Post: #1
Title: يا ناس الأرصاد الجويـة - امشوا بيوتكم.. الفطور والشاى فى البيت أحسن
Author: Abureesh
Date: 10-11-2022, 12:02 PM
12:02 PM October, 11 2022 سودانيز اون لاين
Abureesh-
مكتبتى
رابط مختصر
هطلت حوالى 9 مليمتر من الأمطار أمس فى ولاية الخرطوم .. و6 مليمتر فى مدنى و 5 مليمتر فى بورتسودان.. طيب ما نحن عارفين.. البيوت الوقعت وقعت والغرق غرق.. لزوم (الحكى) دا شنو؟!..
فى كل أقطار الأرض توجد وظيفة اسمها فوركاستــر.. المتنبى.. وفى النشرة يقولوا ليك (بكرة) بل ينشروا قائمة أحوال الطقس لعشرة أياكم
لقدام .. موش أمس وأول أمس.. ويذكروا نسبة الأمطار موش فى ولاية الخرطوم، بل فى ام درمان كم، وفى بحرى كم .. والامطار جاية فى العصر واللا فى الصبح
واللا فى المغرب.. واللا جاية متقطعة.. أنتو طول اليوم تقضوها فطور وشاى وجبنة، وفى النهاية تنشروا لينا حالة الطقس أمس كانت كيف.. هل أمس تحتاج الى
متنبى واللا كافور الأخشيدى؟ كل زول عرف أمس الحال كيف واكتوى بناره.. العربيتو وحلت فى وسط الخرطوم، والإنقطع بيه الدرب فى نفق مول عفراء.. كل
الناس عرفت أمس الطقس كان كيف.. مهمتكم شنو انتو؟ تشمتوا فى الناس اللى عانت من الطقس أمس يعنى؟
فى الدول المتقدمة فى اوروبا وأمريكا والصين وغيرها.. حتى الدول الغير متقدمة.. وأوع تقولوا لكن دى دول متقدمة.. تتقدم واللا تتأخر لا يعنى شئ.. معلومات
الطقس مبثوثة بالأقمار الصناعية على كامل سطح الأرض.. وفى حاجة اسمها سوفتوير سمعتم بها؟ السوفتوير دا يشتروه بدراهم معدودة مقارنة بما يلهطه وزراؤكم
وإداراتكم.. السوفتوير دا هو اللى يستقبل معلومات الأقمار الصناعية ويفسرها وكمان يترجمها بالعربى عشان لو واحد فيكم كان قادى إنجليزى برضو يفهم.
تانى بالله أخجلوا من نفسكم ولا تنشروا اخبار الأمس.. خلوها للحريم يتكلموا عنها فى تلفوناتهم ..
|
Post: #2
Title: Re: يا ناس الأرصاد الجويـة - امشوا بيوتكم.. الف
Author: أبوبكر عباس
Date: 10-11-2022, 01:49 PM
Parent: #1
أرجو من الأخ أبو الريش الاعتذار للاخوات عن التنميط الذي ورد في البوست ووصف فيه الكنداكات المناضلات بقلة الشغلة والونسة الفارغة.
|
Post: #3
Title: Re: يا ناس الأرصاد الجويـة - امشوا بيوتكم.. الف
Author: Abureesh
Date: 10-11-2022, 02:22 PM
Parent: #2
| Quote: أرجو من الأخ أبو الريش الاعتذار للاخوات عن التنميط الذي ورد في البوست ووصف فيه الكنداكات المناضلات بقلة الشغلة والونسة الفارغة. |
يا أخ أبوبكر لو تكرمت ممكن تفصل شوية.. متين نمطت الكنداكات.. ومن جاب سيرة الكنداكات بالأصل
التنميط غير محمود وبرضو الكلام العام
|
Post: #4
Title: Re: يا ناس الأرصاد الجويـة - امشوا بيوتكم.. الف
Author: Abureesh
Date: 10-11-2022, 06:30 PM
Parent: #3
ارجو من الاخ ابوبكر الاعتذار عن اتهامى بما لم اقله..
ولكن لو الاخ ابوبكر يعتقد ان الكنداكات (حريم) ولسن (نساء) متحررات
من عقابيل عهد الحريم.. لو يعتقد ذلك فهو معفى من الاعتذار
|
Post: #5
Title: Re: يا ناس الأرصاد الجويـة - امشوا بيوتكم.. الف
Author: Asim Ali
Date: 10-11-2022, 09:17 PM
Parent: #4
ناس الارصاد حتاهم الراصد منذر الحاج فى فتيل
لدرجه طلعو بيان يقلل من اثر منذر الحاج ويتهمه بالتغول على مجتمع الارصاد
الجماعه لقو نفسهم قاعدين فى مكاتب حكومه
فى وقت شاب بمجهودبسيط وادارة جيده قدر يقدم خدمات وحتى اسلوب عرض وخطاب يختلف عنهم
ومازالو عايشين على النشرات التقليديه
|
|