Post: #1
Title: من عجائب وغرائب الصلعة( هدية لمعاوية ود عطبرة)
Author: امتثال عبدالله
Date: 08-27-2022, 12:20 PM
Parent: #0
11:20 AM August, 27 2022 سودانيز اون لاين
امتثال عبدالله-NYC - USA
مكتبتى
رابط مختصر
(adsbygoogle = window.adsbygoogle || []).push({});منقول
:الصلعة في شمال إفريقيا تسمى تاج الرجولة
في تركمانستان لا يسمح للرجل بالزواج من أكثر من زوجة إلا إذا كان أصلع
في البرازيل تشترط الفتاة على خطيبها الكشف عن شعر راسه لتضمن أنه ليس كثيفا لان زيادة الشعر عندهم دليل أنوثة ونقص خصوبة.
في أوزبكستان يتزوج الاصلع دون مهر.
في الأرجنتين تعتبر المتزوجة من أصلع سيدة المدينة .
في اندونيسيا تجد القاضي الذي يعقد لزوج أصلع يطلب منه التقاط صورة تذكارية معه وتعتبر إنجازاكبيرا لذلك القاضي.
-في أستراليا بحق الزوجة أن تترك زوجها غير الأصلع اذا وجدت رجل آخر اصلع.
في فنلندا عند قبول الطالبة في جامعة هلسنكي فإن أمنيتها ليس النجاح فقط وإنما أيضا الوقوع في حب طالب اصلع..
ولكن ما سبب صلعة الرجل؟
سببها ارتفاع هرمون الرجولة ( التستسرون ) عند الأصلع.
وقد أثبتت البحوث العلمية أن الرجل الأصلع اكثر نضجا من غير الأصلع .
اذن فكن واثقا بنفسك وبصلعتك ....فالصلعة هبة من الله.
( منقول من الواتساب من عمر البدوي ).
|
Post: #2
Title: Re: من عجائب وغرائب الصلعة( هدية لمعاوية ود ع
Author: امتثال عبدالله
Date: 08-27-2022, 01:51 PM
Parent: #1
ما تفرح شديد يا ود عطبرة لأني قريت في أيضا في مجلة ان في واحد عبقري ومخه زي
الكمبيوتر وهو شاب صغير ويحل أعقد المسائل الحسابية في ثواني وشعره اطول من شعر
البنات الهنديات ...لان الهنديات يتمتعن بطول الشعر....
يعني ما كتبه عمر البدوي ما قاعدة ثابتة ...ونشوف راي آخرين من الأعضاء ..
|
Post: #3
Title: Re: من عجائب وغرائب الصلعة( هدية لمعاوية ود ع
Author: عثمان حسن عبد الله الحاج
Date: 08-27-2022, 03:02 PM
Parent: #1
الأخت / إمتثال
السلام عليكم ورحمة الله
التحية عبرك لكل رجل أصلع
وعلى رأسهم الأخ / ود المدير
موضوع طريف وشيق
لكن الفقرة دي
| Quote: في أستراليا بحق الزوجة أن تترك زوجها غير الأصلع اذا وجدت رجل آخر اصلع. |
خراب بيوت عديل كده وبيع بالتقيل
|
Post: #4
Title: Re: من عجائب وغرائب الصلعة( هدية لمعاوية ود ع
Author: امتثال عبدالله
Date: 08-27-2022, 04:31 PM
Parent: #3
عثمان حسن
كويس زوجها ما يمشي بحلق صلعة عشان يحافظ على بيته...ههههههههه
ده اخر الزمن يا عثمان ..!!!
|
Post: #5
Title: Re: من عجائب وغرائب الصلعة( هدية لمعاوية ود ع
Author: Abdelrahim Mohmed Salih
Date: 08-27-2022, 10:44 PM
Parent: #4
التحية لك وللاصلع عمر البدوى اظنو كتب المقال فى لحظه إنفعالية شديدة يمكن اتفاجأ ب الصلعه فى نص الراس
فجمع المقال بين الاحلام والخيال
|
Post: #6
Title: Re: من عجائب وغرائب الصلعة( هدية لمعاوية ود ع
Author: Ahmed Yassin
Date: 08-28-2022, 01:00 AM
Parent: #4
زيادة هرمون الرجولة ( التستسرون ) عند الأصلع
** ** **
نفس الدراسة يا امتثال اثبتت ان الاصلع بخيل...
انا في البداية ما اقتنعت بالكلام حق البخل دا. .. لغاية:
عندي قريبتي قالت لي في واحد حيجي يقابلك اسمه د. فلان واخصائي ما عارف شنو
والبت زاتا طبيبة.... المهم جوني اتنين دكاترة .. والاتتين من عطبرة ...واحد طويل
والتاني قصير وصلعة ومن عطبرة زي ما قلنا... القصير ابصلعة دا طلع ياهو العريس
وقدم نفسه انه اخصائي جراحة وعرفنا بالطويل. انه تخصص غدد صماء..ومتعاقدين
مع وزارة الصحة في المملكة.. وهو يعمل في مدينة بعيدة زي ( 700 ) كيلو
كان اللقاء جميل جدا وقعدوا حتى وقت متاخر جدا... طلب مني ايد قريبتي وانا رحبت
مع انه فارق السن وصل الى ( 16 ) سنة .. دا ما الموضوع.... فرح جدا وقلت ليهو
اتشرفنا . وما عندي مانع..و ووو . بعد تقريبا شهر و شوية. اتصلت قربتي وقالت
الزول دا انا ما دايراهو .. سالتها ليه؟؟؟؟؛؛ قالت تتخيل بعمل لي ( مسكول) عايزني انا
الاتصل... وكرر الحكاية دي كتير
..
|
Post: #7
Title: Re: من عجائب وغرائب الصلعة( هدية لمعاوية ود ع
Author: امتثال عبدالله
Date: 08-28-2022, 01:17 AM
Parent: #6
لا حول ولا قوة الا بالله.
اكعب حاجة في الدنيا دي البخل...
مع انه بت عطبرة بتشكر لينا ناس عطبرة وتقول ديل اكرم من حاتم الطائي...
ولا يا ربي عشان مصلع...بقى بخيل....
يعني الدراسة دي اي كلام!!؟؟
|
Post: #8
Title: Re: من عجائب وغرائب الصلعة( هدية لمعاوية ود ع
Author: جلالدونا
Date: 08-28-2022, 01:37 AM
Parent: #7
غايتو حكاية الاصلع دي نرجسية ساكت
نرجسية دي سارقا من بوست مجاور
|
Post: #9
Title: Re: من عجائب وغرائب الصلعة( هدية لمعاوية ود ع
Author: معاوية المدير
Date: 08-28-2022, 09:40 AM
Parent: #8
بنتنا إمتثال مشكورة علي الهدية .
أصبر سااااااااااكت يا أحمد ياسين ...
|
Post: #10
Title: Re: من عجائب وغرائب الصلعة( هدية لمعاوية ود ع
Author: MOHAMMED ELSHEIKH
Date: 08-28-2022, 10:56 AM
Parent: #9
يقال والعهدة على الراوي ان احدهم تقدم لزواج واحدة من اقرباءنا الرباطاب ولكنها رفضته,
وعندما استفسروها قالت دا اصلع ما بينفع معاي.
ابوها قال ليها:" انتي الشعر عايزة بيه شنو؟ عند قمل دايرة تربيه؟"
|
Post: #11
Title: Re: من عجائب وغرائب الصلعة( هدية لمعاوية ود ع
Author: امتثال عبدالله
Date: 08-29-2022, 00:53 AM
Parent: #10
اصحابك حسدوك يا ود عطبرة
|
Post: #12
Title: Re: من عجائب وغرائب الصلعة( هدية لمعاوية ود ع
Author: معاوية المدير
Date: 09-04-2022, 07:16 AM
Parent: #11
Quote: ما تفرح شديد يا ود عطبرة لأني قريت في أيضا في مجلة ان في واحد عبقري ومخه زي
الكمبيوتر وهو شاب صغير ويحل أعقد المسائل الحسابية في ثواني وشعره اطول من شعر
البنات الهنديات ...لان الهنديات يتمتعن بطول الشعر....
يعني ما كتبه عمر البدوي ما قاعدة ثابتة ...ونشوف راي آخرين من الأعضاء .. |
الأصل في الرجال الصلعة ولكل قاعدةٍ شواذ ...
|
Post: #13
Title: Re: من عجائب وغرائب الصلعة( هدية لمعاوية ود ع
Author: عثمان حسن المتعارض
Date: 09-05-2022, 04:08 PM
Parent: #12
ههههههههههههههه
غايتو عندي صاحبي أصلع اسمو خالد مكاوي
لكن موضوع البخل دا والله مامنطبق عليهو
كريم كريم كريم لي درجة
ياربي يكون فلتة من القاعدة هههههههههههههههههه
|
|