ود موسى يا نقااااش (نقاش بمعنى عزاااال) قلنا نساعد:
كسرة : الملاحظ أن أغاني الريف والربابة صار لها قبول واسع جدا عند المستمع السوداني
مودتي
Post: #3 Title: Re: صوتو جواي رنة . الفنانة الفلتة فهيمة عبدال Author: Osman Musa Date: 09-03-2022, 10:53 AM Parent: #2
أستاذ ابوعاقلة سلامات ياخ انت النقطها زاتو . والناقشها بالجد . والله يا أخ عمر اتكيفتليها ولظهورها بالمكياج البديع والمحتشم والصوت المبالغة. ولابد من الإشادة بالفنان ود الصديق الاشتغل شغل الدلوكة بالربابة. بتخيل اللحن زي المختوف من ملك غناء الدلوكة الراحل سيد الجعلي وبالمناسبة سيد الجعلي قريب زميلك معاوية المدير . كان يغني بدون مكرفون في الزيداب بالشرق وكنا نسمع صوتو في الزيداب بالغرب. لابد يا ابوعاقلة انو ود الصديق والملحن الشاركو في وضع لحن الأغنية لابد أنهم استمعوا لتسجيلات قديمة للفنان الراحل سيد الجعلي . واستفادوا من الطريقة السيد جعلية. ارجع واقولك الف شكر على انك عزمتنا وشاطرتنا الاستماع.
الملاحظ أخي عثمان في عودة قوية للجذور والريف على المستوى العام ووجدت الأغاني الشعبية (ربابة، طنبور، دلوكة) رواج شديد خاصة بين الشباب ولو تبحرت شوية في المعروض تجد أغاني روعة مليانة بالشجن والحنين ياخ الشعب السوداني دا طلع (فاقد حنان) تصدق !!
كسرة: ياخ كدي أسمع الريفي دا (علاء الدين الريفي) وشوف الربابة دي عاوزة تتكلم عديييل ياخ
مودتي
Post: #5 Title: Re: صوتو جواي رنة . الفنانة الفلتة فهيمة عبدال Author: Osman Musa Date: 09-04-2022, 11:54 AM Parent: #4
الأخ استاذ ابوعاقلة سلام كلامك حقيقة . وبعدين ملاحظ انو الطمبور أصبح ماهو آلة شمال السودان بس . الطمبور الآن أصبح آلة تشمل 70 في المية من مساحة البلد . وكاسح لسع .