Post: #1
Title: جبريل قطعها حتى نيويورك ورجع بخفى حنين يا للخيابة!!!
Author: Hassan Farah
Date: 10-15-2022, 05:23 AM
Parent: #0
05:23 AM October, 15 2022 سودانيز اون لاين
Hassan Farah-جمهورية استونيا
مكتبتى
رابط مختصر
وزير المالية يقر بصعوبة استئناف دعم صندوق النقد والبنك الدوليين بدون حدوث تحول سياسي
أقر الدكتور جبريل ابراهيم، وزير المالية والتخطيط الاقتصادي، بصعوبة عودة صندق النقد والبنك الدوليين للقيام بالأعمال والاستثمارات المطلوبة تقديم الإعانات الكبيرة بدون حدوث تحول سياسي.
وأكد ، في تصريحات صحفية خلال مشاركة في اجتماعات صندوق النقد والبنك الدوليين في نيويورك، إنه أخطرهم بأن التحول السياسي المطلوب بات وشيكاً والسودان سيشهد تشكيل حكومة مدنية قبل نهاية العام . ووعد بأن تمضي الترتيبات والخطط بصورة جيدة .
دبنقا
تعليقات
يقولكوز:
14 أكتوبر، 2022 الساعة 6:16 م
انت كنت متوقع شنو لمن شاركت في ( ما بنرجع حتي البيان يطلع )؟!!!!
روسيا تمردت علي القانون الدولي ودخلوها في طيز وزه … نحنا بسببكم دخلونا في … يا الذكي زيكو زمانك
عبدالمنعم علي:
14 أكتوبر، 2022 الساعة 6:28 م
ولما بتهتفوا الليله ما بنرجع الا البيان يطلع ولما اعتصمتوا اعتصام الموز مطالبين بتدخل الجيش واستلام السلطه ما كنتوا عارفين ان المعونات والقروض ستتوقف ؟؟؟؟؟؟؟؟؟ عشان تعرفوا انكم لا تعرفون السياسه ولستم بسياسين وانما قطاع طرق ومرتزقه
حبه:
14 أكتوبر، 2022 الساعة 6:56 م
تحول سياسي إن لم يبقيك مواطن عادي زي حلاتنا فلا خير فيه لان نضالاتكم في الاحراش لم تسعفكم في الحصول على منصب معتمد فلولا تضحيات النضال السلمي للشباب الوطني الغيور و صاحب شعار كل البلد درافور لما كانت اتفاقية جوبا التي جعلتوها مناصب، عليكم التحول إلى مدنيين و ترك مناصبكم العسكرية في حركاتكم المسحلة فدون ذلك اصمتوا عن الحديث عن تحول ديموقراطي و توابعه من انتخابات.
غزالي:
14 أكتوبر، 2022 الساعة 8:49 م
انت فاكر الحكاية هزار.. الكلام كان واضح حكومة مدنية ذات مصداقية وعودة الانتقال كما كان قبل ٢٥ اكتوبر المشؤم..
يعني تحالفكم مع العسكر وحكاية تصحيح المسار طلعت فشوش.. ومفروض تحاسبوا على ضياع الزمن وتدمير البلد من كل النواحي..
لكن نقول برضوا الانقلاب له فوائد.. انها تم كشفكم للشعب السوداني واهل دارفور خصوصا.. بأنكم ما ناس قضية ولا يهمكم غير مصالحكم الشخصية والمناصب.. وانكم تعملون بكل جد من اجل ارجاع الفلول للمشهد لكن هيهات..
.. الحكومة المدنية القادمة كفاءات.. يعني لا جبريل لا مناوي لا اردول لانمو.. وده ما شماته ده عشان البلد تمشي لقدام..
كج:
14 أكتوبر، 2022 الساعة 9:08 م
يقر … بصعوبة عودة صندق النقد والبنك الدوليين للقيام بالأعمال والاستثمارات المطلوبة تقديم الإعانات الكبيرة بدون حدوث تحول سياسي.)))؟
وكيف يصدقان بحدوث هذا التحول السياسي ومثلك من يسمي نفسه وزير المالية ويمثل السودان أيها .....؟! ألم يأتي هذا الدعم في مرحلة تحول سياسي اطمئنت هذه المؤسسات الدولية وجئتم أنتم وخربتم كل شيء أيها الحقدة وحرضتم العسكر على الانقلاب على السلطة المدنية المعترف والمتعاطف بها دولياً فغير المجتمع الدولي نظرته ودعمه للسودان بسببكم وبكل بجاحة ماشي تفاوضهم أنت وأمثالك كال...... الآخر الذي ذهب يشحت في فرنسا بعد أن طاف بالعرب بقرعته ولم يعطوه الله لا كسبكم يا غربان الشوم
ادم عبد الله:
14 أكتوبر، 2022 الساعة 9:31 م
مصيبتك الكبري أنك انسان منبوذ…
مافي حد قابل بيك لا داخليا ولا خارجيا..
مكانك الصحراء….
معلم:
14 أكتوبر، 2022 الساعة 11:34 م
طيب انت كنت مفتكر حاجة غير دي؟
من شاركت في الانقلاب ما عارف دا بحصل؟
كم خسرت الخزينة العامة من دولارات في سفرك دا؟
سوداني مُستغرب:
15 أكتوبر، 2022 الساعة 12:13 ص
مرحباً حمار الجنينه لقد ظهرت عليك بوادِر الفهم الذي أجزم بانه يضل طريقه الى قرعتك اللاقجه!!!
|
Post: #2
Title: Re: جبريل قطعها حتى نيويورك ورجع بخفى حنين يا
Author: Abureesh
Date: 10-15-2022, 05:43 AM
"وأكد ، في تصريحات صحفية خلال مشاركة في اجتماعات صندوق النقد والبنك الدوليين في نيويورك، إنه أخطرهم بأن التحول السياسي
المطلوب (بات وشيكاً) والسودان (س)يشهد تشكيل حكومة مدنية قبل نهاية العام . و(وعد) بأن تمضي الترتيبات والخطط بصورة جيدة ."
يا شباب واحد يكلم الجماعة ديل إنو البضاعة دى ليست للعرض خارج السودان.. يشتريها السودانيون فقط.
نوع بات وشيكا.. و سيشهــد و (وعد)... الخ.. الكلمات دى يا دكتور جبريل صنعت خصيصــاً للســودان. ما تتعبوا تسوقوها برة.. ناس برة منتظرين
منكم الإنجازات العملتوها فعلا ولا يضر لو ذكرتم فى اخر القائمة شوية اعمال قاعدين تعملوها هسى وانجزتم نسبة كبيرة منها لا تقل عن 30%، ولكن
أوع تقولوا ليهم ح (نعمل).. دا عيب وهم ما حيقولوا ليكم حاجة.. لكن بس يخجلوا ليكم ويمسكوا قريشاتهم عليهم.
|
Post: #3
Title: Re: جبريل قطعها حتى نيويورك ورجع بخفى حنين يا
Author: Hassan Farah
Date: 10-15-2022, 05:54 AM
سلام الاخ ابوالريش
الفكى جبرين سقط سياسيا ومعرفيا لو امتلك شوية نخوة مفروض يقدم استقالته
وزير المالية فى الحكومة البريطانية ارتكب اخطاءا جسيمة تمت اقالته فى الحال والفكى جبريل خرب البلد كلها ومازال مكنكش فى كرسى الوزارة.
|
|