Post: #1 Title: أول أغنية ســـودانية أسمعها لايف عام 1962م وجدتها مسجلة. رحم الله الفنان محمد احمد عوض Author: Abureesh Date: 08-23-2022, 01:39 PM
;شكرا لكل من رفعهــا على اليوتيــوب.. فقد أثار الذكريات من العهد الجميل. ورحم الله الفنان العظيم محمد احمد عوض.. بالله قارنوا صوته بأصوات الكركبـة والصفيـح الحاصل دا.
Post: #2 Title: Re: أول أغنية ســـودانية أسمعها لايف عام 1962م � Author: Osman Musa Date: 08-23-2022, 02:40 PM Parent: #1
الأخ ابوالريش سلامات بتخيل حسب عمرك مفروض الأغنية تكون سمعتها قبل 1962. وبتخيل انك زول نديدنا . يعني ممكن تكون بتستمع للأغاني من سنة 1959. وربك يبارك في ايامك.
Post: #3 Title: Re: أول أغنية ســـودانية أسمعها لايف عام 1962م � Author: Abureesh Date: 08-23-2022, 05:13 PM Parent: #2
Quote: بتخيل حسب عمرك مفروض الأغنية تكون سمعتها قبل 1962. وبتخيل انك زول نديدنا . يعني ممكن تكون بتستمع للأغاني من سنة 1959.
هلا عثمان، وزى ما قلت فى العنوان دى كانت لايف وليست سماع رادى.. بالنسبة للعمر كيف العمل مع شهادات التسنين.. أتذكر حتى اليوم لما شيخ ادريس .. مدرس العربى فى المدرسـة الأولية كان اول ما يجى يقبل الى السبورة ويكتب: التأريخ......هجرية الموافق ...... 1959م لا أذكر الشهر واليوم.. دا إما كان فى نهاية سنة أولى أو بداية سنة تانية. الأغنية سمعتها مباشرة لما الفنان محمد أحمد عوض قدم الينا فى قرورة الأوليـة وغناها.. وبرضو أول مرة اشاهد المسجل ال REEL طارة كبيرة ولما ينتهى كانوا يعيدون الشريط فنستمع للإغنية من المسجل مندهشين.. حكومة السودان كانت تبعث الينا فى هذه القرية النائية بالسينما المتجولة فنشاهد الأفلام، والفنان محمد احمد عوض تدفع لرحلاته الحكومة، وذلك لربط الشعوب السودانية مع بعضها.. شفت كيف.. حكومة اليوم تشعل الفتن وتدمر ما بناه الأجداد .. مدرستنا شاركت فى ثورة أكتوبر لما سمعنا بالمظاهرات فى الخرطوم.. خرجت المدرسة كلها وعملنا مظاهرة فى السوق وكنا نجدع الدكاكين بالحجارة.. تدفقت أكتر من صفيحـة زيت.. طبعا جهال لكن البركة فى المشاركة حصلت. المرحوم محمد احمد عوض برضو غنى جوبا مالك على .. قرورة شالت عينيا.
Post: #4 Title: Re: أول أغنية ســـودانية أسمعها لايف عام 1962م � Author: Hani Arabi Mohamed Date: 08-23-2022, 05:31 PM Parent: #3