Post: #1
Title: السلطات السعودية ترجع الزميل زهير عثمان حمد الي السودان
Author: بكرى ابوبكر
Date: 09-02-2022, 06:29 PM
Parent: #0
05:29 PM September, 02 2022 سودانيز اون لاين
بكرى ابوبكر-Peoria AZ USA
مكتبتى
رابط مختصر
سلام و احترام للجميع
علمت قبل قليل من الزميل زهير عثمان حمد ان السلطات السعودية ارجعته من المطار بعد ان تم حجزه بالمطار بسبب مقالات كان قد كتبها هنا عن محمد بن سلمان
علما بانه كان ذاهبا اليها في زيارة عائلية
|
Post: #2
Title: Re: السلطات السعودية ترجع الزميل زهير عثمان ح
Author: امتثال عبدالله
Date: 09-02-2022, 06:36 PM
Parent: #1
يعني كلام ابو الريش صاح بانه اي كلام بتكتبه هنا مرصود من قبل جهات عديدة لا نعلمها ..
ومنو الكان بصدق ان السعوديين برضه بيتابعوا الكتابات البتتكب هنا في المنبر...
غايتو اعملوا حسابكم في اختيار الكلمات التي تكتبوها وبعناية ...
|
Post: #3
Title: Re: السلطات السعودية ترجع الزميل زهير عثمان ح
Author: كمال عباس
Date: 09-02-2022, 06:55 PM
Parent: #2
يعني الناوي حج واللا عمرة مايمر من هنا ناهيك عن الإدانةوالشجب!!
|
Post: #4
Title: Re: السلطات السعودية ترجع الزميل زهير عثمان ح
Author: حيدر حسن ميرغني
Date: 09-02-2022, 08:24 PM
Parent: #3
كون إنه الموقع متابع دي ما فيها شك
بس الناس ما تنسى وهي بتكتب عن دول شغلها الشاغل متابعة النقد الموجه لها
زهير ليس الاول بين الاعضاء الذين تم إرجاعهم من مطارات الدول البوليسية
تبا لحكام ترهبهم كتابات بشر عاديين
يعيش منبرنا العظيم
|
Post: #5
Title: Re: السلطات السعودية ترجع الزميل زهير عثمان ح
Author: دفع الله ود الأصيل
Date: 09-02-2022, 08:24 PM
Parent: #3
∆ خطاك الشر يابو الزوز،
و كويس برضو أخذتهم بك رافة في
دين الله و ما تربسوك تبقى عليك زنقة
أخونا وليد الحسين أدمنا في الراكوبة ،
رد الله غربتها و أقال عثرتها.
|
Post: #6
Title: Re: السلطات السعودية ترجع الزميل زهير عثمان ح
Author: حيدر حسن ميرغني
Date: 09-02-2022, 08:31 PM
Parent: #5
الملاحظ أنه زهير ما كان بعبر عن رأيه وإنما ينقل أخبار ربما كانت معادية لهذا النوع من الانظمة الاستبدادية
رجعوه من الحنة يعني .. طز فيهم
|
Post: #7
Title: Re: السلطات السعودية ترجع الزميل زهير عثمان ح
Author: يحي قباني
Date: 09-02-2022, 08:33 PM
Parent: #5
سلامات يا هندسة
يا ريت تجيب لينا المقالات دي هنا ..
انا بعرف زهير بجيب و بنقل اخبار من هنا و هناك ..
اما قصة مقالات كاتبها زهير و عن السعودية .. حقيقة ما مرت علي ..
يا ريت تجيبها انت و لا زهير .. عشان نشوف محتواها و الناس تعمل حسابها لو مضطرين للسفر للسعودية ..
|
Post: #8
Title: Re: السلطات السعودية ترجع الزميل زهير عثمان ح
Author: زهير ابو الزهراء
Date: 09-02-2022, 08:51 PM
Parent: #7
تحياتي للجميع واشكركم علي الاهتمام والمناصرة
هي ما مقالات ولكنها اخبار
صدورالحكم في قضية مقتل خاشقجي بالسعودية!!!https://sudaneseonline.com › board › msg
07/09/2020 — زهير عثمان حمد-السودان الخرطوم ... للنيابة العامة عن صدور أحكام نهائية تجاه المتهمين بمقتل المواطن جمال بن أحمد بن حمزة خاشقجي -رحمه الله- .
"واشنطن بوست" تحض الولايات المتحدة على مطالبة ...
8 أكتوبر 2018
أحد السعوديين الـ15 الذين سافروا إلى تركيا قتل ...
18 أكتوبر 2018
صلاح نجل جمال خاشقجي يغادر السعودية ...
26 أكتوبر 2018
ردوغان: المخابرات السعودية قتلت الخاشقجي وقد ...
8 أكتوبر 2018
عائلة جمال خاشقجي تعلن العفو عن القتلة - SudaneseOnlinehttps://sudaneseonline.com › msg › board › msg
22/05/2020 — Re: عائلة جمال خاشقجي تعلن العفو عن القتلة, زهير عثمان حمد, 05-22-20, 09:22 PM. Re: عائلة جمال خاشقجي تعلن العفو عن القتلة · Abureesh ...
قبل وصوله.. التونسيون ينتفضون ضد زيارة "أبو منشار" ...https://sudaneseonline.com › board › msg
24/11/2018 — زهير عثمان حمد-السودان الخرطوم ... التي وجهت إليه من عديد المنظمات العالمية وبعض السياسيين من دول غربية بالتورط في اغتيال الصحفي خاشقجي".
السعودية تعلن ختم ملف الخاشقجي وانهاء الموضوع باعلان اعدام ...https://sudaneseonline.com › board › msg › السعودية-تع...
25/11/2018 — Re: السعودية تعلن ختم ملف الخاشقجي وانهاء الم (Re: زهير عثمان حمد) ... السعودية فى حينه ان ( 18 شخص فى السجن ) على خلفية اغتيال خاشقجى .
عقوبات أميركية على 21 مسؤولا سعوديا بقضية خاشقجيhttps://sudaneseonline.com › board › msg › عقوبات-أمي...
24/10/2018 — زهير عثمان حمد-السودان الخرطوم ... تقول إنهم مسؤولون عن مقتل الصحفي جمال خاشقجي، لم تحدد الوزارة أسماء الذين سيتأثرون بالإجراءات العقابية، ...
خطيبة خاشقجي تدعو المسلمين لإقامة صلاة الغائب على روحه-هل ...https://sudaneseonline.com › board › msg › خطيبة-خاش...
11/11/2018 — زهير عثمان حمد-السودان الخرطوم مكتبتى رابط مختصر. دعت خديجة جنكيز خطيبة الصحفي السعودي جمال خاشقي المسلمين لإقامة صلاة الغائب
ما اظن سبب غير الاخبار دي وكلها منقولة عن مصادر واضحة والحمدلله بقي بس ارجع السودان ديل دولة بوليسية بحق
|
Post: #9
Title: Re: السلطات السعودية ترجع الزميل زهير عثمان ح
Author: حيدر حسن ميرغني
Date: 09-02-2022, 08:55 PM
Parent: #8
كمان راجع بوستك ده يا زهير
اليخت الذي اشتراه الامير ولي ولي العهد السعودي محمد بن سلمان! (عام 2015)
|
Post: #10
Title: Re: السلطات السعودية ترجع الزميل زهير عثمان ح
Author: محمد جمال الدين
Date: 09-02-2022, 09:08 PM
Parent: #8
سلام أبو بكر والجميع،
أنا كنت قايل زميلنا وأخونا العزيز: زهير عثمان حمد سلفي التوجه زيه وما زي زميلنا العتيق الزبير محمود.. ما في سبب واضح متذكره للفهم دا.. بس كدا خاطر.
فمعليش للخواطر إن لم تكن في محلها.. ولأننا عارفين هسا السعودية بقت عندها مشكلة مع السلفيين والأخوان.
والمهم: تعاطف .. والجاتك في طردتك سامحتك.
بس سؤال: هم قالوا ليه عشان أنت كاتب أو ناقل مقالات أو دا تفسير لا غيره من تفسير.. ممكن مثلاً إشتباه بتاع تطابق أسماء.
.. بس بقول إحتمال.. ولا في حاجة واضحة إتقالت في التحقيق إن حدث تحقيق.. دا عشان كلنا نتعلم من التجارب!.
|
Post: #11
Title: Re: السلطات السعودية ترجع الزميل زهير عثمان ح
Author: امتثال عبدالله
Date: 09-02-2022, 10:17 PM
Parent: #10
ايوه يا زهير كدة جاوب لينا على أسئلة محمد جمال الدين ..
هل فعلا السلطات السعودية في المطار قالوا ليك انت ممنوع
من دخول الأراضي السعودية بسبب مقالات عدائية كتبتها في
المنبر العام .وهل أجروا معك تحقيق رسمي ....ام فقط منعوا دخولك
بدون ذكر اي أسباب ....وانت فقط فسرت المنع بسبب تلك الأخبار
او المقالات التي كتبتها.
|
Post: #12
Title: Re: السلطات السعودية ترجع الزميل زهير عثمان ح
Author: دفع الله ود الأصيل
Date: 09-02-2022, 10:54 PM
Parent: #11
Quote:
قبل وصوله.. التونسيون ينتفضون ضد زيارة "أبو منشار" ...https://sudaneseonline.com › board › msg
24/11/2018 — زهير عثمان حمد-السودان الخرطوم ... التي وجهت إليه من عديد المنظمات العالمية وبعض السياسيين من دول غربية بالتورط في اغتيال الصحفي خاشقجي".
|
∆أبزوز يا صاحب السجن ، ياخي حمله ع السلامة ، المرقتك كرامت البليلة وغايتو حبوبتك بتريدك و داعية ليك. والله أبو منشار دي براها كانت كتجيب ضقلك يكركب. وكمان لو كان اتشالقت و جبت سيرت «الدب الداشر»، دي كانو خلاس حيدشروك الماكلو من عمنول بمناخيرك. بالموناصبة سؤال:«أنا اسمي هنا مكتوب » ∆ نحن ترانا هينين الحجو حجو و الما حجو اللهم اجعل محلهم حيث حبستهم ، لكن ترا الخوف على بوردراب ديار الحرمين!!
|
Post: #13
Title: Re: السلطات السعودية ترجع الزميل زهير عثمان ح
Author: Yasir Elsharif
Date: 09-02-2022, 11:23 PM
Parent: #12
الحمد لله أن الحكاية ترجيع بس.
|
Post: #14
Title: Re: السلطات السعودية ترجع الزميل زهير عثمان ح
Author: حيدر حسن ميرغني
Date: 09-03-2022, 04:26 AM
Parent: #13
سلام ياسر
| Quote: الحمد لله أن الحكاية ترجيع بس. |
غير المقيمين برجعوهم من المطار
لو مقيم كان إعتقلوه
|
Post: #15
Title: Re: السلطات السعودية ترجع الزميل زهير عثمان ح
Author: Abureesh
Date: 09-03-2022, 06:10 AM
Parent: #14
بقت علينا حكاية (أهل القتيل غفروا والجيران كفروا)
الإبن الأكبر لخشقجى، صلاح، خرج من المملكة وهو الان فى أمريكا.. وأعلن من أمريكا، وهو آمن، أنه لا يريد الأجانب أن يتدخلوا فى شؤون وطنه
وما دام هو وأخوانه تركوا هذا الموضوع فما بالنـا نحن؟.. بلادنا تستحق كل الوقت.
|
Post: #16
Title: Re: السلطات السعودية ترجع الزميل زهير عثمان ح
Author: مصطفى نور
Date: 09-03-2022, 06:37 AM
Parent: #15
الاخ الغالى
يادفعه الاخ زهير عثمان حمد
يازول تشوف ليك عجل سمين كرامه والله انو رجعوك والله انت فى زول بدعو ليك والله كان ممكن تكون فى خبر كان
يازول حمدلله على السلامه ولو كنت ناؤى العمره فقد كتبت لك لان الحديث بقول لكل امرء مانوى
|
Post: #17
Title: Re: السلطات السعودية ترجع الزميل زهير عثمان ح
Author: معاوية المدير
Date: 09-03-2022, 07:47 AM
Parent: #16
أهااااااااااااااااااا، دا الكلآم البخليهم يمنعونا ؤ كِدا .
بالله تتحمدلو لي أبو الزوز في السلآمة أتقول عامل عملية بواسير !!!، الظاهر
نحن في العالم دا مواطنين درجة رآبعة بتاعت القطر زمان، لعنة الله علي
العساكر التافهين والدعم الوِسِخ ومن نحى نحوهم ونهج نهجهم إذ جعلوا
المواطن السوداني تتصرف فيه بقايا اليهود كما يشائون .
غايتو بس أخير السُكات ...
|
Post: #18
Title: Re: السلطات السعودية ترجع الزميل زهير عثمان ح
Author: Yasir Elsharif
Date: 09-03-2022, 08:55 AM
Parent: #17
سلام يا أبو الريش
Quote: بقت علينا حكاية (أهل القتيل غفروا والجيران كفروا)
الإبن الأكبر لخشقجى، صلاح، خرج من المملكة وهو الان فى أمريكا.. وأعلن من أمريكا، وهو آمن، أنه لا يريد الأجانب أن يتدخلوا فى شؤون وطنه
وما دام هو وأخوانه تركوا هذا الموضوع فما بالنـا نحن؟.. بلادنا تستحق كل الوقت. |
إبن خاشقجي خايف.. زمان أبوه مش كان آمن في أمريكا؟ شوف عملوا فيهو شنو؟
بعدين هل عشان إبنه قال ما عايز الناس يتدخلوا في بلده يعني الناس يسكتوا؟ أي منطق دا؟
بعدين السودان ليس بعيدا عن خرمجة أبو منشار دا!! شوف كلامهم بعد يومين من مجزرة القيادة العامة؟؟!!!
مملكة ابو منشار تصدر بيانا حول الاحداث في السودانمملكة ابو منشار تصدر بيانا حول الاحداث في السودان
|
Post: #19
Title: Re: السلطات السعودية ترجع الزميل زهير عثمان ح
Author: دفع الله ود الأصيل
Date: 09-03-2022, 02:50 PM
Parent: #18
∆ إت يابريش مشروق بأم ريكا دي شايفا
ولا الجنة النزل منها أبونا ٱدم و أمنا حواء, و متغافل
تماما عن إنهم بلاطجة و أس البلاوي الفي العالم أجمع.
مش استدرجو خاسشجي يتنشر في تركيا, ويومتا لقوا
عند الكاوبوي طرمبيطة قائمة بجواسيس أم ريكا
حول الكوكب. والله تراهم ما ختيانين عليك
كان جايبنك بطل كرتون أكشنات البورد!
|
Post: #20
Title: Re: السلطات السعودية ترجع الزميل زهير عثمان ح
Author: بدر الدين الأمير
Date: 09-03-2022, 03:22 PM
Parent: #19
ابو الزهور
وانا حالتى مستنى وحسب
الهاتف البيننا انك تتواصل معى
من السعودية مغتربا وامن وتحكى لى
عن غربتك في ارض الوطن بعد عودتك
من غرباتك الاخر .... اخرها كانت ماليزيا
|
Post: #21
Title: Re: السلطات السعودية ترجع الزميل زهير عثمان ح
Author: Arif Nashed
Date: 09-03-2022, 04:10 PM
https://www.0zz0.com
|
Post: #22
Title: Re: السلطات السعودية ترجع الزميل زهير عثمان ح
Author: Abureesh
Date: 09-03-2022, 04:40 PM
Parent: #21
أخى دكتور ياسـر
أبوه كان لاجئ فى أمريكا والسلطات هناك عملت كل شئ لإغرائه للعودة الى المملكة.. عكس إبنه صلاح الذى خرج من المملكة
عن طريق المطار وفى وضح النهار.. مما يعنى ان السلطات لا تريده وهو غير خائف. لو السلطات عندها أقل قدر من الشك لما
سمحوا له بالمغادرة.. مما يعنى ان هناك عملية صلح كبيرة حصلت. وبعد أهل الدم عفوا فليس لأحد الحق فى التدخل حسب
قوانين البلاد.
ويا أخ ود زينب، نعم أمريكا عاجبانى جداً جداً.. وأمريكا ليست بوش الصغير ولا بوش الكبير.. ولا همباتة واشنطون.. أمريكا
أكبر من كدا كتييييير.
أمريكا هى الجامعات، أمريكا مراكز البحث العلمى.. أمريكا الإختراعات وقيادة العالم فى التطور.. أمريكا هى سبــر غور الفضاء
أمريكا هى الشعب الجميل الخلوق الكريم الشجاع والمعطـاء. المهاجر السودانى أول ما يخت رجله فى تراب أمريكا ممكن يمشى
لأى قهوة انترنت ويسجل شركة مساهمة عامة وينزل السجل التجارى ويمشى من القهو يفتح حساب فى البنك للشركة الجديدة
ويبيع وينزل القروش فى حساب الشركة.. كل دا ممكن يحصل فى أقل من ساعتين، بما فيها المشوار للبنك.. وهذا قبل أن يكون مقيم
دائم فى امريكا.. إذن عمل مؤقت فقط.. قول فى أى دولة (فى العالم)
ممكن تلقى الحرية دى. والمعاملة السريعـة. أنا استغرب بعض الناس قاعدين فى امريكا ومستمتعين بكل هذه المزايا ولكن
مواقفهم مع إيران ودول عربيـة وأخرى معادية لأمريكا. فى امريكا تستطيع ان تعارض سياسات الحكومة كما تشاء
بأكثر مما تفعله فى أى دولة أخرى..
|
Post: #23
Title: Re: السلطات السعودية ترجع الزميل زهير عثمان ح
Author: صديق مهدى على
Date: 09-03-2022, 05:47 PM
Parent: #22
هوي يا زهير اعمل حسابك
كسرة:-
جداد الفلول جاب الخبر كالاتي:-
السعودية ترجع القحاتي الصحفي زهير حامد من المطار
ههههههه
|
Post: #24
Title: Re: السلطات السعودية ترجع الزميل زهير عثمان ح
Author: محمد مجيدو
Date: 09-04-2022, 07:17 AM
Parent: #23
حسب صورة الجواز في اول البوست
خرج من الخرطوم 2 سبتمبر
ورجع 11 سبتمبر ..
ال 9 ايام دي ابو الزوز كان وين ؟؟؟؟
عاالم بطاالـــــــــــــــــــــة ,,
|
Post: #25
Title: Re: السلطات السعودية ترجع الزميل زهير عثمان ح
Author: Yasir Elsharif
Date: 09-04-2022, 09:09 AM
Parent: #24
سلام يا مجيدو
Quote: حسب صورة الجواز في اول البوست
خرج من الخرطوم 2 سبتمبر
ورجع 11 سبتمبر ..
ال 9 ايام دي ابو الزوز كان وين ؟؟؟؟
عاالم بطاالـــــــــــــــــــــة ,, |
نحن الآن في يوم الأحد 4 سبتمبر، كيف يكون رجع 11 سبتمبر؟؟
|
Post: #26
Title: Re: السلطات السعودية ترجع الزميل زهير عثمان ح
Author: حيدر حسن ميرغني
Date: 09-04-2022, 09:30 AM
Parent: #25
ود المدير الذي في كندا
| Quote: أهااااااااااااااااااا، دا الكلآم البخليهم يمنعونا ؤ كِدا . |
انا قنعان منها من بداية التسعينات بعد مفارقتي لها
(عملت عمرتين .. كفاااااية جدا جدا)  الباقي نتمو وجدانياً وربنا يقبل
يعني ح ادخل النار لو ما زرتها ؟
|
Post: #27
Title: Re: السلطات السعودية ترجع الزميل زهير عثمان ح
Author: بدر الدين الأمير
Date: 09-04-2022, 09:34 AM
Parent: #25
ابو الزهور
وزي مابقول المثل
شقى الحال يعتر ليهو
بيضو
هسى انت تلقاها من الرجعوك
ولا من تحقيقات مجيدو
|
Post: #28
Title: Re: السلطات السعودية ترجع الزميل زهير عثمان ح
Author: محمد مجيدو
Date: 09-04-2022, 10:57 AM
Parent: #27
| Quote: نحن الآن في يوم الأحد 4 سبتمبر، كيف يكون رجع 11 سبتمبر؟؟ |
اهلين حبيبنا ياسر ...
والله كلامك صاح .... ويبدو ان نظري طش ..
كدي اقراء معااي .. تاريخ الدخول كم سبتمبر ؟؟
عاالم بطاالــــــــــــــــــــة ,,
|
Post: #29
Title: Re: السلطات السعودية ترجع الزميل زهير عثمان ح
Author: Osama Siddig
Date: 09-04-2022, 01:42 PM
Parent: #28
تاريخ الخروج (الختم الأزرق) 2 سبتمبر
تاريخ الدخول(الختم الأحمر) 11 سبتمبر ، هو غير واضح و لكن هكذا يبدو كما ظهر في الصورة.
هل من تفسير؟
ليت الأخ زهير يوضح الأمر.
|
Post: #30
Title: Re: السلطات السعودية ترجع الزميل زهير عثمان ح
Author: امتثال عبدالله
Date: 09-04-2022, 01:55 PM
Parent: #28
ابو الريش
عددت مزايا وايجابيات أمريكا وكلامك كله حقيقة لكنك نسيت حاجة مهمة :
امريكا هي نيويورك ...
.وهناك آخر نكتة سمعناها :
افتتحوا متجر في نيويورك به ٦ طوابق لبيع الأزواج ..يعني اي بنت ممكن تدخل المتجر وتشتري اي زوج ،،،ولكنها اذا دخلت الطابق الاول وما اشترت وصعدت الطابق الثاني لا يمكنها ان تعود للطابق الأول ،وهكذا إلى أن تحصل الطابق السادس ..
.في الطابق الاول مكتوب: هذا الطابق به رجال لديهم وظائف : فتقول بنت جاءت تشتري زوج : حسنا كدي نمشي الطابق الثاني يمكن يكون احسن:
وفي الطابق الثاني مكتوب : هذا الطابق به رجال لديهم وظائف ويحبون الاطفال.
وتمشي للطابق الثالث فتلقى مكتوب : هذا الطابق به رجال لهم وظائف ويحبون الاطفال ووسيمون جدا. فتقول في نفسها لا بد أن الطابق الرابع به أفضل من هؤلاء ..
وتجد في الطابق الرابع مكتوب: هذا الطابق به رجال لهم وظائف ويحبون الاطفال ووسيمون جدا ويقدمون المساعدة في أعمال المنزل فتقول هذا رائع جدا لازم امشي الطابق الخامس فربما يكون هناك رجال أفضل من هؤلاء..
.فتذهب الطابق الخامس فتجد مكتوب هذا الطابق به رجال لهم وظائف ويحبون الاطفال ووسيمون ويقدمون المساعدة في أعمال المنزل ولديهم حس رومانسي عالي جدا ..
.فتقرر الصعود للطابق السادس والأخير : فتجد مكتوب في هذا الطابق: للاسف لايوجد رجال في هذا الطابق وانك الزائرة رقم ٣١ مليون و٥٥٠ ...
فقط نريد ان نقول لك : مهما فعلت فلا يمكنك ارضاء واسعاد المرأة......
|
Post: #31
Title: Re: السلطات السعودية ترجع الزميل زهير عثمان ح
Author: Abureesh
Date: 09-04-2022, 04:45 PM
Parent: #30
أهلا إمتثال..
Quote: عددت مزايا وايجابيات أمريكا وكلامك كله حقيقة لكنك نسيت حاجة مهمة :
امريكا هي نيويورك .. |
عشان كدا اليومين ديل خاتى تايمز اسكوير فى صورة البروفايل تكريما له.. نيويورك جميلة.. خصوصا قهاوى ستاربكس.. بس ما كل الفروع.
النكتة جميلة.. والى حد بعيد حقيقيـة. لكن فى بنات يرجعوا بأول سمكة شبكتهم تمسكها.. والمشكلة فى الرجال اللى فى الطابق الخامس.. ما خلوا ليهم
إلا الطماعات اللى عينهم ما يملاها إلا التراب..
|
|