صباح الورد والشعر والحب والتفاؤل للوطن

03:10 AM September, 13 2022

سودانيز اون لاين
مصطفى نور-امريكا نيوجرسي
مكتبتى
رابط مختصر

يا قمر دورين أنا شفتك وين...
طبعا في الليل.. في ضفاير النيل
في رمال سهرانه و راجياك تسيل
في دموع الساقيه يرنو ليها نخيل
في وجوه فرحانه عامره بالتهليل
في عيون نعسانه غارقه في التكحيل
وكل ديل في وطني..
بحبك يا وطني.. بعزك يا وطني..
شمس الصباح والصباح رباح شمسك ياوطني
طعم النجاح الزانو كفاح.. طعمك ويا وطني
حتى الجراح الزمانن... راح مهرك يا وطني
أهلي الفصاح أسياد الصباح درعك يا وطني
انت عندي كبير... و حبي ليك كتير
القومه ليك يا وطني..
شيلوه.. وزيدوه.. وطن الجمال..
علوه.. وخلوه.. في عين المحال
أبنوه.. و مدوه.. بالمال و العيال
زيديوه.. و أبنوه.. بعزم الرجال
بأملنا وبعملنا و بالمحنه
و بوفا النيل في دمانا نبني جنه
و نبتهج نحنا و صغارنا و نتغنى
يا أصلنا و مبتدانا يا حلاة مسرح
صبانا وذكرياتنا و مشتهانا
انت فينا كبير و ريدنا ليك كبير
القومه ليك يا وطني

– اللهم اني استودعتك وطني وأهلها ، أمنها وأمانها ، ليلها ونهارها ، أرضها وسماءها ،
. . . . فأحفظها ربي من الطغاة وكل من يريد بها سوء . . . . اللهم من يريد شرا بالسودان .واهل السودان يارب واطفال السودان
وأرنا فيهم عجائب قدرتك . . . . اللهم إنا نستودعك رجال وطني ونساءها وشبابها وأطفالها واموالها يا من لا تضيع عنده الودائع”
ياودود ياودود ياذى العرش المجيد يارب .

..
أفديك بالروح يا موطني فأنت دمي كلما أقتني
بلادي أنا ...........
تراث كرام ومجد العرب وسفر كفاح روته الحقب
نسمت شذاها وطيب ثراها...........
وذوب هواها جرى في دمي يعزز في السير من مقدمي
وأرضي هنا.............
بناء جدودي ومأوى أبي وتاريخ شعب كريم أبي
فيا إخوتي لنمضي إلى النور في ثورتي
نحطم قيد الليالي العتي....
فنحن الفدا جنود الردى...
نعيش عليها ونحيا لها....
ونحمي حماها ومشعلها.....
بلادي أنا.......

كلمات : مرسي صالح سراج ... لحن وغناء: محمد وردي
هامَ ذاك النّهرُ يستلهـمُ حُسنا
فإذا عبْرَ بلادي ما تـمنّى
طرِبَ النّيلُ لَدَيْها فتثنَّىَ
فأروي يا تاريخ للأجيالِ عنـّا *
*****
ثائرٌ إذ هبَّ من غفوتِهِ
ينشدُ العلياءَ في ثورتِهِ
كاندفاع السّيلِ في قوّتِهِ
عجباً مَن لهُ جندٌ على النّصر يُعين
كُلُّنا نفساً ومالاً وبنين
*****
نـحنُ في الشِّدَّةِ بأسٌ يتـجلَّىَ
وعلى الوُدِّ نـضُمُّ الشّملَ أهلا
ليسَ في شِرعتِنا عبدٌ وموْلَىَ
قسَماً سنرُدُّ اليومَ كيدَ الكائدين
وحدةً تَقْوَىَ على مَرِّ السّنين
*****
قلْبُ إفريقيا بِوَعْيٍ نابِضِ
حَلَّ مِنّا بالـجّنوبِ النّاهِضِ
مِنعة (مِن عدو) الغابِ بِلَيْثٍ رابِضِ
قِدَمَاً هي كانت جنّة المستعمرين
مالـَهُم منها تبارَوْا هاربين
*****
نـحنُ أبناء ملوك في الزّمان
توّجوا الفونج وزانوا كردفان
أفسحَ المجدُ ليهم خيْرَ مكان
نسباً نِعْمَ أجدادٍ بِهِم يزهو جبين
خُلُقٌ يسمو وعَزْمٌ لا يلين
*****
شرقـُنا يوم اللقاء كيفَ سعَىَ
حينَ داعي البذلِ بالرُّوحِ دعا
كيفَ بالسَّيْفِ تحدَّىَ المِدْفَعَا
ودِمَاً بذَلوها ثرّةً لا تستكين
للخنا للقيْدِ للعَيْشِ الـمُهين
*****
حِينَ خَطَّ الـمَجْدُ في الأرْضِ دُرُوبَا
عَزْمَ تِرْهاقا وإيـمان العروبة
عَرَبَاً نـحنُ حملْناها ونُوبة
بِدِمانا مِن خلودِ الغابرين
هُوَ يحدونا إلى عِزٍّ مُبِين
*****
هـَمُّنا في العَيْشِ إقْدامٌ وجُود
وعنِ الأوطانِ بالمَوْتِ نذود
لِنَرَىَ السُّودانَ خفّاق البنود
وغَدَاً سوفَ يَعْلو ذِكْرُنا في العالمين
فعُلُوَّاً كان شأنُ العامِلين

يمين يا بلدي تنتصري
وتبقي عظيمة تزدهري
نفكر فيك بحرية
ونعمل فيك بثورية
نحصل كل من فاتنا
ونبني الإشتراكية
يمين يا ارض اجدادي
تعيش الثورة خلاقة
بإيمان ثوري ما بضعف
بالإنتاج و بالطاقة
مواكب تمشي تتحدى
تدوس الظلم ينهدي
وطال ما شعبنا بقاوم
جوار الثورة تشد
وما بترجع مواكبنا
وما بتنقصنا حريه
نحل اصعب مشاكلنا
بنور الفكره والمنطق
شعار الشعب حريه
وثورة وعدل يتحقق
نوضح راينا نتكلم
ومن اخطاءنا نتعلم
ومن تاريخنا والحاضر
من امالنا نستلهم
وما بتخدعنا نظرية
وما بترهبنا رجعية
من الواقع من الداخل
نحدد نحن فكرتنا
اصيلة فتية عملاقة
نجسد فيها عزتنا
نجسد فيها ايماننا
بدين عايش في وجداننا
موروثنا تقاليدنا
ندعم موقف الثورة
بأروع وحده فكرية

إنْتَبِه !
شعر : هاشم صديق
إنْتَبِه!
لا تبرا نجماً
تَقْرا في وَهَمو
الطريق.
.....
إنْتَبِه!
لا تركب الموج
البِناَغِم
وجِرسو ناعم
بكره بِعْتَمْدَك
غريق
.....
إنْتَبِه!
لا تْخُت قليبك
في عيونك
وتعتبر كُل وش
صديق.
.....
إنْتَبِه!
لا تْصَدِّق العَسَل
البِنَقِّط في المثل
لا ترمي نَبْضَك
للوَحَل
لا تْغَنّي للقمر
العتيق.
.....
إنْتَبِه!
أقبُض عذابك
ايد حديد.
لا تبيع جروحك
لي عساكر
أو لسِيِد
لا تأمَن الفَرج
البجيك
مع كُلُ ضيق.
.....
إنْتَبِه!
مرات بِتِنْداس
البشاير
بي حَوافِر خيل
مغامر
وتلقى طائر
في سما الحُرية
إتحوّل (رقيق)
.....
إنْتَبِه!
لا تْفَرِحك
مُدَن السفر
تَشْرُد من النار
والخَطَر
وتهيم
على رَمْل ا لمَضِيق.
.....
إنْتَبِه!
أقرا الملبّد
في الوشوش
وأقرا المغَلّف
في الكلام.
أركب على ضهر
الصَعَب
وأمسك شديد
فوق اللجام.
حولك حريق
تحتك حريق
فوقك حريق
وقِدّامك الأحلام
تضيق
أدفُر جوادك
في اللهب
وأبْصُق
على الزمن الصفيق
.....
إنْتَبِه!
أقْبُض نَصُل
حَدّ الزمن.
أنْقُض نعاس
طيف الوَهَن
أسمع كلام
صوت السكون.
لا تنام وترتاح
في عيون
صَدِّق إبر
وَخْز الظنون
زمنك كعب
سفرك صَعَب
لا تَغْشى للفرح
الجنون
.....
إنْتَبِه!
إختار جَمُر حَرفَك
صديق.
إختار قلق عقلك
رفيق
وأبصق على الكِضِب
الصفيق.
.....
إنْتَبِه!
لازم تفيق.
لازم تفيق.
لازم تفيق

هنالك دائما قواسم مشتركه بين كوكب الشرق أم كلثوم و عثمان حسين الفراش الحائر
لطالما كانت اختيارتهم للنصوص التي تغنو بها فيها كثير من التشابهه
وهذه اغنيه #للنيل تفنت بها ام كلثوم
مشابهه تماما لتلك التي تغني بها عثمان حسين #في_محراب_النيل
مِن أَيِّ عَهدٍ فـي القُـرى تَتَدَفَّـقُ وَبِأَيِّ كَـفٍّ فـي المَدائِـنِ تُغـدِقُ
وَمِنَ السَماءِ نَزَلتَ أَم فُجِّرتَ مِـن عَليـا الجِنـانِ جَـداوِلاً تَتَرَقـرَقُ
وَبِأَيِّ نَـولٍ أَنـتَ ناسِـجُ بُـردَةٍ لِلضِفَّتَيـنِ جَديـدُهـا لا يُخـلَـقُ
وَالماءُ تَسكُبُـهُ فَيُسبَـكُ عَسجَـداً وَالأَرضُ تُغرِقُها فَيَحيـا المُغـرَقُ
تُعي مَنابِعُـكَ العُقـولَ وَيَستَـوي مُتَخَبِّـطٌ فـي عِلمِهـا وَمُحَـقِّـقُ
دانـوا بِبَحـرٍ بِالمَكـارِمِ زاخِـرٍ عَـذبِ المَشـارِعِ مَـدُّهُ لا يُلحَـقُ
مُتَقَـيِّـدٌ بِعُـهـودِهِ وَوُعـــودِهِ يَجري عَلى سَنَنِ الوَفاءِ وَيَصـدُقُ
يَتَقَبَّـلُ الـوادي الحَيـاةَ كَريمَـةً مِـن راحَتَيـكَ عَميمَـةً تَتَـدَفَّـقُ
فـي كُـلِّ عـامٍ دُرَّةٌ تُلقـى بِـلا ثَمَـنٍ إِلَيـكَ وَحُـرَّةٌ لا تُـصـدَقُ
حَـولٌ تُسائِـلُ فيـهِ كُـلُّ نَجيبَـةٍ سَبَقَت إِلَيكَ مَتـى يَحـولُ فَتَلحَـقُ
وَالمَجـدُ عِنـدَ الغانِيـاتِ رَغيبَـةٌ يُبغى كَما يُبغى الجَمـالُ وَيُعشَـقُ
زُفَّت إِلـى مَلِـكِ المُلـوكِ يَحُثُّهـا ديـنٌ وَيَدفَعُهـا هَـوىً وَتَشَـوُّقُ
في مِهرَجـانٍ هَـزَّتِ الدُنيـا بِـهِ أَعطافَها وَاِختـالَ فيـهِ المَشـرِقُ
مَجلُوَّةٌ فـي الفُلـكِ يَحـدو فُلكَهـا بِالشاطِئَيـنِ مُزَغـرِدٌ وَمُصَـفِّـقُ
أَلقَـت إِلَيـكَ بِنَفسِهـا وَنَفيسِـهـا وَأَتَتـكَ شَيِّقَـةً حَـواهـا شَـيِّـقُ
خَلَعَت عَلَيـكَ حَياءَهـا وَحَياتَهـا أَأَعَزُّ مِـن هَذَيـنِ شَـيءٌ يُنفَـقُ
وَإِذا تَناهى الحُـبُّ وَاِتَّفَـقَ الفِـدى فَالروحُ في بـابِ الضَحِيَّـةِ أَليَـقُ
يا نيلُ أَنتَ يَطيبُ ما نَعَتَ الهُـدى وَبِمَدحَةِ التَـوراةِ أَحـرى أَخلَـقُ
أَصلُ الحَضارَةِ في صَعيدِكَ ثابِـتٌ وَنَباتُهـا حَسَـنٌ عَلَيـكَ مُخَـلَّـقُ
وُلِدَت فَكُنتَ المَهدَ ثُـمَّ تَرَعرَعَـت فَأَظَلَّهـا مِنـكَ الحَفِـيُّ المُشفِـقُ
مَـلَأَت دِيـارَكَ حِكمَـةً مَأثورُهـا في الصَخرِ وَالبَردي الكَريمِ مُنَبَّـقُ
وَبَنَت بُيوتَ العِلمِ باذِخَـةَ الـذُرى يَسعـى لَهُـنَّ مُغَـرِّبٌ وَمُشَـرِّقُ
وَإِلَيكَ يُهدي الحَمدَ خَلـقٌ حازَهُـم كَنَفٌ عَلى مَـرِّ الدُهـورِ مُرَهَّـقُ
يَبنـونَ لِلَّـهِ الكِنـانَـةَ بِالقَـنـا وَاللَهُ مِـن حَـولِ البِنـاءِ مُوَفِّـقُ

انا سوداني انا انا سوداني انا
انا سوداني انا انا سوداني انا
كل أجزائه لنا وطن إذ نباهي به ونفتتن
نتغنى بحسنه أبدا دونه لا يروقنا حسن
حيث كنا حدت بنا ذكر ملؤها الشوق كلنا شجن
نتملى جماله لنرى هل لترفيه عيشه ثمن
خير هذي الدماء نبذلها كالفدائي حين يمتحن
بسخاء بجرأة بقوى لا ينئ جهدها ولا تهن
تستهين الخطوب عن جلد تلك تنهال وهي تتزن
انا سوداني انا انا سوداني انا
ايها الناس ايها الناس
أيها الناس نحن من نفر عمروا الأرض حيث ما قطنوا
حكموا العدل في الورى زمنا أترى هل يعود ذا الزمن
ردد الدهر حسن سيرتهم ما بها حطة ولا درن
نزحوا لا ليظلموا أحدا لا ولا لاضطهاد من امنوا
وكثيرون في صدورهم تتنزى الأحقاد والإحن
دوحة العرب أصلها كرم والى العرب تنسب الفطن
أيقظ الدهر بينهم فتنا ولكم أفنت الورى الفتن
انا سوداني انا انا سوداني انا
يا بلادي يا بلادي يا بلادي يا بلادي
يا بلادي يا بلادي يا بلادي يا بلادي
يا بلادا حوت مآثرنا كالفراديس فيضها منن
انا سوداني انا انا سوداني انا
انا سوداني انا انا سوداني انا
كل أجزائه لنا وطن إذ نباهي به ونفتتن
نتغنى بحسنه أبدا دونه لا يروقنا حسن
حيث كنا حدت بنا ذكر ملؤها الشوق كلنا شجن
نتملى جماله لنرى هل لترفيه عيشه ثمن
خير هذي الدماء نبذلها كالفدائي حين يمتحن

كم وكم نحتاج ان نكسر شجون اللحظة و نحرك كل الحواس لنجتر كل تلك الملامح
لنكتب جملة مفيدة طابعها السكون تتناغم مع ايقاع النبض
المسكون بالحب و العشق...لتصبح الاصداء فى دواخلنا عنوان جديد
لمحطات قادمة و نحن نبحث عن ومضة مشرقة فى زمن الانفلااات و العتمة
تفتح لنا طريق للامنيات و مكانة للاحتمال و طاقة للضؤ ان ينفذ..
و تبقى الاغنياات التى حملتها الغيوم محفوظة بين الذاكرة و القلب و هى التى شكلت
وجداننا لاجيال عديدة و هى التى تجعلنا دايما نخوض فى فى مياه ذلك الزمن الدافئ
حيث كان للحروف سحر و للاوتار احاديث و همس....
و عشقتك قالوا لى عشقك حراام ومضة من وتر مشدود احتضن روعة
اغنيات بازرعة و عثمان حسين..
و ليتهم عرفوا المحبة وعرفوا اسرار الغرام تبقى كلمات مكتوبة فوق صخر الجدار
فى انتظار من يفك طلاسمها....!!!!!!!!!
و يستمر الانتظاار و نحن نحمل تساؤلات الحنين مع هذه الاغنياات التى تحمل زاد السنين
عشقتك وقالوا لى عشقك حرام
يا مجدد نور عيونى
يا مبدد نار شجونى
ليتهم عرفوا المحبة
وعرفوا اسرار الغرام
عشقتك وقالوا لى تعشق وايامك ربيع
تقضى ليلاتك مسهد وابتساماتك دموع
و ذاد حياتك يبقى غيره وتطفى من عمرك شموع
وتنسى عشاق اغنياتك وتمسى افراحك حطام
لم يكن حبى متاعا لا ولا كان التباعا
أو لقاءا او وداعا
حبى نابع من بلادى من جمالها وانطلاقه
أودعت حسن حبيبى من صباها كل باقه
من صفاء الطيبة والكلمة الحبيبة والطلاقه
كل رعشة حرف فيها ترجمت سر العلاقه
يا عوازل كيف تكون الدنيا لو عزَّ الغــرام

الفنان الرائع عثمان حسين ...
دائما انت من تمنح الراحة والاحياء..
وتعيد إجلاء صفاء النفوس..
وصنفرة الارواح..
بما تمنح ..وما تقدم.
من جمال .وإبداع..

يا الطاف الله...
انت تسوق إلينا المزن قطرات من شهد .ورحيق..
وتغرقنا فى مجون التيه . وتطلى وجوهنا بمزيج من الوان قوس قزح..
وتحعلنا نرقص على ايقاع هوى السنين.وليالى العشق المباح..وتفرد لنا.
تلك المقامات والسماحات من دل واريحيه.
السكون. فنسجع كطيور غارقة فى براءات ..ومقامات وزمن..
ايها الفنان.. الاسطوره
الاستهلال..
ليتهم عرفو المحبه..
هى تلك الديباجه النغم الاحساس والمشاعر... والاسفار والاغراق..
عشقتك...وقالوا لى عشقك حرام..
ليبدا زمان التحديد والتمديد والتوقع والفصل...
لان الاجابه هى..ليتهم عرفو المحبه...
العزيز الفنان عثمان حسين انت
سطوة ذلك الزمن الجميل لن تعود ثانية.برفاهية كل ذلك العطاء الجزيل..
ترف الكلمه ورهافة اللحن.وصفاء العشق.وتوهان الالهام..
اننا لا نستطيع ان نعييد الصولجان والخيلاء..
لكننا نرتضى التحليق مع ركاب اجنحة ما تمنحنا له من راحة وإستراحه ومزج واسراء ومعراج فيه نرى
بعيون.طلاوة الاحساس كل تموج ذلك التلوين.ونعيش ترياق اللحظه.ونسدر فى معية ذلك الطرب الاصيل...ونتوه فى غفوة الابداع
ان عطاء الحياه ينبثق من إسهامات شتى فيها الاحساس بالحب والجمال فى اعلى القائمه.. لانه يزيل
كابة الاحساس ويجلى رعش المشاعر ويزود الارواح بدفق شفيف وفياض..
فيه المتعه.
والروعه..
والانسجام.
والاستجلاء..
والمتابعه.
وحرية التحليق.
فى براحات تتمدد منسوجة بمخمل من عطاء فاره..
الشاعر الفذ يازرعه ...
يتواصل الدعاء لك..
وانت مزن للحياه...وشهد مذاقها الانيق
وساقية يدلق فيوض سقياه.فتشفى وتسد رمق الاحساس وعشق الوجدان..
ربنا يزيدك من افضاله ويجعلك فى رونق ذاك المساء الوضاح..
لك الاعزاز . والتقدير..
يا ملك..

غريب ..
وحيد في غربتو
حيران ..
يكفكف دمعتو
حزنان..
يغالب لوعتو
ويتمنى
بس لي أوبتو
طال بيه الحنين
فاض بيه الشجن
واقف يردد ..
من زمن
زمن الخريف
تطير باسراع
ماتضيع زمن
أوعك تقيف
وتواصل
الليلة
للصباح
تحت المطر
وسط الرياح
وكان تعب منك جناح
في السرعة زيد
في بلادنا ترتاح
ضل الدليب أريح سكن
فوت بلاد وسيب بلاد
وإن جيت بلاد
وتلقى فيها النيل
بيلمع في الظلام
بالنجوم من غير نظام
تنزل هناك وتحيي
ياطير باحترام
وتقول سلام
وتعيد سلام
على ..
نيل بلادنا
وشباب بلادنا
ونخيل بلادنا
بالله يا طير
قبل ما تشرب
تمر على بيت صغير
من بابه ومن شباكه
بلمع الف نور
وتلقى الحبيبة بتشتغل
منديل حرير
لحبيب بعيد
تقيف لديها
وتبوس إيديها
وانقل إليها
وفاي ليها
وحبي الأكيد
وان جيت بلاد تلقى فيها النيل بلمع فى الظلام
زى سيف مجوهر بالنجوم من غير نظام
تنزل هناك وتحى يا طير باحترام
تقول سلام وتعيد سلام
على نيل بلادنا سلام
وشباب بلادنا
ونخيل بلادنا

وطن الجدود
وطن الجدود نفديك بالأرواح نجود .. وطني .. وطني ..
وطن الجدود نِعم الوطن خيراتو كم يتدفقن آن الآوان أن نُُمتحن في سبيلو لا نطلب ثمن ..
وطني .. وطني ..
وطن الجدود نحن الفداء من المكائد والعدا نتمنى ليك دايما تسود بدمانا نكتب ليك خلود .. وطني .. وطني .. هيا يا شباب هيا ياجنود هيا حطموا هذي القيود .. وطني .. وطني .
. هيا يا شباب هيا للأمام سودانّا قد ملّ الملام حرية كاملة هي المُرام تؤخذ ولا يجدي الكلام حذاري أن وطنك يضام حذاري أن يصبح حطام جهلٌ .. وفقرٌ ..
وانقسام فلنتحد ويجب نعيد لوطنّا أمجاد الكرام .. وطني .. وطني ..
هيا ياشباب ضموا الجنوب القافلة سارت لن تؤوب أبنوا السلام دكوا الحروب وماء نيلنا يكون عذوب ..
وطني .. وطني ..
أهتف معي قل يا أخي يحيا الكفاح وينتقي فليخرج الباغي الشقي ويرفرف العلم الأبّي

يا وطنى يا بلد أحبابى فى وجودى احبك وغيابى
يا الخرطوم يا العندى جمالك ..جنة رضوان
طوول عمرى ما شفت مثالك
فى اى مكان
انا هنا شبيت يا وطني
يا وطني يا بلد أحبابى فى وجودى احبك وغيابى
يا الخرطوم يا العندى جمالك ..جنة رضوان
طوول عمرى ما شفت مثالك
فى اى مكان
انا هنا شبيت يا وطني
زيك ما لقيت يا وطني
فى وجودى احبك وغيابى
على ليالى زمان
وقلبى عايش لغرامك ما بعد غرام
كانت أيام يا وطني
زى الأحلام يا وطني
بتذكر فيك عهد صبايا
على شاطئ النيل
حبيبى جالس حدايا
أسمر وجميل
انا بفخر بيك يا وطني
بالروح افديك يا وطني

قصــتنا
حسين بازرعة

بالمعزة بالمودة البينا
بي أغلى الصلات
بالهوى العشناه بأعصابنا ...خمسة سنين ومات
بالعذاب الشفتو
والسر الكتمتو وباقي الطيبات
استحلفك أترك سبيلي
وسيبني وحدي أقاسي وأبكي مر الذكريات
أنا بحناني الغالي خصيتك وحبيتك بكل جوارحي وعواطفي العميقة
وأنا شلت من أجلك هموم الدنيا قاسيت من جراحها وكل ضيقها
لسعادتك إنت كم ضحيت وإتغربت ما خليت طريقة
وفي مسيري المضني من أجل الحقيقة
كل طائر مرتحل
عبر البحر
قاصد الأهل
حملتو أشواقي الدفيقة
ليك ياحبيبي للوطن
لي ترابو لشطآنه...
للدار الوريقة
لكن حنانك لي
أو حتي مشاعرك نحوي
ما كانت حقيقة
كانت وهم ... كانت دموع
مسفوحة بي أحرف أنيقة
ما بإيدي لو ضباب الغيرة أعماني وزيف لي الحقيقة
إنت نبع حناني إنت كياني
إنت الدنيا بهجتها وشروقها
وإن حصل زلت خطايا معاك أو ضلت طريقها
هل تصدق تنـتهي قصتنا يا أجمل حقيقة
نحن عشناها بدموعنا وبالضنى في كل دقيقة
ياحبيبي لم تزل قصتنا قصة حب أقوى من الحقيقة


ـ
ـ

أخي العزيز مصطفى

بعد التحية الواجبة أردد معك:

صباح الورد والشعر والحب والتفاؤل للوطن

يا سلام على الطلة الصباحية الجميلة كالعادة المترعة بالتفاؤل ورفع المعنويات ..

عملت مسحة سريعة على القصائد و طبعا استوقفتني عبارات الأسى لدى بازرعا وهو ينعى قصته

في قصتنا... هذه القصائد والأغاني تفتح في النفس مسارب متعددة..

دمت صديقنا الغالي ...

محمد عبد الله الحسين
اخى الغالى
تخيه احترام وكل الود
اهديك كلمات استاذى فى الثانوى العام مدرس اللغه الانجليزيه الاستاذ الرائع عمر الطيب الدوش
وغناء العملاق وردى والحان الاسطوره اليونانى اندريه الود


اعيشها معاك
لوتعرف دموع البهجة و الافراح
اعيدها معاك
واتأسف علي الماضي اللي ولي وراح
علي الفرقة الزمانها طويل
علي الصبر اللي عشناه
مع طول الألم والليل
زمان كنا بنشيل الود ندي الود
وفي عينينا كان
اكبر حناناً كان
وفات الحد
زمان ما عشنا في غربة
و ما قاسينا نتوحد
وهسع رحنا نتأسف علي الماضي اللي ما برجع
صحيح انو الزمن غلاب

ومشينا في عذاب وعذاب
قلوبنا تتأوه ونحن نتأوه
و نفتح للأمل ابواب
احبك لا الزمن حولني عن حبك
ولا الحسرة
وخوفي عليك يمنعني
وطول الألفة والعشرة
وشوقي ال ليك طول لسع معاي
 

غناء : محمد وردى
يا نسمة حظك جميل دائما تسافرى بلا تصاريح
للسفر وتعودى عبر المستحيل نديانة زى صدف
البحر يا نسمة لا تتاخرى عذبنى طول الانتظار
قبال تجى رشى المحنة بكل دار كل البيسال طمنى
وانا فى البعيد مشتاق لهمسة من الوطن
يا نسمة ارتاحى فوق الامسيات تلقى الحبايب لسة فى
اريتنى لما الليل يضيع فى مجلس الدافى الوفى
سارح اغنى الذكريات يا نسمة يا جاية من الوطن
بتقولى لى ايام زمان ما برجعن باكر
برجعنى الشجن واتهنى بيك طول الزمن يا نسمة

غناء : محمد وردى والشاعر الكبير ابوامنه حامد

بنحب من بلدنا ما برّه البلد
سودانيّة تهوَى عاشق ود بلد
في عيونها المفاتن شئ ما ليهُ حد
التّوب المهبهب فوق أم الضّفائر
والخد المعطّر زي أحلى الأزاهر
والخطوة الأنيقة ترنيمة مشاعر
أنا بيك كل عمري بمشيلها وبسافر
الليهن قلوبنا والفيهن صفاتنا
الكامنات بروحنا والعايشات في ذاتنا
في حلفا البداية أحلامي وهنايَ
أنا عايش لحبّي المخضر برايَ
النّافرة الأليفة ست روحي وهنايَ
أنا ليْ في كريمي شايقيي بشلوخها
نعتز بي صفاتها ما نجهل تاريخها
وما ها المابية ريدتي مو ياها المسيخة
في شندي العظيمة تلقى بنات جعل
واحدات في المتمّة زي لون العسل
النايرات خدودِن زي فجراً أطلْ
في سنكات بنعشق في السّمراء وأبيّة
ترتاح في الضّريرة خُصلاتها الغنيّة
عاشت في شعورى أحلَى هدندويّة
الوارثات جدودن في الجّود والشّجاعة
البظهر جمالن من زمن الرّضاعة
سودانيّة ميّة الميّة في ذوقها وطباعها
ياناس أرحموني انا قلبي في رفاعة
لوزة القطن اليانعة السّمحة ونضيرة
تِتّنَّىَ الحليوة في مشية أميرة
أجمل حب عندي في قلب الجزيرة
ليْ في الغرب أغْيَدْ في دار حَمَر والبقّارة
نحميها بسيوفنا تفّاحة ونُضارة
تسكرنا الليالي وتطربنا النُقّارة
ليْ في جوبا ساحر تسلم ليْ خدودُه
يمرح في غاباتُه ويسرح في ورودُه
حبّي الغالي ليهُ ما بعرف حدودُه

غناء : محمد وردى كلمات استاذى عمر الطيب الدوش

بناديها
بناديها
وبعْزِم كُلّ زول يرتاح
على ضحكَة عيون فيهَا
وأحْلم اني في أكوان
بتْرحَل من مراسيها
عصافير
وطارت
للغيوم بيهَا
مسافرِ من فرح لي شوق
ونازِل
في حنان ليهاَ
أغنّي مع مراكب جات
وراها بلاد حتمْشيهَا
واحزَن لي سُفُن جايات
وما بْتلقَى البِلاقيها
بنادِيهَا
ولمّا تغيب عن الميعاد
بفتِّش ليهَا في التاريخ
واسأل عنَّها الاجداد
واسأل عنّها المستقبل
اللسّع سنينو بُعاد
بفتِّش ليها في اللوحات
مَحَل الخاطر الما عاد
في شهقَة لون وتكيَة خط
وفي أحزان عيون الناس
وفي الضُّل الوقَف ما زاد
بناديهَا
والاقيهَا
واحِس بالُلقيا زي أحلام
حتصْدِق يوم
والاقيهَا
واحْلًم في ليالي الصيف
بَسَاهر الليل
واحجِّيهَا
ادوبي ليهَا ماضيهَا
واطنْبِر ليها جاييهَا
وارسِّل ليها غنوَة شوق
واقيف مرات واْلُوليهَا
بنادِيهَا
وبناديها
وبناديها

وطن الجدود
وطن الجدود نفديك بالأرواح نجود .. وطني .. وطني ..
وطن الجدود نِعم الوطن خيراتو كم يتدفقن آن الآوان أن نُُمتحن في سبيلو لا نطلب ثمن ..
وطني .. وطني ..
وطن الجدود نحن الفداء من المكائد والعدا نتمنى ليك دايما تسود بدمانا نكتب ليك خلود .
. وطني .. وطني .. هيا يا شباب هيا ياجنود هيا حطموا هذي القيود .. وطني .. وطني .
. هيا يا شباب هيا للأمام سودانّا قد ملّ الملام حرية كاملة هي المُرام
تؤخذ ولا يجدي الكلام حذاري أن وطنك يضام حذاري أن يصبح حطام جهلٌ .. وفقرٌ ..
وانقسام فلنتحد ويجب نعيد لوطنّا أمجاد الكرام .. وطني .. وطني ..
هيا ياشباب ضموا الجنوب القافلة سارت لن تؤوب أبنوا السلام دكوا الحروب وماء نيلنا يكون عذوب ..
وطني .. وطني ..
أهتف معي قل يا أخي يحيا الكفاح وينتقي فليخرج الباغي الشقي ويرفرف العلم الأبّي