اخيرا مدير جهاز المغتربين طلع فاهم عن البقر والا قنع من الزريبة؟

12:59 PM October, 03 2022

سودانيز اون لاين
HAIDER ALZAIN-
مكتبتى
رابط مختصر

الاجابة عاوز يكبر الزريبة ههههههههه



فجاءة كدة قريت ليه حوار في السوداني قال فيهو إنهم - الدولة - بتتعامل مع المغتربيـن كبقرة حلوبة ولّادة :)

واعترف بانه البقر اصبح غير قادر على تجديد جوازه في دول زي السعودية ولبنان ومصر وغيرها ودا للزيادة الغير مبررة في في الرسوم
الكانت مثلها ومثل بلع الفأس ..لكنه قادر على بلع الإبرة..
رغم انه بحلقومه دا مفروض حتى الفأس يبلعها


بس الشئ المطمئن في الامر انه لسه عنده استراتيجيات ودراسات ولديهم حوافز وخطط وضمانات للمغترب خاصة وانه البقر قادم من دولة عندها امكانيات وموارد ومامفروض يهاجر.
ودي حاجة تشرح الصدر وتنعش الامال بانه اذا نفذنا السياسيات ووضعنا التشريعات وبدينا المعالجات الفورية فكله سينجح والمغترب سيفرح والدولة تستفيد لكن على المغترب مساعدة نفسه
عبر مساعدة الدولة بالحليب والقشدة والسمن ومعاهن شوية جبنة كدة لتنفيذ مشاريع سعادته الطموحة لتوفير العشب المخدر للبقر ليسرح ويمرح حتى توافيه المنية في حديقة احلام الدولة السعيدة

المهم كويس انك اخيراً قلتها يا مكين في ظل سعيك لتحويل جهاز الجباية الي مفوضية الجبايات .. :)

بس سؤال انت انت مديرك وبتتبع لي منو يا تو وزير من وزراء الانقلاب جبريل والا بتاع الخارجية ام لراس البرهان مباشرة ؟

السؤال دا شغل بالنا كثيراً في بوست الترحيب بيك وبتعيينك المأمون




مكين تيراب ما بعرفوا لكن جهاز مغتربين لي شنو؟


..

العاوز ممكن يراجع الحوار فهو في موقع صحيفة السوداني..
والا يرجي بكرة

هسه ورانا حلابة ..
حِلابة جد :(

هههههه بالله فى ( جهاز ) للمغتربين موجود ، عشان يجهزو عليهم
وين الزول الاسمو مكين ولا دكين الجابوهو من السعودية بعد الثورة ، قالو كان فى السعودية بتاع كشاتين بس ، فجأة لقى نفسو مدير كبير فى جهاز خطير فقام فك البائظ ، وهسة الكلام تحت تحت قالو دة زول حميدتى ، غايتو المغتربين مصيبتهم كبيرة