Post: #1
Title: مؤسف ما يحدث في مصر لكبارنا ونساءنا من ضياع . منقول
Author: Osman Musa
Date: 09-03-2022, 01:18 PM
12:18 PM September, 03 2022 سودانيز اون لاين
Osman Musa-
مكتبتى
رابط مختصر
مايحدث في مصر من ضياع لكبارنا ونساءنا وبناتنا حاجه مؤسفه جدا بتمر على حالات وحالات يصعب وصفها تبكي لها العين احكي ليك عن رجل ينام في الشارع اولادو رسلو لعلاج مع صاحبهم واختفي بقروشو ولا بنت ال١٦ الشغاله في مطعم وتتعرض لمئات التحرشات يوميا سألتها كيف جيتي هنا قالت علشان تساعد اسرتها لأنهم ماعندهم قروش ولا احكي ليكم عن الام الطردوها من الفندق عند الساعة ال١ صباحا هي وبنتها علشان مادفعت القروش ولا احكي ليكم عن البنات الحايمات في شوار المهندسين ولا نحكي عن السرقات والاحتيال والنصب الموجع واحد جاني في المكتب قال لي نصبو على اصحابي أصدقاء الطفوله في ٤٠٠ الف مصري وهربو ولا احكي شنو ولا شنو ولا شنو حاجات بتمر على شفتها بعيوني ماها حكاوي هوان هوان وزله ومخافه الله والله البيحصل في مصر لازم توعيه جماعيه في القروبات ماعندك ماتجي مصر ماهي اوربا مصر ماكندا مصر بلد يادوب أهلها بيعافرو ويدافرو في لقمه عيشهم ماعندك البيكفيك ماتجي ماتخمي أولادك وتجي تقعدي مع خالتك وعمتك وحبوبتك ماعندك حق العلاج ماتجي ماعندك حق البص البرجعك ماتجي وعو الناس أهلكم اصحابكم كونو شفافين في بث المعلومه بكل شفافيه المنظمات مابتخدم في كل الحالات المنظمات ماهي عصي موسى السحريه بث المعلومه الصحيحه لازم توعيه لازم الكل يعرف انه هنا ح يتعب بمعنى الكلمه والله البنشوفو يوميا وبمر علينا شي قاسي شديد الزول قلبه بقى يرفرف من كثر المآسي العاوز يشوف ويسمع يجي يقعد معاي ساعه في المكتب ح يبكي بدموعه الرجاء التوعيه الصادقه الشفافه🙏 Toona Mohammed
التفاصيل هنا: https://www.alnilin.com/13276531.htmhttps://www.alnilin.com/13276531.htm
|
Post: #2
Title: Re: مؤسف ما يحدث في مصر لكبارنا ونساءنا من ضي�
Author: Yasir Elsharif
Date: 09-03-2022, 02:05 PM
Parent: #1
سلام يا عثمان موسى وشكرا
حاجة محزنة ومؤسفة.
هذا مقال عن حالة السودانيين في مصر في عام 2020:
noonpost.com/content/37070
الرجاء نسخه ثم وضعه في محرك البحث.
|
Post: #3
Title: Re: مؤسف ما يحدث في مصر لكبارنا ونساءنا من ضي�
Author: حيدر حسن ميرغني
Date: 09-03-2022, 02:35 PM
Parent: #2
الأسوأ أن السودانيين أصبحوا ينصبوا على بني بلدهم لأنهم ما عندهم شغل ولا دخل ولا مصر كانت بلد إغتراب
عواطلية متسكعين في الطرقات بلا هدف بنصبون على المرضى والزائرين لأغراض أخرى
مقعول 4 مليون سوداني في مصر عندهم دخل من عمل يوفر لهم اي نوع من انواع الحياة .. لا اعتقد .. الكثير منهم عايش على السلفكة والإستنكاح
منذ سنوات دراستنا هناك كانت هذه المشاكل لا تصدر إلا من العواطلية .. بل حتى بعض زملاءنا الطلبة والطالبات كانوا ضحية لإجرامهم .
|
Post: #5
Title: Re: مؤسف ما يحدث في مصر لكبارنا ونساءنا من ضي�
Author: Osman Musa
Date: 09-03-2022, 06:51 PM
Parent: #3
الأخ الكريم الأستاذ حيدر حسن ميرغني
سلامات
يا أخ حيدر انشاءالله أهلنا السودانيين في مصر ربنا يلطف بيهم
وما يتعرضوا للمشاكل البنسمع عنها.
وربك يصلح حال السودان.
|
Post: #4
Title: Re: مؤسف ما يحدث في مصر لكبارنا ونساءنا من ضي�
Author: Osman Musa
Date: 09-03-2022, 05:23 PM
Parent: #2
الأخ د. ياسر
سلامات
يحكي لينا شاب سوداني عايد من مصر .
عن بلاوي شاهدها في سنتين إقامتو في مصر .
بحكيليك منها .
|
Post: #6
Title: Re: مؤسف ما يحدث في مصر لكبارنا ونساءنا من ضي�
Author: Osman Musa
Date: 09-04-2022, 05:21 PM
Parent: #4
مهما كانت الظروف صعبة في السودان برضها اخير من التلتلة في مصر .
|
Post: #7
Title: Re: مؤسف ما يحدث في مصر لكبارنا ونساءنا من ضي�
Author: walid taha
Date: 09-05-2022, 03:04 PM
Parent: #1
up
|
|