Post: #2 Title: Re: ابتكار صيني لرافعة مياه يدوية بسيطة جدا! Author: Abureesh Date: 08-30-2022, 07:07 AM Parent: #1
Post: #3 Title: Re: ابتكار صيني لرافعة مياه يدوية بسيطة جدا! Author: Abureesh Date: 08-30-2022, 07:12 AM Parent: #2
حيلة ظريفة.. بس ما كان يتعب كلو دا.. جهاز الزول دا اسمه آلة الحركة الأبدية perpetual machine.. وهذه ممنوعة علميا وتتعارض مع قوانين الديناميكا الحرارية، خصوصا القانونين الأول والثانى.. وأى طلب براءة إختراع المهندس المختبر يقرأ انه perpetual machine على طول يرميه فى سلة المهملات. لاحظ لما نزل ال PVC Pipe فى الموية كان يحركها بطريقة معينة.. وفى مكان معين.. ما رماها فى الماية ساى. فى المرتين رمامها فى نفس الحتة. وهذا فى رأيى انه كان يوصلها برأس أنبوب اخر مغمور وموصل بطلمبة.. لاحظ كان يحركها كيف. ملاحظة تانية.. لما بدأ يرفع الأنبوب من النهر.. الموية وقفت قبل ما تطلع الأنبوب من النهر كلية.. مما يعنى ان الموية وقفت لما الأنبوب إتفصل من الطرمبة وقبل أن يخرج من الماء تماماً
Post: #4 Title: Re: ابتكار صيني لرافعة مياه يدوية بسيطة جدا! Author: walid taha Date: 08-30-2022, 07:39 AM Parent: #3
أبو الريش إزى الحال
Quote: جهاز الزول دا اسمه آلة الحركة الأبدية perpetual machine.. وهذه ممنوعة علميا وتتعارض مع قوانين الديناميكا الحرارية، خصوصا القانونين الأول والثانى.. وأى طلب براءة إختراع المهندس المختبر يقرأ انه perpetual machine على طول يرميه فى سلة المهملات.
يا سيدي لو الحاجة دى بتخدم غرض لأهلنا ولو بالقليل ما حاجتنا الى قوانين الديناميكية الحرارية ؟ الحاجة الواضحة إنو الشغلة بسيطة جدا وممكن المواسير دى تتعمل فى المنطقة ولا فى زول همو براءة إختراع ، كل واحد من أهلنا البسطاء يشوف الفيديو ده طوالى يمشى لفنى فى المنطقة يعملها ليهو ويتوكل يمشى يروى ليهو حوض حوضين .
Quote: وهذا فى رأيى انه كان يوصلها برأس أنبوب اخر مغمور وموصل بطلمبة.
لا لا لو كده أنسى الموضوع لو فيهو طلمبة نحن كان بنعول على بساطة الشغلانية دى و قلة تكلفتها .
شكرا صاحب البوست
Post: #5 Title: Re: ابتكار صيني لرافعة مياه يدوية بسيطة جدا! Author: Abureesh Date: 08-30-2022, 08:23 AM Parent: #4
والله يا وليد ضحكتنى الله يجزيك خيــر. ولو الالة دى كانت حقيقية وتشتغل.. كان مشروع الجزيرة رويناه من النيل قبالة الحصاحيصا وأربجى بدل نحفر الترع من سنار ونتعب سنويا من كحيل الطمى.. تكبر المواسيــر بس. بعدين قوانين براءة الملكية الفكرية دا أساسا عاملينها عشان يحموا الأفكار الحقيقية من التقليد، وبرضو عشان يحموا المواطنين من خداع وحيل البعض ممن يحلو لهم ان يسموا نفسهم مخترعين. مع الأسف عندى شعـور ان بعض الناس سوف يحاولون عمل هذه الالة وسيصرفوا عليها آلاف الجنيهات.. عشان كدا كان لابد التعليق حتى يعرفوا الحقيقـة. طبعا كان ممكن من البداية أقول ان الأنبوب موصل بطلمبة وخلاص.. لكن كان برضو لا بد من ذكر إستحالة العملية علميا وأنها عبارة عن إحتيال.. لما العلم يقول لو لمست الكهرباء بسلك نحاس تموت طيب لو جا واحد لمس سلك الكهرباء بمعلقة نحاس والسلك اساسا ما كانت فيه كهرباء.. هل تجرب هذه فى سلك الكهرباء الحقيقى؟ طبعا لا ولابد من اتباع العلم وان سلك النحاس ومعلقة النحاس مافى فرق ينهم.
ولا يهمك عارف انك تمزح..
Post: #6 Title: Re: ابتكار صيني لرافعة مياه يدوية بسيطة جدا! Author: هشام هباني Date: 08-30-2022, 08:39 AM Parent: #5
اعتقد ان الفكرة ليس فيها غش بل اشبه بفكرة سحبنا للبنزين عن طريق الفم من الجالون لتنك السيارة حيث يبدأ بعدها يبدأ البنزين في التدفق من الجالون للتنك!
Post: #7 Title: Re: ابتكار صيني لرافعة مياه يدوية بسيطة جدا! Author: Abureesh Date: 08-30-2022, 08:59 AM Parent: #6
Quote: اعتقد ان الفكرة ليس فيها غش بل اشبه بفكرة سحبنا للبنزين عن طريق الفم من الجالون لتنك السيارة حيث يبدأ بعدها يبدأ البنزين في التدفق من الجالون للتنك!
دا تأثير السايفون يا هشام.. The syphon effect.. لكن تأثير السايفون يكون لما التنك يكون أعلى من الجالون.. أو الترعة تكون أعلى من ارض المزرعة زى ما فى مزارع القصب فى سكر كنانة.. مروى عن طريق تأثير السايفون. الخرطوش يغمروه فى الترعة ثم يترفع فوق ردمية الترعة وينزل لمزرعة القصب.. لكن لأن ارضية المزرعة على مستوى منخفض أكتر من الترعة، يقوموا يشفطوا الموية فى البداية لغاية ما تبدأ تصب وبعد داك تواصل الصب بنفسها..
Post: #8 Title: Re: ابتكار صيني لرافعة مياه يدوية بسيطة جدا! Author: يحي قباني Date: 08-30-2022, 09:41 AM Parent: #7
في طرف الانبوب الطويل الغاطس راكب بلف اتجاه واحد check valve
فهو بتحريك الماسورة بيملا موية داخل مواسيره و الموية لامن ملت الشكل الكامل المواسير القايمة ملانه موية اشتغلت كانها مضخة ..
اعتقد السيستم ممكن يشتغل .. و الله اعلم ..
تحياتي هشام ..
و ارجو من ناس الميكانيكال و الموية يجونا هنا .
Post: #9 Title: Re: ابتكار صيني لرافعة مياه يدوية بسيطة جدا! Author: walid taha Date: 08-30-2022, 11:52 AM Parent: #8
Quote: اعتقد السيستم ممكن يشتغل .. و الله اعلم ..
يا قباني أبو الريش لم يكشف بعد عن القانونين الاول والتاني بتاعين الديناميكا الحرارية.!
إنتظر شوية عشان الناس ما تخسر :)
تحياتي ،،
Post: #10 Title: Re: ابتكار صيني لرافعة مياه يدوية بسيطة جدا! Author: Abureesh Date: 08-30-2022, 01:01 PM Parent: #9
Quote: يا قباني أبو الريش لم يكشف بعد عن القانونين الاول والتاني بتاعين الديناميكا الحرارية.! إنتظر شوية عشان الناس ما تخسر :)
خلاص بدينا يا وليـد؟ البوست دا ما بتاعى ولو الحركات دى استمرت أنا اللى اخلى البوست.. وصلنا الكثير من المسخرة.
وبدون ما أقول ليك الضحك والتعجب بدون عجب لزومه شنو أعلم ان ذكر قوانين الديناميكا الحرارية ليس موضوع البوست، ولو أردت التوسح فيها ومعرفتها ما عليك إلا أن تكتب "قوانين الديناميكا الحرارية" أو thermodynamics فى قوقل وهو يجيب ليك الشرح الممل بالعربى او الإنجليزى.. وكمان فى كورسات مجانية.. أحسن من أشرحها أنا. وهى بالمناسبة فيزياء الثانوى العالى ولا تحتاج تخصص.
Post: #11 Title: Re: ابتكار صيني لرافعة مياه يدوية بسيطة جدا! Author: walid taha Date: 08-30-2022, 02:24 PM Parent: #10
Quote: وبدون ما أقول ليك الضحك والتعجب بدون عجب لزومه شنو
عزيزي أبو الريش و الله لم أقصد اى نوع من المسخرة . علامة الضحك :) أتت فقط مع عبارة (ما تخسر) لو ملاحظ ، و هي جاءت على سبيل الدعابة فقط مع إيمانى التام إن فى مشوار الحياة اى خطوة غير محسوبة - فى اى مشروع كان- تتبعها (خسارة) .
يا سيدى لك العتبى حتى ترضى ،،
كامل الود
Post: #12 Title: Re: ابتكار صيني لرافعة مياه يدوية بسيطة جدا! Author: يحي قباني Date: 08-30-2022, 02:30 PM Parent: #10
Quote: يا قباني أبو الريش لم يكشف بعد عن القانونين الاول والتاني بتاعين الديناميكا الحرارية.!
إنتظر شوية عشان الناس ما تخسر :)
تحياتي ،،
عارف و الله يا وليد ..
فترنا من نظريات المؤامره ..
بعدين شوف ليك جنس محنه :
Quote: البوست دا ما بتاعى ولو الحركات دى استمرت أنا اللى اخلى البوست
نفسيات عجيبة ..
Post: #13 Title: Re: ابتكار صيني لرافعة مياه يدوية بسيطة جدا! Author: Osama Siddig Date: 08-30-2022, 02:39 PM Parent: #12
تحياتي الأخ قباني و المتداخلين
أولا خصصت باشمهندس قباني لأني أضم صوتي لصوته أن الفكرة يمكن تطبيقها. أنا مهندس كهرباء ، هذا الموضوع يخرج عن دائرة دراستي و لكني أظنه مشابه لفكرة و نظرية "بيرنولي" Bernoulli
كما قال الأخ قباني في انتظار من يؤكد هل تعمل المضخة علي مبدأ بيرنولي أم لا.
تحياتي للجميع..
Post: #14 Title: Re: ابتكار صيني لرافعة مياه يدوية بسيطة جدا! Author: Abureesh Date: 08-30-2022, 02:52 PM Parent: #12
Quote: لم أقصد اى نوع من المسخرة
شكرا اخ وليد.. ولا أنا أقصد إساءة الظن.. لكن يا أخى الفاضل انت عارف الحاصل فى المنبر هذا.. أقل واحد موضوعية يقول ليك انت تفرض رأيك على الناس وتعتقد انك صاح.. بالله عليك فى كل الدنيا، خلى المنبر. هل فى الدنيا فى زول يقدر يفرض رأيه على زول؟ وهل فى زول يفتكر رأيه ما صاح ثم يكتبه للناس ؟
شكرا على التوضيح وأعتذر لو فهمتك خطأ..
نواصل:
وفى رأيى القطعـة المعدنية فى نهاية الأنبوب النازل فى النهر هى ال docking mechanism مصممة لتركب فى رأس الأنبوب الخارج من الطلمبة، وربما كان فيها فلتر. ولما كان يحرك الأنبوب بعناية كان فى الحقيقة يركب تلك القطعة فى رأس الطلمبة. حركة اليد حتى لو فى صمام إتجاه واحد ممكن ترفع الماء، لكن أولا لا يمكن أن ترفع الماء بضغط حوالى 40 PSI أو حوالى 3 Bar هذا ضغط طلمبة قوية.. شوف الموية كانت مندفعة بقوة كيف.. بعدين حركة اليد تخلى الموية تخرج، مع ضعفها، تخرج فى دفعات حسب سرعة حركة اليد، وليس بإندفاع وتيار ثابت fixed flow.. (شفت طلمبة الأبار اليدوية؟) أما حين يوقف حركة ايد فيجب أن تتوقف فورا ولا تستمر (القوانين المذكورة أعلاه)
تحياتى
Post: #15 Title: Re: ابتكار صيني لرافعة مياه يدوية بسيطة جدا! Author: محمد البشرى الخضر Date: 08-30-2022, 03:46 PM Parent: #14
Post: #16 Title: Re: ابتكار صيني لرافعة مياه يدوية بسيطة جدا! Author: هشام هباني Date: 08-30-2022, 04:03 PM Parent: #8
سلامات اخي يحي فعلا دعنا نترك اصحاب الاختصاص يدلون بدلوهم في هذا الموضوع الهام.
Post: #17 Title: Re: ابتكار صيني لرافعة مياه يدوية بسيطة جدا! Author: Abureesh Date: 08-30-2022, 04:36 PM Parent: #16
أهو دا المخترع الصادق الذى يستحق الإحترام
Post: #18 Title: Re: ابتكار صيني لرافعة مياه يدوية بسيطة جدا! Author: Hafiz Bashir Date: 08-30-2022, 05:19 PM Parent: #17
في الفيديو بتاع هباني والفيديو بتاع ود البشرى الموية المتدفقة من الماسورة عندها طاقة وضع وطاقة حركة اكبر من الموية في البحيرة او الحوض. عشان الموية تكسب طاقة الوضع والحركة لازم يكون في مصدر خارجي للطاقة. فالطاقة لا تستحدث من العدم.
رغم إنو أبو الريش معروف بقطع الأفكار من نص الراس، ولكن لكل قاعدة شواذ. وكلام ابو الريش في البوست دا من الشواذ.😂😂😂
Post: #19 Title: Re: ابتكار صيني لرافعة مياه يدوية بسيطة جدا! Author: Nasr Date: 08-30-2022, 05:28 PM Parent: #18
فيريا المرحلة الثانوية وعشان الجاذبية الأرضية ما في موية بتطلع من تحت لفوق (ضد الجاذبية) إلا بقوة والقوة دي هنا ما في دا إستهبال كثير وكبير مدور في يوتيوب كله عشان المشاهدات لأنو المشاهدات بتعني قروش
Post: #20 Title: Re: ابتكار صيني لرافعة مياه يدوية بسيطة جدا! Author: Abureesh Date: 08-30-2022, 05:56 PM Parent: #19
Quote: دا إستهبال كثير وكبير مدور في يوتيوبكله عشان المشاهدات
بالضبط يا نصــر.. وبالله شوف الناس ديل يصرفوا الملايين كيف عشان الدجل دا.. دايرين يثبتوا الحركة الدائمة Overunity
Post: #21 Title: Re: ابتكار صيني لرافعة مياه يدوية بسيطة جدا! Author: هشام هباني Date: 08-30-2022, 07:46 PM Parent: #20
Post: #22 Title: Re: ابتكار صيني لرافعة مياه يدوية بسيطة جدا! Author: هشام هباني Date: 08-30-2022, 08:03 PM Parent: #21
Post: #27 Title: Re: ابتكار صيني لرافعة مياه يدوية بسيطة جدا! Author: أبوبكر عباس Date: 08-31-2022, 10:56 AM Parent: #22
البعجبني في مولانا حافظ بالرغم من تخصصه الأدبي في علم المواريث إلا أن الكمون سينس بتاعو عالي جداً، يا أخي، الكديس دا لو فعلاً ممكن يرفع الموية بالسهولة دي كانت كل أزمات الجوع والاقتصاد في العالم اختفت.
Post: #23 Title: Re: ابتكار صيني لرافعة مياه يدوية بسيطة جدا! Author: Ahmed Khalil Date: 08-30-2022, 08:09 PM Parent: #21
Post: #24 Title: Re: ابتكار صيني لرافعة مياه يدوية بسيطة جدا! Author: هشام هباني Date: 08-30-2022, 08:27 PM Parent: #23
اذا كانت القضية خدعة للتكسب المالي من موقع يوتيوب بعدد المشاهدات فهل سياسات يوتيوب تسمح بذلك الخداع وهو موقع محترم له سمعته؟
Post: #25 Title: Re: ابتكار صيني لرافعة مياه يدوية بسيطة جدا! Author: Abureesh Date: 08-31-2022, 03:50 AM Parent: #24
Quote: اذا كانت القضية خدعة للتكسب المالي من موقع يوتيوب بعدد المشاهدات فهل سياسات يوتيوب تسمح بذلك الخداع وهو موقع محترم له سمعته؟
نعم بالحيل.. بس خت fuelless generator فى يوتيوب وعشرات القنوات كلها fake news دجل وكذب.. ويوتيوب بالمناسبة تدفع الفتات لأصحاب القنوات وتأخذ معظم رســوم الإعلانات.. يعنى يوتيوب قناة محترمة علا مستفيــدة
Post: #26 Title: Re: ابتكار صيني لرافعة مياه يدوية بسيطة جدا! Author: محمد الأمين موسى Date: 08-31-2022, 08:27 AM Parent: #17
Quote: أهو دا المخترع الصادق الذى يستحق الإحترام
ربما كان الدلو أسرع. أي أن هذه الفكرة لا تحدث فرقا كبيرا مقارنة بالدلو طالما أن الجهد البشري لابد منه لضخ الماء.
Post: #28 Title: Re: ابتكار صيني لرافعة مياه يدوية بسيطة جدا! Author: Abureesh Date: 08-31-2022, 12:36 PM Parent: #26
Quote: ربما كان الدلو أسرع. أي أن هذه الفكرة لا تحدث فرقا كبيرا مقارنة بالدلو طالما أن الجهد البشري لابد منه لضخ الماء.
الفرق من الدلو فرق معتبر لأن هذه الطريقة تخلى الموية ماشية بإستمرار وبكميات موية أكبر من الدلو. من البئر الى الحوض أو الخرج صاحب الدلو يحتاج ربع دقيقة.. يحتاج 10 ثوانى لصب الموية فى الحوض من الحوض راجع للبئر يحتاج 10 ثوانى يرمى الدلو وينتظره لغاية ما يتملئ ويرفعه تانى يحتاج 10 ثوانى.. دى تساوى 45 ثانية فى كل رمية دلو.. الدلو سعته حوالى جالونين. طيب لو قارنت هذا بكمية الموية الكتيرة المتدفقة بإستمرار زى السيل فلن تجد أى مقارنة. الشاهد انه كان دلو أو طلبمة ببنزين او موتور يشتغل بكهرباء الحكومة او بالطاقة الشمسية أو بالرياح او بالساقية والشادوف (طاقة الثيران).. المهم ما دام عاوز إنتاج قيمة مادية (رى مزرعة مثلا) لا بد من استخدام طاقة مادية.. نظريات عبقرينـو دى ما تنفع
Post: #29 Title: Re: ابتكار صيني لرافعة مياه يدوية بسيطة جدا! Author: Asim Ali Date: 08-31-2022, 03:11 PM Parent: #28
السلام عليكم الفكرة حاصله فى المشاريع من الترعه بخرطوش العامل يعمل نفس الحركه لغاية المويه تطلع ويرمى الخرطوش فى الارض وتستمر عمليه الرى طبعا خرطوش قاصد انبوب كذا بوصه
Post: #30 Title: Re: ابتكار صيني لرافعة مياه يدوية بسيطة جدا! Author: Abureesh Date: 08-31-2022, 04:06 PM Parent: #29
Quote: الفكرة حاصله فى المشاريع من الترعه بخرطوش العامل يعمل نفس الحركه لغاية المويه تطلع ويرمى الخرطوش فى الارض وتستمر عمليه الرى طبعا خرطوش قاصد انبوب كذا بوصه
لو راجعت المداخلات الوق يا عاصم نحن ناقشنا موضوع الخراطيش دى بتفصيل.. مستعمل فى مزارع قصب السكر فى كنانة.. واسمه نظام السايفون ولكن الأرض المروية لازم تكون أوطى من الترعة وإلا الموية ما تطلع فوق. دائمة الترعة عالية أكتر من المزرعة.. عشان كدا انت تسحب الموية بالخرطوش أولا ثم لما الخرطوش يتملئ تفكه والموية تنزل إنسيابياً وبصورة مستمرة.. زى جركان البنزين.. لازم تخت الجركان أو الجالون على الأرض أو تمسكه فى مستوى أدنى من تنك البنزين بتاع العربية.. وإلا يعنى لو ختيت الجالون فى سقف العربية أو مسكته عالياً فإن الموية ما ح تطلع
Post: #31 Title: Re: ابتكار صيني لرافعة مياه يدوية بسيطة جدا! Author: محمد الأمين موسى Date: 08-31-2022, 05:32 PM Parent: #28
Quote: صاحب الدلو يحتاج ربع دقيقة.. يحتاج 10 ثوانى لصبالموية فى الحوض من الحوض راجع للبئر يحتاج 10 ثوانى يرمى الدلو وينتظره لغاية ما يتملئ ويرفعه تانى يحتاج 10 ثوانى.. دى تساوى 45 ثانية فى كل رمية دلو.. الدلو سعته حوالى جالونين.
طيب صاحبنا الشغال في المضخة، ما بحتاج يِنجَمّ شوية؟! إذا كان ذلك كذلك فلن تجد فرقا معتبرا بين المضخة والدلو. وستكون المضخة زيادة في التكلفة بلا مبرر.
Post: #32 Title: Re: ابتكار صيني لرافعة مياه يدوية بسيطة جدا! Author: Abureesh Date: 08-31-2022, 10:42 PM Parent: #31
Quote: طيب صاحبنا الشغال في المضخة، ما بحتاج يِنجَمّ شوية؟! إذا كان ذلك كذلك فلن تجد فرقا معتبرا بين المضخة والدلو. وستكون المضخة زيادة في التكلفة بلا مبرر.
برضو فى دي الزول الشغال فى المضخة مرتاح اكتر من صاحب الدلو.. لأن صاحب الدلو يستعمل القوة، وصاحب المضخة اليديوية يستعمل نظريـة العتلة.. لاحظ لو الإتنين اشتغلوا ساعة بتاع الدلو حيله ينهد.. وبتاع الطلمبة اليدوية يكن مرتاح أكتر منه.. ومع كدا بتاع الطلمبة اليدوية يكون انتج مياه أضعاف مياه بتاع الدلو.. بتاع الدلو قاعد يعتل الموية، وبتاع الطلمبة اليدوية قاعد (يدردقها) عشان كدا وزنها يكون أخف كتير. مافى أى وجه مقارنة يا محمد.