Post: #1
Title: فوضى الارقام
Author: mohmmed said ahmed
Date: 09-26-2022, 05:33 AM
04:33 AM September, 26 2022 سودانيز اون لاين
mohmmed said ahmed-
مكتبتى
رابط مختصر
كتبت سابقا بوست عن فوضي الارقام لاادري اين اختفي
اكتب مرة اخري بعد ملاحظتي طريقتنا العشوائية في استخدام الارقام سياسين وصحفين ومختصين وناس ساي
الارقام مجردات دقيقة يمكن ان تعطينا مؤشرات صادقة في الاحصاء والتحليل ولكننا نستخدمها بطريقة عشوائيةا
لزول يفكا ليك الرقم في الهواء بكل ثقةا
مس كنت اشاهد برنامج في فضائية سودانية يتحدث عن مشكلة التسول
طبعا كلام مكرر ومستهلك ما استوقفني قول المذيعة ان الخرطوم بها 3 مليون متسول
والله بالجد قالت 3 مليون الرقم الضخم دا جابتو من وين من راسا ولا من كراسا
|
Post: #2
Title: Re: فوضى الارقام
Author: mohmmed said ahmed
Date: 09-26-2022, 10:27 AM
Parent: #1
من اكثر الارقام تضاربا
هي ارقام انتاج السودان من الذهب
يكتب 100 طن ثم 150 طن
ثم 200 طن
وحتي الان لا يوجد رقم موثوق
|
Post: #3
Title: Re: فوضى الارقام
Author: mohmmed said ahmed
Date: 10-04-2022, 04:54 AM
Parent: #2
من صحف اليوم
الغاء شهادات المشغل الجوي لثلاث واربعين شركة طيران
الخبر يذكر ان بعض الشركات خارجية
لو افترضنا النصف سودانية
هل توجد 20 شركة طيران سودانية والخطوط السودانية لديها طائرة واحدة فقط
خبر اخر
7 حالات طلاق كل يوم في السوان
نضرب 7x24 تساوي 168 طلاق في اليوم
معقول
|
Post: #4
Title: Re: فوضى الارقام
Author: mohmmed said ahmed
Date: 10-12-2022, 06:22 AM
Parent: #3
خبر في صحف الامس
200 مريض نفسي يدخل مستشفي التجاني الماحي يوميا
اذا صدق هذا الرقم
نقول يعني بعد كم سنة نسبة المرضي النفسين حتكون كبيرة جدا
|
Post: #5
Title: Re: فوضى الارقام
Author: علي عبدالوهاب عثمان
Date: 10-12-2022, 09:34 AM
Parent: #4
حبيبنا الاستاذ محمد سيداحمد تحياتي
مسكاقمي
كمان ما تنسى الوعود الغير محددة بتاريخ
كل خطابات المسئولين (( وسوف نبذل كل جهدنا لحل المشكلة ..... ))
(( وسـنعمل على .... إن شاء الله ))
حبيبنا محمد .. قصة ظريفة حصلت لي .. في بداية الاغتراب في السعودية
كنت أعمل مع الجيش الامريكي في شمال المملكة ترجمة وتنسيق
أذكر في أمريكي اسمه ( إيان ) كان زول ظريف شوية فوضجي ما زي باقي الامريكان
طلب مني ترجمة تصريح مرور عبر البوابة ( gate pass ) وقال الموضوع عاجل جداً
ثم قال ( don't say IBM ) كانت بدايات شركة آي بي ام .. المهم ما فهمت الموضوع
شرح لي قال المقصود من IBM ( إن شاء الله بكرة ممكن ... Inshala Bukra Momkin ) ..
وقال هنا إذا واحد قال ليك (إن شاء الله بكرة ممكن)
تعرف أن مهمتك لن يتم انجازها ..
كلما اسمع خطابات المسئولين في السودان استحضر مستر إيان ( آي بي إم )
تحياتي ووو ميمد أشري
|
Post: #6
Title: Re: فوضى الارقام
Author: mohmmed said ahmed
Date: 10-12-2022, 11:12 AM
Parent: #5
ابننقا تو
سوف دي مفتوحة شديد
السوداني يقوليك دقيقة وتمتد نص ساعة
الذ حاجة اليمنيين احساسهم بالزمن ضعيف زينا
لكن اليمني يقوليك
لحظة
لحظة
|
Post: #7
Title: Re: فوضى الارقام
Author: mohmmed said ahmed
Date: 10-13-2022, 05:24 AM
Parent: #6
مني اركو مناوي
امس في قناة فرنسا العربية
قال
السودان به 52 مليون مواطن
غايتو مني شكيتو على الله يطربق ساي
|
|