع
أعـاين فـيه وأضـحك وأجـري وأجـيه راجـع
مـتـلاعب لـيـس إلا مــا مـوضوع مـطامع
أقـيـس بـالليل شـعره ألـقى الـفرق شـاسع
دي مــا بـيـلقاها زولا زي أنا صـيـدو نـاجـع

محيك البدري
الشاعر / أبو صلاح
نغم زي محيك البدري
غرامك منه ضاق صــــــدري
حبيبي بي العلي تــدري
***
المَحَي نور ليلة القدر
نصب قوس حاجبه لي غــدري
و معاك في داخل ألخدري
فؤادي المالكة من بـــــــــــدري
***
حياتي ونعمتي ويسري
رضيت لو يرضي بي أســــــري
وفرض يا دموعي تنتثري
إذا منــه النسيــــم يســــــــــري
***
حمام الأيك والقمــري
يصيح ينبيــــك عــن أمـــــــــري
وبين عوا سلك السمري
روا يحي وفاكهتي وخمــــــــــري
***
أراك وتوفي بي نذري
دموعي ألفي الوجــن تـــــــــزري
حنانك ما عليك وزري
أنا قاسيت الهوى العــــــــــذري
***
صحيح لجروحي لا تبري
هواك برضــــــاي مـا جبــــــــري
وبسيمات فاهك ألتبري
يا جمــيل كم قللت صبــــــــــــري

عازه الفراق بي طال
وسال سيل الدمع هطال
طريت برق الفويطر الشال
وساح دمعي البكب وشال
كمل صبري ومنامي انشال
لبس من ناري عمه وشال
أرض آمالي في امحال
ومن الهم بقيت في أوحال
وبعدك عزه ساء الحال
منامي وصبري أضحى محال
حليل الناسا وناسا
طريت أم در حليل ناسا
وكيف أنساها وأتناسا
ومفتون بي ظبي كناسا
ولع جوفي جمري الحي
وما بتطفيه آه وأحي
فيا زينة ربوع الحي
لي دياركم يعود الحي

أسمعني واشجيني
غرد يا حمام أسمعني واشجيني بذكرة الأحباب بالله ناجيني
رحماك نجيني من دي الهموم البي من قاع سجين
خلي الهنا يجيني وخلي السرور يصبح في طيه زاجيني
تبريحي صاليني وهيامي زاد أضعاف ومنامي ساليني
قول انت سليني خلي اليزول عني ألمي المواليني
أنا شوقي ماليني والبين برى جسدي بنوايبه باليني
يا دمعه بليني ويا قسوة الأيام فتي الحدود ليني
مين غيرك يشفيني ومين غيرك انت يعيد صبري المجافيني
قول ليه صافيني زمني القصد هجري في هاوية خافيني
غاب رشدي أهديني في ملتقى النيلين اتغني أشديني
على توتي عديني تجد الأدب فطري وتجد الحيا الديني
سجعك يواسيني ورجايا فيك يا حمام يوم موتي ترثيني
أصعد وناديني و أقصد رياض شمبات طير بي وديني
في غناك أفديني و اندب هناك حظي وسعدي المعاديني
بطرى البساتين وبطرى الشذى الفواح والمسك والتين
يا جنه فتيني هل بعد هذا رجوع ؟ يا حظي أفتيني
ان رمت ترويني مروى العطيش في اب روف. بجرعه داويني
في جوفي كاويني حب الفريد في أم در من قبل تكويني

غزال البر يا راحل
والشاعر الرقيق : عبيد عبد الرحمن
---------------.......--------------
غزال البر يا راحل حرام من بعدك الساحل
أنا المن حالى ماك سائل
أنا المنى الفؤاد مضنى أنا المنى الدمع سائل
أعانى عذابي الهائل
أخذ منى الفؤاد مأخذ ونال منى الهوى نايل
غبت عن العيون أما الفؤاد بي ذكرتك آهل
فراقك يا حبيب قلبي على ما تظنه شى ساهل
ظهر فى وجهى تأثيره وصبح منى الفكر زاهل
وتعرف كل ده ولكن تقيف عن أمرى متجاهل
سمير الأنجم الزهرى ليلى بنهاره متواصل
فقدت منامى وأحلامى ومافى من الألم فاصل
جميع ما أنت ترضاه جميل منك إلى واصل
تأكد ماكذبتك شىء وحات روحك هو الحاصل
أنا مجنون هواك لكنى أظهر مظهر العاقل
أخاف على حبك أضمضم أخاف يجد الكلام ناقل
أخيل خدك الأسل أخاف من لحظك الواقل
يشوفنى ويمضى تأثيره يسيبنى ويمشى متاقل
حبيبي تبين الأخبار إذا كان يوم يجيك عازل
يريد يوشيك عن امرى فأفهم أنه مترازل
أقول ليك الكلام الجد وما أنا فى الكلام هازل
وما أنا للوداد ناسى ولا عن حبى متنازل

ﺃﺳﻴﺮ ﻏﺰﺍﻝ ﻓﻮﻕ ﺍﻟﻘﻮﻳﺰ ..
ﻛﻼﻡ ﻏﺰﻝ ﻣﻌﺴﻮﻝ ﻟﺬﻳﺬ ..
ﺩﻣﻌﺎﺕ ﻋﺘﺎﺏ ﻣﻦ ﺯﻭﻻً ﻋﺰﻳﺰ ..
ﺳﺎﻟﺖ ﺑﺤﺮ ﺷﺎﻟﺖ ﻗﻠﻴﺐ ..
ﻓﻲ ﻛﺮﺩﻓﺎﻥ ...
مكتول ﻫﻮﺍﻙ يا كرد فان
ﻣﻜﺘﻮﻝ ﻫﻮﺍﻙ ﺃﻧﺎ ﻣﻦ زمان
ﺃﺗﻤﻨﻰ ﻳﻮﻡ ﺯﻭﻟﻲ ﺍﻟﻘﺒﻴﻞ ..
ﻳﻘﻄﻊ ﻣﻌﺎﻱ ﺩﺭﺑﺎً ﻋﺪﻳﻞ ..
ﺭﺣﻠﺔ ﻋﻤﺮ ﻣﺸﻮﺍﺭ ﻃﻮﻳﻞ ..
ﻧﻤﺸﻴﻬﻮ ﻓﻲ ﺭﻣﻞ ﺍﻟﺪﺭﻭﺏ ..
ﻓﻲ ﻛﺮﺩﻓﺎﻥ ..
ﺷﻮﻓﻲ ﺍﻟﻘﻠﻴﺐ ﻧﺎﺑﻊ ﺣﻨﺎﻥ ..
ﻣﻜﺘﻮﻝ ﻫﻮﺍﻙ ﺭﻏﻢ ﺍﻟﻠﻲ ﻛﺎﻥ ..
ﺭﻏﻢ ﺍﻟﻀﻨﻰ ﻭ ﻫﺠﺮ ﺍﻟﺤﺒﻴﺐ ..
ﻓﻲ ﻛﺮﺩﻓﺎﻥ ..
مكتول ﻫﻮﺍﻙ يا كرد فان
ﻣﻜﺘﻮﻝ ﻫﻮﺍﻙ ﺃﻧﺎ ﻣﻦ ﺯﻣﺎﻥ
.
.

يا غزال الروض
فيك رايح بالي... تفديك الروح اظهر لاتبالي يا غزال الروض
في دجاك يا ليل كم طيب هب لي.... ده الجنن قيس وكسير قبالي
ما بسمع فيك أقوال عزالي... بسمع وأطيع أمرك يا غزالي
طيفك في النوم لو كان يصحا لي.... أتغزل فيهو وينظر لي حالي
حبك يمزج اعضاي إجمالي... لو كنت يمين يهواك شمالي
متي مني يعود عقلي ويصحا لي... ده رحيق مختوم بي لجيجو الحالي
فيك راحت بالي تفديك الروح اظهر لاتبالي

أيام صفانا
كلمات الاستاذ/محمد بشير عتيق
أذكري ايام صفانا واذكري عهد القاء
والليالي الفي حبور
اذكري ايام صفانا والليالي الفيها متبادلين وفانا
جينا بي كل اقتراب
من حديث يشفي الجراح
بي مغازلة وانشراح
والقمر بي ضياهو آالق والنسيم يهدينا انفاس الزهور
كنا داخل روضة مافيش حد سوانا
غير ان القمري يهتف بي هوانا
من اهازيج فنه يسمعنا اسطوانة
اما ارواحنا الخفاف
رافلة في اثواب عفاف
زي عرائس يوم زفاف
والنجوم بي عيون تسارق في اشتياق
تنظرنا من خلف الستور
الرياض مبتهجة داخل اقحوانا
والزهور نديانة تستقبل اوانة
زاهية يانعة ورايعة في توب ارجوانا
والنهر لينا اقترب
والطيور تسجع طرب
عاملة موسيقة قرب
انحنا صار مجلسنا عامر في طرب
في غبطة في نشوة وحبور يا امير الحسن يا سامي المكانة
من عواطفك حبي لو فاقد مكانة
اهدي لي تفاحة بس او برتكانة
فهي غير شك مرضية
بيها اقتبس الضياء
بل اذوق طعم الحياة
انت ملهمني الاغاني
وانت مصدر فني
احساسي وشعوري