من حكاوي ناس الشربه

03:46 PM October, 02 2022 سودانيز اون لاين
أبوذر بابكر-
مكتبتى
رابط مختصر

(adsbygoogle = window.adsbygoogle || []).push({});(١)السودان السعيد، الكان قبل عام الرمادة سنة ٨٣
الغتس حجر البلد لما هو ابعد واعمق واحلك من الدرك المضلم وسحيق
وال لغاية الآن البلد وناس البلد بدفعو في تمنو

كان بلد سعيد فعلا وعملا وقولا، كان ذاخر ومحتشد بحياة العالمين الهنية ورضية وسخية وطيبة وممتعة

من الحكاوي الما بتتنسي كنا وفي فترة ما بعد انتفاضة ٨٥
ونحن خريجين جداد بنمش نقضي الامسيات مع شلة من اصحابنا وكلهم كانو من ناس سوق امدرمان
كانو عذابة وعندهم بيت في سوق الشجرة في ابوروف
والبرنامج المعتاد بعد السوق ياهو الونسة والحريق والانفاس الخدرا من غير سوء
الايامات ديك كان طالع شريط كاسيت بتاع البلابل والموصلي، وبرضو حنان بلو بلو كانت طالعة في كفر الغنا
وكانها ميسي في كاتالونيا

وبعد صلاة العشاء، ببدا برنامج الشربه
اول الطقوس طبعا لم ال "الشيرنغ" ل حلة العشا والشربة
ومن شدة انس وحلاوة تلك اللمة الجميلة، بقت تجذب ناس تانين من خارج الشلة ومجموعة الأصدقاء

ومن ضمنهم عمنا ع. ا. وهو في سن ابواتنا
كان سمسار في السوق وممتلئ بروح الشباب وسماحة الروح وطيب المعشر واللطف والعفوية لدرجة فياضة

عمك بقى مداوم علي حضور الامسيات الانيسة الرحيبة وبرنامجه شبه دائم وراتب

في يوم وبعد اكتمال نصاب المتعة والونسة بكل ما فيه
كان موضوع الكلام فيه شوية فلسفة وفلقصة بين اتنين من جماعتنا
كانو بتكلمو عن مواضيع دينية وعن الغيب والنار والجنة الخ الخ
وعمنا ع. ا. متابع ومنصت جدا
واحد سأل التاني قال ليهو
طيب بس انت جاوب علي سؤالي القبيل داك
الإنسان دا الخلقو منو ؟
قام التاني قال ليهو
خلقتو الطبيعة
في الوقت داك الناس كانو اتخطو مرحلة "الشعشعة" ودخلو في ما يليها من مراحل الشربه
بعد الإجابة دي نشوف ليك عمنا وقف متحفز علي حيلو
وطوالي مشى علي الشماعة محل معلق الجلابية، بقعد بي العراقي طبعا
ولبس الجلابية علي عجل وبدا يلف في العمة
ومع كل لفة هو ذاتو بياخد ليهو لفة وشوية ترتحه
وقف كما الحجاج بن يوسف
وعيناه تقدح غضبا ونحن متابعين المشهد الحجاجي دا ومنتظرين الخطبة
مع الاستغراب طبعا من التغيير الفجائي دا

عمك اتسند علي الحيطة، ما قادر يقيف طبعا، وقال لينا بكل جدية

علي الطلاق بالتلاتة

انا من الليله تاني ما بسكر لي مع كفار

يا حطب النار

كيفك يا حطب ال ...
ياخ انتو كنتوا حطب الصندل بالجد .
..
واحد اسمو حماد كان شغال جرسون في مطعم وبار فسوق نمره اتنين
ومن طول خدمتو للزبائن اتعلم شوية يوناني وشوية انجليزي وكان زول
يخدم الناس باحترام شديد .
مره واحد من الزبائن وقف لط . وقام سألو
قالو يا حماد البيرة ام جمل سموها ام جمل ليه؟
قام حماد زعل وبراحة قالو: اسمع لمان تسكر اسكر بي أدب.

Quote: قام حماد زعل وبراحة قالو: اسمع لمان تسكر اسكر بي أدب.

دي قوية يا ابوعفان

اخونا الفنان ترهاقا
سلام
قاليك صوت الاستريو في البار كان منخفض والناس مبتهجين ومندمجين
في الاستماع لأغنية
( يا سهارى تعالوا شوفوا البيّا )
قام واحد مشعشع حسب سكرتو افتكر الفنان بقول يا سكارى تعالوا شوفوا البيا.
قام وقف حيلو وقال : هو وكتين ما بقدر على الوايت ليبل دا ما يقع المريسة الخفيفة.
ههههههها .

كنا في لجنة تطوير مستشفي جبل اولياء

اعمامنا كبار كدة تجار ومقاولين
لقو نفسهم وسط الاولاد المثقفين ديل
قامو يحاولوا يدخلو كلمات ما عارفين معناها
اها عمك بيحكي
قال اتكلمت معاهو ووريتو غلطو
سمعتو ليك كلام معسول زي السم

ازيك يا محمد

قصة اعمامك دي من نوع طرائف عمنا حمودة حلاق الجامعة زمان

حبيبنا عثمان

ديك كانت أيام جاهليتنا البهية

القصص الحلوة كتيرة جدا
والمواقف العجيبة برضو كمان

لسه جاييك بي قصص ظريفة جدا

قصة الجماعة الاتنين البحبو الشربه جدا وبموتو فيها

واحد بشكي للتاني انه البتاع بقى مضروب وبيش
والصناعة بقت ما جيدة

قال ليهو
سبحان الله ياخي، مرات تلقى ليك نوع بس الكاس اللولاني والتاني
لامن تصل الكاس التالت تنبسط في امان الله
ومرات تشرب لامن "تتجوغر" وتكمل ليك قزازة كاملة
وما تحس بي اي شي

التاني انفعل جدا وقال ليهو

أيوا كلامك صاح

السكر دا بالمناسبة توفيق من الله

ذات ليلة لما كنا طلبة في مصر رجعنا من حفل تخريج وتمينا باقي البهجة في الشقة
غناء جد وشربة أجد منها
واحد من الشباب فكَ فسوة كافرة جدا جدا لحدي ما مشينا غسلنا وجوهنا من شدة العفنة
الشغلة دي ضايقت واحد اخونا وكان شالع تقيل
قال للفساي دي "هسه يا زمراوي فسوتك دي كان ضايرناها في كيس وختيناها في الفريزير ما تبقى قلوط عدييييل

اخونا حيدر حسن ميرغني
سلام
ياخ الواحد لاعارف يضحك لا عارف يسد نخرتو .
عليك الله زولك كان طاشم بس ولا معاها قرن بامية محشي؟
مبالغة .
والله قاعد اتخيل في قلوك الفريزر ههههههها

https://www.0zz0.com

ياحيدر لكن زمراوي مابالغ ذكرتني فسوة اقوي من البمبان
نزلت لوج كامل في سينما وطنية بحري 😂😂

ازيك يا حيدر

زمراوي بالغ والله و "افرط"
ههههه

ذكرتني قصة عمك الطلع آخر الليل من بار "البيون"

بار البيون دا كان زمان جنب مدرسة كمبوني في السوق العربي
في العمارة الشمال المدرسة مباشرة وبينهم الشارع الماش شرق غرب

عمك طلع قريب الفجر من البار وواقف لط
مشى جيهة محل تاكسي الطرحة البقيفو جنب سينما كولزيوم وما لقى تكسي

الأيام ديك لا مؤاخذة الحمامات و "الأدبخانات" كانت بنظام الجرادل
وبتجي عربية مصممة بشكل خاص عشان تلم وتشيل الجرادل
ودائما بتجي في الفجر قبل الناس تصحى

المهم يا زول العربية جات وزولنا اشر ليها ووقفو ليهو وركب معاهم

قدموهو شويه لي محلو الماش ليهو

السواق والمعاهو بقو يتكلمو مع زولنا الطاشم وينصحو فيهو

ياخي انت راجل كبير وبلاش السكر وشنو وشنو

زولنا ولا شغال بيهم وكان طبعا شامي ريحة عجيبة وما عارف جايه من وين

لما نزل منهم قال ليهم

كتر خيركن علي الكلام والنصيحة

لكين غايتو "الفسا" فيكن دا بالغ

وهو طبعا حسب الطشمة ما كان عارف انه كان راكب في مستودع كامل من الروائح العجيبة

اخوانى الندامى
ادر الكأس على العشاق صفوا ومدامة
يا حبيب القلب والروح يا روح الندامى
نفس اللمة حقت عمك البقلع جلابيتو وبقعد بالعراقي
زول حكاي .. وعنده مليون قصة... الناس بتستناهو
وكل مرة واحد من المسنعجلين بمشي يتاوق ويشوف اذا جاي ...
والناس بتسألوا.. اها ما ظهر؟ زول بسيط وشعبي حتى في كلامه
ويديك احساس بطربقته انه حتى ما دخل مدارس.......
بعد الكاس ما لفت... ولفت معها الرؤوس .. مشعشعة
اليوم داك الجماعة ما لقوا لحمة .. قالوا يقلبوها "سخينة".. جابوا العشاء .. عاين كدة وقال متشدا
مشعشعة كأن الحص فيها إذا ما الماء خالطها "سخينا " ....واشر بتلاتة اصابع نحوها
سكت شوية.. وقال ذكرتوني مرتي الاولى جنها وجن العرقي ..مرة قالت لي اختار.. يا انا يا عرقيك دة
وانا كنت واقف لط ... قلت ليها يا ولية انتي ما سمعتي الشاعر العباسي محمد السكران ق ال شنو :
فشارب الخمر يصحو بعد سكرته
وشارب الحب طوال العمر سكران

https://www.0zz0.com

عارف ...رهيب ياخ

فنانا العزيز عارف

Quote: نزلت لوج كامل في سينما وطنية بحري 😂😂

هاكم دي من صفحة عضو المنبر عماد عبد الله في الفيس بوك
بالله يا عارف ارسمها بي صابونتها
-
حكايات عامر الجوهري:
(قعدنا في حوش ناس علي طايووقه.. تعرف العزوزاب دي فيها احسن همبريبة في الخرطوم؟؟ تلقاك ما كنت عارف.. صاح؟ المهم يا زول دورنا الشغل. قعدة جميلة كانت.. انا كان علي الحلة.. قطر قام اصلي. خاتين المنقد في الزقاق عشان الهوا.. وبلاعة الحمام في الزقاق الفيهو المنقد ده زاتو.
ضيقة بيوت العزوزاب بالمناسبة، نافعها بس البحر.
المهم.. كل بعد كم هناي كده بمشي اشيك علي الحلة وأديها صوطه.. طلعت حلة موت احمر بعد أكرمتها بشوووووية عرقي بسييييييط كشحتو فيها شمومة.
غنينا صاح، انتهينا وبقينا علي العضة. مشيت شلت الحلة.. لكن كانت مسخنة جد، شفقة وجوع شلتها وماشي على المطبخ عشان اكبها في الصحن الكبير..
قمت لما بقيت قصاد البلاعة الحلة الـ #### كانت حارة شديد حرقت لي يدي تشتني.. اضطريت فكيت يد واحدة.. شووو الحلة فكت مني وظوووط جوه البلاعه، حلة تقيلة كانت،
اتنين كيلو لحمة ضان من عمك النصري بتاع لفة الكلاكلة.. لكن جك جرك ككك لحقتها قبل ما تغتس كلها، بس كانت دخلتها شوية موية بلاعة بالصابون بسييييطه.
طنشت، لأنه الشباب جعانين لازم ياكلوا، طوالي غرفت ليهم في الصحن وجبتها. بس حنيت عليهم أبيت أكلمهم بالحصل للحلة.
ضربوها عض جد.. انا أبيت، قول لي ليه؟ تعرف.. ناس علي ديل عندهم جدهم قديم كده جابوهو من البلد عيان.. زول رمة خلاص وما بيستحمى بأخوي واخوك..
لذيذ هو لكن لو لحق استحم بينزل منه زي ملية لوري وساخة خدرة كده.. يستحم ساعتين ويملا البلاعة لمن تسيل تملا الحلة كلها.. مويه بنيه كده وعندها طحالب طحالب،
شفت موية البلاعة اليوم داك من ريحتها وخره القعونجات عرفتها ليك دي بتكون موية حمامو.. بطني قلبت طوالي.. أبيت آكل نوهائي.
لما راجعين البيت انا وخالي.. تتذكرو؟ الجا معاي مره عندك في الميز.. فردتي ياخ.. ياخ الزعلك قال ليك عيونك مش عاجبني داك.
المهم راكب جنبي كان وموزون مغمض عيونو تاكل راسو على الكرسي، قام الهوا ضربو اظن.. قال لي بلكنتو المحسية ديك:
ماشالاهو يا آآمر.. الهلة بتاعك كان مونتاز بالمرة.. براوة عليك.. انا ما كنتش فاكر الايد بتاعك كويس كده خلي بالك. بس ياخي الولد الاصفراني الاهبل اللي كان قاعد جنب مني دي.. اسمو مين هوَّ؟؟ إصام؟..
هو الزفت إصام دي.. سبهان الله أصلاً أنا من أول بصيتلو كده ما دخلش نفسي ولا في زمتي بتعريفة واحد..
لأنن الكلام بتاعو كتير وشكل مناخيرو ضايقني.. خدتي بالك؟ بللاهي أعمل معروف تاني ما تجيبوش في القعدة..
واذا لزماً لزماً تجيبو؛ ما ياكلش.. أوعا بالك تسيبو ياكل.. لأنن في رغوة بيجي طالع من الشلاليف بتاعو وهو بياكل.. ربُنا يهدو.. قرفني سد نفسي).

واحد يلحقني بالوش البضحك والبدردق داك
الله يجازيك يا حيدر..... انا فطست

من القصص الماساؤيه فى الشربه
قبل كم سنه فى اجازه فى السودان وكان فى شباب كميه من اولاد امدرمان اشترو اسبرت ضارب
ومات اكثر من 0 شاب تانى يوم بتسمم
المهم انا عندى صاحبى كان معانا فى امريكا عندو قريبو مات من مع الشباب ديل
المهم مشينا حى السوق امدرمان كان فى العزاء بتاع اثنين من الشباب ديل اصحاب وجيران
ماتوا فى نفس اللحظه ونحن فى بيت العزاء جاء وواحد شاب وقعد يبكى بكاء شديد جدا جدا
والمهم والناس تسكتت فى الولد ده وهو ببكى ويبكى والمهم جابوا ليه مويه بعد تحنيث شرب ليه
جقمه مويه وشال الفاتحه تانى مع الناس
وقال للناس الله يرحم المعفنين ديل امبارح جيت عليهم عشان اسكر معاهم شكلهم دسوا منى القززاه قالوا ماعندنا شربه
اه هم ماتوا وانا حييى ارزق
من شكلوا كده يكون لقى ليه شله تانيه سكر معاهم
كانت حقيقه حادثه حزينه فى امدرمان
عليهم رحمه الله

Quote: واحد يلحقني بالوش البضحك والبدردق داك

إصام ده أمنقة زول ياخ
غايتو ح يتعب مع عارف .. اصفراني كمان

اههههههه
عارف طبعا يا حيدر ود حلتنا وناس مودتنا ..حيجيهو تمام

مشكور يا مصطفى

مشاركتنا بالحكاية الحزينة/الطريفة

حصلت حالات تسمم كحولي كتيرة جدا في السودان

ودي طبعا مشكلة التقطير البلدي العشوائي

اخونا عماد عبد الله
الله يطراه بالخير والمحبة

عنده قصص عجيبة

خصوصا كمان لو حكى ليك بلاوي ناس الديم

فعلا صدر له كتاب الحكايات الغميسة

والله يا عرف

well expressed

ما خليت ليهم حاجة جماعتنا
لو كان بس الزول السأل دا بدون دقن

كان يكون ياهو ذااااتو

ياهو دوت كوم
هههههههههههههههه

رسلت الكاريكاتير السودان للجماعة هناك

يمين بالله لي هسه يضحكو

احمد ياسين

يا سقاة الكأس من عهد الرشيد

من الحكاوي اللطيفة

حكي لي صديقنا أ ع.
الله يرحمه ويتقبله

انه في نهاية السبعينات وكانو في كلية الهندسة
جات مناسبة زواج بنت عبد الرحيم محمود وكان حاكم الاقليم الاوسط ايام نميري

العرس كان في بيت الحاكم في بركات
والجماعة مشو العرس بحكم انه محمد عبد الرحيم محمود كان صديقهم وزميلهم في الكلية

الجماعة انتبذو ركنا قصيا في البيت وعمرو القعدة الما خمج

شي اسكوتش والليبلات بمختلف الوانها، وايت ليبل وبلاك ليبل ورد ليبل
وشي جن ابيض وجن احمر
وكل واردات فرنسا من كورفواسير وهينيسي الخ

الطشمة وصلت السماء العاشرة وجابو ليهم العشا طبعا

قعدو ياكلو ما لذ وطاب من الوليمة الفخمة

عرس بنت الحاكم عاد، تاني شنو

قالو الأكل كله جابوه للعرس من لندن بالطيارة

واحد من الجماعة (ش) واقف لط وقاعد في طرف الدايننغ تيبل ويهابش في الصحون

قريب منه كانت في طفاية سجاير وفيها سبارس بالكوم والردوم
والمشكلة اندفق فيها كاس وانكشح فيها

صاحبنا (ش) يشيل ويغمس الرغيف في الطفاية لامن قضى عليها تماما

الجماعة قالو ليهو تعال قريب ياخ دخل ايدك في شنو كدا

قال ليهم لا لا الحمد لله انا خلاص شبعت تب

غنجت عليكم بي صحن الكمونية وابيت اوريكم ليهو

كمونية مبالغة والله

قالو ليهو يا زول كمونية شنو كمان
انت عينك لي السمك والفراخ والحمام والاستيك والبفتيك وشنو وشنو
تاكل ليك كمونية

قال ليهم
انتو عورا

يمين بالله من الله خلقني ما اكلت لي كمونية زي دي

دي كمونية لندن

https://www.0zz0.com

هارون والجارية السكرانة
يحكى أن هارون الرشيد هجر جارية له ثم لقيها في بعض الليالي في القصر سكرى تدور في جوانب القصر
وهي تسحب أذيالها من التيه والعجب، وسقط رداؤها عن منكبيها، والريح أبان نهديها كأنهما رمانتان، ولها ردفان ثقيلان
فراودها عن نفسها، فقالت: يا أمير المؤمنين! هجرتني هذه المدة وليس لي علم بملاقاتك فأنظرني إلى غد حتى أتهيأ وآتيك.
فلما أصبح قال للحاجب: لا تدع أحداً يدخل علي إلا فلانة، وانتظرها فلم تجئ فقام ودخل عليها وسألها إنجاز الموعد فقالت:
يا أمير المؤمنين، كلام الليل يمحوه النهار. فقام واستدعى من بالباب من الشعراء فدخل عليه أبو نواس والرقاشي وأبو مصعب فقال لهم:
هاتوا علي، كلام الليل يمحوه النهار. فقال الرقاشي: أنا قائل في ذلك ثلاثة أبيات، وأنشأ يقول:
أتسلوها، وقلبك مستطار ... وقد منع القرار فلا قرار
وقد تركتك صباً مستهاماً ... فتاة لا تزور ولا تزار
فولت وانثنت تيهاً، وقالت: ... كلام الليل يمحوه النهار
وقال أبو مصعب: وأنا قائل في ذلك ثلاثة أبيات، وأنشأ يقول:
أما والله لو تجدين وجدي ... لما وسعتك في بغداد دار
أما يكفيك أن العين عبرى ... ومن ذكراك في الأحشاء نار
تبسمت الفتاة بغير ضحك ... كلام الليل يمحوه النهار
وقال أبو نواس: أنا قائل في ذلك أربعة أبيت، وأنشأ يقول:
وخود أقبلت في القصر سكرى ... ولكن زين السكر الوقار
وهز الريح أردافاً ثقالاً ... وغصناً فيه رمانٌ صغار
وقد سقط الردا عن منكبيها ... من التخميش وانحل الإزار
فقلت: الوعد سيدتي، فقالت: كلام الليل يمحوه النهار
فقال الرشيد: قاتلك الله كأنك كنت معنا أو مطلعاً علينا.
وامر لكل بخلعة سنية وخمسة آلاف درهم، ولأبي نواس بعشرة آلاف درهم.