Post: #1
Title: 74 فنان في السودان بانتظار المحاكمة والتهمة “غناء هابط هل فى القانون فى كلام كده
Author: مصطفى نور
Date: 09-03-2022, 04:57 PM
السلام عليكم
والله اخوانى الافاضل ازعجنى الخبر وفى نفس الوقت فرحت لكن لدرجه انو تقديم الفنانين الهابطين لمحاكمه
كلام ما بدخل الراس هل فى القانون فى ماده زى دى افتونى
الشى الثانى والله هو شى موسف انو ظهور اغانى هابطه وفنان هابط وقونات مع انو مصطلح شوراعى لكن ماشى فى الشارع
والله زمان كان الناس بتسمع بالاذن ولكن الان الناس بتسمع بالكراعين القصد انو الناس عايز ترقص فى اى كلام خارم بارام
ووصلنا مرجله انو فنانين كبار ماقادرين ياكلوا ولا يعيشوا وتجد الهابطين والهابطات الاحياء منهم والاموات عملوا بيوت وعمارات وعربات فارهات
ومنهم من لايملك اغننيه تصل لمستوى انها اغننيه تقدر تسمعه منتهى رداه الكلمات ومنتهى رداه الاصوات والغريبه منتهى قله الادب والافتراء
من الحاجات التى مرت على مره دخلت لى فى قروب بتاع فنانين كلهم لو خالطوهم مع بعض ما يطلعوا فنان وكانوا اكثر من 60 فى القروب
المهم وواحد منهم افتكر ده اثقل فنان فى السودان وفكييها فى روحو وعامل فيها منو ماعارف قال للناس فى القروب اى زول مافنان معانا فى القروب
لو كتب اى شى ماتردوا عليه المهم انا كتبت ليه وقلت ليه والله انت عاهه وانت اثقل فنان وانت الغناء فى حته وانت فى حته وانت شكلك ذاتو مافنان
وانتوا كلكم لو ضربوكم فى خلاطه انتو ال 60 هابط ما تتطلعوا فنان والله
المهم اتفشيت فى القروب ده وطردونى
على العموم اتمنى ان يرجع الفن كما كان وياريت تانى ترجع لجنه النصوص مش لجنه اللصوص
والله المستعان كل البلد عايزه كنترول الاخلاق التعليم الصحه التربيه
والبدايه بالفنانين الهابطين ممكن الواحد يجى ويعمل محل بتاع بارشوتات عشان الهابطين ديل يارب الحكم جلد ولا شنق ولا رمي بالرصاص
ولا قطع الحناجر والحبال الصوتيه ده فى الاساس لو عندهم حبال صوتيه
مع تحياتى
مصطفى نور
شوفوا الخبر الان
74 فنان في السودان بانتظار المحاكمة والتهمة “غناء هابط
” 2022/09/03
ضبط الساحة الفنية ومواجهة الابتذال والحفاظ على الذوق العام، قرر مجلس المهن الموسيقية والدرامية في السودان إيقاف فنانين لا يحملون رخصة ممارسة المهنة، حيث بدأت حملة منذ أيام اشتركت فيها عناصر من الشرطة لمداهمة صالات الأفراح، وضُبط عدد من المطربين والمطربات والموسيقيين. قرار المجلس أسفر عن إيقاف 74 مطرباً ومطربة، بعضهم يحظى بشهرة واسعة في السودان، مثل الفنانة عائشة الجبل وعلي كايرو وزنقولا، وصدرت ضدهم بلاغات، توطئة لتقديمهم للمحاكمة. رصد وإيقاف مجلس المهن الموسيقية أكد في بيان له أنه “رصد نحو 74 مطرباً ومطربة مارسوا النشاط الفني العلني من خلال الحفلات العامة والخاصة وعبر بعض القنوات الفضائية من دون أن يحصلوا على رخصة ممارسة المهنة التي تُمنح بعد إجازة اللجنة المتخصصة لصوت المطرب واعتماد أغنياته الخاصة”. وأضاف البيان أن “المطربين المضبوطين لا يحق لهم ممارسة النشاط الفني، وفي حال مخالفتهم للأمر سيتعرضون لعقوبات رادعة تصل للسجن والغرامة”.
التفاصيل هنا:
https://www.alnilin.com/13276533.htmhttps://www.alnilin.com/13276533.htmhttps://www.alnilin.com/13276533.htmhttps://www.alnilin.com/13276533.htm
-oaymwEcCOADEI4CSFXyq4qpAw4IARUAAIhCGAFwAcABBg==andrs=AOn4CLD9OglNeQ8A65-Rypg2QY82IJ_jCg[/IMG]
|
|