Post: #1 Title: الف مبروك لعمــلاء T-Mobile Author: Abureesh Date: 08-28-2022, 07:33 AM
إتفاق
تى موبايل مع اسبيس أكس T-Mobile and SpaceX لتوفير الإنترنت لكل مناطق أمريكا العام القادم وكذلك نوفير الرسائل القصيرة وتبادل الصور والفيديوهات فى كل العالم بدون أى تكلفة إضافية.. يعنى لو الباقة بتاعتك ب 50 دولار فى الشهر مثلا فلن تدفع أكثر من هذا فى أى مكان فى العالم وفى العام القادم سوف توفر البيانات أيضا (data).. فى كل انحاء العالم.. العام القادم يبدأون بالرسائل القصيرة SMS و (علماؤنا) يناقشون لو الواحد شايل جراب فســو وفى الصلاة شم ريحة وشك انها من الجراب واللا منه، هل تبطل صلاته أم لا!
Post: #2 Title: Re: الف مبروك لعمــلاء T-Mobile Author: Abureesh Date: 08-28-2022, 07:49 AM Parent: #1
بعد سنتين تلاتة التغطية ستشمل البيانات والمكالمات.. ولذلك سوف تتلغى كل الأبراج والإتصال سيكون مباشر عبر أقمار SpaceX .. نسيت ابشر الأفارقة لأن ايلون ماسك ناوى يوفر ليهم الإنترنت مجانا ومباشرا.. تانى مافى قطع النت فى السودان.. كلموا المجلس السيادى..
Post: #3 Title: Re: الف مبروك لعمــلاء T-Mobile Author: Nasr Date: 08-28-2022, 08:23 PM Parent: #2
يعني ما في داعي الزول يشتري الدش بتاع سبيسكس الغالي دا؟ القالو بديك إنترنت في أي حتة بقعة في الأرض ؟؟؟؟؟
Quote: يعني ما في داعي الزول يشتري الدش بتاع سبيسكس الغالي دا؟ القالو بديك إنترنت في أي حتة بقعة في الأرض ؟؟؟؟؟
ما عندى فكرة عن الدش.. لكن أتوقع انك لازم تشترى الدش وما عارف سعره سيكون بكم؟ شخصيا لا أملك دش أو تلفزيون ولا أشاهد التلفزيون اصلاً.. ولا أتخيل ان يجى يوم أجر كرسى وإتجمد وأبحلق فى تلفزيون.. مع احترامى وفهمى لمن يقوم بذلك.
Post: #5 Title: Re: الف مبروك لعمــلاء T-Mobile Author: Nasr Date: 08-29-2022, 07:20 PM Parent: #4
أنا بتكلم عن الدش الحيجيب النت مش التلفزيون في السودان النت ضعيف خالص لكن التلفزيون متوفر أكثر مما يجب
Quote: أنا بتكلم عن الدش الحيجيب النت مش التلفزيون
يا حبيبنا نصــر خليك مع الزمن.. النت يجيك فى التلفون من الستلايت مباشرة. ممكن تعمل تثرنج للكمبيوتر من التلفون
Post: #7 Title: Re: الف مبروك لعمــلاء T-Mobile Author: Nasr Date: 08-29-2022, 08:51 PM Parent: #6
في السودان ؟؟؟؟؟؟؟؟
Post: #8 Title: Re: الف مبروك لعمــلاء T-Mobile Author: Abureesh Date: 08-30-2022, 05:48 AM Parent: #7
Quote: في السودان ؟؟؟؟؟؟؟؟
يا أخ نصر قالوا الستالايت.. الأقمار الصناعية تعرف ليك السودان من بوركينافاسو؟.. قبل يومين ألان ماسك أطلق 53 صارخ للفضاء الخارجى تحمل 53 قمر صناعى مخصوص للمشروع دا. سيغطى كل أمريكا افريقيا .. أمريكا ما ح تكون فيها بقع مظلمة BLACK ZONES كما ربما تلاحظ الان لما تسافر عبر الولايات.. تدخل فى زون النت يتقطع لو مافى أبراج.
ممكن تتكرم وتعمل معروف لقريب او صديق من السودان وترسل ليه شريحة تى موبايل من هنا.. تانى ما حتكون عنده مشكلة قطوعات خالص,, لأن النت عنده ما ح يجى من زين او سودانى ولكن ح يجى من فوق.. فى الوقت الحالى تبادل الرسائل القصيرة والفيديوهات بس.. بعد فترة والمرحلة التاليةة ستكون الإنترنت.. يعنى الكلام زاتو سيكون مجانا بالواتساب والإسكايبى.