اسماء قُري ومدن سودانية !! هل سيتم تغييرها لو المدنية زبطت؟ 🤗

08:06 AM August, 27 2022 سودانيز اون لاين
حسين يوسف مكى-جدة / المملكة العربية السعودية
مكتبتى
رابط مختصر

(adsbygoogle = window.adsbygoogle || []).push({});السودان البلد الطاعم !!تقول الرواية :ايام البص (ضُلُّو كنب) يمكن دي الحقبة التي كان الحب فيها ضربا من ضروب الغواية مع طعومة الحياة.. قالوا البص مليان يعُجُّ برواد من طبقة اهل القرية بعد ان ذهبوا لسوق المدينة وعملوا الشوبنق كلٌ حسب حاجته وهمّوا بالرجوع الي ديار السُرّة ورصيفاتها.. والسحاب شايل بعد ان جلسوا في كنبات البص وخلف بوريهُ وتفقّدوا بعضهم بعضا.. نقر مفتاحو وتم اطلاق صراحو.. كالعادة الونسة بين الرُكّاب طابعها الصراحة في ايٍ من مواضيع الساحة.. انبري احدهم سائلا عن المطر وصاب وين والجهة الفلانية كيفنها؟ سال بحكم غيابه عن المنطقة اجابه واحد من اعمامك وقال ليه:المطر يا سيد (الامَنْتْ) ليك.. بدا صبيبو من البارحبدا فوق صِليعتَك.. نازل فوق فهيقتك.. قالوا ضِهيرَك قعويو يعوم واصل صبيبو فوق جعيباتك حدو شِقيقك. عادة يستخدم التصغير في القري والحلّال ك عادة. احمر وجه السائل و زعل واكفهرّ كررر سلّ سكينواحدهم تدخل وقال ليه يا ولدى دى اسماء حلّال ما نبزك الزول ده.بالاشارة للتوبك اعلاه.. عندنا اسماء لقري ومدن عجيبة .. يا ربي لمن المدنية تزبط ونبقي دولة حنفولية بغيروها وللا لع؟ زى:ود جربوعايد الحدام بعتوتام عويدود العكليام بطحيكمّل نومكالبعاشيمام قرفةالعطشةقُرادةبعّاصامات سعنة........ يتبع عرفونا باسماء تلك القري والمدن من باب العلم

سلام أخي حسين

بوست ظريف ودمه خفيف...وكذلك ينزلنا إلى مستوى أن نعرف ذاتنا و أنفسنا ونعترف بفلكلورنا و ثقافتنا المحلية...

الأدهى أننا لا نوثق كل ذلك والحياة تجري وتتغير وحتى المفردات اللغوية تتوارى قليلا قليلا وراء طغيان المدنية( حيث لا مدنية) ولكنه جري وراء

رهاب وسراب..
فتحت موضوع ليس باليسر الإحاطة بكل جوانبه...ومجرد فتحه يجعلنا ننظر إلى ذواتنا و مكان أرجلنا...

أعتقد أن الاسماء نفسها تمثل التاريخ والتوثيق لأحداث ولشخوص و لرموز لربما سادث ثم توارت بفعل التاريخ وسعيه الحثيث لكي يكون ذكريات...

تحياتي وودي

ألجميل محمد عبدالله الحسن
تحية بلون البنفسج وكل اشياء الجمال.
زمان كان التوثيق بالعنعنة والشكل الحياتي طابعه السرد التقليدى زي
حياة ابوك فلان وسنة مات فلان وزمن العِينة الفلانية.
فالتوثيق سمة ملازمة للمؤرخ الذي يعتز بماضيه المتواتر.. الحداثة اذا استصحبناها يجب ربطها بماضينا بادواتنا وتاثير الناس

الاخ الغالى محمد عبدالله الحسين
موضوع رائع
وكثير من الاسماء عايز تغيير بحق
واهديك موضوع كتبته قبل سنوات عن موسوعه اسماء القرى السودانيه
الاخوه الاعزاء فى المنتدي العام يسرني ان انشر لكم خصيصا البوست الذي كتبتتوا فى 2007عام عن موسوعه اسماء القري وطبعا فى الفتره دي ال 15 عام دي ظهرت قري ومدن جديده ياريت نقدر نضيف
مصطفى 07-10-2010, 07:35 PM
الدبة..مفرقة..سمت..اوربي..بنا..تنقسي..مقرات..سلقي. .مشو..كويا..ام
كرابيج..الحصايا..تمر العرب..شبتوت..كاب
توت..كورتى..كاب..الحصاحيصا..كمِّل
نومك..توت..فِطيس..صراصر..مناقزا..نقزو..النهود..تنّ وب..كبد
اليتيم..العيكورة..القريقريب..معيجنة..أم دقرسي..أم جريس..أبو دليق..خراج
الروح..زقلونا..ام جمط..ابو عضام..التكيلات ..قضيضيم..ام قلجه...ام
ريكا..ام حفيره..ام بجيني..دلق التوب..الدومه ..الذريقه ام ترب...
الخشيم...
الحمار نكس..
ام صفقا عراااض ..
ح نتوب ...يعنى لسا ما تابو ...
القنابيل..
كبمبورة..
البويضاء..
ودآدم وفى ابو ادم كمان بس ما لاقينا ام ادم ..حتى ادم جابو ليهو ابو ..
فداسى..
كركوج..
قسومة..
الكريبة..
الكوة..
البشاقرة..
الخوى..
لقاوة..
عصار..
القدنبلية..
شلعوها الخوالدة..
الشكينيبة..
الدبيبة..
ود المنسى..
طربقوها الكوازنا (دى قالو مخطط جديد) ..
زنقاحه..
ود مطر..
ودرعيه..
حليوه..
الرتينه بقت..
ركبتي زاقت..
كاب الجداد..
السديره..
كجنة الخلوات..
جابو أجلك..
أبقدوم..
طبقة..
معصورين..
البردانـة..
عد الغباش..
عد الحاج..
ودساوي..
دبيرة..
أرقين..
أشكيت..
دغيم..
فرس..
سره..
جمي..
دبروسة..
امبكول..
أمكة..
صاي..
صيصاب..
أبوديس..
مبيريكة..
كنور..
حجر الطير..
حجر العسل..
العسيلات..
حوش بانقا..
ودحسونة..
أبودليق..
قيلي..
تمبول..
الصباغ..
أم شديدة..
ريرة..
السبعات..
أصبري..
شلكي..
المقطع..
الشجراب..
أم جداد..
كاب الجداد..
ود الحليو..
قدمبلية..
الشبارقة..
البشاقرة..
ود الفادني..
الدونيب..
أم دقرسي..
القريقريب..
اربجي..
القلقالة..
الضقالة..
البطاحين..
الشاوراب..
قنب..
الطالباب..
العيكورة..
أبو حراز..
التلكة..
التكلة أبشر..
فداسي العامراب..
فداسي الحليماب..
وادي شعير..
طابت..
صراصر..
الكريمت..
ودعشانا..
الجاموسي..
قنيدة..
حلة بر..
الهبوب..
ام شدق..
مجرور..
اكرب صلبك

سلامات حسن يوسف.. فعلا زي ما قالوا الشباب قبلي بوست موحي ومختلف.. وانا عندي راي مختلف شوية قلته قبل 12 سنة في بوست في الفيسبوك ذكرتني ليه الليلة:

الهولنديون لا يخجلون من أسمائهم أو أسماء أحيائهم أو شوارعهم أو مدنهم.
مثلآ هناك حي هو من أرقى الأحياء في مدينة آرنهم الهولندية إسمه " خيتن كامب" وتعنى: زريبة الغنم على وزن عد الغنم
بينما غير السودانيون إسم منطقتهم التاريخي المطابق "عد الغنم" إلى عد الفرسان وما درو أن لولا الغنم لما كان هناك فرسان!.
وهناك الكثير الممتع من أسماء القرى الهولندية من نوع "الروب رقد هبطرش" و "كراع البقر جيابة" و " الجبنة الصفراء ألذ شي" و "القرادة قامت صوف" و " النهود كبرو" . وهناك شارع شهير في لاهاي إسمه "شارع راعى الخراف" .
تلك وغيرها أسماء مستقاة من البيئة ولها مبرراتها وتاريخها شكلتها ظروف معاش الناس عبر القرون) ولا يجوز عند أهلها تغييرها لأنها أصبحت غير سياحية بعد الثورة الصناعية والتكنلوجية . بل العكس كم تراهم فخورين بها. إنه ماضيهم الذي شكل حاضرهم.

البرنس محمد جمال الدين
تحية و محبااات
ابناء العم سام دأبوا علي استمرارية الاشياء.. بختلفوا عننا في كل شئ حتي انسانيتهم اطعم
عندك في بلاد العرب تحديدا الكويت اقدم عدد كبير منهم لتغيير اسمه طبعا عندهم اسماااااء تقطع الوضو والخميرة.
ونحن كسودانيين علي مختلف سحناتنا في حاجات مع مرور الزمن بنترفّع عنها وان عشناها وتعايشنا معها في زمنٍ ما.
كن بخير يا سمح

مصطفي نور
يا كل البهاء .. فعلا محتاجين لمعرفة الاطلال والديار والفُرقان والشخوص علي اختلاف مسمياتهم.. يا ريت لو فعّلنا ادواتنا المعرفية وتناولها الكُتّاب في كل ضروب التبصير مسرح شعر نثر رواية بصورة اكبر صدقني ح يكون في مخزون معرفة بكل المناطق.
جميل ما اوردته لكن ياريت تورينا اين توجد تلك القري لتعم المعرفة.. شكرا تساب

بوست خفيف ولطيف شكرا لفارعه
(مبيريكة) يا مصطفى دا الاسم الجديد لمحطة سكة حديد تقع جنوب الشريك اسمها القديم شين خلاص فى زمن الانجليز كان معلق امام المحطة
ام بكول اسم جزيرة فى النيل وهما جزيرتان الصغرى والكبرى تقعان شمال الشريك
فى الخمسينات من القرن الماضى كنت ادرس بمدرسة الاحفاد الوسطى
ذات يوم زارنا المرحوم بابكر بدرى
دخل علينا فى الفصل وسأل عن ابناء اهله الرباطاب ان كانوا بين التلاميذ فرفعنا ايدينا
وجه لنا سؤالا:
ماهى الجزر الستة واسماءهن تلاتة؟
رفعت اصبعى واجبته:
ام بكولات الاتنين- الأتبات الأتنين -النشاوير الاتنين
كبيرة/صغيرة
كان

الأخ حسين.. سلامات وبوست خفيف وظريف.. ولكن
ياخى نحن امفروض ول حاجة السودانيين نهتم بالأولويات.. لا نكون زى المثل الإنجليزى penny-wise-pound-foolish يعنى يهتم
بتوفير الملاليم ويبعزق الجنيهات.. نعم اعرف انك قلت( بعد المدنية).. لكن المدنية هى بداية عمل شاق وطويل فى إرساء قواعد نظام إجتماعى جديد..
أما عن موضوع البوست.. أنصح أى واحد ما يمشى النهود ويقول ليهم غيروا اسم المدينة.. أول خمسة انفار ح يكتفوه ويودوه كدباس.. لكن يا اخى هذا تراث
وثقافة ذلك الزمن كانت فيها البراءة والطهر والعفاف والصدق فى التعبير.. كان وردى يغنى.. الليلة العجب فيها صدرها قيافة ونهيداتها برتكان يافا!! والكل كان يرفع الصلاة معاه :)
والبرتكان نهدك مدردم.. حتى المداح.. حاج الماحى وبعده اولاده مدحوا حليمة "ارضعته يا نعم ها الشطور"
أنا أقول بدل نغير التراث نحارب أمراض الحضارة والعقد النفسية التى اصابتنا بها. ونعود الى صفاء ونقاء الماضى. ونحارب الهوس الدينى الذى تسبب فى كل هذه التشوهات.

∆سلام راعي الدار و نزلائه الكرام البررة،
∆ كويس إنك ركزت على أرض محنتنا الما ىنريد غيرا،
لأنو أمات «المحن» جايات من حدانا، ناس حشرو عباس
( بشاغلتي بيها عمو جقود ولاني عارفا وين) ، لكن ظنيتا
جنب كمل نومك فوق ترعة البعاشيم، ريفي ود المنسي؛
¶ و شايفك برضو جبتو كجنة و فطيت كدسة و حشرات
و«الدبيبة» عبدالله و كلهن تبع محلية المعيلق.
∆ ناس فداسي و الكسمبر ديل أسامي نوببة و لا تعلل.
∆ أبعاج أخوي مرة زارتا جيهة تمبول حشدنالو عروبنا في
بطون البطانة من ريرة و الصفية و لا عن ضفاق اللبايتور
وهو بيقرا في أسامي حلالتا( يكطعن الوضو) .. و نشكر
كذلك أهالي كضيبات و كريعات وجعيبات ، و لامن جاء
في الفتسديسة قراها حاجة نازلة لتحت شوية، ففي
عمنا منتكى فوق عكازو هنووك قاللو:لا فوق شوية
ٱ سيدي الريس لا فوق « يعني ختيت الدرب»