Post: #1
Title: لعشّاق الحروف و (مجيْهِيها) .. اتفضلوا لا جوة !!
Author: حسين يوسف مكى
Date: 08-28-2022, 11:48 AM
10:48 AM August, 28 2022 سودانيز اون لاين
حسين يوسف مكى-جدة / المملكة العربية السعودية
مكتبتى
رابط مختصر
قال احدهم :
الريدة زي فرّة بِرِش
تفِنِّو تاني إجيك قريب
والماشّه ل خشمك تقع
لو اصلو ما فيها النصيب.
***********
جاييك مستّف حِسى شوق
مستنّي شارات الدخول
عاجبني فيك حلو الكلام
الرِقّة والطبع الخجول
و مشيت عليك زى التقول
ما كنت في ارض الله في
و ما عرفت قبلك اي زول.
**************
يا عبق روحنا و (سُلافا)
الظروف ال نحن فيها
قلبي ياما وياما خاااافا
هل بتبعدنا المساااااافة
ام هل ورود الريدة تذبل
بكرة و تموت من (جفافا) ؟
*******
نقطة . نفس عميق !!
|
Post: #2
Title: Re: لعشّاق الحروف و (مجيْهِيها) .. اتفضلوا لا ج�
Author: محمد عبد الله الحسين
Date: 08-28-2022, 11:57 AM
Parent: #1
كلمات حلوة وظريفة
|
Post: #3
Title: Re: لعشّاق الحروف و (مجيْهِيها) .. اتفضلوا لا ج�
Author: حسين يوسف مكى
Date: 08-28-2022, 01:43 PM
Parent: #2
محمد عبدالله الحسين
تحية واحترامات
بلولح في سبيط افكاري
كان إرمي الرُطب تالاك
ودايرك يا شفيف الروح تنقّي
مذاق الحلوة لي ودفاك
اكان شفت الوهبنا قليل وما كفّاك
تعال سبيط ارواحنا نهديكَ
وكيف ارواحنا تسوي بلاك ؟.
شكرا جميلا
|
|